鴻星中菜 (荃灣廣場) (已結業)

放工同同事即慶約晚飯，成班人（12個）又冇訂位，呢個情形當然係分開幾個地方等位，邊到有位就食佢。係walk in既情況下，鴻星因為唔駛等，於是我們就拉隊入座。菜式方面，主要以海鮮為主。凍龍蝦同出去食自助餐的差不多，冇乜特別。但個人始終覺得清蒸海鮮食熱的，比凍的好。而豆豉粉絲蒸元貝，夠肥厚，蒸的時間剛剛好，爽口又鮮甜。黃豆醬蒸魚腩，不過不失，魚腩油多肉少，個人就麻麻地呢個菜，但D年紀比大的同事，卻食得津津有味。至於個避風塘炒鮑魚，味道其實是ok的，但如果可以炒之前，將個鮑魚炸一炸，成個餸會更完美。整體來說，不過不失吧。

今次買左鴻星既 - 原隻30頭鮑魚銀裝盆菜 原隻鮑魚6隻(6位用) (禮劵)做冬食, 對上一次買已經是幾年前, 價錢貴左, 但質素都保持到! 盆菜包括：鮑魚6隻、柱甫、魚膠、發菜、海參、豬手、蠔豉、魷魚、魚肉、北菇、雞、鴨、豬皮、蓮藕、扣肉、蘿蔔、鴛鴦腸、芋頭、芋絲。 鮑魚, 海參都唔錯, 蘿蔔入味, 見唔到有發菜,魚肉, 但就多左豬脷!屋企5個大人食, 可能食左少少其他食物, 呢個盆菜都要食2日先食得完! 

相隔兩年再幫襯鴻星食大閘蟹，一位連加一五百蚊蟹勁細隻，不論公乸膏都好少其他菜式份量得嗰兩啖，但個碟就大惟一會食飽人嘅係個羹再講服務，除左知客禮貌好啲之外，其他全部都不得了入左座冇人會遞菜單，要自己開聲先有上菜又慢，食就超快，因為份量真係少得可憐，但咁都食左三個鐘每上完一道菜嗰侍應搣左張上菜紙後會掉返落張枱度，係掉而唔係放低，單憑呢一點嗰個加一服務費已經可以收埋唔洗俾講環境衛生，又係一絕，餐具全部超污糟，蟹剪仲有上一手嘅黃油，椅枱更加唔洗講，請侍應倒一倒水好似攞佢條命咁黑口黑面，大佬，你估我想架，你啲餐具真係乾淨到我唔洗過唔到自己嗰關啊，你嫌多功夫就叫洗碗嗰邊做好啲啦呢間真係頂級食府，幫襯過就知其他食肆係無得比

10:47 落單，5個點心，到 11:40 才來了兩碟，追單敷衍了事，直到現在 12:18 還有2個點心沒有來。還有炸兩是凍的，有一段時間没來鴻星了，原來服務一落千丈，奉勸大家揀別的去飲茶。最後兩個點心都沒來，cancel 走人。不會再來。

《鴻星，無乜嘢都唔會再去》原本個餐有以下兩碟餸1) 古都烤鴨(一隻) - 按：即片皮鴨一隻2) 土樓醬烤鴨架子結果，七點鐘已經話無晒片皮鴨，唔知點做生意。1)嘅片皮鴨變咗圖中嘅例牌size 燒鴨；而2)嘅醬烤鴨架話換碟菜俾我哋，但個餐本身已有一碟菜，又俾多碟菜咁健康？問佢有無其他選擇，佢話加$20可以要叉燒，結果只得紅圈內嘅幾舊叉燒，即係呢碟嘢，係一隻片皮鴨+醬烤鴨架+$20 換黎嘅，係咪黐線？！另外，個餐寫明包阿拉斯加蟹一隻約三斤半，結果話賣晒，要加$200食隻大啲嘅。喂，有無大隻到，無人知！而且隻蟹係凍蟹，即係一早已經整定，一早已經諗住捃人加$200！

今日到鴻星海鮮酒家飲茶，因為是假期所以也有很多等位的顧客。見到點心紙有海鮮咸薄罉也叫了一份，薄罉是傳統的食物，用簡單的材料便可組成，有咸有甜的。海鮮咸薄罉上檯時樣子漂亮，顏色吸引，裏面有蝦 粟米 香蔥等，熱辣辣很香脆，不過油份很多，吃完感覺不大好。

昔日頗具名氣嘅鴻星海鮮酒家，自從幾年前從中國染廠大廈地舖搬到荃灣廣場後，都沒有去幫襯過。今天適逢國慶日放假，於是就與朋友去回味昔日嘅那些特色及傳統點心及小炒。到達後，附近其他食肆都人山人海，但鴻星就不太多人，不需等位已經能夠安排入坐。因為得兩個人，所以只係點咗兩個咸點，兩個甜點及一碟乾炒牛河。雞扎份量超小，味道一般，很失望！蜆蚧鯪魚球，球體細小，炸得過火，一啲鮮嫩感都沒有。乾炒牛河，牛肉乾硬，河粉一點醬油味都冇，鑊氣更加欠奉啦！芒果布甸，一啲芒果香味都冇！最後係桂花杞子糕，桂花味一啲都唔出，只係口感還可以！終合而言，這一餐令我好失望！

今日放假同友人茶聚， 第一次嚟呢間鴻星， 中午時間唔使等位 但差唔多都坐滿， 我哋叫咗幾款點心， 唔使好耐第一味黃金豆腐就送上， 40幾蚊價錢幾件细细嘅豆腐份量咁少有D貴， 入口皮脆内軟口感都OK呢幾隻豬仔其實係豆沙包，食特色囉 味道普普通通冇乜特別呢個鳳尾蝦， 又係冇乜特別同食放題嗰啲差唔多呢一鍋 唔記得咗係咩炒飯，味道OK嘅 但稍微唔夠熱, 可能傳菜員遲咗攞出嚟乾蒸牛肉 賣相幾挺身， 味道同其他酒樓差唔多反而依個 貌似雷沙湯圓嘅 價錢係最平 冇記錯好似係15蚊， 但竟然係今日最好食嘅一味， 唔喜歡太甜嘅可能會嫌甜少少， 個人覺得好甜好香口感都唔錯總結嚟講呢一餐不過不失， 但如果用名店嘅價錢食呢一餐， 我會建議用平民價錢 去選擇其他酒樓吧！

一年一度係食蟹季節，先出市場係黃油蟹！唔多講，簡單，直接，如果你想去試我覺得ok ，係好食，service係好，可惜真係mark up 有D高$880一個餐，另加一隻$30蟹粉小籠包味道ok，不過唔值$30！“黄+沙”一定好食D！二人份的頭盘：水準嘢冇complain雞燉花膠。上湯夠濃，不過花膠一少片茄子炒帶子。基本上係帶子碎。味道好食，但$880餐唔應该咁單簿黃油蟹，多糕，不過D油未至於「標」晒出嚟。一人半隻！紅蟳蟹，原來只係「埯仔」！去街市睇睇就知幾錢！不過佢開鹽焗，一打開蓋好香薑蒜蔥味六頭鮑，佢做得好好食，好juicy! 跟著有菜有飯，再加件餅仔就完老老實實，味道真係好，但你話俾人知去鴻星每人食咗一千蚊，你就會覺得唔化算！

太耐無飲茶，難得放假決定同屋企人去飲下茶家庭樂下。黎到荃灣廣場，其實本身唔係諗住去鴻星，不過因為見到想去果間有太多人排隊，而我地又已經太肚餓唔想再等，所以就去左鴻星。呢間鴻星我都係第一次黎，即刻俾門外佈置吸引左眼球。見到有幾隻佈滿中式陶瓷花紋的超級大碗吸引，原來係座位黎，幾特別。不過呢間鴻星分店的食物選擇唔多，連有d好基本的點心都無得揀，所以都係點左好基本果d腸粉，燒賣，鳳爪，叉燒包。唯一覺得特別少少的係煎糯米雞，唔係用荷葉保住而係用煎的方式，幾香口。

今日同屋企人去飲茶，本身諗住去樓下嗰間嘅，但係因為太多人所以就走咗上嚟呢邊！見到下午茶時段佢冇人排隊,所以就走咗入嚟。入到去見到佢張點菜紙，都係得壹版！哈哈仲以為會有多啲唔同款式嘅點心可以叫黎試吓！其中呢個佢話係必點嘅一個點心，亦都係我自己未試過嘅所以就點左試吓！一碟有六件嘅粟米包，哈哈其實我唔記得咗佢本身個名係咩名，總之就係有粟米味嘅炸包！我覺得味道尚可，中間好似搽咗有粟米味嘅牛油嘅感覺！外面嘅皮都算炸得幾脆同埋唔算太油！另外都有點做呢個煎糯米雞！其實我都唔記得咗個名大約好似係咁叫！味道同糯米雞一樣，但係外層嘅皮就係剪過！感覺中規中矩！我個人覺得試唔試都得！其餘嘅點心都係正正常常冇乜特別但係相比起其他下午茶時段嘅酒樓就略為貴左少少！所以應該未必會再幫襯了

老豆75歲大壽，一家大細去荃灣鴻星食晚飯，有銀聯優惠，6人餐有6折，更送半隻酒釀脆皮鴨，再加餐前小食及奶油蝦，8人都感到非常滿足！當中山雞變鳳凰，好味有驚喜，一口豆腐，香口，皮脆豆腐滑，而龍蝦肉比較少，較為失色！侍應有禮，值得一讚，但沒有預留壽包，已賣曬，很失望，改叫珍寶蛋散，又出奇好味，一致讚好!

假期一早去行大帽山，可惜捕獲唔到發哥。更可惜係，未到一半路程，見天色唔多對路，拿臨搭車鬆人去咗荃灣廣場飲茶。又真係好好彩，無幾耐掛起黃色暴雨警告。一向都知呢間酒樓唔平，茶位、魚仔乾計起嚟每人收 $18，都仲未計加一，真係乸脷。【蠔皇鮑粒燴飯 $118】無花無假，真係有鮑魚粒嘅，味道都好OK。【原隻鮮蝦腸 $45】腸粉又薄又滑，蝦係新鮮蝦，唔係雪藏蝦，唔怪得之可以收你咁貴一碟。【上湯鮮竹卷 $28】好普通，只係多咗幾粒杞子而已。唐包點外賣嗰啲仲好食。【懷舊馬拉糕 $28】、【乾蒸牛肉燒賣 $36】食馬拉糕食邊係好食啲，好鬆軟。牛肉燒賣都足料，無溝太多粉。【山竹牛肉球 $28】都係無溝粉，肉質幾腍。呢6樣嘢都只係第一輪啫。第二輪仲有三樣嘢。【元帥三弄 (燒肉、醬蹄、叉燒) $150】呢碟真係不得了，我係指個價錢，$150。有三款嘢，每款只得三舊，僅僅夠我哋每人每款一舊。【腰果甘露撻 $21】呢個幾好食，裡面啲餡好似月餅嗰啲咁。【麻沙糍 $15】顧名思義即係麻蓉糯米糍，無咩特出。埋單9樣嘢收6百幾，都幾貴。

鴻星一直是我喜愛的食肆之一，不論早茶或晚餐都是有水準的，從前多是老遠跑出尖沙嘴光顧，難得就近的荃灣廣場也有開了一間，而且裝修富丽值得一試。今天一行八人，有老有嫰，首先選擇了一個$1788的四人套餐，套餐大約包括阿拉斯加長腳蟹、琵琶汁燒鴨、什菌時蔬、星斑一條、甜品、汽水……等，我們再加點四隻潮式凍龍蝦、黑松露素鵝、川椒虎皮時蔬、什菌山豚煲、韮菜花炒醎肉和一瓶價值$300的香檳。除了黑松露素鵝令人失望外(因為黑松露味實太淡了，反而當一般素鵝來吃會是美味的)，其他食物水準都係上盛的一家都吃得什為滿足尤其長腳蟹和潮式龍蝦最後就算附上的甜品也絕不馬虎

當日和友人到餐廳吃飯，星期四晚上人數並不算多，想到去大集團吃飯希望能夠得到不錯的服務態度和舒適的用餐環境，食物的質素也是次要。當日除了大人還有嬰兒一同出席，離開時難免有點忙亂，當時友人遺留了一個嬰兒吸管杯子，不以為意但很快就於第二日中午致電餐廳説通知遺失了杯子。當時致電和客服聯絡的時候他們還能說出杯子的外貌並說可以幫我們留起杯子，再回去取回。當時心裏想他們的服務態度實在十分好，令人感動。因為有人住的位置並不在附近，已跟他們說明會於假日取回請先代為保管，他們亦已答應。兩日後，到鴻星想把杯子取回的時候，他們找不到，並説應該是有員工把杯子當垃圾掉了，因為他們記得主管有把杯子放於接待處並把當時枱號寫上，方便取回。實在十分令人失望，他們明明說已把杯子代為保管，可是竟然又把杯子掉了，實在很過份。兩小時後他們又會致電來說，從垃圾堆中找到了杯子，試問我們如何可以把當垃圾丟掉的杯子給一個一歲多的小孩使用呢？杯子的價值事小，可是服務態度實在令人十分失望，更何況是一個大集團。經過這次的經歷後，我相信我們不會再到該餐廳了。