麵館皇

營業中

休息中

今日又係星期四又到咗上日文堂既時候由於小妹超級鍾意食米線既關係我朋友都特登幫咗間米線黎食我好開心呢間米線係登龍街超近學校一出學校對面街就係我地兩個叫咗個沙鍋藥膳湯醉雞米線，一上台成鍋米線出晒煙真係即叫即整醉雞亦都好足料好重酒味碟底仲加咗青瓜浸住醉雞汁好入味兩個人食都係$65好抵 係銅鑼灣真係難得搵到平野

我開頭係畀店外面張貼紙吸引到 ,以為係有素食水餃配酸辣湯,所以我先坐入去!但係點知原來問一問店員,素食水餃已經冇再買喇令我好失望!算啦都入咗去喇,不如食下其他嘢啦!其實我覺得如果佢哋冇再賣既野就應該搵野貼住佢,唔好再畀人睇到啦!😭😭😭我諗如果係做上海嘢 ,酸辣湯一定係必須同埋主打嘅食物!所以一定好好味 !但係飲落又係有少少失望,雖然好大碗,但係可能大碗就係佢嘅致命傷開頭飲都仲ok飲飲嚇愈飲愈酸!而且嗰種酸似係唔係咁天然 ,有啲確喉! 但係辣味呢就冇咩, 雖然味道一般但係入面嘅配料都好充足:有豬肚 ,木耳呀,都幾好拗口嘅! 我哋兩個人飲完全飲唔曬 ,每人可以分到三至四碗, 我飲到第二碗已經收咗工!呢個上海拌麵 ,個面底其實又係冇咩味 ,只係得上面嘅少少花生醬係唔夠 。。青瓜都冇咩,冇咩汁,放落口都幾乾幾難入口至於鹵水豆腐同拍青瓜 味道都好普通 ,冇乜特別 所以就唔額外多講喇!

登龍街成條街麵係食，只要由時代廣場對面穿過小巷，就到喇。而家成條街愈開愈多日式拉面🍜店，唯一見到有間中式既湯面鋪，就係麵館王喇鋪面比較細，大家都係排排坐。Lunch time 時間好多人，見到唔小係附近番工既人都有黎食，可想而知間野係有幾好味同底食我都冇去錯，哈哈。叫左口水雞罐湯拉面同埋豬軟骨罐湯拉面🍜口水雞分開上，可揀走、大、中、小辣。我揀左小辣，不過好似唔多辣😂以為好辣下面仲有青瓜，好refreshing。豬軟骨令藥膳鍋湯略嫌咸左d, 不過中意濃味既人岩哂！- 餐廳會較焗，食埋藥膳會熱辣辣，建議著薄身衫- 食得辣既人口水雞可能唔夠勁，建議叫辣d當然叫左小辣再加辣都可以- 鍋熱，要小心唔好亂掂啊

係時代呢頭食野真心有點貴😢不過今日食呢間就覺得值既～見到有刀削麵食就被吸引了😍午市有套餐優惠，有多款選擇，有飯有麵食，大約$50-70左右。咁我今日叫左麻辣口水雞刀削麵$58+$3轉刀削麵，配埋豆漿。口水雞份量都幾多，多肉又夠淋，唔會得d骨。底下墊左d青瓜好爽甜😌個汁都好味，上面個d辣椒脆的，辣度適中香辣。刀削麵一來到仲出緊好大煙，店員有提示個盤熱，小心辣親手。有d椰菜同木耳絲伴菜咁，見佢個湯咁清咁，第一時間飲返啖先😌藥膳好清香又甜，唔似味精湯，好飲。我飲左半碗～刀削麵就一般啦，有部分有點淋，但不太影響味道，整體係幾ok既。

行完街響登龍街搵食，男朋友一心想食拉麵，但我嫌太油膩，想食清少少，佢唯有遷就我。行前幾步隨便就入左哩間麵館皇。店內只係一般米線舖果類型格局，打開餐牌原來佢主打藥膳見佢舖面口水雞圖片無所不在， 鐘意食雞嘅我二話不說就揀口水雞個醬汁濃味帶辣，十分惹味❗️ 完全啱我胃口，雖然個味唔屬於正宗四川果種麻辣味，但鐘意食雞嘅人必試男友點了鎮江骨， 肉質夠腍，汁也淆得不錯相比之下，主打藥膳其實藥材味都聞到，但湯底偏油膩，飲落唔夠濃；加上刀削麵煮太耐，已經唔夠彈，麵質淋晒粉粉地，略失色

今日同朋友野餐完，去咗銅鑼灣食嘢，因為太熱嘅關係，都搞到個人冇乜食慾，我哋就搵咗間藥膳湯米線食啦～我哋每人叫咗一碗藥膳湯拉麵/米線。「醉雞藥膳湯米線」個醉雞份量好多，可以兩個人share兩個餸食！個醉雞非常入味，幼滑嫩口，個人覺得酒味可以再濃啲，會更加好食，推介。「鎮江骨藥膳湯米線」，鎮江汁幾濃郁，肉質煮至軟腍，易咬開，推介。「豬軟骨藥膳湯拉麵」，豬軟骨入味，軟身。唯獨藥膳湯唔夠濃厚，比較清淡，無果陣香濃藥膳既氣味。價錢方面要＄65-68一碗，唔算好抵食，期望可以做得更好！

又到下午茶時段，聽同事講這間餐廳既藥膳系列係幾補身既，就去試下，就叫左個藥膳雞菠菜麵，配料痛麵都可以自己自由搭配，我就叫左自己平時好少食到既菠菜麵，雖然食唔出咩菠菜既味道，完全比個湯底掩蓋了，雞既份量比到勁足，我自己都食唔曬，其實麵都一樣多，所以其實都幾抵，但係因為雞無脫皮既原因，同藥膳湯一起煮，會令到個湯底偏油，搞到我用左好耐時間隔走d油走，下次最好叫他另外上雞，整體都唔錯，好值得試一試

行過見到佢地主打藥饍都咪話唔吸引啊 睇張餐牌勁多正既選擇!!!冷麵，雲吞 ，餃子乜都有啊吸引吸引！！！因為我同朋有都係俾藥饍吸引既所以我地諗都無諗就叫左藥饍湯底既黎試食下Hahaha 一上已經有陣陣既中藥材味道飄左過黎超級滋補又唔會好似中藥咁咁難飲而豬軟骨都炆得好入味同好淋身份量又夠多而另一個都好食！不過重點係我地最愛既都係個湯底！！！湯底！湯底！湯底啊！超級推薦啊必定要試架！淡淡既中藥味，補身既好選擇喔

呢2日天氣涼涼地, Lunch都想食番d熱野暖下胃~即刻諗到黎麵館皇食番碗熱辣辣既刀削麵~都黎過麵館皇好幾次, 雖然d呀姐都比較豪氣, lunch又會坐得迫, 不過冇法啦, 搵食艱難食過幾次, 都係最愛麻辣口水雞刀削麵~本身鍾意食闊d既麵, 加上鍾意刀削麵既口感煙韌，所以即使要加$3都要食~~可能人大左, 比較鍾意d健康野(自我感覺良好?!)見到湯底係藥饍已經覺得吸引, 再見到碗麵上枱果陣係出哂煙, 好滾咁, 冬天食一流呀!!!食落個湯底真係有藥材味, 一定要先飲一啖湯先得!!口水雞雖然唔係十分辣, 不過都足以食到會出少少汗, 同埋比左大大隻雞脾我~~雞脾肉都幾滑, 啖啖都係肉~正呀!!呢間值得一再encore~

去銅鑼灣行街，如果要搵食都會諗起登龍街。依家登龍街變到好似拉麵街咁，不過其實未變到拉麵街之前麵館皇已經存在，去過嘅朋友都知道有幾位霸氣姐姐會招呼大家每次都會食雞同刀削麵，個湯底有種淡淡的藥材味，個面係新鮮削出嚟。咁既價錢咁嘅食物質素性價比真高！

一入到去叫咗碗酸辣湯水餃刀削麵，飲豆漿。坐咗一陣，碗麵黎喇，一起手開始食，個阿姐問都唔問就突然拎走我碗麵叫我去對正門口另一張檯，話繁忙時間將就吓，有冇搞錯，果張檯係6人檯已經坐咗5個人，我坐緊3人檯咪又係要搭檯，有乜野分別呢？！我話唔轉喇繼續食麵，佢就拉開我隔離張凳，張凳上面有我個手袋，手袋裡面有部電腦，成部電腦就畀個阿姐掃咗落地，仲加咗一句「我真係睇唔到你有個袋喎」，請到呢啲員工，真係三生有幸！講返碗麵，真係難食到High High！酸辣湯正常應該係一半酸一半辣的嗎？呢碗極品只有酸沒有辣，而且疑似落錯份量，好似食緊一碗醋浸麵咁樣樣，酸到阿媽都唔認得。結果食咗2啖就走人，盛惠 $58。又講吓隔離搭檯2位食客，佢仲慘過我，叫牛腩冇牛腩，叫担担麵冇担担麵，叫炸醬麵都冇炸醬麵，阿姐話賣晒唔得閒整，想食牛呀食牛展啦，就咁就被食牛展，到叫野飲，人地都未講飲咩，阿姐又話飲豆漿啦就寫咗落單，全檯O晒咀，食客又被飲豆漿了。哭臉！哭臉！哭臉！

我黎過依間店食好多次了，真係要寫一寫佢。一開始係朋友介紹，係銅鑼灣一個人食飯的好地方。自此一試就愛上，並同朋友一齊去食，佢地都大讚架。口水雞藥饍湯麵口水雞份量比我想像中多，碗麵出來既時候熱辣辣，好多煙！好正！係我最愛既熱湯！仲有望下佢菜既份量都唔少架啱哂我出街食又想食菜既人。仲有，食完成碗麵之後，湯底仲係暖的，可想而知原本有幾熱最後配杯凍豆漿，perfect！一人晚餐又多左個好選擇，唔洗成日食米線了

食咗個藥膳罐湯拉麵, 味道幾好 略嫌藥膳味唔夠重, 不過勝在夠特別!我個friend食咗手麻辣撕雞飯, 佢個飯入面有冬菇同埋少量蝦米, 襯親得好好食另一個friend就點咗牛腩飯, 牛腩好林, 而且好入 味推介推介!!!價錢方面就唔包嘢飲不過就咁睇個面, 登龍街嚟講唔算太貴50幾60幾蚊左右唔好嘅就係間舖有啲細, 會有啲迫夾同埋要搭枱, 但卵自己唔太介意

叫左藥膳湯底拉麵加金菇肥牛，先讚後踩。湯底有濃藥味，上藥時湯仲係滾緊令人食慾大增。但湯底只見菜同雲耳，未見到有藥材。拉麵有咬口不錯，但肥牛令人完全失望，過熟到咬唔開，金菇一般無特別之處。整體不過不失，有中藥味但拉面同牛味道都略淡，可能加口水雞或其他濃味配菜或會更好。熱豆漿都偏淡，沒有很濃豆味。如果想食清淡或胃口不佳時可試一試，建議試除肥牛外的配菜。見到隔離口水雞勁吸引但可惜今日胃口不佳食唔到 可能下次試試

麻辣口水雞罐湯拉麵- 湯底甘甜帶鹹香，看到橙紅色的杞子，嚐到當歸、玉竹、沙蔘、龍眼乾的味道，用心配搭，味道淡雅，層次豐富，暖胃補氣，補而不燥- 配菜採用椰菜與木耳，煮得恰到好處，吃得到蔬菜的鮮味，中和拉麵帶來的飽腹感- 口水雞上鋪滿蒜粒、辣椒籽、豆豉，前兩者惹味香辣，後者散發鹹香，因經發酵之故，餘味溫和紮實，為醬料添上踏實感。還有一種不知名的香料夾雜其中，深啡色的香料被切成微粒，咬下去像麥提沙，沙沙的，滲出淡淡的乾草果甘甜味，醬汁的甘甜味，相信就是由此而來。最後，以少量浙醋與辣油作點緻，補上酸辣兩味，達至甜酸甘辣俱備，利害- 與湯麵分開奉上的口水雞，不冷不熱，屬常溫，單吃偏冷，混進湯中再夾起吃，則溫度剛好，不燙不冷。雞件皮肉各半，部分皮肉之間夾着啫喱狀的透明脂肪，半數嫰滑，半數偏嚡，雞味欠奉，但因醬汁太出色，也沒所謂了- 拉麵表面凹凸，掛湯但偏腍*用黑色瓦鍋奉上湯麵，上菜時湯仍在沸騰，水蒸氣裊裊向上升，香氣四溢，感覺窩心討好*店內有一對聯，反映出烹調者底氣紮實、自我要求嚴格：隨意一嚐 千遍練淺嚼一口 萬花功