麵堂

營業中

休息中

啟德零售館多咗好多嘢食好多嘢行，見呢間麵堂價格合理就試一試。環境乾淨企理光猛，人流唔算多。泰式濃湯牛肉粉湯頭濃郁，搭配金邊粉口感不錯。海南雞半隻，啖啖肉份量足。小食方面，炸腐皮酥脆可口，搭配甜辣醬很開胃。泰式椰子雪糕椰香自然，不會太甜。咖喱炸饅頭外皮酥脆，沾著咖喱吃很搭。飲品選擇多樣，荔枝薄荷梳打清涼解膩。 仲有花茶添。人均$200有找，份量足夠，適合簡單用餐。餐廳環境乾淨，服務態度親切，係商場內不錯的用餐選擇。

啟德體育園2號零售館有間新式泰國餐廳🙆🏻‍♀️ 餐廳環境舒適 光猛通爽 都幾好坐🪑 餐廳用QR code落單 最近去仲見到有+$1優惠 都幾抵咖～ 烤雞扒馬來喇沙摻摻烤雞扒馬來喇沙摻摻好大份！雞扒烤得皮脆肉嫩 啖啖肉 亦都好香香芧味 幾惹味😍 至於喇沙摻摻 椰奶湯底幾香帶少少辣味 摻摻吸滿湯汁 再加上魚腐索晒d湯汁 更加好味🤤冬蔭功虎蝦海鮮撈麵 冬蔭功虎蝦海鮮撈麵 我揀咗泰國新鮮幼粉 麵條幼身帶點煙靭🍜 撈麵無湯底（另外配咗一碗高湯）冬蔭功醬汁酸辣 會掛係幼粉上去～ 配料有虎蝦、黑松露墨魚滑、青口、魚蛋 幾多料😝 不過佢哋本身可能冇特別調味 建議撈埋d冬蔭功醬一齊食！脆炸豆腐配魚露酸汁 脆炸豆腐配魚露酸汁係開胃之選😗 豆腐外層炸得金黃酥脆 入面軟嫩 魚露酸汁又酸又辣 啱啱好 同一定要趁熱食！泡沫奶茶泡沫奶茶估唔到係配上濃味嘅泰式奶茶 上面有個綿綿嘅甜奶蓋 平衡返奶茶味 飲落順滑☕️椰青滑冰天氣咁熱 我想飲返杯冰凍凍嘅沙冰～ 佢嘅椰青滑冰清新可口 啲冰較細 椰青味幾香 另外好似配咗啲乳酪 所以甜啲啲🍹

早兩日去左啟德零售館發掘下新餐廳🍴⭕️ 泰式豬手配雞油香飯豬手飯大大碟 on side有肉燥撈👍🏻豬手燉到好軟腍 仲有埋酸辣醬 幾開胃份量多 飯都幾香⭕️ 烤雞扒船麵一上枱俾個賣相嚇親 烤雞扒好大塊同勁厚身醃到好惹味 甜甜地船麵揀咗泰國幼粉 索晒湯好入味仲有豬紅 肉丸等配菜 好豐富😋另外仲點左幾款小食✅香草墨魚餅似泰式魚餅 加入墨魚粒好辣 風味十足🇹🇭✅泰風味豬頸肉MVP🏅大塊 彈牙調味 火喉🔥都岩岩好點埋醬食唔停✅脆炸豆腐 配魚露皮好脆 又大粒內裡好soft 新鮮熱辣辣🤩小食食到意猶未盡食完成餐好飽份量多 價錢又合理裝修企理光猛不錯既晚飯食堂👍🏻

原本想食壽司朗，見對面呢間野新開又有位所以轉左過來食，叫左兩個餐古早牛肉麵同冬陰功虎蝦海鮮撈麵，古早牛肉麵既牛肉ok 但麵比較硬，個湯麵好淡，d麵有d硬冬陰功虎蝦海鮮撈麵，一d都唔冬陰公，海鮮請睇圖😂成個餐最好既係小食，雞翼同沙律，沙律都幾大碟個雪糕都有椰子味既，雖然有野飲有甜品，每人$150左右看似好抵，但其實呢個價仲有好多選擇下次唔會再去了～服務方面d員工就可能仲新，好似好多野都好迷惘甘，見幾台客都催雪糕😂😂

想求其搵野食，一唔認真搵就食到伏野😵以爲海南雞飯實無死，點知都係勁鞋，心裡面已經好難受，仲要無端端播埋d EDM，做咩啊？做咩者？靜靜地食飯都唔得👊🏻不建議試了～

位於啟德的東南亞餐廳，啟德體育園裡新開了不少食肆，這間木系風格的餐廳，給人放鬆舒適的感覺，而且燈光光猛，座位也很寬敞。餐廳主打泰越馬來西亞風味的菜式，供應午市及晚市套餐，套餐有前菜、主食、飲品、甜品。主食：泰式濃湯牛肉粉湯底是船麵湯汁，湯麵掛汁，配料有牛丸、牛腱、牛肉等，牛肉份量蠻多；牛腱厚實，滷得入味；牛丸爽彈。✨ 海南雞飯雞好滑嫩，隻雞皮煮到金黃油亮，皮爽肉滑，仲要冇半點雞腥味。由於要減肥，所以轉咗白飯，仍然粒粒分明，最正嘅係佢嘅醬汁，帶點香辣惹味，配埋雞肉食真係絕！✨ 季節花茶清清地飲杯熱嘅花茶，順便可以去吓油脂🩷

[ 麵堂 ]去啟德睇演唱會🎶🎤之前食咩好🤔？啟德零售館 呢間餐廳雲集泰國、台灣、星馬等特色菜，有慢火燉煮濃湯麵、飯餐、一人小鍋、特調茶飲等選擇。晚市有單點菜式、1人套餐、2人套餐。1人晚市套餐 $98起 (每日5pm-9:30pm)✿ 海南雞馬來喇沙摻摻 套餐$126✿ 冬蔭功虎蝦海鮮撈麵 套餐$126套餐有小食+主食+飲品＋甜品。小食🥗泰式單骨雞翼(4件)雞翼炸至金黃酥脆，內裡雞肉嫩滑，配上甜辣魚露醬汁。冬蔭醬雞絲沙律沙律份量超多，雞絲細嫩，拌入木瓜絲、胡蘿蔔和花生碎，淋上冬陰功醬汁，酸辣開胃。 主食🍛🍜海南雞馬來喇沙摻摻 咖喱與椰漿湯底香甜帶著微辣，浸泡在油麵和米粉內。海南雞蘸上醬汁添微辣咸香層次。冬蔭功虎蝦海鮮撈麵 酸辣冬陰功湯底包裹幼身麵條，海鮮有虎蝦、藍青口、黑松露墨魚滑，配料仲有溏心蛋🍳、粿肉、醃酸菜，微咸平衡。飲品🍹凍泡沫奶茶🥤泰式奶茶茶香濃郁，頂層綿密泡沫增添口感。凍抹茶奶綠🍵🍵抹茶泰式奶綠在傳統泰奶基礎上加入抹茶，更顯清新。 甜品🍨泰式椰子🥥雪糕 香甜冰涼，椰香濃郁。另外單點餐牌都有好多選擇。單點小食🥙✿ 街頭炸粿肉角 $68外脆內軟，肉餡鮮香，蘸上甜辣醬更顯風味。

🐔🌞夏天必食東南亞餐廳 依間啱晒鍾意食泰國嘢嘅你！有泰式船麵、喇沙海南雞飯，全部都好高性價比！泰濃紅燒肉粉 $120嘩！個湯濃到黐線，泰式香料撞紅燒肉竟然出奇地夾！肥瘦層次分明，一啖粉索晒湯汁，食完成個嘴油淋淋但係好滿足。海南雞配雞油飯 $83雞肉滑到唔使點咬，個黃油飯香到癲！連埋個泰式酸辣醬，完全唔輸俾專門店。唯一挑剔係雞皮可以再爽啲。泰式咖喱炸饅頭 $48炸饅頭外脆內軟，點咖喱汁食邪惡到爆，四件夠晒兩三個人share。炸腐皮肉籽 $58腐皮脆到「索索」聲，入面肉餡調味剛好。雖然價錢有啲貴，但係送酒一流，忍唔住encore多碟！

話說前幾日去咗睇港隊對印度，先發現啟德附近真係好多好多嘢食！！！雖然買唔到波衫，但係就喺商場度行咗好多個圈。今日就去咗其中一間。✨晚市套餐 海南雞喇沙海南雞尚算嫩滑，份量都唔少，比較想稱讚佢嘅喇沙湯底，椰汁味濃，辣度唔算太高亦唔會太油，兩款面底撈埋一齊更有口感～套餐包括飲品、甜品以及前菜前菜方面多達10款選擇，小編揀咗肉燥小棠菜飯，感覺健康啲；而飲品方面就揀咗石榴橘子綜合茶，解一解油膩感；甜品有椰子雪糕，作為飯後甜品感覺唔會過分嘅負擔～另外一款揀咗泰北黃咖喱雞湯麵🍜湯底濃郁濃稠，咖喱味都幾出幾香～最特別嘅係佢加入咗醃製酸菜，成個感覺會帶幾分清新；小食方面就揀咗泰式單骨雞翼，炸得酥脆惹味；飲品有泡沫奶茶，味道正宗！最後亦都單點咗一份手工墨魚角，咬落爽口！不過$68得兩件，性價比比較低(´･_･`)

二人晚餐😎$288起✨前菜小食冬蔭醬雞絲沙律🥗酸辣醒胃，雞絲嫩滑🤗仲有啲香草同花生碎😝口感豐富，份量十足😛泰北豬頸肉配青芒沙律🐷豬頸肉炭燒香口，外脆內軟🤩加上青芒沙律爽脆酸甜，相當開胃🤤🔥熱菜滷肉燥小棠菜🥬 肉燥入味，小棠菜清甜無渣😝撈埋一齊食超夾😙餸飯真係一流😚🍽️主菜海南雞(半隻)🐔跟餐+$26雞皮薄得嚟帶啲啫喱狀嘅膠質😝入口滑溜溜，雞肉嫩到幾乎唔使點咬☺️配上特式泰式醬汁😛酸酸甜甜帶少少辣，同雞肉好夾🥰🍙飯類茉香飯🍚米飯煮得粒粒分明😜軟硬適中，清香唔膩😏雞油香飯🐓 一上枱已經聞到超香雞油味😋每粒飯都俾金黃色嘅雞油包住🥳油香滿溢，油潤得嚟完全唔膩口🤩🍨甜品泰式椰子雪糕🥥椰香味濃，仲有啲椰肉粒，食完超滿足😌🍻飲品手沖美式咖啡(凍)☕️跟餐+$3香醇唔苦，解膩一流😛泡沫奶茶(凍)🧋跟餐+$18茶味濃郁，奶滑香甜，泰奶Fans必試😎

隨住啟德體育園同啟德零售館嘅開幕，又多咗個新商場可以行，仲多咗餐廳選擇，麵堂主打泰國菜，幾惹味吸引兩個人唔想諗直接揀咗二人晚餐🍽️🥢冬蔭醬雞絲沙律沙律好清新，不過冬陰功醬好辣，雖然我都食到，食唔到辣嘅可揀其他前菜🥢泰魚露炸單骨雞翼單骨易咬，炸到金黃超香脆，鐘意魚露汁酸酸哋🥦烤焗椰菜花扒 配青咖喱醬近年好興食椰菜花扒，健康飽肚，配青咖喱汁味道超好，唔太辣味甜，有椰香🐥海南雞半隻雞肉好滑，醬汁同平時食嘅有啲唔同，不過都係惹味同辣嘅🍚飯可揀雞油香飯/ 白飯油飯香啲～🫖冷香甘檸草本茶🫖鳳梨椰香綠茶兩款都好香～仲要一大壺抵飲👍🏻🥥泰式椰子雪糕甜品超正，好鐘意椰子味雪糕，啖啖椰子味😋🚩麵堂 (九龍城) 📍九龍城啟德承啟道38-39號啟德體育園啟德零售館2 3樓 M2-317號舖

呢個午餐組合真係幾平民化，價錢好相宜，而且選擇都幾多元化，可以滿足唔同嘅口味~~我揀咗蜜洞雞絲粿肉湯河，湯底清甜，河粉爽滑，雞絲同粿肉嘅份量都足夠。而海南雞馬來喇沙喇沙湯底椰奶味重，辣度微微。海南雞大件，點醬汁會惹味啲。小食脆炸豆腐配魚露酸汁，豆腐炸得外脆內軟，魚露酸汁開胃。滷肉燥小棠菜嘅滷肉燥要夠香濃。飲品方面，泡沫奶茶嘅茶味夠濃，味道似泰式奶茶，泡沫綿密；石榴橘子綜合茶就淡淡果香，清清地解膩。

啟德體育園真係好大好靚，我整日都好鐘意去果邊散步，再順便食埋個飯～今次就去左麵堂食翻個麵泰風味豬頸肉配青芒沙律🥗🐷🥭 豬頸肉煎得香脆可口，配埋酸酸甜甜嘅青芒沙律，真係好開胃 泰滷無骨豬手醬油撈麵🐷 豬手炆得夠淋，醬油撈麵好彈牙，撈埋一齊食，好惹味😋 小棠菜🥬小棠菜好爽口，肉燥好香，送飯一流🍚泰式椰子雪糕🥥🍦 椰子味濃，雪糕好滑👍🏻泰式單骨雞翼🍗 雞翼炸得金黃香脆海南雞 蜜洞雞絲湯河🐔🍜 海南雞滑，雞味濃郁！湯河嘅湯底好清甜季節花茶🌺🌸🌼 花茶好香，唔會太甜，好解渴！👍🏻

再次入嚟體育園做嘢，不過都好快收工可以搵地方食tea。記得上次喺度食過晚飯、見下午茶套餐都唔貴，食碗laksa都好喎Afternoon Tea Set下午茶套餐■Malaysian Chicken Chop Laksa Soft-boiled Egg Pork Roll Tofu Puff Thick Bean Sprout烤雞扒馬來喇沙摻摻溏心蛋 粿肉 豆卜 粗芽菜 ～ 雞扒分碟上唔會浸到啲皮淋晒， 雞肉微香係幾滑嘅。Laksa湯底有椰香帶甜、可以接受嘅微辣程度，配菜中豆卜幾鬆軟無油益味，粿肉味道都okay如果多兩塊仲正，整體份量1個人食剛好□Upgrade Snacks升級小食■Thai Curry Pork Ball 街頭咖哩豬肉丸～覺得個胃仲有dd位、想點多個"輕擎"啲嘅小食，呢個啱呀袖珍細細粒咁過下口癮。豬肉丸口感爽脆、個汁香料味重□Upgrade Drinks升級飲品■Pineapple Fresh Special 鳳梨清新特調梳打～天時暑熱戒唔到凍飲，俾呢杯張相吸引到好似好涼快即刻點佢，飲落唔錯、酸咪咪唔會太甜嘅菠蘿梳打，要攪勻個底先好飲

見門口有張紙寫新張優惠1蚊換野飲又有海南雞飯就入左去。落單前都叫左職員黎問個優惠點先用到，第一職員姐姐聽完呆左，第二個職員女仔埋黎話照正常落完單之後叫佢地落1蚊野飲。結果我地落左海南雞飯同泰式濃湯牛肉粉，再叫個職員女仔埋黎，結果佢話照係手機落埋野飲就可以就走左……果時仲係到諗“下，又話叫佢落既？咁優惠係1人1杯定一枱1杯呀？”結果諗著就算有1杯平左另一杯28蚊都唔緊要就叫左2杯。過左陣職員女仔拎著我地張單衝過黎話“只有1杯係1蚊”，我地都話好啦，都可以接受。到賣單比錢，收足兩杯28蚊姐係56蚊。我問收銀哥點解唔係1蚊？我地已經問左3次個優惠結果都無？收銀哥話“我都唔知wo，只有一人套先可以1蚊杯野飲，二人餐可以1蚊換海南雞或野飲，咁你地下次多d黎幫襯囉”總結：問3次都出問題，明顯員工混亂，拎埋單過黎講都錯真係攪唔掂。而且枱面無一人餐menu，就算手機上點餐都無一人餐可以點，全部寫單點。雞好滑但無咩雞味，牛肉大件味道還可以。餐後送椰汁甜品一般。重點，一人餐定二人餐都寫著包飲品同甜品，但明明包飲品又可以用1蚊換？明明會送甜品但個餐又包埋？