鴻星中菜 (荃灣廣場) (已結業)

今天又來番尋味！愛上這裡的酥炸鯪魚角，現在每次來的必選！星期—至六的午市特價食品，真係好抵食，味道還不錯呢！迷你雞粒瑤柱燴飯 $68 :雞粒滑中帶爽，菜粒翠绿新鲜，米飯軟硬適中，粒粒分明，献汁濃稠適中，味道剛好。酥炸鯪魚角 $12 :鲮魚肉彈牙，有鯪魚香，外皮脆脆又香口。配這鹹鮮的蜆芥醬，很配搭。蛋煎糯米雞 $28 :出奇地不油不膩，糯米米香不突出，但軟硬剛好，很香口。

很久沒有來這家鴻星， 印像中鴻星不但價錢貴，食物也普通。 這天卻令我改觀。服務員都很殷勤。有些特價食品也是水準之作。$12酥炸鯪魚角，外圓圍邊香脆，鲮魚肉结實彈牙，有鲮魚的鮮香味。配上大大粒鹹鮮的蜆介，回味無窮！$18白切雞米線也很不錯。切雞鹹鮮，肉質帶爽。與羗蓉混和—起吃，十分回味。$38豉油皇炒腸粉，略為油膩，幸腸粉質地夠滑，豉油味道也香濃，夠鑊氣。埋單$125.4 以平日午市來講，相當抵食！

最近見鴻星出行廣告推廣佢个阿拉斯加蟹全包宴仲有七折，折实十二人一圍$3,388, 六人半圍就$1,695,不連加一，廣告仲標榜六人半圍都有一隻约3斤重嘅阿拉斯加蟹食，心諗如此價錢又在咁好牌嘅鴻星酒家食，真係淨食蟹都值回票价啦，因此便與一班友好一行六人食佢半圍啦，最初心諗套餐，會唔會比隻生郁郁嘅蟹來睇吓先煮呢，一問部長即應承，仲用網箕拿一隻约三斤重比我的地睇，嘩，一睇相當对版，怎知隻蟹拎入廚房後，不到十分鐘，D餸就魚贯上枱，眼見有無如此快可以斬件上枱呀？一食件蟹爪就知不是剛才生郁郁嘅蟹，蟹肉又鞋又鬆散，根本就換上死蟹比客食，揾客笨，於是大夥兒便揾經理理論，經理一看，自知理虧，即刻換上一碟新鮮的，但並無道歉，新换的一碟花凋蒸蟹爪今趟食味就完全唔同，但我等已对鴻星失去信心，如此欺客呃人，怎敢介紹他人去食呢，套餐上其餘餸菜尚可，但六個大男人食就好勉強。

復活節的第一天，我很高興為一位認識約 10年的好朋友做姊妹！  見證她找到一位很緊張又疼錫她的好老公，幸福滿瀉！他們結束 4年愛情長跑，並設宴十席於荃灣廣場 <鴻星海鮮酒家>，招待親友！  在下午 4:00，酒樓交場，四位兄弟們幫手佈置場地，而我們四位姊妹則 4:30 前到達！ 水晶燈與色調柔和的假花裝飾襯託之下，顯得華麗優雅！卻不失派頭！  然而，每席上均擺放色彩繽紛的假花擺設，倍添浪漫溫馨！設宴十席，就算幫手在席上擺放小禮物亦好輕鬆！ 小禮物是蜜糖，讓賓客也感受到他們甜甜蜜蜜！ 當晚，八時入席，九時有得食！  最驚喜是有鮑參翅肚食！ 除了第一道乳豬全體之外，其他菜色全部都有侍應為我們分！更加得體！ 滿堂金豬添喜慶滿堂溫熱的乳豬，皮脆肉香！  夾雜一層薄薄的脂肪，脂香豐腴，蘸上乳豬醬，真是絕配無得彈！  蜂蜜雲腿玻璃蝦球蝦大隻爽口！西芹口感清爽口味清怡！  蜜味金華火腿，以蜂蜜烹調，去除濃重的鹹鮮味，入口變得甜美起來！  連口感也好似豬肉乾！  令我們食得驚喜！ 金絲帶子球炸卷表面以炸麵包裹，鬆脆無比，炸麵碎濺到桌上，  炸至金黃色的外層

經過上午半天的會議，由高層發起的Lunch Meeting選址荃灣廣場的鴻星，一行五人雖已訂座，但以入座率而言，訂座其實是不需要的。點心紙除了點心，還包括了一些粉麵飯及廚部小食的那些，選擇豐富。點心以外，還可選擇午市套餐及懷舊粉麵系列。茶水及蝦乾辣油費 $10/位脆脆銀魚配花生 $4/位看來我很久沒飲茶？還是沒飲貴茶？還以為銀魚這小吃只有在晚飯時段才會出現，大集團果真能找地方賺錢，那管只是$4。豉汁涼瓜肉片煎米 (改炒米) $108肉片算是腍身，炒米味道也算香濃，不過被同事改為炒米，頓是不值這個值錢。潮州粉果 $12餡料濕潤飽滿的粉果，一口一粒，口腔盡是香氣。筍尖鮮蝦餃 $42吃不出昏尖的蝦餃，蝦粒倒是爽彈，蝦餃皮也夠薄。鴻星燒賣皇 $40味道沒蝦餃來得好的燒賣，吃時有感餡料並沒握得很結實。魚肚滑雞扎 $38表現普通的雞扎，無論哪裡吃都吃得到用作僻雪味的薑味。蜜汁叉燒包 $25叉燒醬較多的叉燒包，味道普通。叉燒包始終是傳統的麵包皮好吃一點。柚子蜜汁黑豚叉燒酥 $42點心紙上所謂的必食點心，只有丁點叉燒，酥皮太厚且乾，不好吃。香煎臘味蘿蔔糕 $30臘味味道不夠香，只有外層的香脆。原隻鮮蝦

預早訂位準備今晚品嚐呢個龍蝦盛宴，訂左8:15pm...點知8點多d去到，未入得都已經算，仲要等到8:30pm先入得，已不耐煩吧！由於當晚有壽宴及公司晚宴，所以枱得返唔多，但足以証明安排得不足了！不過環境不錯，枱與枱之間又唔迫，所以都幾舒服！準備開始啦喂第一味出場。原盅雞燉翅～熱呼呼架！第二味係溜心帶子卷，我覺得好一般，沒特別！第三味係鴻運乳豬團體，好味又脆第四味係上湯焗龍蝦，整得幾野味，但冇乜肉食！第五味係堅果泡螺仁，將３款食材MIX埋一齊又幾好味啵！第六款係清蒸沙巴龍躉，碟太大，魚較細，外觀太搞笑！而且蒸過龍～第七款係酒釀脆皮鴨，堅脆皮架到左第八款已經幾乎飽哂咁滯～甜菜肉末清蔬，配搭不討好！第.....九款係三鄉炒飯，將Ｄ蜆肉去炒，不錯的！全晚最滾動既環節，呢個精美甜品會否太精美？個人覺得太過唔好睇，勁細粒！我真心覺得寧願係湯水或生果～　迷你到冇朋友6人套餐總值$1,686... 但需另再加一... 同行有2位人仔叫左2罐可樂(心唸應該$15左右一罐)... 點知一比錢原來成$22蚊罐好像有點誇張吧！當晚Ｄ職員服務好一般～不知係咪呢間分店問題呢？

受人所托，約老總食飯，以前常去舊店那邊食飯，都是因為食物水準可保持，招呼又好，自從搬舖後，我都是去飲茶，今次就襯機去食晚飯。這晚只大月三個人，先點了一個燒腩仔作為餐前小食，水準仍然能保持，皮夠脆肉夠淋，入口味道甘香，肉汁豐富，實在是佐酒佳餚。繼而就點了每人一個超正的超級迷你冬瓜盅，一個飯碗口大的冬瓜，加入帶子、蝦仁、蟹肉和瘦肉、蓮子等精燉而成，原汁原味，入口清甜味美，材料新鮮可口，確為夏天的上佳湯水。之後才點了三個菜，鮑魚海參炆鴨掌，鮑魚炆得十分香淋，味道鮮美，口感淋而不韌，更有噬頭，海參就略嫌過淋了半點，爽口程度不足，但尚可接受，而那鴨掌就炆得夠味，香滑鮮甜，十分了得。石窩沙薑雞，第一次嚐試這道菜，味道濃郁，甘香可口，雞肉嫩滑，不油不膩，有點像鹽焗雞又有點像啫啫雞，很是惹味。炒膠白笋，膠白笋十分爽口，師傅用味也十分到家，味濃而不咸，入口鮮甜。最後加了一個簡單的蛋白菜粒炒飯，這飯雖然簡單，但師傅也炒得十分夠火喉，飯底夠乾身，蛋白又嫩滑，味道也清淡適中。這晚的甜品是蛋白露和山楂糕，蛋白露是鴻星酒家的拿手甜品，杏仁露用上等杏仁磨成，特別清香，杏仁味十分濃郁，蛋白嫩滑，入口香甜，已是衆所周知

之前都有去鴻星舊舖飲茶，見搬左..又去試下囉!侍應安排左我地坐房，安坐後..等左好耐都無人主動問我地飲咩茶我地咪叫人點茶，點完等左5分鐘都仲未送到黎又要再追茶到..送埋芥醬+花生魚仔，我話唔要叫佢拎走。未有茶已經點定食物，點心好快送到"炸醬麵"..份量少得可憐! 但味道唔錯..麵條爽口彈牙，炸醬料好夠味..惹味"素鹹水角"..入面有芋茸+沙角，芋茸粉糯..係味道甜左D"炸雲吞"..整體無乜特別，夠脆口..甜酸醬略嫌太少"叉燒腸"..腸粉皮夠薄又滑，餡料除左叉燒仲有翠肉瓜"糯米雞"..餡料足，糯米夠軟糯整體食物OK..係服務真係麻麻地，由其坐房無人refill水..最終等到自己出去斟。

鴻星是我喜歡常去的飲茶聚脚地，早茶就去得多，見這間新店新開張了一段時間，仲推廣緊阿拉斯加蟹，咁就叫齊人馬去試一試，為咗食得更著數，我地專登響夜晚八點半後入座食八折6人套餐。先吃過小食：一口和牛和北海道白蝦，白蝦炸得鬆脆不膩。套餐菜式中，阿拉斯加蟹真係夠大隻，我地全隻蟹改哂凍食，肉質新鮮又美味；凍頂烏龍茶皇燻乳鴿：乳鴿改用烏龍茶浸，肉汁滲有烏龍茶味，味道獨特；自家醬炒蝦仁：醬汁味道適中，蝦仁肉味好又彈牙；洋薏米響螺羹：好有口感不過味精太重。花菇羅漢素卷：OK喎，不膩口。加埋大大個蟠桃壽包，又是飽足的一餐。廳面環境舒適開揚，貫徹鴻星風格，服務員態度親切，一定會繼續捧場。

今日 適逢與姐夫屋企人食飯因此就選擇了由中染新城搬至荃灣廣場既鴻星了環境沒太大既改變食物亦都係冇太大改變 當中既美食亦不是先講個龍蝦沙律啖啖龍蝦肉正跟住到鮑魚扣鴨掌 鴨掌同鮑魚都好林 個汁好香至於小龍包 似乎就有小小淡啦 應該可以再加多啲湯但整體已經很好至於羊架 必食既野 因為有屋企人鐘意食冇「蘇」味 扺讚