鴨仔冰室 (已結業)

今日同同事去咗食茶餐廳，其實佢係一間茶餐廳又係一間冰室又係一間西餐廳！點解咁講呢，因為佢係FoodCourt入面嘅冰室，但係賣高質丹麥及多國美食！F. 日式咖喱豬仔脾配飯 $58呢個算係我覺得最有驚喜嘅餐，因為佢個豬仔比真心勁滑，本身我仲諗住會好韌，但竟炆得幾淋，同埋佢個咖喱係日式咖喱唔辣偏甜，反而幾好食！G. 丹麥豬扒配太陽蛋薯菜 $63呢個係另一樣要贊嘅，就係佢嘅豬扒同埋牛扒全部都煎到有格紋，成件事勁高級，好似去到高級餐廳食西餐咁！丹麥豬扒都幾淋，但係唔太夠味（可能我自己鐘意食濃味！）H. 西冷牛扒配炸蝦薯菜 $93都係一樣，牛扒煎到有格紋，成件事勁高級！不過塊西冷牛扒比較薄，而我自己鍾意食厚身嘅牛扒，因為咁樣肉汁會容易啲鎖住，都好食啲！不過呢個價錢，塊牛扒起晒格紋，又大大塊咁，都算係唔錯！仲有仲冇，佢啲薯條係新鮮滾熱辣炸出嚟，真係好好食！

越嚟越多特色餐廳座落喺觀塘，今次就去左食傳統扒房The Ugly Duckling，因為已經好耐未鋸過扒，order咗set dinner西冷牛扒炸蝦配薯蓉。醬汁揀咗黑椒汁，個牛扒好厚身而且煎到表面一格格有曬紋路，同埋鎖得住牛扒嘅肉汁所以好正，食牛扒配埋黑椒汁簡直係絕配。吉列蝦就炸得啱啱好，金黃色好香脆可口， 薯蓉就打得好眠入口 融化，睇得出廚師好有心機。另外叫咗個雜扒鐵板餐，有豬扒、雞扒、火腿、香腸、薯條、煙肉配埋洋蔥汁，食肉獸嘅我哋嚟講絕對啱曬。其實前菜沙律同餐湯同樣好好味，沙律就夠新鮮，餐湯就令人好開胃。最後飲品點咗冰室傳統飲品黑牛同埋菠蘿冰，黑牛令我童年回憶返曬嚟，菠蘿冰就酸酸甜甜，菠蘿好爽好正，下次嚟 一定會試埋什果冰同埋其他鐵板餐。

晚市放寬左就緊係心思思想出街食飯，lunch hour都幾多人排隊，所以今晚就收工黎開飯🤣。Dinner set都幾抵食，有湯有嘢飲，唔要湯可以要沙律🥗，有得揀算幾好，而且價錢唔貴🤩我地要左湯，因為叫左個沙律🥗。係羅宋湯黎，唔太大碗，好足粒👍🏻，全部都係切丁粒，我好欣賞☺️，因為一個匙羹可以裝到幾個蔬菜🔻慢煮雞胸燒南瓜雜菜沙律$60🔻慢煮雞胸一啲都唔鞋，仲好juicy👍🏻，用左香草味道唔會太濃。熟南瓜雪凍左既，口感依然🤤，沙律係配油醋汁，食落好醒胃☺️而且沙律菜都好靚好新鮮😋🔻日式咖喱豬仔脾配飯$68🔻日式咖哩當然唔辣啦，唔辣仲好香咖哩味👍🏻，汁底我幾滿意。最正係個豬仔脾👍🏻👍🏻👍🏻，有3件，仲要煮得好淋，一切就開，而且仲好入味，真係唔錯，整體份量都幾多👍🏻🔻扒龍利柳配薯條$78🔻超級香濃嘅牛油忌廉香草汁🤤，魚柳扒唔油膩仲好夠味。平時薯菜會想點茄汁，依個汁真係好好食😋，配薯條一流👍🏻，薯條同平時食既唔同，佢係闊同扁身，而且熱辣香脆👍🏻👍🏻🔻特飲 （菠蘿冰+黑牛）🔻不過不失，係回憶😌，不過杯菠蘿冰有好多菠蘿🍍，正呀⭐️

自從限聚令之後，好耐都未試過出去鋸扒。難得今日男朋友有時間抽出嚟，可以喺公司附近食個西餐。呢間鴨仔冰室開咗喺鴻圖中心入邊，呢度出名多餐廳㗎啦，當中有呢間幾有特色嘅西餐廳。而其中我覺得好難得嘅係餐廳嘅老闆好Nice好好人，仲要超級有禮貌添，呢個你係喺工業區估唔到嘅服務。佢行嘅係懷舊風，格仔枱布，啡皮梳化嘅卡位，再加埋留聲機，感覺幾有情調㗎。我哋兩個都嗌左佢哋嘅特色鐵板餐嚟試吓。每個餐都會跟咗個沙律或者湯，佢哋今日嘅是日餐湯係黑松露薯蓉湯，佢個薯蓉打到好滑，飲落去甜甜地，幾唔錯。我自己就嗌咗個大蝦牛柳餐，佢隻蝦落咗蒜蓉去焗，真係好香好好味。而佢個牛柳可能因為唔記得同佢講要幾成熟，所以佢上咗全熟，不過好彩都唔會太乾。而男朋友就嗌左個西冷牛扒餐加煎鵝肝，佢個鵝肝都唔錯，唔會煎到燶晒或者油林林。值得一讚嘅係佢哋啲薯條，超級大條，入邊係滿滿嘅薯蓉，外脆內軟，好好味。另外我哋都試咗佢個薯蓉，佢個薯蓉都有落奶去打嘅，感覺好creamy，甜甜地，唔錯。

今日喺牛頭角附近收工由於返工太辛苦嘅關係😤於是決定喺附近搵嘢食同埋要食好啲行咗入嚟呢一個商場見到呢間餐廳啲裝修好懷舊好特別擺滿掛滿好多隻鴨就入去試吓啦侍應叔叔非常好態度一坐低就即刻拎水同埋俾個信封我入口罩好細心🥰晚餐嘅選擇都幾多而且價錢有平有貴 豐儉由人但係話明今晚要食好啲😂於是乎我揀咗鋸扒每份餐都會跟餐湯或者沙律由於想食返啲菜嘅關係所以我揀咗沙律沙律細細兜 而且好夠凍望落已經好靚食落更係非常驚喜因為每款沙律菜都好新鮮爽脆調味只係用咗橄欖油同黑醋簡單得嚟更加突顯到蔬菜嘅新鮮食完沙律主菜啱啱好上場一擺低已經聽到鐵板嘅吱吱聲今日着咗白色衫淋落去嘅時候勁驚會彈到成身都係😂好彩有張大餐巾擋住西冷牛扒唔會太多肥膏係我鐘意嘅塊扒叫咗七成熟食落都唔會overcook 真係做到七成唔知係我錯覺定係點我覺得食落仲有陣淡淡炭燒香味😆加埋啲肉香🤤啱晒食肉獸而且啲薯條係粗切外脆內軟薯條控表示滿意食到一半杯餐茶就嚟咗啦我叫咗凍咖啡少冰少甜杯咖啡就冇乜特別一般水準都飲得過嘅😆總括嚟講餐廳都坐得幾舒服一桌一椅加埋枱布等等都好有老香港味道加上所有侍應都好好面口🥰所以呢個一個人的晚餐都食得幾開心

今日去觀塘食飯，經過鴻圖中心，原來入面開咗好多餐廳，入去行咗個圈之後，我就揀咗呢一間鴨仔冰室。餐廳用咗鴨仔做主題，很多擺設都放滿鴨仔和懷舊裝飾，很特別，亦是打卡的好地方。坐低後，店員很細心遞上餐牌和口罩套，佢哋嘅選擇都有好多，仲有鐵板餐。由於我係鐵板餐嘅fans，即刻急不及待點了兩個鐵板餐。我哋就叫咗兩個鐵板餐，是日餐湯 - 松露薯蓉湯，真心推介，冇諗過餐湯咁有質數，超好飲👍🏻👍🏻👍🏻美式什扒-材料十足，豬扒和雞扒煮得剛好，肉質嫩滑，司華力腸和平常的不一樣，口感很口，整體味道不錯。跟餐可選薯條，薯蓉，飯和意粉。本人推介薯蓉，分量很多，而且配上黑椒汁很好味。大蝦牛扒 - 他們推介的菜式，新鮮大蝦配上牛油汁，很香很好味，牛扒煮得剛剛好。本來想試吓佢哋嘅甜品，因為已經賣晒，所以我哋就叫咗兩個雪糕，黑朱古力和豆腐雪糕口感和味道都好好食，和一般餐廳的杯裝雪糕不同，問下店員係邊隻牌子，他們說是商業機密，但是可以話比我地知，係一球球買的，所以大細有保證。熱檸茶- 香濃整體來說，食物質素唔錯，坐得舒服，而且店員服務態度好好，值得再試👍🏻

自從這商場變成美食廣場，變化真的很大，在鴨仔冰室坐，感覺就像商場中間食飯，其實都幾有趣湯 沙律 黑牛 熱檸水晚餐當然就需要簡單的湯和沙律，但講到香港經典黑牛，真係需要試下，可樂加上朱古力雪糕，真係無得輸。海鮮燴飯蟹肉藍青口蝦汁係蕃茄為主，燴飯當然跟番傳統係用意大利飯硬硬地，蟹肉都相當多，仲要有埋大大隻蝦係到配合，藍青口亦都大大隻夠哂肥美。大蝦牛柳講到港式西餐，都少不了食下扒，牛柳有兩大舊處理得不錯，入口相當嫩滑，牛味香，鐵板下的大蝦很吸引人。

這個鴻圖中心地下隱藏了數間餐廳，行了一個圈就決定到鴨仔冰室食個西式晚餐，裝修簡單，用上格仔枱布，啡色皮座梳化，很有懷舊的感覺。晚餐選擇頗多，仲有鐵板扒餐提供，價錢經濟實惠，還不設加一服務費。晚餐跟餐湯/沙律及餐飲。是晚餐湯是羅宋湯，湯料十足。很久沒有食鐵板餐，所以點了一個法式寶雲酥羊架配上黑椒汁，羊架下會有一堆雜菜，吸收了羊的肉汁，都很好味。這客羊不可選擇生熟程度，切開雖然沒有粉嫩的顏色，但食落的肉質都仍然嫩口，不死實，這客羊架最特別是用芥末及麵包糠塗上羊架上一齊焗製，芥末蓋了羊膻味，麵包糠則令羊架多了脆脆的感覺，可配上意粉/飯/薯蓉。另外點了香煎龍脷柳刁草忌廉汁配意粉，龍脷柳煎得金黃，刁草忌廉汁不會太膩，份量剛好。餐飲加$12 便可點特飲的雜果冰，黑牛及菠蘿冰

鴨仔冰室 The Ugly Duckling+ 多國菜+ 扒房🏠環境:+ 紅白格仔枱布 幾有懷舊感覺+ 半open 位置 幾特別價錢58-168 平食豪食都可以‼️ 大蝦牛柳 $168好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 蝦真係大大隻.... 仲好好咁分碟上 唔怕將煮到啱啱好嘅蝦整到過熟✅ 牛柳就厚肉多汁✅ 值得一提係 意粉 唔似出面餐廳 無味意粉做伴碟 呢度到 茄汁味 加上意粉煮得啱啱好 唔會太稔 保持口感‼️ 雜菌松露燴飯$58好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ risotto有咬口 軟硬適中✅ 松露汁 口感幼滑📍觀塘巧明街94-96號鴻圖中心地下5D-E號舖Shop 5D-E, G/F, Hung To Centre, 94 - 96 How Ming Street, Kwun Tong⏰星期一至六12:00 - 15:3016:00 - 20:30☎️ 電話號碼 96987788📩喜歡我的文章，可以關注我及讚好以作鼓勵

知道搬 office 的日子越來越近，所以都多加留意附近有咩好嘢食。其實附近的食肆並不多，呢間已經係其中一間比較近。雖然之前係食過，但係呢次又再食，睇吓係咪維持到水準。由於呢日限聚令仲係兩個人，所以人並不多。於是我們決定堂食，在黃色鴨子包圍下每人叫了一個 set lunch。我們都點了餐湯，呢日嘅係南瓜湯，甜甜地又唔太稀。西冷牛扒配炸蝦薯蓉長長的一塊牛扒，煎得七成熟，肉質軟軟的容易咬開，索埋醬汁好惹味。而炸蝦脆脆地，食落熱辣辣咁。什菌松露燴飯 加雞胸松露加入燴飯很香，最正的就係加入的雞胸，口感滑得來像是慢煮才有的味道，味道清清地但完全唔會覺得寡。配搭上 凍檸茶 和 菠蘿冰，整個套餐變得圓滿了~

是日晚餐到咗觀塘工廠區的food court行過見到有間西餐門外掛住黃色小鴨就被它吸引入去了😍是日餐湯係羅宋湯及田園沙律🥗餐飲要咗凍檸茶及加$12轉雜果冰什菌松露燴飯第一啖咬落去充滿咗黑松露嘅味道菇味十分濃郁，但吸收左松露汁軟硬啱啱好。Fish & chips第一眼見到嘩咗一聲，因為炸魚嘅份量真係十分之大🤪第一次見咁大塊😋冇鹽炸薯條一啲都唔油感覺比較健康。大蝦牛柳用鐵板上嘅大蝦牛柳我配左蘑菇汁。牛柳上面係蒜蓉大蝦🍤牛柳烤得啱啱好再配埋個蘑菇汁好好味，啖啖肉👍

今日lunch 去試吓在牛頭角鴻圖中心內的愛琴坊美食廣場內的「鴨子冰室」The Ugly Duckling 🐥⋯⋯The Ugly Ducking 雖然在Food Court 內，但店舖是昔日地道懷舊的感覺，配上一些復古的擺設，真係讓我想起兒時的回憶⋯⋯特別是看到格仔枱布👻👻Lunch Set 有9款不同的選擇，每款亦可以自己選擇要飯或意粉或薯菜..最特別還有薯蓉👍🏻是日餐湯是松露薯蓉湯，很香松露的味道，雖然是薯蓉底..但仍然很香滑亦有口感👍🏻配搭夠特別！西冷牛扒很香濃的炭燒味，肉質鮮嫩，7成熟剛剛鎖上肉汁而個黑椒汁，有別一般都其他西餐廳，很香濃的黑椒味帶有少少辣..炸蝦薯條夠香脆...$93擁有這樣質素絕對超值👍🏻Lunch Set 加$12 可以選黑牛或雜果冰或菠蘿冰說明兒時回憶，一定選黑牛👻👻Lunch 又多一選擇，下次再來🥰🥰

之前一路都有去觀塘食飯，晏晝比較少行去呢入邊工廠區，然後知道原來工廠區入邊有好多好多嘅餐廳，午市嘅時候亦都非常爆滿。我哋兩個人叫咗兩個午市套餐，一個係黑椒餐肉雞扒飯，另外有一個係西冷牛扒意粉🍝。一個午市套餐，會有餐湯、主菜，同埋飲品。餐湯係羅宋湯，微甜，細細碗。黑椒餐肉雞扒飯，餐肉比較厚身，雞扒大塊，黑椒汁比較結，比一般茶餐廳好食少少。西冷牛扒意粉，塊西冷牛扒比較薄身，意粉加左少少茄汁煮過，食落都唔錯嘅。最後飲品，我哋叫咗一杯雜果賓治，同埋黑牛。雜果賓治加咗七喜落去，都幾甜，食完鹹嘅嘢再飲呢杯雜果賓治，係幾爽嘅。黑牛嘅話就想講一講佢嘅雪糕，佢嘅雪糕感覺上似雀巢朱古力雪糕，因為比起來說稍微更好食。

呢排都慣左叫外賣，聽講呢間鋪頭d嘢食幾高質，今日又想食西餐，就叫左佢。丹麥肉丸蘑菇汁飯 ($52)最怕d肉丸乾爭爭，佢呢個肉丸好新鮮，肉汁豐富而且大大粒，配埋蘑菇汁好送飯！評分：4.567/5-日式咖喱豬仔脾配飯 ($58)咖喱幾甜，不過再濃味d就好啦。d豬仔脾份量好多，啖啖肉而且肉質嫩滑，唔錯。評分：4.453/5-西冷牛扒配炸蝦薯蓉 ($93)佢個薯蓉牛油味幾重，西冷牛好淋，蝦炸得脆之如炸粉唔算多。評分：4.677/5

今日食Ugly Duckling嘅外賣，分別揀左焗豬扒飯（$50）仲有牛扒炸蝦薯蓉（$93）。加$5要個南瓜湯，另外跟沙律。飲品加$12有黑牛，好似記憶中都無飲過黑牛，原理係朱古力雪糕加可樂，溝埋之後就接近忌廉可樂帶朱古力味，係幾特別架，味道竟然有啲似有氣咖啡。個焗豬可能因為擺耐左係保溫爐嘅關係，接近盒嘅飯粒全部都變飯焦，塊豬扒又乾又鞋，蕃茄味道唔夠酸甜，芝士亦唔係好夠，整體需要改善，可能有啲較肥嘅部位啦。個牛扒就好好多，脂肪比例好好，所以食落係軟身又有牛味，容易切，一啲都唔韌。🍤炸蝦就係蝦膠黎，都好脆。薯蓉份量幾多，有奶味又creamy，值得一試。