麵屋神匠

營業中

休息中

首推 🦐神匠蝦汁拌麵 おすすめ！雖然眼不見蝦，但係蝦汁濃郁、撈埋彈牙嘅幼麵🍝 味道有少少帶甜，非常好味😋 兩嚿灸燒嘅叉燒更加正。豬嘅部位嚟講，應該係豬腩肉五花籃，所以豬皮、脂肪、肉的三層分佈明顯。整體灸燒得靚，令人見到就想食🤭 仲有兩隻糖心蛋🥚 蛋白質好豐富嘅tea-set.濃厚蝦湯拉麺濃厚蝦湯，其實就唔係龍蝦湯🦞😂 晏晝有大量嘅櫻花蝦🦐 湯底都幾濃郁，入口暖粒粒，口感好舒服，尤其係尋日好凍嘅冬天😀 拉麵都有兩塊叉燒 ，紫菜，糖心蛋。配料都幾足夠😺小食，我哋另外叫咗四隻炸餃子🥟

小編除左鍾意食米線，都係不折不扣嘅拉麵控，目標係食嘗試曬全港最好食嘅拉麵店🍜。前幾日小編喺油麻地學樂器，順便去附近嘗試下呢間日本過江龍拉麵店，一嚐我最喜愛、期待嘅濃厚蝦湯拉麵。除咗招牌蝦湯外，餐廳最近亦推出極上蟹白湯拉麵❣️。而地點好近油麻地a1出口，十分方便，所以我係一定會再回訪。 講到濃厚蝦湯拉麵嘅味道，湯底使用了蝦殼熬製而成，所以富有濃郁的蝦鮮味，但因為湯底略鹹，所以我唔會連湯一齊飲。配料方面，拉麵上面有好多櫻花蝦同埋幾片薄身嘅叉燒。而拉麵有韌度，不會太軟，彈牙有口感。另外，我都加左$10升級，叫多左碟炸日式餃子，炸得好香脆，而又不會太油，加埋十分飽肚滿足。

睇IG 及之前有啲飲食KOL都介紹過呢間拉麵店，但一直冇試，因唔覺旺角會有好嘅拉麵店，亦驚排完一輪隊都會瀨嘢。之前又見到YouTuber介紹呢間拉麵店嘅期間限定，係蟹麵仲有蜆湯麵，佢哋讚到天上有地下無咁，就被吸引咗吸試。平日下晝12點一早嚟，未到午餐時間，門口都未係排長龍，同埋店入面都算有足夠坐位，所以唔洗擔心要排好耐。呢度午餐有套餐可叫，建議大家叫佢哋套餐，會更抵食。我同朋友就咁叫拉麵加小食及汽水。提醒職員幫我哋整熱啲啲湯。我個蟹肉麵嚟到後，我同職員講個湯唔太熱，佢哋即刻換過俾我，我話用微波爐加熱就得，或俾啲熱湯我加番落碗麵就得，但佢哋堅持住過俾我。換咗碗俾我之後，個職員走埋嚟問我夠唔夠熱，我覺得佢哋服務真係一流，仲好細心，真係要讚佢哋。呢個係蟹肉湯麵，非常好食，啲豬肉都非常好食。一定要試。呢個就係期間限定，蜆肉拉麵，有柚子喺入面，啲味道非常之夾，我朋友連相都唔影就夾麵食，其實原本個賣相係再好啲嘅。呢個麵啲湯好好味，成碗飲哂。呢個係我最鍾意嘅芝士年糕，熱辣辣。成餐都係二百幾蚊三百蚊有找，高質素價錢亦好合理，一定會再幫襯。

睇左大島與龍威既介紹之後，一放工就走左去試下，當日1月13日，晚上17:45左右。因為一個人食，所以唔洗等好耐就有位，座位係舖入面中間的一張單人枱，面向內街，街上落起毛毛既細雨，天氣有少許潮濕！我當時見到張落單紙有一人孤獨套餐，二話不說，就點左大島強烈推薦既拉麵，叫做（柚子鹽蜆肉拉麵🍜）同埋唐揚炸雞，再加埋一支冰凍啤酒！等左十分鐘左右，個拉麵🍜就放左個面前，份量都好足夠之後再試下佢個湯頭，真係（高手一出手、便知有沒有）淡淡既柚子味，再加蜆肉既湯，簡直成碗湯可以飲哂！之後再食埋幾件炸雞🍗，好滿足咁離開舖頭！

落地大玻璃窗🤩店內掛滿一串串紙燈籠🏮佈置有心思充滿日本街頭風味濃厚蝦湯拉麵🍜湯底有很濃蝦味，拉麵上舖滿櫻花蝦🦐外，還有荀，蔥及紫菜，半隻溏心蛋🥚做到很流心，麵條軟硬適中，2片慢煮叉燒較遜色，雖然切得薄身，肉質軟腍，但筋部偏韌，需要大力撕及咀嚼一段時間🥹柚子鹽湯蜆肉拉麵🍜這碗拉麵是期間限定，湯底帶有柚子清香及少量柚子皮清新而不鹹，有5隻蜆肉吃到有少許腥味🥲，其他配菜有荀，蔥，紫菜及半隻溏心蛋🥚，還有慢煮叉燒肉質幼嫩但筋部偏韌，但整碗拉麵豐富，有肉有蜆🤭餐廳主打湯拉麵外，還提供沾麵，飯類，小食任君選擇，這次經openrice訂座享有9折優惠（套餐除外），下次可以試沾麵及其他食物🤭

麵屋神匠 - 地道日式拉麵今日介紹一間位於旺角區嘅日本菜餐廳，主打日式拉麵，從門面已經看到這間餐廳嘅風格，以紅藍白嘅日式燈籠作為點綴，令整間餐廳充滿着日本地道嘅拉麵店風格。聖誕套餐 $218濃厚蝦湯拉麵超濃郁的蝦湯湯底，再配上櫻花蝦，鮮味再提升，叉燒是慢煮，口感軟腍不肥膩。火炙叉燒醬油拉麵日式叉燒火炙後油香滿滿，入口即溶，醬油湯底清清地，沒有滯口的感覺炸日式餃子中規中矩的炸餃子。麥茶、可樂套餐仲會包咗一杯飲品。

💛下午茶優惠📍：麵屋神匠｜💰：$108♡極上蟹白湯拉麵♡🦀奶白色蟹湯底味道好濃好鮮甜💯而且蟹肉份量十足。🍜拉麵相當掛汁，食每一啖麵都好滿足。🥚溏心蛋好入味滑口亦可以做到流心效果。叉燒就正常發揮無乜記憶點😂雖然下午茶嚟講係比較貴但係呢碗麵係絕對值呢個價💓💡留意返星期一至五1430~1800先會有下午茶優惠架。108蚊會包埋汽水（雪碧/可樂/zero/忌廉）可以加錢升級做梳打/酒精飲品，同埋可以用優惠價追加小食。🤤之前見誠誠嚟麵屋神匠拍一日店長系列即刻bookmark咗呢間餐廳，一食果然無推薦錯🤤

下午茶Tea Set神匠火炙叉燒丼飯 $63Japanese BBQ pork rice bowl配可樂With Coke好味指數 5/5 🍭🍭🍭🍭🍭{雖然飯只有一小碗 但火炙叉燒 有4大片 感覺好多 望落好多肥肉 食落冇油膩感 反而肉味濃郁香口} 追加小食 Additional Snack炸日式餃子(2隻) +$10Japanese fried dumplings好味指數 3/5 🍭🍭🍭{餃子既皮好薄 好香脆 入面既餡料份量剛好｝溏心蛋 (1隻) +$10Soft boiled egg好味指數 4/5 🍭🍭🍭🍭{這隻溏心蛋幾大隻 做既時間剛好 溏心好香 外層蛋白既部份醬油味好香甜}

📍 麵屋神匠 Menya Shinsho🌍 旺角彌敦道562號地下B號舖Shop B, G/F, 562 Nathan Road, Mong Kok📝 整體評分：8 ／10🥢濃厚蝦湯拉麵🥢 $98一店之魂就是蝦湯底🍜，用左大量蝦穀熬製，味道濃厚，質感奶滑。叉燒就用左瘦既部位慢煮，相當粉嫩~🥢神匠蝦汁拌麵🥢$78用左五花腩肉慢煮後火燒至焦香，肉質軟綿帶點油脂卻又唔會覺得肥膩，簡單配溏心蛋。麵條會比較幼身，條條掛汁，每一條面都有淡淡的蝦香，個蝦油汁清爽得黎又挺香口惹味的，夾埋櫻花蝦蔥絲莞茜一齊食更滋味！🥢炸日式餃子🥢 $32 (4隻)

牆身有好大隻、勁cute嘅柴犬，抬頭望，就見到好多燈籠，好有日本餐廳嘅氣氛！蝦汁拌麵麵條特別有嚼勁，而且有蛋香。蝦汁比我嘅印象係咸，但呢個汁係有少少甜甜地，好特別。叉燒都有微微燒過，肥瘦相間。糖心蛋夠晒juicy。撈勻櫻花蝦、京葱、葱花、香茜，味道瞬間提升。濃厚蝦湯拉麵蝦湯濃郁無比，有大量的櫻花蝦調味，佢冇沾麵個種湯咁「杰」，湯可以飲得，喜歡濃味湯嘅朋友一定會鍾意。拉麵比上面個款麵會軟稔啲。慢煮叉燒比較薄身，不油不膩。當然不少得紫菜！是一碗美味、用心製作的拉麵！日式唐揚炸雞好多人都叫呢個小食！炸雞本身都有醃製過，如果真係覺得唔夠味，可以點下個鹽。另外炸皮幾薄幾脆，雞肉啖啖肉，出色！飲品就吾算多款款式，以汽水為主。

麵屋神匠喺油麻地 佢有塊落地大玻璃掛滿日式燈籠🏮充滿和式設計 今次專登嚟試佢個蟹白湯拉麵 果然唔錯 -聖誕二人套餐B $238-🦀極上蟹白湯 好鮮甜🦀 拉麵麵條軟硬度適中 幾掛湯力強 -🍜柚子鹽湯蜆肉拉麵呢個湯底好特別 平時好少食到 湯底唔會太鹹 加上有少少柚子味 幾清新 蜆肉新鮮 都有6隻 另外慢煮叉燒肉質幼嫩 仲有我最鐘意嘅流心蛋 🤤-🦑炸魷魚鬚 外皮炸得好香脆 食落框框聲 肉質彈牙 如果多啲就好啦-📍麵屋神匠旺角彌敦道562號地下B號鋪

行親旺角同油麻地果頭，一定會行到嗰條巷仔，相信大家都知道我講緊邊條巷仔😂好幾次行過，雖然來去匆匆，但都被一大排亮起嘅日本燈籠吸引到，知道應是間拉麵店吧～今日同朋友正正諗緊食咩好～ 不如就嚟呢間好多好多燈籠既✨麵屋神匠 啦～原來呢度嘅拉麵係蝦湯同蟹白湯做主打～ 不過今日蟹白湯賣晒lu~ 咁就試吓佢嘅蝦湯沾麵同黑蒜醬油拉麵🍜🍜神匠蕃茄蝦湯沾麵鮮蝦湯底非常濃厚，啖啖鮮蝦香味不過鹹，加咗蕃茄飲落更加濃郁，配搭粗麵就是perfect match!! 另外由於法包賣晒，所以轉為多一隻溏心蛋～ 👍🏻呢隻溏心蛋值得讚，完美半熟流心，調味亦剛剛好唔會過鹹～🍜 火炙叉燒醬油拉麵醬油湯底較清、鹹甜適中，叉燒經火炙後更惹味、油香夠突出～ 整體不錯～🐔日式唐掦炸雞唔孤寒大大嚿炸雞～ 皮脆肉嫩～ 送啤酒一流😜 不過今日我飲汽水～成間店舖裝修都令人置身日本拉麵店之中～ 喺度打卡都好靚㖭啊～

麵屋神匠位於旺角與油麻地之間的小街，落地玻璃窗内掛起日式紙燈籠，滿滿日本風味街頭，遠看非常搶眼，這裏嘅拉麵水準甚高，好評如潮，一到晚市一定會排起長長嘅人龍👍🏻👍🏻午市套餐更為抵食，每碗麵包一款飲品，加多$10仲可以有四隻餃子🥟🐷🍜▪️火炙叉燒醬油拉麵 $ 88湯底味道非常濃郁，帶點豬骨香，爽口彈牙嘅麵條吸收左醬油湯嘅味道，清爽又好食，半肥瘦叉燒經過灸燒之後更加焦香，溏心蛋做得很好，蛋黃完全係濃香又溏心，拉麵再配上京蔥絲和筍絲一齊食更加正🦐🍜▪️濃厚蝦湯拉麵 $ 98 蝦湯以日本甜蝦、赤蝦及蝦乾，每日熬4至5小時而成，蝦味超級濃郁， 叉燒用上豬肩肉，慢煮成粉紅色，肉質粉嫩入味又大塊，麵條同樣爽口彈牙，湯面再加上大量蝦乾，食完成個口腔都充滿蝦味，喜歡濃湯嘅朋友千祈唔好錯過🥟▪️炸日式餃子 + $ 10 熱辣辣外皮香脆，肉餡有着傳統日式風味，蔬菜魚豬肉平衡，充滿肉汁又爽口，點上餃子醬油一齊食，美味

.#哈比四圍食 #旺角 #旺角美食 #拉麵 #🍜最近個個都話飛，冇得飛嘅我唯有繼續搵吓啲正嘢食啦😮‍💨呢幾日又咁凍，行街行到凍凍地，最好食碗拉麵暖吓肚😋🦐 濃厚蝦湯拉麵三大塊日式叉燒、紫菜、溏心蛋、京蔥、櫻花蝦，仲有特製蝦油😍每啖湯都好濃蝦味，但又唔太咸，呢個湯加埋溏心蛋一齊食 好正，香濃嘅蛋黃配埋濃厚嘅蝦湯🥹🥹🥹即刻叫多隻溏心蛋吖😁拉麵 麵質又煮得啱啱好👍🏻跟餐加$10 仲有四隻脆卜卜餃子

📍濃厚蝦湯拉麵濃厚嘅湯底係由甜蝦、乾蝦製成，再加上唐心蛋、筍、慢煮叉燒等，湯底濃而不膩，拉麵軟硬適中有彈性，真係啖啖滋味。📍火炙叉燒醬油拉麵叉燒咬落帶有油香同火炙香味，帶甘甜嘅醬油配搭拉麵，湯底不肥膩且清甜，同樣有唐心蛋、筍做配菜。📍炸日式餃子餃子皮薄，內餡為豬肉同菜，香脆嘅餃皮，就算放耐左都唔會太腍，建議沾醬食會再juicy些。🔹🔹🔹🔹🔹🔹🔹🔹🔹🔹麵屋神匠 (旺角)旺角彌敦道562號地下B號舖🔸🔸🔸🔸🔸🔸🔸🔸🔸🔸