麺屋武蔵 (已結業)

本人非常之喜歡拉麵，近呢兩年出現了很多牌子不同旗號的拉麵店，我都有逐一品嚐，目前呢一家算有點驚喜。o係香港，拉麵都被標籤為“重味精”所以“重口味”，我由幾十蚊碗食到九十幾蚊碗都好啦~~點食都覺得自己食緊公仔麵同味精，食到有少少心灰意冷，倒不如食公仔麵算!!咁o岩今日出Job做野，難得去到Apm，這個十世都唔來一次既地方，來到才發現變o左好多，都唔係以前去過幫襯過的食肆!!無奈3點3先可以食Lunch，揀來揀去，拉麵應該穩穩陣陣，而且又唔駛等位，即管一試啦!!我本人都好鍾意食蒜味既野......一打開menu見到有黑蒜油拉面，我當然唔會放過啦!!於是叫o左個黑武骨豚角拉麵。等得唔算耐既....8-10分鐘左右啦~~~ o個碗麵一上"木台"，我就聞到黑蒜味好香，香味隨著蒸氣飄上來，未食麵之前當然要先試湯底，湯底濃厚，而且質地係有少少"Lim"，即係唔會好稀，但又唔似係公仔麵的味精，不妨飲多幾啖。麵條本身比平時食的略粗，咬落去唔似公仔麵咁"林"，仲要索哂湯味，正!!!戲肉係"豚角"(即係舊肉)，都幾厚吓，肥瘦比例適中，睇到舊肉肥瘦相間，有層次的，好滑，當然，舊肉都真係好重口味吓~~~即係食到

中午時段有好多人，十二點多已經需要等位地方尚算舒服，值得一提是當天侍應觀察力很好，水一喝完馬上過來為我添 朋友點了白武骨，而我則被黑武骨所吸引，想起那蒜油香味都已經垂涎欲滴 黑漆漆的湯底，蒜油香濃，加上長白蔥，引人入勝 可惜過於油膩，愛瘦之人恐怕與此無緣，而且喝下層次難分，稍欠深度麵質偏硬，正合小弟口味，沾上濃郁湯汁，甚是滿足叉燒非常鬆化溏心蛋被湯汁染黑，因而美中不足，加上有點兒過熟，失卻吸引力另外也叫了武藏炸雞芥末汁加上炸雞，輕微的辣稍稍將炸雞的油膩感消除，豈可不愛 餐廳位處大商場，價錢還可，只是同一價錢在其他地區有更好的選擇，整體不錯

行開amp見開左新野~ 去試下~ 時間尚早around 6:45pm 無咩人不用等~食物款式不多，同其他拉麵館差不多，地方不太迫. 點左個黑武骨豚肉拉麵x2+餃子拉麵的湯底大概是黑蒜油之類的東東，賣相不太吸引，如果味道好的話也不打緊！但....事實是這個湯底比預期中差! 即時想起一丁的黑蒜油拉麵~ 一丁仲要好好多... 餃子一碟5隻, 比較細少. 皮薄涵少, 食完好似無食... 沒有驚喜, 因為連ok都未到...

之前同家人食過麵屋，覺得佢d質素都唔錯。 今次食我最喜愛的沾汁麵，叫左個“白武骨叉燒沾汁麵”，叉燒好大片，佔左成隻碟嘅1/3，咬落鬆化，肉質腍嫩。沾汁麵條比一般拉麵粗身，好容易掛湯汁，麵身都有蛋香味，不過麵質偏硬，本人較愛吃腍少少嘅拉麵，湯底有香濃嘅豬骨味，最後我加左清湯將成碗湯飲曬。 另加一款特別小食“明太子青椒燒”，將明太子釀入青椒中，帶少少微辣同爽口，其他店舖少有食得到。 雖然排左成個鐘頭, 不過食到我嘅至愛都值得!!!

同好友相約到apm食飯, 睇戲前去左麵屋武藏醫肚.點了個餃子, 皮薄餡靚, 煎得幾香脆. 三款湯底我選擇了赤武骨, 個人認為辣度適中, 可以刺激味蕾. 叉燒夠大塊同都幾淋, 溏心蛋蛋味夠香. 麵質彈牙有咬口友人點了白武骨豚角拉麵, 豚角肥瘦均勻, 正合我友人心意, 佢最後連湯都喝光了!!

是咁的, 年初時這家麵屋武藏開業不久, 好奇下走去試了, 怎知覺得質素很不濟.不過之後有時周圍在網上瀏覽其他食客的食評,有不少人仍寫到這家的拉面非常好吃, 甚至是吹捧到NO.1, 天上有地下無.雖然, 不知道哪些是真是假, 是打手還是死硬忠心派, 反正今天再來一次証實一下.上次是下午去, 今次是晚上來. 平日的晚上果然比假日人少一點,但仍是要排除等位. 不過我又是一個人來, 所以企了一會便有BAR枱坐.果然, 孤獨單拖吃飯的話, 仍是有好處的.上次試了白武骨叉燒拉面, 今次試試他們新出的沾面.白武骨叉燒沾面 (HKD$75)沾面份量都幾多. 先把面條放在面汁裡, 馬上再夾起來吃. 面條粗身不算很曲, 但這次沒放湯, 感覺比上次吃到的更煙韌彈牙. 放進面汁裡也很吸湯, 面條算是不錯.而面汁吃起來是比較咸, 質感比湯面的更濃稠漿口一點. 感覺這面汁比上次吃到稀稀的湯底好一點. 但仍是不太能嘗到豚骨應有的鮮味及豐腴的油脂, 味道較單一沒層次.叉燒仍是有一大片, 比起上次吃到的乾瘦叉, 這次的叉燒油脂多了一點, 肉質未算十分柔軟, 帶點鞋口. 不過整體仍比上次有丁點的進步.配料亦有半隻蛋, 呈

晚市一直常常經過, 可是因為很多人在排隊而沒有試過的餐廳終於找到個平日下午到這裡一試。種類選擇不算多, 最後揀了黑武骨豚角煮來試半隻蛋夠溏心也夠蛋香, 麵夠咬口彈牙,問題在於湯底上, 色澤看似濃厚入口卻沒有想像日那麼香濃, 蒜香更發揮不到出來而且十分肥膩的感覺, 喝了幾口已經放棄了。如果要晚市般排好一陣子才可以吃到的話, 不會再來試了

成日黎apm 食飯, 都未諗過入黎呢間野食, 原因係佢個價都幾貴, 但上個禮拜同表姐過黎, 佢話好多人都讚好味, 甘就即管試下啦!我叫左個黑武骨叉燒拉麵, 個蒜味真係好濃好香, 好特別! 不過就油左少少甘, 個糖心蛋好滑! 我表姐就叫左個赤武骨豚肉片, 個辣油好香, 但唔係太辣, 豬骨味都好濃!整體黎講呢間野係好味嘅, 係價錢就貴左d, 下次多d人黎食就可以叫多幾款小食! 值得一讚係佢d服務, 都幾貼心, 坐得好舒服!!!

尋晚難得一次同fd行apm竟然發現係日本好出名既麺屋武蔵係hk有分店，因為之前去東京旅行果時陣d書介紹同親自食過，於是二話不說拉左友人去一齊食，一開始心情係興奮但食左先叫失望...根本無得同日本果間比一入去d侍應一坐底就問茶水，簡左茶，有濃郁味道。但因為坐係bar台，冇野放袋袋係一個麻煩問題，但仲未影響我個心情真正影響我心情係廚房啲"廚師"，個個都係非仔樣，開口埋口粗口，好心你啦整得open kitchen同bar台就咪搵d兇神惡殺，似黑社會多個廚師既人企係度趕客咩。見到廚房係班甘既人都知所整既野不妙。到碗麵黎啦，我同fd叫左一黑一紅既麵，先講湯底，黑色果個真係好重蒜味，幾好味，但係我個fd果碗紅色辣既湯底就好吾掂囉，點餐果陣問個侍應話加左辣油，但食到成口粉，到底係咪扼人？再講麵質，麵質是不錯但痴埋一舊舊= =啲豚肉片同隻蛋就冇乜特別同驚喜而且連一個日本師傅都冇，成班廚房久吾久就大大聲聲叫句日文，嚇死人咩，仲要扮咩？講完之後聽到個個都係講廣東話= =相比上次去東京食果間真係差好遠，人地廚房個個都成熟穩重樣，如果你話暑假請既係p.t就話者，如果係長工就x_x雖然以貌取人係吾岩，加上開口埋

已經第4,5次黎麵屋武藏，每次黎都必定會食黑武骨叉燒沾汁麵。今次都唔例外，除左沾汁麵，仲試左佢地新出嘅小食激辛手羽同極上野菜沙律。黑武骨湯底勁濃豬骨同蒜香味道，而沾汁麵好彈牙爽口，半熟溏心蛋係我嘅至愛，我仲追加多半隻溏心蛋tim!! 睇個名以為係好辣嘅雞翼，點知食落又唔係太辣。 材料好豐富，有士多啤梨，粟米片，南瓜片，年藕片同沙律菜，脆卜卜好好味!

俾個shopping魔女打電話來誘惑我, 於是放工後就近近地去了apm食飯行街, 好野, 今餐由shopping魔女請客唔算好餓, 於是大家都放棄食飯, 去左經過了n次都未真正入去食過的麵屋武藏食麵~之前都有睇過呢間麵屋的食評, 大部份人都話黑武骨沾汁麵好食, 所以我今次就試左呢個先!!黑武骨個湯有好香的香蔥味架, 不過可能太濃香蔥味, 所以唔太覺有豬骨味喎, 而個沾汁麵上有一片大大塊的叉燒, 賣相真係幾吸引呀!!食落口塊叉燒真係好鬆化, 正!!我同shopping魔女仲叫多兩個小食, 一個炸雞一個比目魚, 味道都不錯, 不過主角始終都係拉麵 個人推介黑武骨沾汁麵+比目魚, 會再食~

平日去APM...必定見到呢間野超多人等我都好想知佢係唔係真係咁好食...於是就一於平日一早黎試下~好好彩.....6:30都仲未洗等位....叫左2個麵同兩個小食先講個冷麵...本人唔食得辣...問侍應可唔可以轉麻醬...但係唔得.....算啦....但上到黎係勁辣囉.....我食唔到...D雞肉又無味......黑武骨拉麵嘩...呢個真係好香....不過....唔知點解好油同無咩味....最出奇係....D麵煮到一舊舊的~!!!!完全唔可以接受....小食叫左餃子同魚餃子....非常普通.....個魚就幾好......總括...要食拉麵唔會再去呢間....差~!如果要等位更加唔會去...反正要等...我去佐敦等食正既拉麵唔好???

一入門，成班仕應同廚師大喊左一句擬似日文黎歡迎我。一坐低，仕應姐姐問我要茶定水，我話要水，黎嘅竟然係茶。杯茶淡如水,完全無味，可見誠意有限，心知𣎴妙。叫咗個黑武骨豚角煮拉麵，肥油飄飄，麪有苦澀味。真系唔知如果我帶日本朋友黎食會得到咩評價！我坐吧台，廚師哥哥大大聲，係客人面前鬧D仕應出菜慢，浸到D麪淋晒，但係又唔重做，照出可也。佢嘅坦誠及高效率，確係值得一讚! 香港人，加油呀!

同個fd行行下街肚餓之際，見到呢間嘢排好長嘎人龍，而且又未試過，咪諗住試下羅。拎完籌兜個圈返黎岩岩好輪到我地。入到去嘎環境，就是普普通通..冇乜好形容。而菜單上亦都系得果幾樣嘢,,冇乜好選擇!最後勉為其難嘎揀佐溏心雞肉沾麵~拎到上黎``個賣相就唔系特別吸引。雖然有配上檸檬吊味，但系成個面嘎感覺都系極淡~跟住諗住淋上佢配嘎辣汁會好味啲喇，點知個汁又辣得過分。真系唔知點食好@@’而且麵嘎本身又唔彈牙，完全唔系會系一間中上級餐廳食到嘎嘢-口-總而言之，對於呢碗麵，我只能用’唔好味’三個字黎形容！

這天約了朋友在觀塘APM等，不想吃太多所以我們都想到去吃日式烏冬拉麵，但已經吃過幾次甘味讚岐手打烏冬，因此決定試試這間許多人等位的麺屋武蔵。始終近年的拉麵風吹得太厲害，多了人吃拉麵。不過在繁忙時間等了15分鐘左右就入坐了，算是有效率。吃拉麵就不會預期坐得十分舒服，但想不到現場情況真的很糟糕，我們和鄰座的距離只有大約20吋左右，走進去裡面的座位要小心一點才可以。(不過我又好像看到裡面有較寬敞的4人座位，不太確定。) 好了終於要點菜，除了正常Menu 外桌面上還有一個stand介紹一些推介的食品，絕對能協助有選擇困難症的人士去收窄範圍！最後我和友人分別選了黑武骨豚肉拉麵及神山沾汁麵。黑武骨豚肉拉麵的湯底應該是有黑蒜油之類的東西，所以賣相不算十分吸引，但心想如果味道好的話賣相差點也不打緊吧！但事實是這個湯底並沒有預期中的令人心花怒放，反而令人即時想起出前一丁的黑蒜油拉麵可能味道會更佳。而麵條也就像一般我們可從超級市場買到的雪藏拉麵一樣，較為粗身而且呈方條狀，就是味千拉麵會吃到的那種。吃到這裡，我只希望盡快吃完這個拉麵，完成任務。不過友人點的神山沾汁麵似乎有驚喜。雖然麵條都是一樣，不過沾的是一