麵堂

營業中

休息中

最近新開主打東南亞菜式嘅麵館，環境舒適又光猛，午市/下午茶/晚市套餐/仲有一人火鍋有得食，價錢親民，地點方便，店員服務態度友善，區內人士又有多個選擇。前菜有豬頸肉木瓜沙律，肥瘦均勻，香而不膩，啖啖肉好滋味，配上青木瓜沙律味道更加清新。主食方面私心推介烤雞扒馬拉喇沙摻摻，雞扒分開上十分貼心，外層薄且香，肉質嫩滑，湯底濃郁唔辣亦唔油，麵條掛汁，份量適中，性價比高。若唔鍾意湯麵嘅都有其他選擇，如蜜汁烤叉燒醬油撈麵，叉燒望落唔靚但食落有驚喜，唔嚡唔乾，真係生舊叉燒好過生你。小食選擇好多，炸腐皮肉籽外脆內彈牙，單骨雞翼炸至酥脆可口，薄餅熱辣辣上，薄脆且唔膩，單食都夠味，自己一個人可以食幾碟😂 甜點帶椰香氣，甜度適中，熱天食幾解暑。飲品分別有抹茶奶綠同季節花茶，前者茶香奶滑，後者有淡淡花香氣，各有千秋。

隨着啟德各個場館陸續開幕，呢度新開嘅餐廳都越來越多！今次就搵到一間食多國菜嘅粉麵舖頭～ 佢哋既一人套餐只係$108起，就已經包咗小食、主菜、飲品、甜品，價錢都幾合理！小食方面，我同朋友就揀咗娘惹芽菜 同埋 大蝦菠蘿米紙卷，個人覺得娘惹芽菜非常有驚喜，辣辣地好開胃，而且佢哋用咗比較肥身嘅芽菜，食落口感就更加好！😍😍主食方面，就揀咗烤雞扒馬來喇沙滲滲🐔 同埋 紅咖喱牛肉配印度薄餅🐮，兩個主菜我都好鍾意，滲滲椰香味十足，另外紅咖喱牛肉雖然偏辣一啲，但就非常惹味，重點係佢哋嘅印度薄餅非常脆口，配埋咖喱汁就最好味啦！🙌🏻🙌🏻飲品就揀咗柚子鮮薄荷紅茶🍊 同埋 鳳梨清新特調梳打🍍，兩杯都味道清新又解渴！佢哋嘅套餐已經包咗甜品，呢個甜品仲要非常特別香港冇乜地方有得食，佢就係泰式椰子雪糕🥥，呢一個椰子雪糕椰奶味重，比較creamy!😋😋

看演唱会选择了这家店，点的是下午茶套餐，因为还没有到5点。首先上菜巨慢，将近40分钟，请问海南鸡饭和红咖喱印度薄饼是什么非常难做的饭吗？其次，服务员普通话太差，我能听懂粤语，只是讲得不太好所以我跟她讲普通话，结果完全理解不了我的意思，我说我单点的青菜还没有上，她只会重复我套餐里面没有青菜，这是一回事儿吗大姐？最后所有的服务员真的都非常着急要帮你收台，甚至我菜还没吃完就急着收，这种情况出现了两次！！！给人赶客的感觉，体验确实很糟糕👋🏻来看演唱会别吃这家！！！

啓德零售館嘅食肆陸續開幕，雖然有唔少係連鎖餐廳，但都有啲出面見唔到嘅名字。假日午間到呢間餐廳用膳，雖然店內大致坐滿，但基本上唔使等位。不過當日餐廳人手不足，接待處久久未有服務員，所以明明店內有位都要等咗2分鐘先有人帶位。午市套餐連一杯飲品都係七八十蚊，而且有十幾款選項，餐牌上睇落賣相吸引，以商場入面嚟講算機抵。餐廳採取QR code點菜，所以理應不會漏單。不過當日廚房情況非常混亂，我等上菜時已經聽到隔離對面都有食客催單同埋侍應上錯菜。結果不出所料，我嘅午餐由13:20等到約13:55先有得食，而且中間仲要上錯飲品(本來我叫凍飲，但嚟咗熱飲)。途中樓面侍應姐姐幫我催促廚房，與廚房工人對話甚有火藥味。慢煮紅燒肉冬蔭拌麵 ($75) ★★★★✰可能等得太耐已經幾肚餓，所以覺得呢個拌麵幾好食。本身唔知會送碗雞湯，不過湯就好一般，飲多幾啖覺得有少少鹹；紅燒肉真係炆得腍，而且配合少辣嘅辣醬(應該係冬蔭嘅部分)調味剛剛好，配合爽脆嘅紅洋葱條同鹹酸菜，都係好適合拌麵嘅材料。份量正常恰恰食得飽。總括而言，我覺得午市套餐價錢幾實惠，我食嗰個餐物有所值；而且座位算ok寬敞、燈光光猛，只係可能因為新開所以廚房

去完啟德體育園太累了，其他店人太多，因為這間即時有位，所以．．．食物份量少，單骨雞翼4隻，其中一隻責底的超細隻。咖喱雞飯一人餐包雪糕小食飲品，盛惠$118。咖喱汁辣，但整體咖喱雞飯好細碟。美式手沖，似X利亞個杯咁。

聽聞啟德體育館呢度有好多新開嘅餐廳，今日同朋友行過就試咗呢度新開嘅麵堂，餐廳主打唔同嘅料理，而且有一人或者二人套餐，選擇多變❤️❤️今日就嗌咗兩個二人套餐，而且再加咗少少小食💪街頭炸腐皮肉籽這道小食使用腐皮包裹肉餡，炸至金黃酥脆，外皮香脆，內裡的肉餡鮮嫩多汁，醬汁係一個是拉叉醬，辣辣地都幾惹味🍽️三巴芽菜搭配三巴醬，味道香辣，口感清脆。三巴醬的獨特風味讓這道菜更加開胃，十分適合與其他菜品搭配享用！🥗菠蘿大蝦米紙卷非常創意嘅料理，包裹新鮮的蝦肉和菠蘿，口感清新，搭配特製的醬汁，味道酸甜可口。每一口都能感受到海鮮的鮮美和菠蘿的清香！🍤🍍喇沙配香煎雞扒這道喇沙湯底濃郁，味道香辣，搭配香煎的雞扒，讓整道菜的味道更加豐富。雞扒的肉質嫩滑，面方面有兩種係油面同埋米粉，雙重口感，不錯，十分美味！🍲冬陰功豬扒焗飯雖然話係食麵為主，但係飯都同樣出色，飯以冬陰功的風味為主，搭配嫩滑的豬扒，焗至金黃。口感豐富，豬扒的鮮味更是讓整道菜提升了層次感，而且食到肉嘅質感，唔會話太多鬆肉粉！🍚

✨愛玩小生👦🏻又嚟到啟德零售館覓食～今次快食咗一間叫【麵堂】，主打東南亞風味麵食，仲有啲飯類揀，不過選擇就少啲～🍜 海南雞馬來喇沙摻摻滑嫩海南雞＋香濃椰香喇沙湯底，米粉配油麵雙拼超有層次～湯底辛香唔嗆喉，飲完仲想encore！🥗 大蝦菠蘿米紙卷大蝦彈牙，配上香甜多汁嘅菠蘿＋新鮮蔬菜，包埋落米紙度，清爽又開胃～點埋酸甜醬，好味！🍝 冬蔭功海鮮撈麵冬蔭功醬汁夠酸夠辣，超惹味～蝦同魷魚都夠新鮮，食到尾都唔會膩！🍍 鳳梨清新特調梳打（凍）飲落清爽透心，鳳梨香味天然唔假，岩哂配搭重口味菜式，飲完即刻refresh！🍨 泰式椰子雪糕椰香滿滿，口感細滑又綿密，仲食到椰絲！甜度啱啱好～好想打包返屋企再食（玩咩，講笑咋🤣）！📍 麵堂啟德零售館二3樓M2-317號舖

睇show前嚟咗零售館呢邊食嘢，去左一間類似東南亞餐廳食麵，以遊客區嚟講價錢尚可接受，一人套餐都抵食街頭炸腐皮肉籽🍗炸到腐皮外層好酥脆，同裏面軟軟嘅肉好大對比，而且有馬蹄粒，令到口感更加好椰青沙冰🥥（+$28）清甜嘅味道又可以解熱氣泰滷無骨豬手醬油撈麵🐷($116)有啲似台式加泰式嘅味道，懶人恩物，無骨豬手，處理得好乾淨，食落啖啖充滿膠原蛋白，又夠入味，仲有肉燥，成個滷水汁嘅味比較偏甜，有完美流心糖心蛋，面方面就比較偏淋，個人鍾意硬身啲泰式椰子雪糕🥥淡淡嘅椰香，仲有粟米片同提子乾

我好少寫食評，今次覺得好好食，所以就寫下啦。今日1136分到達後叫左個青咖哩雞扒飯，好有驚喜，辣辣地，我就啱啱好，雞扒唔知點整可以整到好嫩滑，好正。因我減食關係，最終食唔晒，但我會比9.5分。

於星期日晚上7:15左右入座，但二人套餐已有很多選項已經沒有，只有東坡肉，豬手，以及要加$28的海南雞。入座時並沒有通知沒有甜品，於QR code點餐時選擇了雪糕，但到埋單的時候才告知甜品已售罄，店員並稱入座前已告訴我們(但入座時並沒有任何通知)。當詢問會否有優惠券下次兌換相關甜品，店員說沒有，也沒有提供任何替代方法去補救餐點缺乏甜品一事(例如額外飲品)食物種類比較少，質素一般，沒有特別。海南雞飯的油飯，不是很入味，但紙米卷還不錯。沒有小童餐椅及膠餐具，座位亦比較擠擁，並不合適有小朋友的家庭。

“烤雞扒船麵晚餐”($116)“蜜汁烤叉燒醬油撈麵晚餐”($116)又去咗啟德搵食🤣今次去咗呢間喺零售館2嘅麵堂餐廳環境舒適又光猛晚市仲有好抵食嘅1人晚餐套餐包括小食,主食,飲品,甜品主食揀咗烤雞扒船麵,蜜汁烤叉燒醬油撈麵船麵湯底帶點藥材味入面仲有魚片,豬皮,豬紅,白蘿蔔,芽菜,韭菜加上烤雞扒都真係幾豐富😚叉燒撈麵會配上滷肉,溏心蛋而蜜汁叉燒半肥瘦仲帶點燶邊小食就揀咗街頭炸腐皮肉籽,炸粿肉角其實2款都係炸豬肉🐷不過肉籽就偏泰式🤣甜品係泰式椰子雪糕🥥食落椰香十足又幾正😙飲品方面我地加錢叫咗特飲揀咗西柚冰涼特調梳打,鳳梨清新特調梳打🍍2杯賣相都夠哂靚,味道都好清新☺️

如果搭鐵嚟啟德零售館、個人覺得啟德站好似近些少行得順啲，雖然宋王臺站個路程都係差唔多。晚飯時份到零售館2試下搵食，見到呢間新麵店地方光猛新淨門口有menu睇到dinner set包小食/主食/甜品/飲品望落okay又有位就試下先□Prawn & Pineapple Rice Paper Roll 大蝦菠蘿米紙卷▪︎跟餐揀咗呢款小食，好健康啲餡(蝦、雞絲)調味唔濃，夾咗酸咪咪嘅菠羅條，點魚露食個味出啲○Soy Sauce Mixed Noodles with Marinated Boneless Pork Knuckle 泰滷無骨豬手醬油撈麵(摻摻)▪︎泰滷汁唔會太鹹剛剛好，撈摻摻(油麵+米粉)幾掛汁，好順口咁追住食晒成碟麵豬手個皮滑一滑肉嘅部份較要𡁻多幾下，點跟果碟豬手汁又係酸酸哋幾開胃。配菜有滷肉、洋蔥同半隻蛋，份量足夠食飽飽□Crispy Tofu with Lime Fish Sauce 炸豆腐(魚露) ▪︎另外加錢點嚟試下，新鮮炸起香口無比○Thai Coconut Ice-cream 泰式椰子雪糕▪︎跟餐嘅飯後甜品有椰子味雪糕仔，加咗栗米片及提子乾感覺滿足，另跟一杯甜甜哋嘅熱茶，如果

下午茶時段，叫左兩個餐（拌麵+法包），一杯凍花茶同一杯凍美式咖啡。 入去果陣其實只坐左一半坐位。職員送上一杯熱啡同一杯凍深啡色飲品。我哋同職員講我地order左凍啡同凍花茶，問個職員果杯深啡色凍飲係咩嚟，佢話係凍咖啡，點知飲落去係花茶， 跟住職員又送上另一杯凍花茶， 我哋再講多次我地差一杯凍啡，結果得左10分鐘先換番杯凍啡。拌麵左10分鐘左右送到，法包等左20分鐘都未有，同職員講跟一跟個「法包」，職員只回應整緊喇，都冇同廚房follow up.到等左30分鐘，再問同一個職員大概幾時有，佢又問多次我叫左咩，擺明之前冇跟，我話法包，佢只回應法包要耐啲，一聲sorry都冇，似乎唔諗住同廚房跟。我話我等左足足30分鐘，佢先一臉不耐煩去同廚房跟。如果你一個餐目真係要咁多時間做，餐牌點解冇寫？ 如果廚房真係咁忙，點解幾枱客遲過我哋入嚟都已經就食完，都未整好一個包？ （我哋坐咁耐個場都唔係坐滿既）究竟係你hea答客戶冇同廚房跟單定係個法包真係要30分鐘烤出嚟？30分鐘應該已經烤到變咗炭。最後仲要charge10% service charge🙄

午餐時段：- 1）海南雞午餐…$82 （熱咖啡）2）紅咖喱雞扒撈麵…$73 （凍咖啡）今日第一次嘗試呢間餐廳，抱着試一試，叫咗一個海南雞飯餐，D味道正常，佢只有一個醬料，冇酸甜辣椒醬及甜豉油，但另一個紅咖喱雞扒撈麵有驚喜，佢係用咗粗麵，雞扒好軟，紅咖喱比較特別😋，最令我哋欣賞嘅係員工服務好到位，上餐時有提醒紅咖喱撈麵可能會比較辣，可以先撈少少，冰飲會與餐一齊上，而熱飲會等食完餐再上👍🏻👍🏻，有留意客人用餐情況👍🏻👍🏻下次一定會再來試試其他套餐😋

餐+28的豆腐，酸汁醬不是很好吃牛丸還行豬手很軟很不錯跟餐送的花茶沒拍照，熱的味啖小小小甜，凍的無味無甜。完 不好吃又不給說 完完完完完完完完完完完完完完完完完完完