鴻星中菜 (荃灣廣場) (已結業)

未試過真係唔使試..🤭🤭🤭🤭🤭唔會有下次，平時都有去開唔同酒樓，最中意就係試新野架喇🤣但係lee間真係唔比差評佢都唔得🥵🥵🥵一試難忘個紅油X手，無紅油味只係甜鼓油汁都算，哇一啖食落去....！🤢🤢🤢🤢🤢只可以話皮硬又厚放咗十年咁好離譜呀！ 而且個陷食唔出任何味道，同價錢好過佢真係大把選擇唯一一樣可以既就係服務員既服務態度幾好，同埋唔知係米荃灣區出名唔好食所以星期日都完全唔使等位，環境都算幾乾淨

快到農曆新年，每年我們都會買一些賀年糕點慶節。今年經過鴻星酒家發現新推出的奶皇黃金糕，便買回家試試奶皇黃金糕 $148/盒一開盒便已能嗅到奶黃香氣，雖稱為黃金糕，但實際上是奶皇味的年糕，而不是東南亞的黃金糕。煎香後一吃，除了有奶皇味，亦有椰香及鹹蛋黃味道，很濃郁而口感則很煙韌，類似糯米的感覺，非常特別，味道討好，值得一試買完兩盒後上官網方知道原來有以下的鴻星網店限定推廣，買3盒以上有九折有點後悔太早在酒樓去購買呢

少味精，淡而高級味，食落舒服少有，本人第一次肯寫食評. 試緊其他鴻星分店做不到. 以前太古坊也完全不是這味. 似以前鴻星中國染廠某店. 酒店也做不出似味. 講緊午市，夜晚未知也很想吃旗下以前佢個碗上海麵. 值得一讚.當然食材還可有改善空間.

今日同老公特登嚟食大閘蟹。8:30前 無特價，$398 餐！大閘蟹偏細，味道ok, 但係換過三隻臭蟹。下面有相睇其中一隻壞蟹有幾黑。🤦🏻‍♀️其他食物質素都麻麻地，我唯有叫多隻BB鴿$60。此鴿也一般。唯一平反d員工幾好，跟得幾貼和有禮貌。有個低級的伯伯（不能落單的），很勤力，跟足每枱用餐進度，抵讚。兩個人合共食六隻，居然發現三隻壞蟹，心情確受影響！ 無論如何，經理都樂於立即換蟹的。整體來說，食物真係麻麻哋，無下次。

叉燒腸皮真係夠曬薄，薄到可以見到餡。叉燒甜甜地，唔會好多肥膏，正！要讚嘅係佢d鼓油用暖壺載，腸粉唔會因為倒左鼓油落去而變凍，呢個舉服真係好貼心呀！呢度有落地玻璃，如果靠窗邊坐，可以一邊食一邊眺望風景，好疏乎呀～🥰

最近的疫情，令到大家都不敢外食。筆者家人也如是，但每天自煮又有點沉悶，於是使用了外賣apps來叫好西。Apps內的餐廳選擇良多，筆者和家人也花了一些時間決定，最後點了「鴻星中菜」。由出餐到送達，手機apps都會有相關提示。收到外賣後也發現食物包裝得挺好，感覺也是相當衛生。燒肉脆皮，起初有點小擔心燒肉皮會因時間關係而軟掉。但沒想到還能有脆卜卜的口感，燒肉肉質紮實香口。餐廳還附以2包黃芥末醬供蘸點。頗特別的君度橙花骨！豬肋骨先經酥炸，然後再用香橙汁、君度橙酒調成的醬汁烹調。味道酸甜，食得開胃。非常貼心的先用保鮮紙包好食物盒，才蓋好盒蓋，以防止運作過程的餸汁漏滲。上湯浸著魚腐、竹笙、野菌，還有小唐菜。既有食物原本鮮味，又索入上湯的咸香味。最後配上2碗白飯，外賣也可以很滿足！

最近疫情嚴重 多了叫外賣速遞。今日發現某外賣APP有中菜餐廳鴻星外賣套餐，非常方便， 按數個選項便可以選擇 二人或四人餐，各自也有不同的菜式選擇。我們二人選了一個二人三餸餐喜歡嘗湯的可以揀選有湯的兩餸套餐 ,或者選擇有燒味的三餸餐 ,同樣地有兩碗白飯附送。 最欣賞兩款套餐都有浸時蔬選擇，家常便飯就應該這樣健康啊！貴妃雞例牌雞件不算太多件，但是上等雞脾肉，多肉小骨滑溜溜君度橙花骨橙絲細粒，醬汁香甜且份量多，用來送飯絕配。骨件經胞炸後配上清新香橙醬，竟然不會淋，仍是非常可口。竹笙雲耳浸時蔬清清地的浸菜心，二人份量菜條剛剛好。菜心不老也不嫩，用來上湯最適合，從每條時蔬的整齊度更能體驗到廚師的仔細。由落單至送到家中，全個過程非常暢順，令餸菜也保持得新鮮，暖和。下次可以再試另一套餐

在荃灣廣場行街，家人說不煮了，要我買一點東西回家做晚餐。.曾經在app看到鴻星有做外賣，所以就到六樓的鴻星酒家買一些好東西給媽媽吃。.原來外賣自取更便宜！我買了個 2位用 $298套餐，有3個餸及2個白飯。選擇豐富，營養都均衡，有燒味、炒小菜、時蔬，價錢很貼地貼近茶餐廳的價錢呢。.值得一讚的是，這家酒家服務真的是超好。在我等外賣的時候，他們主動叫我坐下，要問我飲什麼茶，給了我一壺茶慢慢飲。不過不用等很久，大約5-10分鐘左右，就煮好啦！.回到家急不及待 “開箱”份量比我預期的多，夠3個人食呢。.⭐️蜜汁叉燒好好食！燒得入味，豬肉保持鮮嫩多汁。選用瘦身的肉，更健康呢。蜜汁甜甜地，更能帶出鮮味。而且一大條，份量真的很有誠意呀。.⭐️洋蔥煎牛柳煎得好香，洋蔥煮的夠稔，醬汁伴飯食一流。牛柳一大片的，煮得入味。.⭐️竹笙野菌浸魚腐有竹笙、不同的菇菌、魚腐、小棠菜，清新又豐富。用上湯煮的，更滋味。.在這關鍵時期，大家都避免外出用膳，就是要這種外賣自取抵食套餐。

今日約左朋友黎食2王1后大閘蟹。8點半入得，d檯距離都好近，伙記一個招呼4枱，個阿姐又唔醒，又成日斷片，8點9落單，跟住等，其他枱已食第一隻時我地只有小籠包，塊皮有d厚，唔可以話係好食。。。好啦，見到人地食第二隻，我地仲未有 ，問阿姐，阿姐竟然問我地第一隻未到咩🙄，阿姐蟹殼都冇粒。。。佢原來冇入單。。。最後9点半先有第一隻，第二隻係我地提佢，所以10点到，當然地叫起第三隻時，阿姐問，乜你地未食咩，仲話師傅走左，我朋友嬲爆，佢轉頭又走去揾師傅入廚房，跟住同我地講師傅係度即刻整，轉頭另一個阿姐叫我地埋單先，我地當然唔肯啦。5分鐘後第三隻蟹出，唔係熱辣辣既，即係唔係之前即蒸啦。唉算，因為差唔多11點，所以我地快食+埋單就閃。總括來講，無論食物質素，環境，服務都好差，唔會再黎呢間鴻星

I am writing this comment while waiting for my food.Poor service and insufficient supply of food, especially during Sunday afternoons. They only have 50% of their menu available for ordering, and the food which we finally ordered wasn't good.This is probably the worst super star seafood restaurant branch I have ever dine in.

今日同左屋企去荃灣飲茶，去了鴻星飲茶，因為見到佢有舊式點心，不過等位等左半小時，見到有煎糯米雞，酥炸魷魚鬚，芋絲春卷，豬肚鹹菜湯，仲有我最愛的臘腸卷。仲叫做潮州粉果，鳳爪。先講臘腸卷，有兩個一個係臘腸一個係潤腸。好味！第二個好味係煎糯米雞，外脆，內軟！正，只有呢度食到比較懷舊嘅點心。不過蘇炸魷魚鬚就一般，太多粉漿！至於潮州粉果個皮都比較薄。總括來講，都好味但係價錢略貴。兩個人飲茶飲呢個$300。服務一般。

lunch想飲茶食點心 來到這間看似不錯的餐廳點心品種都不多 連基本的流沙包都無 點了total六個菜 落單只剩四個 不多人仲漏單 服第一個上係春卷 奇怪春卷點會咁快 咬落去一d溫度都無 差評海鮮石窩炒飯 飯都未有炒均勻 所謂海鮮就係幾粒蝦仁尾殘骸 要尋寶咁樣去搵先見到點心拼盤 一共8件 燒賣 魚餃 帶子餃同另外一個品種 但是呢 我同我老公只分辨的到燒賣 其他都係蝦餃 食唔到魚亦都無帶子蝦餃是唯一一道正常的菜 熱騰騰 感激萬分🙏番茄湯西蘭花 西蘭花煮到軟趴趴 買單四百幾都唔平 但食物質素都比不過街邊酒樓 好失望 唔會再來第二次👋

今日難得去荃灣一遊 就去鴻星飲茶叫咗個魚湯雜菜米線 賣相一般，什菜就係椰菜芽菜冬菇木耳， 淡而無味只得魚腥味， 其他都一般般今次真係令我好失望……我本身係劃錯單，免得麻煩，佢一句話好味㗎分分鐘下次來再叫㖭！講得完美 但老實講平又唔夠人平，味錯咁……我不如過隔離個2間啦……

一年一度既母親節又到，為了避開正日咁多人，所以我地提前一日慶祝。我地之前已經訂左鴻星一個醉翁嚐鮑宴$3880十二位套餐。個套餐有好多野食，樣樣都好好味。最值得推介：藥膳醉蝦，隻蝦好彈牙,藥膳味好濃乳鴿炸得鮮嫩多汁，真係好juicy !!!蠔皇花菇乾鮑，用料十足，仲要有好多隻！濃湯雞煲花膠，隻隻花膠都好大隻👍🏻👍🏻👍🏻不得不提個甜品，有蛋散，糯米糍同芝麻榚。大家都食到棒住個肚。仲有，想提一提，服務態度亦值得一讚

今天中午和家人到鴻星中菜飲茶，叫了數個點心，豉油王腸粉的味道不錯，加入了少許麻油，香口蹼鼻，鴛鴦臘腸卷的臘腸容易入口，上湯鮮竹卷一般，最推介是咖哩土魷，魷魚爽而不靱，咖哩味道適中，仲有少量烏冬在底，十分美味，煎蘿蔔糕只有四件，份量較少，懷舊馬拉糕十分鬆化，也是推介的點心之一，鴻星的點心熱呼呼，這是很重要的，因為點心不熱是很難吃的，所以我也會推介鴻星的點心，雖然隔了一段時間沒有試，但水準依舊，荃灣店在星期六中午不用等位。