鴨仔冰室 (已結業)

之前一路都有去觀塘食飯，晏晝比較少行去呢入邊工廠區，然後知道原來工廠區入邊有好多好多嘅餐廳，午市嘅時候亦都非常爆滿。我哋兩個人叫咗兩個午市套餐，一個係黑椒餐肉雞扒飯，另外有一個係西冷牛扒意粉🍝。一個午市套餐，會有餐湯、主菜，同埋飲品。餐湯係羅宋湯，微甜，細細碗。黑椒餐肉雞扒飯，餐肉比較厚身，雞扒大塊，黑椒汁比較結，比一般茶餐廳好食少少。西冷牛扒意粉，塊西冷牛扒比較薄身，意粉加左少少茄汁煮過，食落都唔錯嘅。最後飲品，我哋叫咗一杯雜果賓治，同埋黑牛。雜果賓治加咗七喜落去，都幾甜，食完鹹嘅嘢再飲呢杯雜果賓治，係幾爽嘅。黑牛嘅話就想講一講佢嘅雪糕，佢嘅雪糕感覺上似雀巢朱古力雪糕，因為比起來說稍微更好食。