麵屋神匠

營業中

休息中

辛辣蝦湯拉麵店家採用幼身拉麵口感偏軟腍湯底有明顯蝦湯味辣味貫徹日式溫和風格～店上有一味粉 七味粉 柚子鹽可供調味～拉麵伴隨半顆溏心蛋 荀 兩片大叉燒及紫菜拉麵上亦鋪上許多小蝦米～-神匠蕃茄蝦湯沾麵（熱麵）沾麵有一整顆的溏心蛋！叉燒選用的閃油脂較豐富的腩位同樣伴隨荀及紫菜小蝦米則置於沾麵汁上湯汁蝦湯底蘊豐厚蕃茄味相對偏弱整體而言 沾麵醬汁比湯麵更重口味-日式唐揚炸雞原本以為是常見的日式炸雞球原來是日式炸雞件！四大件炸雞件炸粉厚薄適中 醃味剛好 嗜辣配上七味粉更惹味～

呢間餐廳真係好多人排隊，我地等咗15分鐘先可以入座。佢個menu分咗唔同人數嘅套餐，有埋圖片，清晰易睇。二人套餐就包咗兩個拉麵、一個小食同兩杯汽水。我地覺得多人食會抵食啲，因為一人套餐係最貴。叉燒醬油拉麵﹕叉燒同其他餐廳唔同，比較多肥膏，醬油味有啲淡。蝦湯拉麵﹕叉燒幾好食，不過個湯同樣都係唔濃。反而個芝士年糕又幾好食，超出我地預計，可惜有啲油。食完之後我地仲見到出面有人排隊，唯有快快離開。整體嚟講係一間普通嘅拉麵店，唔適合同朋友吹水傾計太耐。

面屋神匠.神匠蕃茄蝦湯沾面蕃茄蝦湯市面上比較少見蕃茄味幾重但系唔會太酸蝦湯幾香表面仲有好多蝦乾沾面配料有筍、蔥、溏心蛋、紫菜、火炙叉燒、法包配羅勒醬一開始心諗你俾塊包我做乜但系點完個湯發現味道系夾既火炙叉燒入口即溶脂肪同肉比例剛好面系比較粗身掛湯能力唔錯溏心蛋入味蛋黃流心.濃厚蝦湯拉麵另一碗系拉麵蝦湯湯底更容易食到蝦既香味同樣地有筍、蔥、溏心蛋、紫菜叉燒系慢煮無感香口但系都一樣咁軟腍都算唔錯

之前一直都好忙🫣🫣冇時間同老公撐枱腳，而家終於都有時間啦❤️❤️梗係要搵間好食嘅啦🥳🥳呢間餐廳成日排長龍㗎，我都梗係慕名而來🤩🤩🔸濃厚蝦湯拉麵($98)🔸大大塊叉燒🥓🥓入邊仲有溫泉蛋🥚🥚拉麵嘅質感煙煙韌韌，好好味🤤🤤而且湯底好濃郁，就咁飲都得🤤🤤🔸神匠蕃茄蝦湯沾麵($128)🔸估唔到蕃茄🍅🍅同蝦🦐🦐一齊係咁夾👍🏻👍🏻沾麵嘅質感好彈牙，好爽口😘😘啱晒我呢啲麵粉控🤣🤣食到停唔到口🤤🤤🔸炸日式餃子($32)🔸呢度嘅餃子🥟🥟係即叫即整嫁，入邊仲有肉汁，好好味🤤🤤📍旺角彌敦道562號地下B號舖

首先我係因為睇完大島與龍威條片而去所以會就湯唔夠熱呢個問題扣好多分二人套餐鮮味濃厚蝦湯底拉麵-濃味, 厚身,好搶, 合格-叉燒不過不失-重味有缺點之後再講-最緊要係個湯都係唔熱火炙叉燒醬油拉麵-叉燒好食,油香夠-最緊要係個湯都係唔熱麵底-份量適中-偏硬身, 無彈性, 又未至於唔熟,不過不失-都係因為湯唔熱問題攪到好似雪櫃拎出黎過一過水就上枱嘅感覺唐揚炸雞-差唔多食哂碗麵先到-炸乾哂, 皮唔係脆而係硬-可能因為蝦湯底太重味關係(同埋遲上)件雞已經無味-二人餐俾三件分? 不過幾大件麥茶餐飲2揀1,就係熱麥茶或者凍麥茶其實呢類本應係拉麵鋪要有嘅免費野唔會刻意有咩評價, 既然係放入餐單又加一就要當消費產品看待-估唔到佢連熱麥茶都係唔熱-無味, 好心果少少茶包就咪慳, donki買都係廿蚊左右一大包其他-通道窄, 廚房出入位同主要通道炒哂車, 坐外排客人要小心-燈籠放得太低,連埋左右都迫好似包住哂咁食得好辛苦-店員只會放低點餐紙等你落單, 想要大餐牌要問先有-點餐紙光面材質, 但筆插放嘅係原芯筆, 唔好寫, 其實簡簡單單用文書紙仲好-同上, 點餐紙有產品名隔離有格仔俾人剔就得, 宜家好靚, 偏偏

二刷呢間拉麵店！佢環境真係好似日本既店，店面唔算大，裝飾好多燈籠，好有風味😊而且店裡面播既歌都係童年回憶！每次都是聽都好有感覺☺️☺️神匠番茄蝦湯沾麵💰128（熱）好大碗麵，麵頭既叉燒都大件，大大碗番茄蝦湯係隔離，食個陣沾一下！好食😋濃厚蝦湯拉麵💰98真係好濃厚既蝦湯！肉眼可見既濃稠湯底，新鮮熱辣配兩啖麵，滿足炸日式餃子💰32炸物真係賽高！新鮮炸出黎既餃子🥟夠脆個餡味道又夠😌😌服務員態度都還好！有提供熱茶同埋凍菜，飲完會即時幫你添上😆

星期日同朋友在旺角附近搵食，沿著彌敦道走呀走呀，不然走到562商場附近，朋友突然醒起那裏有間裝修佈置很精美的拉麵店一直都想試，所以一於去試一下。的而且確滿滿的燈籠是挺靚幾有氣氛的。.我們看到二人套餐都幾優惠，$218包括兩碗拉麵+一份小食+兩杯普通的茶類飲品，所以就點了。.選擇了不少人推介的濃厚蝦湯拉麵，所以試試看。不知道是否最近吃得比較多類型的拉麵，始終有比較之下，感覺有點遜色。.濃厚蝦湯質感較薄，沒有想像中的濃郁，起初幾口都感覺還好，嚐了多幾口湯後，感覺味道上較單一，我和朋友都分別不期然地取了枱上的調味粉調味。.麵質有點怪，和朋友討論後大家都覺得比較像上海麵，麵煮得有點腍，口感普通。叉燒比較瘦，味道還可以，但不算太令人印象深刻。套餐小食選擇了炸餃子，脆邊好食，整體感覺正常。

每次喺油麻地行去旺角都會經過呢間日式拉麵店，店裡面掛左好多燈籠🏮做裝飾，有如置身日本一樣🇯🇵！星期一至五2:30pm起有下午茶餐供應，有拉麵配飲品，可以加配小食，而且免加一，認真抵食！😋極上蟹白湯拉麵（$108）有好多鮮甜嘅蟹肉🦀、2大片叉燒🐖、半隻糖心蛋🥚、荀，拉麵🍜軟硬適中，而且份量同其他時段一樣👍🏻追加左2款小食：糖心蛋（+$10）食完先發現今餐原來食左1.5隻糖心蛋🤣～蛋黃顏色好靚，入口即化，甜度岩岩好🤤芝士年糕（+$10）外脆內軟，裡面仲有流心芝士🧀，一塊唔夠喉😆每張枱都有調味料可以自己加，我就加左中間個樽拉麵糊椒，加左之後拉麵嘅湯底更鮮味😉～

好味指數：👅👅👅👅抵食指數：⭐️⭐️ ⭐ .5 回頭率指數：⭐ ⭐ ⭐ ⭐️⭐️次次去油麻地都會經過呢間麵屋神匠，見佢裝修幾靚，終於去左食，真心有驚喜！二人套餐 $ 238極上蟹白湯拉麵🦀🦀👍🏻 湯底真係要大讚！有蟹同豬骨味，油而不膩，好creamy 好濃厚，我全部湯飲晒😎👍🏻冇咩味精，食完唔算好口渴👍🏻 麵底軟硬度適中，好掛湯！👍🏻 蟹肉好多仲要係新鮮蟹肉！唔係果啲蟹肉碎，但用人手拆嘅一大塊蟹肉！ 份量多到食到最後都仲可以一啖蟹肉一啖麵咁食💕👍🏻半熟蛋有蛋香，係用靚蛋👍🏻 份量啱啱好，好夠飽🥹唯一可以改進嘅我覺得係嚿肉，肉好薄，雖然好嫩，但我個人嚟講，鍾意厚身啲嘅神匠火炙叉燒丼飯👍🏻 舊肉好淋，肥瘦分佈岩岩好，油脂唔太油 👍🏻 用珍珠米，有飯香， 口感煙煙韌韌，仲要有少少煲仔飯焦味👍🏻份量好足 餃子 （4隻）🤔 普普通通，雖然好脆口，但略嫌乾左少少總括嚟講：野好食 特別係個蟹肉拉麵湯底！服務不錯價錢合理 絕對可以放心試 我一定會再食！🤤🤤🤤

門口同側面都係以落地玻璃，而裡面就掛滿左好多日式燈籠🏮好有日本🇯🇵風。食得拉麵通常都係食豚骨湯底。但呢間啲湯底就好特別主要係sell其他唔同味嘅湯底，有黑蒜🧄醬油，蟹白，蝦🦐，都叫幾多唔同種類梗有一款你鍾意❤️：）今次就試左佢個下午茶，佢好在嘢飲系包，個小食細細份可以過下口癮之餘又唔會話浪費食物。濃湯蝦湯拉麵🍜個濃湯蝦湯拉麵都叫足料，包溏心蛋、竹筍、紫菜、櫻花蝦同大蔥2-3塊叉燒，好在啲日式叉燒唔係好肥。加左櫻花蝦🦐加強佢個蝦味，同個拉麵嘅口感。下次如果有機會都會想試埋佢個蟹🦀️湯拉麵，見到隔離台食好似好好味咁😋

同朋友嚟旺角睇戲，由於時間尚早，所以決定先去附近食個 quick lunch 。友人心血來潮，突然話要食拉麵，帶咗我嚟呢間「麵屋神匠」。小店位於旺角同油麻地之間嘅咸美頓街，門面以落地玻璃作設計，店內掛滿了日式紙燈籠，非常搶眼，拼配牆上嘅卡通和風壁畫，洋溢著濃厚日本風情。餐廳主打蝦湯及蟹湯拉麵，另外亦有沾麵、拌麵、丼飯、小食及飲品等供應。我哋每人點咗個午市套餐，+$10 更可享炸日式餃子一客。先嚐濃厚蝦湯拉麵 ($98)，湯底以赤蝦、甜蝦蝦頭及蝦乾熬煮而成，入口蝦味非常濃厚，一點也不油膩，鮮香天然，鹹度亦啱啱好。叉燒用上黑豚肩脊炮製，經慢煮後肉呈粉紅色，質感嫩滑，帶豚肉脂香。拉麵粗幼適中，食落彈牙有咬口，掛湯力一流！配料有溏心蛋、竹筍、紫菜、櫻花蝦同大蔥，用料非常豐富。溏心蛋嬌艷欲滴，賣相美觀，蛋黃晶瑩剔透，流心度高。至於另一客火炙叉燒醬油拉麵 ($88)  味道亦很不錯，湯色清澈，微鹹帶甜，十分順喉。麵條同樣有水準，麵質爽滑，咬勁十足。隨麵嘅日式叉燒亦落足心機，附有兩件，以五花腩製作，慢煮後再火炙至焦香，食落軟腍鬆化，入口即溶，簡單配溏心蛋，已經很好吃。追加嘅炸日式餃子 (+$10) 

氣溫突降旺角街頭都只有13、14度，想搵間唔使等位既食店醫肚，朋友好想食拉麵話等位都要食，中午12點半店外已排了一條小人龍，雖然唔係好長但目測店內店鋪坐位唔太多，應該快都要15分鐘左右 係寒風中等咗真係 15分鐘，好彩都係等4枱，入到小店坐位都係日式風情，木枱木櫈整潔衛生。極上蟹白湯拉麵～湯睇落好濃好咸，但答落唔太咸，有鮮甜蟹肉海鮮味，有好多已拆肉的蟹肉，食到好多蟹肉好鮮甜，蟹肉新鮮爽口。拉麵軟硬適中分量亦適中，义燒有兩塊目測瘦的，但入口軟綿淋化，肉味鮮濃，好味非常，溏心蛋流心有蛋香，加上配菜竹筍、紫菜，配出麵的不同層次口感，好味道連湯都飲晒黑蒜細醬油拉麵～因有醬油比較油少少，但不失蒜香味，但湯底有少少似某牌子公仔麵的黑蒜湯底，其它麵裏的配菜同蟹白湯麵一樣唔再多講，但2款比較起來還是蟹白湯麵比較豐富美味。日式炸餃子～炸得外皮脆而不油膩，但沒太大驚喜，同平常日式店餃子差不多，不過不失。總括拉麵水準甚高，麵質軟硬適中，湯底咸淡適宜又鮮味，值得一讚，係寒風中等咗 15分鐘都值得無中伏🤣🤣😋😋

今日嚟到位於旺角同油麻地交界嘅麵屋神匠食個下午茶。除咗單點，下午茶佢仲有套餐提供，一個麵加小食加野飲。除此以外，佢仲有2人餐同4人餐可以選擇，成班 friends 一齊去可以有唔同嘅優惠。今次就叫咗呢碗蟹白湯拉麵，單價$128 蚊，二人套餐就其中一碗可以揀佢，另外一碗都想揀就要加$28蚊，二人套餐盛圍$238。講返碗拉麵先，size適中，擺盤整齊，中間位置係有啲蟹肉。跟麵有半隻溏心蛋，顏色鮮艷，有機會係新紀元曉嗰類嘅蛋。紫菜正常，叉燒薄切尚算大片，食落味道正常。麵身係拉麵幼麵，呢度就無硬度之類嘅嘢揀。湯底好creamy，飲落有啲似海鮮忌廉湯，加埋啲蟹肉增加咗個鮮甜，蟹味濃郁。跟餐小食揀咗餃子，正常下午茶嚟講呢個餐都可以話係豐富。最後圍返價錢平均每位$150，價錢真係唔係班，但勝在食乜質素係交到貨。

身邊愈來愈多朋友飛咗去日本✈️不過身在香港嘅我都唔使愁 皆因香港都有唔少地方令人彷如置身日本麵屋神匠就係其中之一啦😍店鋪窗邊的牆上掛滿日本紙燈籠 加上木系裝潢 日本風情洋溢鋪面窄而長 有四人枱之餘亦有靠牆嘅一人枱 無論係同朋友一齊食嘢定想享受me time 都一樣咁適合👍🏻 我哋係下午茶時間到訪 叫咗2個拉麵同2份餃子濃厚蝦湯拉面（$83）麵口感彈牙 正正係我鍾意嘅硬度湯底蝦味好濃郁 加上大量嘅櫻花蝦 食完餘韻無窮而吸引晒湯汁嘅荀則食落香甜 至於麵嘅主角叉燒 粉紅色大大塊 食落唔韌幾好味 火炙叉燒醬油拉麵（$73）醬油湯底有好香嘅炙燒味 湯底帶甜 同以前食開偏鹹嘅醬油湯底好唔同另有一番風味叉燒肉質肥瘦適中 麵體不會被湯底浸軟 口感不錯 唐心蛋蛋味香濃炸日式餃子（$10 / 2隻）炸得香脆嘅餃子比港式煎餃更為邪惡！每人1隻唔夠喉 所以叫多一份放縱下🤣

首推 🦐神匠蝦汁拌麵 おすすめ！雖然眼不見蝦，但係蝦汁濃郁、撈埋彈牙嘅幼麵🍝 味道有少少帶甜，非常好味😋 兩嚿灸燒嘅叉燒更加正。豬嘅部位嚟講，應該係豬腩肉五花籃，所以豬皮、脂肪、肉的三層分佈明顯。整體灸燒得靚，令人見到就想食🤭 仲有兩隻糖心蛋🥚 蛋白質好豐富嘅tea-set.濃厚蝦湯拉麺濃厚蝦湯，其實就唔係龍蝦湯🦞😂 晏晝有大量嘅櫻花蝦🦐 湯底都幾濃郁，入口暖粒粒，口感好舒服，尤其係尋日好凍嘅冬天😀 拉麵都有兩塊叉燒 ，紫菜，糖心蛋。配料都幾足夠😺小食，我哋另外叫咗四隻炸餃子🥟