麵屋神匠

營業中

休息中

真係好耐好耐都冇食拉麵🍜今次去開旺角呢頭就嚟個快食～～～餐廳幾有特色，上面有好多旗仔好有日本特色😝我叫咗個神匠蕃茄蝦湯沾麵，朋友叫咗火炙叉燒拉麵🍜然後加咗再加多一個小食，幾隻餃子～～～火炙叉燒燒得幾靚幾香～但係重點都係，我覺得我個蕃茄蝦沾麵果然冇叫錯～～～一上第一個感覺就係覺得份量好多咁，好豐富🤣🤣🤣有兩邊溏心蛋，上面啲叉燒係半肥瘦👍🏻👍🏻👍🏻因為叉燒太瘦嘅話就唔好食！！！😝餃子香脆都唔錯👍🏻👍🏻

📍麵屋神匠好耐無食拉麵，所以今次揀左尼間拉麵試下。裝修好靚，吊左好多燈籠。服務都好好！！！拉麵有兩舊超大塊叉燒，溏心蛋，紫菜，筍。叉燒一啖落去超滿足。溏心蛋好正，超入味。拉麵份量好多，好彈呀，唔會軟趴趴地👍👍🍜濃厚蝦湯拉麵湯底好濃郁，真系物如其名🥳🍜辛辣蝦湯拉麵湯底會清少少無咁濃，有少少辛辣味，唔會容易滯。🥢炸雞有五舊，炸得好香，重點係唔會有雞騷味，入面好嫩滑，同沙律醬真系絕配啊！！！

每次係油麻地A出口行過旺角～都會見到麵屋神匠門口出現人龍👀今次我都排埋一份，食完覺得係值得等待嘅😜店舖裏邊掛滿日式紙燈籠🏮好有氣氛！二人套餐$218，包左兩碗拉麵，一客小食，兩杯可揀凍或熱嘅麥茶✨濃厚蝦湯拉麵🍜一上枱熱到出煙嘅拉麵，第一時間飲啖湯！果然合乎商品說明條例😆湯底嘅蝦味夠晒濃郁兼濃厚，重點唔會死咸！湯面鋪滿脆口嘅櫻花蝦🤤兩塊慢煮叉燒好嫩滑，屬於偏瘦個種叉燒😉火炙叉燒醬油拉麵🍜另外呢碗醬油拉麵，湯底相對比蝦湯個碗溫柔叉燒用左五花腩部位，火炙過肥高位特別焦香😎兩碗拉麵嘅麵質都好Q彈，裏面仲有兩塊紫菜、京蔥絲、蔥粒、大量嘅筍絲、仲有半隻糖心蛋😚炸日式餃子🥟餃子皮炸到脆卜卜，餡料除左有豬肉同菜外，仲有洋蔥🧅味道不錯！麵屋神匠 (旺角)旺角彌敦道562號地下B號舖

今日去左旺角探朋友，佢帶我去一間之前youtuber介紹過的拉麵店。朋友話平時lunch hour店外已經排晒長龍，係我地預左要排隊的時候，卻人不多！不過一坐低後，人群陸續地多，到走果陣就真係見識到餐廳的威力！😂😂😂 一開始比佢玻璃窗上掛滿日式燈籠而吸引，入到店內亦充滿濃濃日式風味。不過餐廳位置不多，唔怪之得成日都要排隊啦！另外，服務員的態度友善，印象不錯。 ⦁濃厚蝦湯拉麵 $98包含日式叉燒，溏心蛋🍳，大量櫻花蝦🦐，京蔥和筍絲，份量十足。慢煮叉燒肉入口非常重肉味，而粉嫩顏色更加增進食欲。 ⦁炸日式餃子 $32整體上餃子🥟皮脆肉嫩，皮唔會太厚，入口多汁💦。 ⦁神匠蕃茄蝦湯沾麵 $128日式叉燒有焦香味，而且入口軟綿。冷麵第一啖食落去好有彈牙，在沾上濃濃的蕃茄蝦湯🍅🦐，好惹味。✨記得麵條在湯中唔好浸得太久，否則會失去彈性。

🥺🥺是晚下雨天 仲要涼涼地 想食 #拉麵 🍜好在搵到 #彌敦道562 地下嘅 #麵屋神匠 趕及到佢地2145 last order 帶2215 就收 要把握時間本身想叫 #一人套餐拉麵5️⃣揀1️⃣ 再小食 2️⃣揀1️⃣但趕及收工關係 🤷🏻‍♀️冇 #餃子 🥟 🥺🥺#濃厚蝦湯拉麵 $98湯底唔會好熱 蝦湯 再加上 #櫻花蝦 更添濃厚配有 #慢煮叉燒 #筍 同 #溏心蛋 半隻叉燒偏瘦得嚟煮得好腍 溏心蛋亦好流心加$12 有汽水留意返💁🏻‍♀️ #設有加一服務費後記😔邊食時 位女員工 係咁掃地 拖地 帶哂口罩都feel到佢塊面有幾咁👩🏿好有壓力地 15分鐘內食完就閃人😔

星期六大約下午1:30去，排左一陣，都好快有位。叫左黑蒜醬油拉麵同火炙叉燒醬油拉麵。黑蒜味好香拉麵，湯底濃郁，加入了黑蒜的獨特風味，讓湯頭更加香濃，配合青蔥、海苔等食材，係正常拉麵發揮反而另一碗火炙叉燒醬油拉麵，堅係俾到驚喜，主要係佢嚿叉燒，肥瘦適中，入口即溶，又「嘩」一聲的感覺感受到係好俾心機整叉燒，同普通薄薄一片嘅叉燒真係好唔同呀！好喜歡咁有層次！另外都要讚一讚餐廳播放嘅歌曲，係熟悉嘅動漫歌曲，好有feel

📍 麵屋神匠 (旺角)旺角彌敦道562號地下B號舖前幾日上youtube見到有人推介呢間拉麵店，見到佢環境充滿日式風格，勁靚😍已經小小心心眼❤️今日咁岩出開旺角嗰邊，就去朝聖下先✌️個環境真係好靚，打卡一流😍一排排嘅燈籠，充滿日式風格，非常吸睛神匠蕃茄蝦湯沾麵🍜第一次見到拉麵上面有多士，上面嘅醬係香料葉，幾清新好特別😉糖心蛋好juice,夠曬糖心😋叉燒肥瘦相間，煎到好香仲有少少脆邊👍烏冬麵沾上濃濃蕃茄蝦湯🤤濃厚蝦湯拉麵呢個係招牌麵，叉燒相比沾麵嘅較瘦，但係肉質夠嫰及細緻，一樣咁好食😋至於麵條就是日式幼麵，軟硬適中，配上濃郁湯底，真係好推介👍炸日式餃子🥟非常香脆可口嘅餃子，粒粒夠曬飽滿😗原來都幾多報道食拉麵，記得落埋呢啲#麵屋神匠 #拉麵推介 #旺角拉麵 #油麻地拉麵 #美食推薦 #ramen #japan #yummy #mkramen

聖誕諗住求其食，就去咗旺角一間拉麵舖頭雖然係小店但都好多人排隊，等咗大概半個鐘，終於可以入得，態度都幾好，講俾你聽邊度有得可以放背包，拉麵價錢少少貴，質素還可以但紫菜唔係好脆，炸雞幾好味👍🏻配埋個可樂一流！

於OPENRICE BOOK 位可以單點全單9折,但套餐沒有。晚上8點半去食,依然有好多人食緊。有一人套餐及二人套餐,由於套餐有小食及飲品,比較抵之下揀左套餐啦。叫了一個二人套餐$218,需要加一服務費,點了火灸叉燒醬油拉麵及辛辣蝦湯拉麵,小食點了炸魷魚鬚。由於炸魷魚鬚太好食了,,,好快食哂,,,佢唔係真係鬚黎,其實佢係魷魚圈咁樣..唔記得左影相,哈哈哈,只有影左拉麵,拉麵都好好食。第一次寫呢間食評,同樣不是第一次食..依然覺得好好食,下次會繼續幫襯,試下其他口味。辛辣蝦湯拉麵湯底有好多蝦,份量好足火灸叉燒醬油拉麵拉麵軟硬適中,我個人覺得好好食,叉燒都好食,但我無食到D肥膏,如果少DD肥膏會有100分,哈哈哈

油麻地地鐵站一出，就會見到呢間搶眼嘅拉麵舖，裝修好靚，有日式風味🍜黑蒜醬油拉麵 $88每碗都有糖心蛋，但係呢樣嘢已經好吸引！湯底好重黑蒜味，但係又唔會太鹹；互相兩天大大塊嘅叉燒，厚度適中，咬落去好林，又索晒啲湯(*^o^*)🍜濃厚蝦湯拉麵 $98大量櫻花蝦乾，幾脆口，蝦湯底超級濃郁，份量非常足料，拉麵有咬口！↖(^ω^)↗🥟日式炸餃子 $10加配幾脆口，咬落去有清脆嘅聲音！o(^▽^)o🌼ps估唔到三點幾四點去都好多人，好彩唔使排隊

旺角呢一間拉麵店經常門口排上人龍，今日正好來試一試，入到店內裝修很有日本特色，仲以為自己去了日本呢！我同朋友分別試咗濃厚蝦湯拉麵及火炙叉燒醬油拉麵，另外還加錢叫了日式唐揚炸雞，都很有水準！先講我的濃厚蝦湯拉麵，果然有驚喜！奶白色的濃厚蝦湯非常鮮味，而且相對厚身，使拉麵能夠沾滿蝦湯的美味！另外麵質非常彈牙有口感，二兩塊叉燒非常大塊，果然係人氣推介拉麵，非常好食！而我朋友叫的火炙叉燒醬油拉麵湯底比較清甜，朋友說叉燒是半肥瘦，非常惹味，味道濃郁，配襯清甜的醬油湯底，絕對不錯哦！而那個日式堂楊炸雞甜甜的外皮揸得香脆，雞件啖啖肉，配上特制醬汁，很有日式炸雞風味！這間拉麵店質素有保證，而且價錢合理，唔怪得知咁多人排隊幫襯啦！

食物是可以，客人都多服務细心，價錢合理但非常不方便，連自已客人的厠所都没有，相信衛生都成疑問。請留意這點就會令生意更好希望有待改善，盡量了解客人的需要。就100分

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 香港的日式拉麵店的確係五花百門，然而日式拉麵同其他日式餐廳一樣都唔係間間都有水準，而且價錢都唔低 🙃 要搵一間覺得值得比咁上下價錢既拉麵店的確唔易，慶幸今次都物有所值 🥰位於油麻地既麵屋神匠開左都有一段時間，一直都想試但係又未有時間黎試一試而今次終於的起心肝黎試一試麵屋神匠既拉麵，絕對無令我地失望 😊麵屋神匠舖面唔算大，勝在設計得宜，餐枱吧枱等空間充足 。就算滿座都依然唔會有壓迫感，中間通道仲有適當空間。🌼 濃厚蝦湯拉麵 $98濃厚蝦湯的確係非常濃厚，再濃啲都幾乎以為佢係龍蝦湯啦 😙蝦湯配有櫻花蝦，香味非常重☺️拉麵既慢煮叉燒口感超級彈牙，味道特別，好值得一試！😝🌼 火炙叉燒醬油拉麵 $88本以為係普通既醬油拉麵，配上火炙叉燒竟然另有一番風味 👍🏻用火槍燒過既叉燒油脂味濃厚，加上一層有燒碳感既味道，非常特別💋呢種碳燒味均勻咁分布係麵湯之中，令一碗看似平平無奇既醬油拉麵變特分外特別😎🌼 炸日式餃子 $32餃子全身炸得鬆脆，咬落去有清脆既聲音😋餡料依然保持軟熟，呢種外脆內軟既感覺的確令人欲罷不能 🫣🌈服務 ⭐️ 有位可以放置隨身物品，座位相對闊落。ᵕ̈ ᑋᵉᑊᑊ

今日約咗好耐無見既朋友去旺角食野，我地有做定功課上網睇定，一心就諗住試試呢間「麵屋神匠」嘅日式拉麵店，地點好方便，而且裝修好有日本氣氛，好多日本燈籠同裝飾。店裡亦有提供冷熱清茶！🍵🏮我哋叫咗兩碗拉麵，分別係「濃厚蝦湯拉麵」同「黑蒜醬油拉麵」。第一碗嘅湯底蝦味非常濃郁，啖啖都係櫻花蝦好滿足嘅感覺。麵條嘅質地都好好，有咬口同有彈性，真係好啱我嘅口味。叉燒肉質一啲都唔韌，配料仲有流心蛋、竹荀加埋兩大塊紫菜。🍤🍜而第二碗嘅黑蒜醬油拉麵，一上枱就超大陣黑蒜香味，勁香，真係好好味！配料都係同上碗一樣，再加上適量蔥花配拉麵，都好滿足！🍜🍖食完唔夠喉仲加多個煎餃，煎得香脆，配埋醬汁食，正！🥟😋最後，我想講呢間嘅湯夠晒熱，食完都出緊煙，令個麵更加好味！如果你係拉麵控或者思鄉就一定要試下喇👨‍🍳👍

呢間係朋友推薦嚟試嘅，嚟到見到門口嘅落地玻璃，透視裏面一排排嘅燈籠，相當吸睛。呢度嘅拉麵係冇得揀軟硬度，但本身個麵質已經非常適中，有咬口又彈牙，今次試咗濃厚蝦湯拉麵，湯底蝦味濃郁，據聞係用唔同嘅蝦同蝦殼熬成。配料有粉嫩嘅慢煮叉燒，加埋大量櫻花蝦，半隻溏心蛋同紫菜，豐富得嚟又有品質。神匠蝦汁拌麵有兩塊炙燒過嘅叉燒，叉燒係五花腩，肥瘦適中，油脂同焦香嘅肉味融合喺口中。如果俾多幾塊就好,蝦汁同埋啲櫻花蝦撈埋啲麵食都好夾，另外仲有成隻入哂味嘅糖心蛋，呢個拌麵真係好出色。炸日式餃子都唔錯，餃子炸得好酥脆，冇油膩感。朋友今次真係冇介紹錯，呢間真心好食。