麵屋神匠

營業中

休息中

今個星期繼續頻繁搵食，這次來到位於油麻地的拉麵店，店裏裝修格局很有日式風，店舖隱藏於彌敦道彎角處，幸好招牌都稍為耀目所以很容易便找上。。。《三人入座分別點上黑蒜蝦湯拉麵HK$88, 極上蟹白湯拉麵HK$128, 與及蝦汁拌麵HK$78.》（黑蒜蝦湯拉麵），偷呷一口黑蒜味道不算太強烈，但口味絕對適合大眾，薄薄的豚肉片肥瘦適中，這個價錢算是合理～另一個（蝦汁拌麵）由於天氣熱，覺得食拌麵應該是一個不錯的選擇，這一個我相信是整台之中排名第二，我喜歡輕輕火炙過的豚肉片，有很香的火炙感覺，吃在口中雖然豚肉已經冷卻，但這股火炙後味道實在提升了豚肉不少的滋味，拌麵下的蝦汁亦相當充足，令到每一條麵條都充斥着醬汁的香氣，好吃～☆☆☆☆至於全餐中的No.1莫過於便是較為貴的（極上蟹白湯拉麵），湯底非常之濃，而且滿滿蟹肉鮮甜味道，下次再訪我一定會獨佔一碗～☆☆☆☆(煎餃子)可以跟上作為套餐另加HK$10.對於餃子的評價我只是中平，以HK$10. 加上四隻餃子，還會要求什麼？整個用餐體驗自己非常滿意，雖然是小店一間，當日就只有兩名青年職員招呼，但都很禮貌週週，吃畢摸摸肚皮滿意的放下銀両離開。★此店有接受八達通收

今天天氣熱，午餐吃得簡簡單單便好。朋友提議去麵屋神匠試下。中午十二時左右去到人客十個左右，不用等位便入座。店座位不多，但坐得舒適。背境日本歌曲輕快，裝飾具日本氣，氣氛活潑有生氣，服務員有禮勤快。午市套餐免加一，由$68至$128，豐儉由人，基本套餐包主食配汽水，可升级追加配料小食等。我叫了個濃厚蝦湯拉麵($98)。濃厚蝦湯果然好味，入口香濃調味佳，令拉麵生色不少，拉麵麵質彈牙合我胃口。配料的荀，紫菜，葱和流心蛋都美味，那兩枚叉燒也出色，有肉味，肥瘦得宜。好味到我連湯也喝光，飲埋罐冰凍可樂更滿足。朋友叫了神匠蝦汁拌麵($78)。她讚拌麵清爽開胃合味道，拉麵軟硬適中口感佳。蝦汁濃香，拌麵恰到好處。配料她最欣賞叉燒和糖心蛋。她叫了一客炸日式餃子($10)和我分享，餃子趁熱食好味，皮薄餡靚，一口一個好暢快。兩個人$186，價錢合理，下次可試其他款式，例如沾麵。外賣自取全日8折。

麵屋地理位置非常方便係油麻地地鐵A出口幾分鐘就到平時成日經過今日有空來食食個下午茶餐 好欣賞室內環境落地大玻璃 好透光由街都可以望到入面佈滿 好多燈籠係 紅白藍顏色為主充滿日本風情食物選擇左#辛辣蝦湯拉麵兩大片薄叉燒 好嫩櫻花蝦係畫龍點睛除左加添口感仲令成個湯底變得更惹味香濃辛辣湯底剛剛好 唔會搶左配料嘅原味#神匠蝦汁拌麵沒有湯底 但醬汁同樣出色麵質偏硬 粗身建議先將所有配料撈均先食口感更好炸日式餃子 一客四件外脆內軟 餃子皮好薄肉汁香濃

今日黎到旺角附近行街😎，經過見呢間拉麵店主打龍蝦湯底嘅拉麵店好似幾吸引，就即刻試下啦🥳.濃厚蝦湯拉麵🍜 $98首先就當然要試下佢地嘅招牌濃厚蝦湯啦🤩，湯底果然蝦嘅味道非常濃郁，加左好多櫻花蝦令到蝦嘅味道更加出🔥.蝦汁拌麵 $78另外都叫左個拌面😝，雖然呢一個麵無湯，但係都食到好香嘅蝦味🤤，特別想讚下呢一個麵嘅叉燒做得好出色，夠曬肥美同埋香口😍.炸日式餃子🥟 $18另外加左個小食係日式餃子🌟，餡料好豐富同惹味，最正係個皮炸得超級香脆😋.飲品: 雪碧+可樂

睇戲前想食個快lunch，見拉麵店唔係好多人就衝咗入去食個快lunch 估唔到個質素都勁有驚喜，濃蝦湯鮮味十足，下次會再encore濃厚蝦湯拉麵$98個湯底真係冇得輸，超級濃的蝦味拉麵係有幼身，大食妹鍾意食粗身拉麵多啲，不過個湯底搭救，好好食兩塊豚肉片偏瘦，大食妹唔係好鍾意食肥膏，所以幾鍾意蝦汁拌麵$78蝦汁拌麵有少少似台式拌麵，個汁唔算太多，調味偏清爽唔會話好油膩炸日式餃子$32炸餃子好脆口，幾抵食

濃厚蝦湯拉麵（單點$98），表面鋪滿櫻花蝦，湯底蝦味濃郁，慢煮叉燒色澤粉嫩，肉味濃香，配菜包括溏心蛋、荀乾、香蔥、紫菜，拉麵食落口感煙韌。神匠蝦汁拌麵（單點$78），好足料，表面鋪有兩件炙燒半肥瘦叉燒、溏心蛋、櫻花蝦、香蔥、芫荽，叉燒油脂部分入口即化，底層有蝦油、蝦汁，拉麵容易掛汁，所以麵條食落鮮味十足。4隻炸日式餃子（單點$32），口感香脆，豬肉餡料食落肉汁飽滿。原味可口可樂（單點$12）。無糖可口可樂（單點$12）。

行開旺角買嘢，留意呢間舖頭好耐，琴日落大雨又肚餓，經過就入咗去食嘢。入面啲員工都喺啲靚仔靚妹，建議大家唔好奇望有服務。我點左個火炙叉燒醬油拉麵，叉燒得兩細塊，配料都少，最慘既係碗麵既靈魂湯底太清，完全無醬油味，仲衰過食出前一丁醬油味，食到一半忍唔住走咗。唔會再食。

好幾次經過旺角都見到呢間餐廳 — 麵屋神匠，裝修好日本風，係落地大玻璃前掛左好多紅白藍燈籠，好似置身日本屋酒屋，超啱打卡！今日終於食到啦！濃厚蝦湯拉麵（$98）用濃厚蝦湯湯底煮出既拉麵，配料有日式叉燒、溏心蛋、櫻花蝦、紫菜、大蔥同荀，食落味道同口感煮好豐富，拉麵爽口Q彈，湯底偏濃，每啖都可以掛湯甘食！神匠蝦汁拌麵（$78）用店名命名嘅菜式，用蝦汁撈埋幼麵，配料有火炙豬腩、溏心蛋、櫻花蝦、大蔥同芫茜。記得趁暖撈匀，燒豬腩肉嘅外皮焦香，瘦肉、肥肉比例好平衡，近乎入口即融！炸日式餃子（加$10）午餐包一款汽水，另外見到隔離枱嘅餃子幾正甘，我哋當然都要升級做Premium，餃子外皮雖然比較厚但幾香脆，係唔錯嘅小食。見到呢度仲有幾特別嘅沾麵同羅勒醬法包，等我下次再嚟試吓！

麵屋神匠地址 ：旺角彌敦道562號地下B號舖 麵屋神匠我第一次幫襯, 真係好耐都去唔到日本啦, 以前去到每個日本唔同地方旅行, 都會嚐當地的拉麵,這人生必做目標就先留在香港, 食多幾碗備戰, 而家YEN又平, 唱定幾萬待時機一到, 就可以衝去日本消費同食。入門口掛曬波子顏色架紙燈籠,好有日本居酒屋感覺氣氛, 真是對日本架情懷湧現上心頭。麵屋神匠拉麵同沾麵都有供應, 當然唔少得日本人好喜歡設計架限量口味。每日限量供應的$128神匠蕃茄蝦湯沾麵及$128花咲蟹湯拉麵,是招牌菜之一。點左個$88黑蒜蝦湯拉麵, 個蝦湯好鮮仲有D黑蒜油浮係湯面, 陣蒜味係慢慢滲出來,同埋仲有股甜味,組合有火花。有叉燒, 溏心蛋，筍(好粗) 紫菜。麵屬幼身, 宜連湯一起送進口感受滋味。加了小食$ 32日式餃子, 椰菜加豬肉餡好輕盈唔油膩, 食多份都仲得呀。夏天食熱拉麵要有堅定架心, 餐廳有冷氣都會食到汗都出, 因日本拉麵要把握時間, 大口喝湯同吸啜麵條, 才不會沉太耐影響溫度同麵架質感。

今日同朋友去咗油麻地食好西 上網search定麵屋神匠 早早12點去到避開人潮，唔使等位，仲可以有吧枱位坐添 同廚師近距離接觸😎😎店舖裝修好吸睛，成間舖都佈滿日式燈籠，即使佢係角落頭都非常顯眼😍店舖以拉麵為主首先叫左個黑蒜蝦湯拉麵$88黑蒜味非常濃郁 蝦味唔太出 但拉麵食落幾彈牙 叉燒還好幾大塊神匠蝦汁拌麵$78可能因為呢個冇黑蒜 所以蝦味出哂黎我最中意拌麵 因為無湯 可以清楚食得出入面配料嘅原汁原味 叉燒燒得均勻 半肥瘦岩哂我😍😍😍🤣仲有四隻餃子$33煎得香脆 正常水準人均消費$100左右咁靚既環境 抵哂👍🏻👍🏻Janna 翻撻指數：8/10🥢🥢🥢🥢🥢🥢🥢🥢

麵屋神匠👻好耐無食拉麵啦襯晏就有時間就過咗黎依間晏就有lunch set 又唔使加一個湯底都整得幾好😆.🔅濃厚蝦湯拉麵 HKD 98佢個湯底真係好濃好正好足料熬咗好耐先有咁濃勁多櫻花蝦個麵唔會煮到太淋有啲咬口咁🥰🔅神匠蝦汁拌麵 HKD 78佢個拌麵配厚切叉燒仲有啲蔥同櫻花蝦啲麵原本就掛咗佢地特製既汁濃得黎又好味再撈埋食都幾正🤤最重要係有隻流心蛋真係拉麵既靈魂🤩🔅炸日式餃子(四隻) HKD 10跟餐+$10有餃子又有野飲好日式既餃子椰菜配豬肉抵食既配搭😉.整體黎講:味道濃郁 抵食拉麵😚.🎈 麵屋神匠 (旺角)旺角彌敦道562號地下B號舖

中午約咗朋友去旺角食晏，由於時間緊迫🕐，所以就幫襯咗好近油麻地地鐵站嘅「麵屋神匠」。餐廳門面幾靚，只要行過都一定會留意到。店內環境一樣矚目，窗邊掛滿紅白藍燈籠作點綴🏮，而最後面亦有一幅卡通牆畫。呢度座位數量唔算多，一點鐘去到嗰陣坐滿人。麵屋星期一至五有提供午市套餐🥢，一共有十款選擇，價錢由$68至$128不等，包一罐汽水，唔收加一服務費。我認為定價屬中等水平啦。辛辣蝦湯拉麵($88)，🍜紅紅嘅湯頭滲出淡淡蝦香，除咗面頭落咗大量櫻花蝦外，我估計湯底用上好多蝦殼煲先熬到咁入味。🌶辛辣味恰到好處，辣得過癮但唔過火。配料方面有兩大片薄叉燒、紫菜、筍同半隻溏心蛋，叉燒口感軟淋淋，有啲似火雞片。神匠蝦汁拌麵($78)，拌麵好有驚喜😋，醬汁唔多，但每條麵條均掛滿蝦油，好鬼香，不比濃湯失色。麵條不設個人化選項，拉麵偏粗同硬身，食落幾有咬口，唔錯。🔥🐷拌麵嘅配料同湯麵差唔多，不過叉燒經火炙燒香，採用腩位，食落更為惹味。炸日式餃子(+$10)，午餐可加配小食，其中以餃子最抵，十蚊有四隻🥟，簡直平到唔敢相信。餃子雖然唔太驚艷，但外皮就真係炸到脆卜卜。總括嚟講，麵屋神匠意料之外地好有水準，本身驚佢淨係得個樣，

📍 麵屋神匠 Menya Shinsho🌍 旺角彌敦道562號地下B號舖Shop B, G/F, 562 Nathan Road, Mong Kok📝 整體評分：9／10平日先有既午市套餐好抵食，一碗麵一份小食一罐飲品同埋免加一。🥢神匠蝦汁拌麵🥢$78原本係想點沾麵，眼大睇過龍點左拌麵，怕羞唔好意思改單就照食，開頭以前會好清淡咁，不過佢個汁濃味得黎幾清爽，蝦油香氣十足加埋好爽口彈牙既麵條，好正好岩夏天食。🥢炸日式餃子🥢多汁脆口既炸餃子，一口食燙到條舌頭好痛。

《麵屋神匠》 拉麵店，位於旺角彌敦道562號地下B號舖。餐廳充滿日本風情，以落地玻璃窗設計，能夠睇到入面嘅日式裝潢及和風燈籠，非常精緻！特別係佢哋嘅蟹湯拉麵同蝦湯拉麵，係必食！今次就同朋友兩個人點咗以下嘅嘢食：
黑蒜蝦湯拉麵黑蒜湯底香味俱全，拉麵入口彈牙，超有口感！仲有叉燒、溏心蛋、筍條，蔥，紫菜係入面，好豐富！溏心蛋嘅蛋汁，混入蝦湯拉麵真係好夾 & 好味道！神匠蝦汁拌麵出色嘅拌麵！十分推薦！拌麵入面仲配上好多櫻花蝦，味道超香。兩件大大份灸燒半肥叉燒，帶有燒肉香，食落去一啲都唔油，拌麵入口彈牙，超有口感！加入咗蝦汁，令味道再升級，每啖都食到蝦香味！將麵條點上溏心蛋蛋汁一齊食，好味道！日式餃子新鮮炸起，外皮煎至香脆！仲可以食得到餃子鮮甜嘅肉汁！再點上醬料一齊食，更美味！

黑蒜蝦湯拉面：香濃黑蒜味，溶合鮮甜蝦湯，成個湯底好吸味蕾😍😍拉面質地順滑得黎有彈性，唔會煮得太淋身👍👍👍流心有一整隻開邊，好超值，蛋黃香濃黏口，睇到個橙紅色嘅黃已經好療愈😍😍叉燒夠大片，有豬香味👍蕃茄蝦湯沾面：同上嘅蝦湯底，再配合超濃厚嘅蕃茄湯，直頭覺得你飲緊蕃茄汁🤭🤭所以用黎做沾面絕配呀。湯面仲有一灑櫻花蝦乾，食落口多重享受😍🫶🏼另外加左餃子，不算滿滿爆料，但也不錯，內有汁，外有脆