麵屋神匠

營業中

休息中

中午約咗朋友去旺角食晏，由於時間緊迫🕐，所以就幫襯咗好近油麻地地鐵站嘅「麵屋神匠」。餐廳門面幾靚，只要行過都一定會留意到。店內環境一樣矚目，窗邊掛滿紅白藍燈籠作點綴🏮，而最後面亦有一幅卡通牆畫。呢度座位數量唔算多，一點鐘去到嗰陣坐滿人。麵屋星期一至五有提供午市套餐🥢，一共有十款選擇，價錢由$68至$128不等，包一罐汽水，唔收加一服務費。我認為定價屬中等水平啦。辛辣蝦湯拉麵($88)，🍜紅紅嘅湯頭滲出淡淡蝦香，除咗面頭落咗大量櫻花蝦外，我估計湯底用上好多蝦殼煲先熬到咁入味。🌶辛辣味恰到好處，辣得過癮但唔過火。配料方面有兩大片薄叉燒、紫菜、筍同半隻溏心蛋，叉燒口感軟淋淋，有啲似火雞片。神匠蝦汁拌麵($78)，拌麵好有驚喜😋，醬汁唔多，但每條麵條均掛滿蝦油，好鬼香，不比濃湯失色。麵條不設個人化選項，拉麵偏粗同硬身，食落幾有咬口，唔錯。🔥🐷拌麵嘅配料同湯麵差唔多，不過叉燒經火炙燒香，採用腩位，食落更為惹味。炸日式餃子(+$10)，午餐可加配小食，其中以餃子最抵，十蚊有四隻🥟，簡直平到唔敢相信。餃子雖然唔太驚艷，但外皮就真係炸到脆卜卜。總括嚟講，麵屋神匠意料之外地好有水準，本身驚佢淨係得個樣，

📍 麵屋神匠 Menya Shinsho🌍 旺角彌敦道562號地下B號舖Shop B, G/F, 562 Nathan Road, Mong Kok📝 整體評分：9／10平日先有既午市套餐好抵食，一碗麵一份小食一罐飲品同埋免加一。🥢神匠蝦汁拌麵🥢$78原本係想點沾麵，眼大睇過龍點左拌麵，怕羞唔好意思改單就照食，開頭以前會好清淡咁，不過佢個汁濃味得黎幾清爽，蝦油香氣十足加埋好爽口彈牙既麵條，好正好岩夏天食。🥢炸日式餃子🥢多汁脆口既炸餃子，一口食燙到條舌頭好痛。

《麵屋神匠》 拉麵店，位於旺角彌敦道562號地下B號舖。餐廳充滿日本風情，以落地玻璃窗設計，能夠睇到入面嘅日式裝潢及和風燈籠，非常精緻！特別係佢哋嘅蟹湯拉麵同蝦湯拉麵，係必食！今次就同朋友兩個人點咗以下嘅嘢食：
黑蒜蝦湯拉麵黑蒜湯底香味俱全，拉麵入口彈牙，超有口感！仲有叉燒、溏心蛋、筍條，蔥，紫菜係入面，好豐富！溏心蛋嘅蛋汁，混入蝦湯拉麵真係好夾 & 好味道！神匠蝦汁拌麵出色嘅拌麵！十分推薦！拌麵入面仲配上好多櫻花蝦，味道超香。兩件大大份灸燒半肥叉燒，帶有燒肉香，食落去一啲都唔油，拌麵入口彈牙，超有口感！加入咗蝦汁，令味道再升級，每啖都食到蝦香味！將麵條點上溏心蛋蛋汁一齊食，好味道！日式餃子新鮮炸起，外皮煎至香脆！仲可以食得到餃子鮮甜嘅肉汁！再點上醬料一齊食，更美味！

黑蒜蝦湯拉面：香濃黑蒜味，溶合鮮甜蝦湯，成個湯底好吸味蕾😍😍拉面質地順滑得黎有彈性，唔會煮得太淋身👍👍👍流心有一整隻開邊，好超值，蛋黃香濃黏口，睇到個橙紅色嘅黃已經好療愈😍😍叉燒夠大片，有豬香味👍蕃茄蝦湯沾面：同上嘅蝦湯底，再配合超濃厚嘅蕃茄湯，直頭覺得你飲緊蕃茄汁🤭🤭所以用黎做沾面絕配呀。湯面仲有一灑櫻花蝦乾，食落口多重享受😍🫶🏼另外加左餃子，不算滿滿爆料，但也不錯，內有汁，外有脆

放假同朋友食好西，第一站係呢間好多燈籠裝飾嘅日式拉麵。～神匠蝦汁拌麵天氣太熱唔想飲熱湯，本身想食沾麵，見到有拌麵揀，梗係試下新野啦。拌麵配料都幾豐富，有完整一隻流心蛋（好入味）、兩大片叉燒（唔太肥，中我口味）、仲有好多櫻花蝦。麵質小小煙韌，撈左蝦汁所以食落都算濕潤唔會癡埋一著。帶小小甜味，仲有好多蔥花芫荽、令個麵好濃郁惹味。～濃厚蝦湯拉麵朋友想試呢個蝦湯好耐，我都飲左幾啖湯，的確飲到濃濃蝦精華，但就冇好咸嘅感覺，同樣都有好多櫻花蝦仔，一啖湯一啖麵好滿足。湯麵同拌麵嘅叉燒質地有啲分別，湯係軟淋啲，拌係輕輕燒過嘅。～炸日式餃子炸得夠脆唔油，收貨。

平時油麻地站行去旺角出嘅時候都習慣由後巷過，發現原來開咗間拉麵店，下午茶時段仲勁抵食，一於入去試吓！發現下午茶原來小食$38起，拉麵平均$70左右，而且包一杯飲品，價錢優惠👍黑蒜蝦湯拉麵🍜呢度有我鍾意食黑蒜油湯底，梗係要試吓啦！個黑蒜油味唔算好誇張，仲有淡淡的海蝦味，都幾特別！至於麵條都夠彈牙，份量亦比想像中多，叉燒味道略淡算中規中矩啦！神匠蝦汁拌麵🦐第一次食拌麵，將大量蔥絲芫荽同埋蝦米仔配上香濃嘅蝦汁撈埋一齊，一次過一啖就可以感覺到唔同嘅食材帶來嘅各種味道！原來咁樣好好食㗎！尤其是粉紅色嘅蝦仔，個鮮味好岀👍炸日式餃子🥟用料十足食起來皮又夠脆仲肉汁滿滿，正正👍#拉麵 #溏心蛋 #日式料理 #日式料理 #日本食物

麵無乜特色，無麥味，唔會淋哂但都唔係有咬口湯好濃厚鮮蝦味！🤩唔會太咸反而偏甜，魚介就唔係好出以沾麵黎講個汁太稀😳所以唔係好掛到，其實感覺似重口同用左粗麵嘅拉麵多啲🙈唔係我鐘意嘅🙈叉燒好嫩好軟！😋😋蛋煮得啱啱好不過偏咸筍有我最討厭嗰種腥味😭羅勒多士：就咁食會偏苦，點湯食會好啲但就鹹，睇唔透佢存在係為咩🙈可能純粹gimmickConclusion: 喺附近試一次都ok geh，但我唔會特別推薦

由油麻地地鐵巷仔往旺角方向行經, 有間富有日本風味嘅拉麵店, 每逢放工繁忙時間同埋假日都排長龍, 今日lunch-hour, 同同事經過見到入面人流較少, 即把握時機入去試試。餐廳於落地玻璃位置掛上大量和風燈籠, 營造了日本氣氛。主打以日本甜蝦、赤蝦、蝦乾熬成嘅蝦湯底, 提供湯拉麵、沾麵、輕食同飲品。午市套餐跟罐裝汽水, 更可以優惠價追加小食。【濃厚蝦湯拉麵】HK$98超濃郁蝦味湯底, 唔會過鹹, 圍邊有兩片粉嫩嘅慢煮叉燒, 質感嫩滑, 配有溏心蛋、筍、京蔥、大量櫻花蝦等配料, 麵質QQ彈牙, 整體惹味濃郁, 每口都充滿鮮蝦味, 超讚。【神匠蝦汁拌麵】HK$78兩件灸燒半肥叉燒, 口感好林帶淡淡燒肉香, 但食落唔會成口油; 配上溏心蛋、京蔥、莞茜同埋大量櫻花蝦, 墊底嘅麵條已經加入咗蝦汁, 將麵條同埋面層配料撈勻一齊食, 每啖都很有重鮮蝦味, 濃郁度比起蝦湯拉麵稍微淡dd。夾集唔同配料食, 惹味香口, 超喜歡~+$10 追加【炸日式餃子】 餃子皮好薄, 外皮煎至微微脆口, 有豬肉碎同蔬菜做餡, keep到鮮甜肉汁, 正!

冇得親身飛去日本食拉麵～係香港搵到一間又有得打卡又有得食既未入去已經見到成間餐廳都放滿左小燈籠滿滿的日本風入到去乾淨企理空間感足夠～坐得好舒服午市套餐價錢相宜仲唔使加一一點左右嚟到 未見太多人但係走嘅時候已經坐滿晒了！黑蒜蝦湯拉麵 + 日式餃子嚟到梗係要飲番啖湯先！食過黑蒜油拉麵會好肥膩 ～但係呢度嘅黑蒜湯湯底香濃 但係唔會有一種油膩嘅感覺拉麵一夾上嚟仲有掛湯嘅效果！每條拉麵都沾滿左黑蒜香味另一主角之一 係慢煮叉燒超大塊得黎 入口即溶 調味適中炸到香口的日式餃子內餡係白菜豬肉神匠蝦汁拌麵賣相已經好吸引兩片火炙叉燒 +2隻半邊溫泉蛋冇湯嘅拌麵其實加咗少少甜醬油 攪拌完之後每一條拉麵多沾上小小嘅甜味 味道獨特 同時很開胃啱晒夏天熱唔熱天氣 唔想飲湯的朋友！仲有一大堆櫻花蝦令到成碗拌麵香氣大增 仲有香脆嘅口感 可以話係畫龍點睛嘅重點而家出去食一個拉麵都唔平 以呢度嘅份量同埋味道來講 Lunch套餐算係高CP值！

麵屋神匠 (旺角)今日同朋友去左旺角試呢間幾出名既拉麵店❤️可以話係我食過既香港拉麵店嚟講，數一數二好食😋濃厚蝦湯拉麵🦐🍜 $98個蝦湯好濃郁😚煲到超甜，仲有細蝦毛係入面，濃濃既蝦味配搭彈牙麵條🍜叉燒好肥嫩，整體好好食😋神匠火炙叉燒飯 $68 🥩🍚個飯係有特調醬汁😚所以好入味開胃☺️火炙叉燒都好好食，肉質佳，仲有流心蛋同蔥花配飯❤️唔錯！可樂（無糖）跟餐🥤夏天飲有氣汽水真係好正😝炸餃子 $10 🥟肉汁好多，一咬就爆哂出嚟🥰肉質鮮嫩，炸到好香脆，配埋個醬汁，真係超正！地址：旺角彌敦道562號地下B號舖

每次行過油麻地後巷都聞到好香既味，就係由間拉麵店傳出來，但每次都匆匆而過，今日約於可以試下呢間既拉麵啦，午市仲要免加一添😍濃厚蝦湯拉麵🍜湯底好濃郁，湯滿滿蝦鮮味，仲見到一隻隻櫻花蝦🦐，鮮上加鮮，紫菜配搭兩大塊叉燒，加上半隻糖心蛋，夠哂豐富神匠蝦汁拌麵🍝夏日食拌麵就岩哂，涼涼既拌麵更Q彈更有口感，蝦汁比例剛剛好，帶有小小甜同鮮，混合埋櫻花蝦既香，個拌麵好出色，火灸既叉燒比較有咬口，咀嚼嘅時候充滿肉香炸日式餃子🥟一口餃子一啖一隻剛剛好，炸到脆卜卜，一定要配埋餃子醋午餐仲配埋汽水一罐，食完飯飲番罐汽水就係爽😌

暴雨的一天，即使有遮都係混身濕透，辦完事即係搵個地方避下雨，見開左新拉麵店，店內幾濶同貌似冷氣十足，倒汗水滿滿的玻璃外牆，啱哂啦，就去呢度避雨啦。舖頭內真係好涼爽，好舒服呀～好多燈籠幾靚喎。睇下食咩先，九款拉麵入面蝦湯佔左一半，就食蝦湯底啦，咁濕就揀埋個辛辣味先，仲可以轉套餐有餃子，正喎。個辛辣蝦湯拉麵好快就到啦，賣相好正咁喎～影多幾張打下卡先，呵呵～先嚐一口湯，嘩嘩，勁濃嘅蝦味，極鮮味好正。麵條用直身拉麵，有嚼勁又掛湯。叉燒半肥瘦，口感有點像火腿。其他配料有半隻溏心蛋、筍、蔥花同大量櫻花蝦等，唔錯唔錯。加配的日式餃子同一般拉麵店無乜分別啦，不過呢度用炸的，個皮好脆好香口，但就略微油左少少啦。跟餐有汽水送，可樂、無糖可樂、忌廉同雪碧四揀一。哈哈，湯底太好味，飲哂～完食～正！

這次去了一家位於旺角的拉麵店，環境裝修日式風格，還掛著日式小燈籠，感覺挺特別的🤩。食物以拉麵為主，另有飯類和小食選擇，跟餐附送汽水，可用優惠價加購小食😆。-💥炸日式餃子 HKD$10，這個是跟餐加購小食，一份有四隻，另有醬汁拌著。熱辣辣吃的口感最好，餃子做到外脆內軟的口感，肉質腍身入口，配醬汁吃挺惹味😚。-💥辛辣蝦湯拉麵 HKD$88，這個賣相吸引而且味道很香，配料有紫菜、叉燒、蝦乾及溏心蛋。叉燒是薄切的，肉質嫰滑腍身😝。湯底用了蝦湯熬製而成，味道濃郁不咸，散發著香辣味。-💥神匠火炙叉燒飯 HKD$68，這個有三大片厚叉燒，經過火炙後味道更香，另有溏心蛋和蔥花拌著🙈。叉燒賣相層次分明，肉質腍身帶點油脂，挺香口惹味的。-

冇得去日本旅行，又好掛住拉麵，係香港唯有不停發掘好食拉麵，今次搵咗呢間係威美頓街嘅拉麵。係外面都見到寬躺嘅裝橫佈置，因為樓底高都掛滿日式燈籠。好，坐低睇吓有咩好食先。濃厚蝦湯拉麵，先飲一啖湯底，超濃郁蝦味，仲有滿滿櫻花蝦，叉燒煮到剛剛好，食落好嫩。個拉麵好有咬勁。神匠蕃茄蝦湯沾麵，呢個湯底就蕃茄味重啲，蝦味佔30%度，特別地配左個羅勒法包，幾香幾好味。沾麵掛滿湯底，一滴都唔浪費。炸餃子好香脆，裡面餡料夠juicy，仲叫左日本梳打汽水。

從油麻地地鐵站步行幾分鐘就到達，地點相當便利。特別喜歡店內的落地大玻璃設計，充滿天然光，十分開陽，感覺舒適。濃厚蝦湯沾麵 配羅勒法包 ($118) 本身偏好硬麵，麵質合格，而且麵條掛湯力不俗。主角蝦湯底十分濃稠，鮮甜！唯一敗筆之處係沾湯凍得好快，凍咗就即時影響咗味道，如果有熱石提供加熱就更好了。花咲蟹湯拉麵 ($128)試完蝦湯，試蟹湯顯然覺得比較清淡。蟹肉份量十足，湯頭都好清甜。但如果相對之下，蝦湯顯得稍為更亮眼一點。