123
3
0
港鐵牛頭角站 B6 出口, 步行約5分鐘 繼續閱讀
電話號碼
96987788
開飯介紹
由丹麥廚師主理,主打丹麥及多國美食,並以鴨作主題,餐廳內有黃色膠鴨擺設。價錢親民,菜式加入多款自家製醬汁。輕食之選有丹麥單片三文治,豐富餡料排在單片麵包上,視覺、味覺同時享受。 繼續閱讀
營業時間
今日營業
12:00 - 15:30
16:00 - 20:30
星期一至六
12:00 - 15:30
16:00 - 20:30
星期日
全日休息
付款方式
現金
其他資料
網上訂座
賞訂座積分
有關獎賞計劃
食評 (131)
成日以為牛頭角畀觀塘少 大型商場, 選擇就會少好多。 但係原來唔係咁, 有好多 小店都隱藏 喺唔同嘅工廠大廈旁邊。 今日就去到 巧明街, 呢個foodcourt一啲都唔起眼, 但入邊原來別有洞天, 有pizza有漢堡包有日式蛋包飯亦都有西餐。 今日想坐好d, 就去咗ugly Duckling食午餐。呢度午餐都有好多款選擇, 雞牛豬海鮮, 意粉飯薯蓉 都入君選擇。 每客午餐包湯或沙律主菜飲品, 價錢只係有四十幾蚊起,超抵食啦。青豆蓉忌廉湯濃稠 適中,creamy幼滑。沙律沙律菜勁精神, 超爽的。 用陳醋同橄欖油調味, 挺開胃的。丹麥豬扒配太陽蛋飯配洋蔥汁丹麥豬扒煎得香口,厚肉得嚟多汁,唔會太鞋,比我 想像中好食。另外意粉也有用 茄汁煮過,份量也給得很多,大男士來到 也一定夠飽。 太陽蛋 煎得燶邊, 蛋汁撈落去意粉度, 超好食的。西冷牛扒吉列炸蝦配薯蓉吉列炸蝦即叫即炸,西冷牛扒味道有驚喜!牛肉肉味濃,肉汁滿又豐富, 軟淋不韌,質感柔軟, 而且唔會感覺太騷。 薯蓉軟滑,當中又加了薯仔粒,帶點咬口, 整體配搭非常出色。餐飲叫了凍檸茶, 大杯涼爽,最重要還很有茶味呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-17
110 瀏覽
最近返工都好少外出食飯,今日相約同事去食返餐好野😍餐廳位於鴻圖中心,鴻圖中心小餐廳好多,我地見到幾多人等緊外賣,所以決定堂食。堂食嘅地方都好寬闊仲有卡位坐👍🏻👍🏻😌我地睇下餐牌,都有唔少選擇。由於好耐冇食西餐,我地都揀左牛西冷😍個餐包左餐湯同飲品。餐湯係忌廉蘑菇湯,飲落好香蘑菇味。🤤西冷牛排🐮配炸蝦🍤薯蓉。牛排食落有炭燒味,煎得好香,仲有格仔紋👍🏻肉質好有層次,唔會好老,都嫩口,最緊要係食到牛肉嘅油香味,好高質。🥰平日食e 種牛排起碼要超過100蚊先食到。炸蝦係即炸,炸粉唔會好厚,蝦嘅鮮味可以保留😋薯蓉係加左少少香料調味,口感食落好滑。唔會好怪味👍🏻餐廳配菜西蘭花同甘荀都有用少少蒜調味。😌連平時唔食配菜嘅我都會食下☺️飲品方面,我點左雜果特飲,雜果特飲係用雜果加打梳打水制成,飲落都幾消暑。另一杯凍檸茶,飲落好香檸檬味,茶底唔會太濃,剛剛好☺️食完e個豐富午餐就返公司繼續努力工作了🥳 繼續閱讀
(以上食評乃用戶個人意見 , 並不代表OpenRice之觀點。)
星期六近近地去咗觀塘食個晚餐,我同呀媽揀咗愛琴坊入面間「鴨仔冰室」,因為之前經過見幾多人食,價錢又大眾化😊。我哋晚上六點鐘去到,時間尚早無乜人,但坐多陣都開始多其他食客。佢算係Food Court入面唯一有店員送餐嘅餐廳,其他均係自助形式,不過佢都唔洗收加一服務費👍。餐廳主要提供全日套餐All Day Menu🍽,即係主食加是日餐湯/沙律同飲品,價錢介乎$65-$188。燴飯餐平啲,招牌鐵板扒餐就貴啲。另外,仲有前菜小食可以散叫,圖片中嘅食物好吸引🤤。環境方面,餐枱夠大,坐得舒服,而且仲好懷舊咁用上紅白格仔枱布,幾有特色😜。個場燈光偏暗,所以每枱都有盞枱燈,懶有情調。我哋一人叫咗一份套餐再額外另加一個小食,食到勁飽勁飽😋。是日餐湯係忌廉粟米湯🌽,湯品熱辣辣送上,並用個好似壺嘅碗裝住,飲到有好多粟米蓉。小食要咗鵝肝配多士Pan-fried Foie Gras($48),哇兩塊鵝肝都又厚又大塊,簡直係巨無霸Mega-size😧,仲大件過多士。雖然佢就唔係煎到入口即溶嘅口感,但都唔錯嘅,加上佢落咗黑醋汁吊味同有沙律菜伴碟。我媽係咁話勁抵,因為自己買都唔止呢個價。L08焗三文魚柳配薯蓉Baked Salmon with Mashed Potato($108),🐟焗三文魚係以錫紙包住,打開後見到鮮嫩色嘅三文魚扒,下低墊咗啲🥕紅蘿蔔條。火候拿捏得好好,因此魚肉無變柴;調味方面得鹽,略嫌清淡咗少少。而旁邊嘅🥔薯蓉就夠Creamy,正。L13美式什扒(豬扒/雞扒/司華力腸/火腿/煙肉)US Mixed Grill(Pork Chop/Chicken Fillet/Cervelat Sausage/Ham/Bacon)($158),鐵板餐鋸扒嚟講,識叫一定叫什扒🤣,性價比高嘛,肉同薯條嘅份量都超多!豬扒同雞扒嘅肉質夠淋,而且仲有烤紋添,頗為香口。大肉腸亦幾好食,而火腿同煙肉就無咩特別。🍟薯條應該係餐廳手切,所以超長超大塊,口感唔錯。甜品加咗$20要丹麥朱古力餅Danish Chocolate,見佢寫係自家製又話丹麥,就一於試下。朱古力餅唔算大件,食落發現好似食緊淨朱古力咁🍫,但中間就包咗少少餅乾🍪,都幾得意,又特別,值得Try Try。餐飲方面,我哋要咗凍奶茶同凍檸茶,凍飲唔洗額外加幾蚊🥤!總括嚟講,我覺得醜小鴨餐廳🐥唔錯,位置有些少偏,但食物出品確係幾好,定價唔貴,份量又夠多,算係觀塘區嘅滄海遺珠。我仲見到餐廳有賣啲🇩🇰丹麥特色食物,例如麵包、扎肉同豬肝醬等。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
192 瀏覽
今晚我哋嚟到觀塘區呢度去鋸扒, 其實都係第一次嚟到呢一區度鋸扒,因為朋友介紹咁入到去佢裝修都幾有格調,同埋都坐得舒服, 咁我哋就叫咗兩個set。餐湯我哋叫咗甘筍南瓜湯, 呢個湯其實我本身唔食南瓜,但係佢磨到個南瓜都好粉,所以飲湯嘅時候覺得都幾有濃沃嘅甘筍同南瓜味。 我自己覺得好飲同smooth。大蝦牛柳: 呢個大蝦牛柳,個大蝦真係都幾大隻, 而且蝦肉都幾鮮甜, 煎得到恰到好處,又唔UN同嚡颯颯 ,另外另一主角牛柳亦都好有牛味, 又幾嫩滑, 肉質鮮嫩。 啱曬我呢啲鍾意食肉嘅朋友, 而且我叫咗個side dishes係薯蓉亦都整得粉同滑, 撈埋個燒汁食真係幾match, 所以我都食得幾飽 ,呢一個鐵板牛柳我自己都幾推介。法式寶雲酥羊架: 呢個羊㗎係我朋友order嘅,我亦都試咗少少咁佢個羊架亦都煎得好好,肉質都幾鮮嫩,同埋煎到可以保留到羊肉嗰種騷味, 而佢呢一個羊架冇overcooked到,所以佢煎牛或羊都幾pro。最後我哋飲埋個餐飲就走了,如果大家行開觀塘同牛頭角呢附近,可以試下呢一間比較有情調嘅餐廳,因為我自己覺得佢個鐵板都整得幾好,值得推介唷。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-28
279 瀏覽
沿著觀塘海濱長廊。看著夕陽西斜。一直往西面走。昔日熱鬧地檔的工廠區。取而代之是一棟又一棟新式商廈。新舊交替中。有人體會到是銳變。有人感受到是失落。眼見日漸消失的懷舊社區及味道。把握機會到一家港式懷舊冰室。尋回兒時「老豆帶仔去食豉油西餐」的人情味。步行約10分鐘到海濱的中段路再轉入鴻圖中心。到達了餐廳。店內座位開放式設計。空間感覺寬敞。燈光微暗。配上地道懷舊的裝潢及特別小擺設。且播放八九十年代英文歌。的確有一番韻味。經一番討論後。2人點了以下菜式。蘑菇忌廉湯。有菇菌香味。但調味略重。炸海鮮籃。份量十足。內有炸魚薯條炸蝦魷魚圈。剛剛炸起的厚切薯條脆口嫩滑。白酒忌廉藍青口。青口鮮甜配上淡淡海水味。味道不錯。 招牌西冷牛扒。牛扒肉厚。肉味不算濃。沒有雪味及任何討厭的味道。 鐵板上時生熟程度適中。tiramisu。外貌平平無奇。內裡香滑夠濕潤。一啖啖香濃咖啡味。有驚喜。整體來說。菜式價錢大眾化。份量十足。環境舒適。尋回舊日「豉油西餐」不錯的地方。 繼續閱讀
(以上食評乃用戶個人意見 , 並不代表OpenRice之觀點。)