麵麵 (已結業)

由於玩夜咗，諗住是但食啲嘢就算，揾到呢間，九點先去到，已經有啲奇怪點解呢個鐘數仲坐滿人，亦都有人遲過我哋都去食，食完就知點解了！因為真係幾好食我初時都俾個餐廳名呃咗，以為只係食普通麵麵，原來無咁簡單以自家製魚湯做主題，仲要一入去就先比客人飲兩杯仔試試味先，好有賣點。雖然知道就嚟到last order時間，但太多想食，好難揀，我同朋友都睇咗好耐太夜唔想食太多肉類，但又幾肚餓，我就要咗個極上蟹匠拌魚烏冬，朋友就要咗個城寨回憶濃魚湯魚烏冬。份量適中，見到咁多蟹肉同蟹子蟹膏好開心三款前菜都好有特色，左邊有啲柚子蜜甜酸味；中間嘅子彈蕃薯好甜；右邊嘅沙律海苔好惹味蟹肉十足！蟹膏有啲咸，但有種入口即化嘅感覺。個烏冬麵偏幼，滑滑der～同蟹一齊食好match，仲好過夾意大利粉，啲汁唔膩！朋友個個呢，我以為好普通，就咁睇個樣似自己都煮到個種，佢俾我試咗啖湯同丸，就發現鮮味到不得了！哇⋯⋯果然係用咗9個鐘熬出嚟！早知我又叫呢個XDD湯底冇得輸。佢就覺得唔夠多湯我哋仲叫咗個餃子一齊些牙唔係一般嘅肉餃，係魚皮餃，配搭柚子汁，皮薄餡靚架套餐仲有熱飲，襯埋色嘅杯好靚冇諗過隨便食都食到間好餐廳我都想要佢個魚湯秘方呀

今日返完學之後好肚餓就上咗OpenRice睇有咩食之後就同男朋友去左MK 食LUNCH咁就叫左2個SET LUNCH, 之後原來加小食有7折~所以就叫多左個小食我地就叫左個雞扒烏冬同麻辣撈烏冬聽講佢個烏冬係好出名自家食, 同出面個D好唔同 好彈芽之後雞扒又大大塊仲要叫左個牛油果魚皮加芝士薯條牛油果魚皮仲要又熱又脆芝士薯條係熱辣辣的整體黎講真係唔錯, 幾好食LUNCH 黎講都算平🥰叫左咁多野, 仲有DISCOUNT🥳

今日去了旺角朋友帶我去食特別野😝新派的裝修，明亮的光線！整潔清爽！原來是食魚麵和魚烏冬魚麵含70%魚肉魚烏冬含50%魚肉一坐下會給魚湯我們飲我們點了西班牙煙燻黑毛豬濃魚湯魚麵豬肉有小小似臘肉，但好淋好滑一點都不油利個魚麵好特別，有點似麵形的魚蛋！爽爽彈牙！極尚魚宴料理內面有好多款不同魚肉做的食物有魚蛋，魚肉圈......小食拼盤🤩有炸薯條，炸蕃薯，炸雞翼，炸魚肉圈！個松露醬好香總結味道不錯！都是第一次食魚麵好特別！會再來食！👍🏻

今日去咗呢間主打魚麵嘅餐廳去到餐廳先俾兩小杯魚湯俾我地暖肚湯水幾熱而且好有濃郁魚香 可以暖一暖胃食物方面嗌咗四川麻辣燒牛肉拌魚烏冬烏冬帶有少少魚味 口感爽彈 有啲似米線 但較為彈牙同有魚味 配上濃厚魚湯 喜歡食魚嘅值得試試味道方面係四川川式味 微辣 但唔會太辣 另外 嗌咗麵麵圍城呢個好有日本風 烏冬除咗可以濕食(配魚湯)外 仲可以拌食(配芝麻沙律醬)餸有9款 大部份都係酸酸甜甜 我鍾意牛肋條有濃濃蕃茄酸甜味車厘茄 秋葵經過醃制 亦好好食炸蝦 蟹子釀雞翼亦好脆口小食我地嗌咗漁人樂脆我同另一半都非常欣賞呢個小食佢有4款 (薯條蕃薯條魚條同墨魚條)新鮮炸起熱辣辣 配上黑松露醬 忍唔住一條駁一條咁食飲品方面係朱古力同水果茶兩款都唔會太甜 健康人士都唔怕

今次嚟咗呢間專係魚手打烏冬嘅餐廳。呢度嘅環境都唔錯裝修好別緻。而呢間餐廳出名之處係佢啲烏冬係魚肉整嘅。經過一番考慮之後，於是主食就叫咗一個燒安格斯伴魚烏冬同一個西班牙煙熏黑毛豬濃魚湯魚烏冬。我好鍾意佢個噱頭手打魚烏冬，因為好新穎，個口感好彈牙，質感就好似每啖都食緊魚肉咁樣。而兩個主食我比較鍾意黑毛豬多過安格斯，黑毛豬肉質比較有肉質多汁，而且味道不錯，反而安格斯比較乾身，可以加小小肉汁。如果鍾意食豬嘅你可以試吓呢個黑毛豬。小食有避風塘雞翼沙律，呢個雞翼都比較香口，而且炸得好鬆脆。而飲品方面叫咗杯桂圓杞子小菊花茶同埋薄荷朱古力咖啡。兩杯嘅味道都適中，唔會太甜亦都唔會太苦。總括而言: 呢度環境舒適，適合傾計，份量都啱啱好，店員都好Nice，會周不時留意我地，問我地需唔需要加水。

過咗聖誕一排，又開始出街搵食，上網見到呢間餐廳好似幾健康，就一於嚟試下！一般餐廳嚟到會畀杯水或茶你先，但呢度好特別，係畀個魚湯你飲。味道好濃郁呀！我點咗個西班牙煙燻黑毛豬濃魚湯魚烏冬。。個名好長呀！ 每個餐都配特式前菜小食，嘢飲跟餐有優惠。黑毛豬味道偏淡，感覺健康，另外配咗個辣醬來調味。但就覺得切得厚咗少少，所以咬落去有啲煙韌。朋友點咗個麵麵圍城，跟魚麵。呢個餐除咗跟魚湯，仲有個麻醬可以撈麵食。九格小食每隔少少，但成個餐食曬都好飽。每格小食味道出色，各有特色。其實我哋特登一個要魚烏冬一個要魚麵試下個分別。相入面左邊係魚烏冬，右邊係魚麵。魚烏冬煙韌滑口，魚麵爽滑彈牙，魚麵佔魚肉嘅成份較多。另外點咗個小食就係新出嘅黑松露忌廉戒指魚皮雲吞，我開頭以為係魚皮餃嚟嘅添！黑松露味道唔算濃，亦都覺得真係食緊魚皮餃咁😂。餐飲點左凍水果紅茶同愛爾蘭忌廉咖啡，每杯都係補返1x-2x，好抵！

我一向都鐘意食麵，所以見到呢間麵麵梗係入去試試啦，門口寫獨家自製魚烏冬呢句已經夠我入去試啦，因為我鐘意食魚麵但未食過魚烏冬。裝修雅緻，樓低高空間感夠，坐得幾舒服。我當然急不及待叫個烏冬。一坐底店員奉上兩杯佢地特製9小時嘅花膠濃魚湯。好飲又唔腥，如果想淨飲加20蚊有一碗湯。叫左個魚之戀濃魚湯魚烏冬，佢地嘅自創魚烏冬係極底澱粉又有維他命A及D, 魚湯濃香清潤，真係一試難忘。西班牙煙薰黑毛豬濃魚湯魚麵，魚麵比烏冬爽口彈牙，配香口野味嘅黑毛豬好夾。叫多個小食拼盤，有魚脆，雞翼，蕃薯條及薯條，大滿足的一晚。

幾乎之前都聽過朋友講魚烏冬好食, 所以就同要求多多多的細佬試下~魚烏冬/魚麵同魚湯都係舖頭的賣點~我要左"秘制脆炸雞扒(魚烏冬)", 細佬要"魚之戀(魚烏冬)"; 另外再叫左兩個小食: 魚之脆卷, 流心芝士墨魚波因為之前朋友講過如果嗌花茶, staff 會無限添飲; 所以又叫左玫瑰花茶飲我覺得"秘制脆炸雞扒(魚烏冬)"無咩特別,  就係雞扒炸得脆; "魚之戀(魚烏冬)"裡面有就好多配料: 魚皮餃, 魚蛋, 魚片頭, 魚腐, 魚肉春卷.墨魚春卷; 我覺得最令我 surprise係辣醬, 真心食得出自家製, 唔係好辣; 成餐最吸引我的係"流心芝士墨魚波"; 芝士爆醬, 墨魚波實的的,係真材實料!!仲有, 玫瑰花茶真係會有人無限加水~大部份職員態度都幾好, 只有一個係黑口黑面姐~ 

那天想和朋友吃一個健康一點的晚餐就找到了這間吃魚烏冬的了~~🐟🍜裝修簡約，空間尚可，不會太擠迫~~每枱都設有一邊沙發座位，坐得都頗舒服~~配上少許星星掛燈，像滿天星般，氣氛不錯啊🎈麵食選擇多元化，除了有不同配菜麵款更可魚烏冬或魚麵~~兩款麵都包含魚肉，魚烏冬有50%魚肉，魚麵則有70%~🐟🐟🐟澱粉質較少，感覺上會吃得更健康更纖瘦~~😌餐前飲品 (魚湯) 只要一坐下，還未點餐時侍應生就會放下一小杯魚湯~~🐟🐟🐟熬煮成奶白色的湯，鮮甜~~暖暖的，為開餐做好準備~~🙋‍♀️前菜小食 (跟餐奉送) 有咸咸的腌白蘿蔔、芝麻醬昆布、小蕃薯~值得一提的是小蕃薯~~🥔🥔🥔軟軟、甜甜又綿綿~~極好吃~~~😍燒安格斯牛肉拌魚烏冬 ($102)燒安格斯牛肉份量不少~~🐮🐮🐮燒得剛剛好，不乾有肉汁，肉質也頗軟淋~~而魚烏冬口感彈牙，用芝麻醬拌勻來吃配上少許辣泡菜蘿蔔，很開胃的一道麵食~~😌Twins魚之脆卷濃魚湯魚烏冬 ($72)魚烏冬用來放湯，更能吃出魚肉麵本身的味道~魚湯很濃郁，都熬煮成米白色，很鮮甜🐟會忍不住把湯喝光光~~🤣🤣🤣而Twins魚脆卷則共有4條: 2條墨魚 + 2條魚肉都是用腐皮卷起魚肉來炸，

今日收工被帶到呢間新奇既餐廳🍽開頭以為係食粥粉麵飯既點知原來係食魚湯魚面🐟非常有趣呀真係！一入黎就會見三呢到好花花草草🌸☘️🌾裡面環境很新，很美🌿🌸好少女心的一間餐廳🌸🎄冬日聖誕晚餐$1️⃣5️⃣8️⃣🔴三文魚子拼香脆魚皮三文魚子加魚皮真係好Match魚皮脆卜卜 魚子凍凍地兩樣野加埋一次 口感好多層次大推呢道菜❤️🔴香煎西冷牛排配薯條牛排不過不失，因為冇問幾成熟咁牛排就煮得比較老身少少既🔴斑蘭咖啡☕️佢地會係咖啡裡面放塊斑蘭葉飲起上黎甜甜地 好特別會有斑蘭葉味🔴拿鐵☕️拿鐵不過不失，不要期待是咖啡店的水準就是了不過值得一讚的是杯子顏色都好美麵麵圍城$1️⃣0️⃣8️⃣麵麵圍城是包括了九款小菜+魚麵+魚湯🐟-蕃茄-酸酸甜甜🍅-秋葵 加左芝麻醬 口感特別 本來唔太食既我都試下先-玉子 加左啲醬 甜甜地好味🥚-醉蝦 冇酒味既蝦，殼都剝🦐🦐其他都唔錯幾好食一餐飯原來可以食到咁多口味🐟魚麵魚麵好彈牙，加埋魚湯真係好味重點係唔會腥湯好鮮甜，真材實料呀🤤P.S. 呢間有驚喜，一坐低就比我地試飲個花膠魚湯，另外會有加一服務費。

今晚諗唔到食咩所以就去多次呢間食魚麵，冇咁肥又好味! 估唔到仲有聖誕餐添!首先係西班牙煙燻黑毛豬魚麵，黑毛豬有少少似台灣腸但更加濃豬味同埋冇咁油，魚麵份量多而且口感彈牙好特別，最重要係冇一般既麵咁肥，所以減緊肥既食呢個麵都唔怕!配埋前菜同飲品，質素真心幾好!聖誕餐方面我地揀咗魚籽配魚皮，好特別同埋都估唔到魚籽既酸甜同埋魚皮一齊食會咁夾，重點係魚子夠新鮮，仲食到好少少海水味，配埋脆卜卜既魚皮好有新鮮感! 主菜係西冷牛扒配薯條，揀咗7成熟，火喉控制得好好，唔會熟哂都仲有少少粉紅色，肉質好淋一D都唔韌，而且又冇乜筋，唔會痴牙! 薯條份量都好多同埋即炸，夠脆同埋熱!最後叫咗荔枝沙冰同埋玫瑰花茶。沙冰有啖啖荔味味而且仲有一粒新鮮荔技肉，唔會好甜而且好開胃! 玫瑰花茶用個茶壺裝，飲完侍應仲會主動幫我加水!

一坐低就有兩杯魚湯shot 😁 開頭以為係sake，但原來係魚湯，味道鹹鹹的，有魚的鮮味，令人十分期待主角: 魚湯烏冬😋魚之戀濃魚湯魚烏冬，淨係個名都有三個魚😆名副其實嘅魚湯烏冬專家，由烏冬、配料同湯都係魚😍魚烏冬的確係特別，小小彈牙，口感彈牙，有魚鮮味，魚湯唔係太重魚味，可加上店舖特製嘅xo醬超夾，令到魚烏冬味道昇華，好想每條烏冬細心品嚐😋😋 除咗魚烏冬之外有魚片頭、魚蛋、腐皮卷、炸魚片、魚皮餃等等有三款日式配菜，酸蘿蔔、小紅薯及海帶沙律點左一份聖誕套餐，有頭盤、主菜、飲品頭盤揀咗三文魚籽拼香脆魚皮，繼續都係同魚有關😂魚皮好脆，可以將佢搣開一塊塊，再擺啲三文魚子上去，三文魚子嘅鮮味充滿口腔，同時炸魚皮又帶黎香脆可口嘅口感主菜叫左飛魚子龍利卷，煎得好靚，睇得出廚師的用心。魚肉好厚，熟得剛好，咬落去軟軟的，帶點鮮味又有汁，配上蕃茄汁更開胃。綠色的魚烏冬其實係意式香草汁黎既，聞到好香嘅香草味，令到整個感覺好清新。呢杯Som-gria相信係取自Somersby + sangria，有水果同糖漿做底，比客人自己倒落個杯度，好大杯，味道很好，抵飲！

今日同老公去咗旺角麵麵食嘢初時以為佢係一間好簡陋嘅食肆， 上到去都幾舒服我哋坐咗個卡位 我們 叫咗兩個餐一個就係聖誕晚餐另外一個就係麵麵嘅主打麵餐，我就好貪心叫了一個香煎西冷牛扒, 老公即叫了一個西班牙煙燻黑毛豬濃魚湯烏冬。上到嚟一開始店主就畀了兩杯濃湯我哋飲，非常之鮮甜可口跟住就嚟咗個前菜， 水牛芝士配蕃茄香草醬， 非常之可口清新， 牛肉熟度啱啱好， 肉質鮮甜， 好有酒店水準！麵麵真係本店的推廣， 去親都一定要試麵，麵非常之鲜甜，每條麵都含有好濃好濃的魚湯及魚肉， 這個黑毛豬老公根本不問我自己把他吃了！最後嚟咗杯花茶真的是整晚的高潮， 一個舒適的環境一個豐富的晚餐頓時覺得整晚充滿歡欣， 最後我仲買咗他自製魚烏冬！ 真的好好味！

朋友知我好鍾意食烏冬，佢今日就帶我黎食不一樣的烏冬呢間以魚麵同魚烏冬做賣點既餐廳係正旺角，收工就一於去試下到底有幾特別🙈-魚湯係由鮮魚同花膠蓉經9小時熬製而成😱睇完之後覺得一定要試下！-臨近聖誕，餐廳仲推出埋12月限定既聖誕套餐來點不一樣🤭-最後我地決左點一個聖誕餐同一個晚市餐-熱桂圓杞子小黃菊花茶，以茶壺盛載，有蠟燭係底燒住，唔怕放耐左變涼👍🏻-聖誕套餐嘅前菜：水牛芝士波配番茄香草醬-飛魚子龍利卷配意式香草蕃茄醬拌魚烏冬首先，未食過魚製既烏冬二黎，都真係未試過撈烏冬但唔係用芝麻醬😂😂就係呢個原因我點左呢個聖誕套餐西式既烹飪方法配上日式既烏冬，估唔到個香草醬既味道同魚烏冬又幾夾，清新得黎又有少少creamy龍利卷煎到外表金黃，好香口-晚市套餐我點左呢個極上魚宴料理當中包括有魚皮菜肉餃子、墨魚春卷、魚肉春卷、魚蛋同蝦魚湯配上魚味鮮味十足-魚麵係70%魚肉魚烏冬係50%魚肉，一向鍾意食烏冬既我今次反面鍾意食魚麵多d,爽彈既口感好過癮，特別👍🏻👍🏻👍🏻-今餐食新野，而且都岩口味，我會再來拜訪魚麵喔❤️❤️❤️

今日出旺角搵朋友食下午茶，朋友話帶我去一間好好味既面店食面，我都係第一次食呢間餐廳，所以好期待。餐廳裝潢十分文青感覺，很舒服。但我今次想主要講食物，食物的質素真係十分好，要比讚。我們點了好幾個下午茶餐，因為下午茶好抵食，而呢度最出名係個湯底，係花膠濃湯來架，真係女性的恩物啊。我們點了1. 白玉魚丸鴛鴦春卷花膠農魚湯稻庭烏冬。2. 魚皮餃子花膠濃湯稻庭烏冬，兩個都超級正，十分好味，份量也夠食啊。3. 墨魚脆脆多士配海棠薯容，呢個多士好像薯餅甘好香脆好好味。4. 明太子雞翼，裡面釀了明太子的雞翼，口感滿滿的。5. 戒指魚皮雲吞，一個特色招牌菜，這個魚皮雲吞也是好好口感。6. 香脆炸魚皮，這個像是獨家制的魚皮，超級脆超級好吃必點。我們還跟餐點了兩杯喝的，一杯熱泡沫玫瑰奶茶，上面有一朵食用玫瑰，味道也很香玫瑰花味。另一杯是熱朱古力咖啡，做的十分精緻和拉花也很美。這次的下午茶真的無介紹錯，特別食物都十分好吃，下次一定會再來。