影片
更多
2018-03-17
207 瀏覽
事隔多個月，木嘴終於儲夠錢可以出街食飯，重出江湖喇。過左今次可能又要儲返一年半載先有錢食飯寫食評，所以建議各木嘴迷將呢篇食評拉長黎睇，例如一日只睇一隻字，睇足一年先睇完呢篇，咁就唔怕一次過睇完之後日日都苦無木嘴陪伴。今次有幸成為木嘴復出第一篇食評既餐廳就係呢間由東京過黎既拉麵店一燈。其實去之前都上黎睇過D食評，見到有人話排完一輪入到去發現其實間鋪仲有好多位，同埋D麵用微波爐叮，都心知不妙，但反正又冇其他野想食，就一於試下新野。木嘴一行三人夜晚7點幾去到，門口已經打左幾個蛇餅，但排左唔使半個鐘就入得去。一入去就發現之前睇果篇食評講得冇錯，入面真係仲有好多位，一係就其實坐滿人但木嘴時運高睇唔到，一係就擺明故意製造人龍。一諗起有可能係前者既時候，心都寒埋。我地點左兩個味玉沾麵同一個特製拉麵，雖然排隊果陣已經點好餐，但都要等好耐。我地坐BAR台既，係漫長既等待時間可以近距離觀賞下佢點樣煮麵。所謂煮麵，其實就係有幾個煲仔煮熱D湯，再將成碗麵放入微波爐度叮。木嘴可能見唔慣世面，唔知依家廚師界發明左呢種咁高尚咁高階既煮法。木嘴建議為左突出呢種創世既煮法，不如唔好叫麵屋一燈，改叫麵屋一「叮」突出主題算
今次有幸成為木嘴復出第一篇食評既餐廳就係呢間由東京過黎既拉麵店一燈。其實去之前都上黎睇過D食評，見到有人話排完一輪入到去發現其實間鋪仲有好多位，同埋D麵用微波爐叮，都心知不妙，但反正又冇其他野想食，就一於試下新野。木嘴一行三人夜晚7點幾去到，門口已經打左幾個蛇餅，但排左唔使半個鐘就入得去。一入去就發現之前睇果篇食評講得冇錯，入面真係仲有好多位，一係就其實坐滿人但木嘴時運高睇唔到，一係就擺明故意製造人龍。一諗起有可能係前者既時候，心都寒埋。
我地點左兩個味玉沾麵同一個特製拉麵，雖然排隊果陣已經點好餐，但都要等好耐。我地坐BAR台既，係漫長既等待時間可以近距離觀賞下佢點樣煮麵。所謂煮麵，其實就係有幾個煲仔煮熱D湯，再將成碗麵放入微波爐度叮。木嘴可能見唔慣世面，唔知依家廚師界發明左呢種咁高尚咁高階既煮法。木嘴建議為左突出呢種創世既煮法，不如唔好叫麵屋一燈，改叫麵屋一「叮」突出主題算了。同埋我地坐bar枱係可以免費見到佢D員工有幾咁優秀法，例如員工X成日都唔記得熄火就走左去，之後就當住客人面被教育。好心你d員工唔掂就唔好整個bar枱啦，依家當做話劇娛賓咩。幾十蚊既快餐我都明，但呢度講緊係收你百幾蚊一個麵，如果要娛賓，求其搵個人扮日本人煮下麵，或者索性搵個人扮麵算啦。
苦等差唔多半粒鐘終於有野食喇，拉麵個湯就幾濃厚既，但食到一半覺得好咸，唔係好食到魚既鮮味。特製拉麵有一隻蛋兩片雞肉兩片豬肉同兩粒肉丸，全部味道都冇乜特別。沾麵個湯凍得好快，枉佢仲特登拎去叮，結果叮完都凍得咁快，建議可以加強watt數或加長時間再叮。
整體黎講味道唔算好突出，呢個價錢係第度已經可以食到兩碗拉麵。唔知日本一燈知唔知佢地做得咁差，定係日本一燈本身都係一叮d friend黎。無論如何，木嘴喺日本定喺香港都好，都肯定唔會再食呢間野第二次。
張貼
