鳴虎石頭燒 (已結業)

好耐冇食燒肉，行路經過睇到呢間石頭燒，係門口就聞到一陣好香嘅燒肉味，決定入去試下。食店職員服務做得好好，貼心送上圍裙亦都會同你講點樣燒肉比較好食啲。整體環境比較乾淨企理，坐位多又寬敞，令人坐得舒適，亦都唔會有燒肉店特有嘅油煙味。免費送左珍珠米飯，配搭燒肉食幾香。前菜送左沙律同埋味噌湯，沙律加左果醋酸酸啲好開胃，味噌湯材料豐富有蝦米仲有海帶添。美國M5特級和牛牛肉新鮮顏色好靚，呈紅色又帶小小粉。新鮮嘅和牛放到燒到熱辣辣哋石頭燒上面燒，燒肉時就可以加啲胡椒粒及粗鹽一齊燒，比較入味啲。好快就散發出好香嘅一陣味，食落感覺牛味濃郁，點燒汁食送飯好正。鹿兒島黑豚五花腩腩肉燒到豬油散發出嚟，一啖腩肉入口好惹味，香噴噴又熱辣辣哋，肉味豐富口感一流。

鳴虎已經愈開愈多分店，新店位於紅磡啟岸巷子裡，去到這裡有種去了日本的感覺，可以順道打卡一下🙈。店舖分為拉麵和石燒肉兩邊，環境光猛舒適涼快。午市時間以商務午餐為主，跟餐附送麵豉湯和沙律😎。-💥火炙叉燒 HKD$23，這個是追加的小食，經過火炙後的味很香😆。叉燒一份有三片，肥瘦適中油脂均勻。肉質腍身香口，用來拌飯吃很可以。-💥韓國泡菜邪惡黑豚五花腩肉丼 HKD$98，這個賣相真的很吸引，肉肉堆砌到小山丘的模樣。豚肉肉質腍身，有油脂挺香口的😆，肥肉不算太多。裡面的泡菜和洋蔥口感爽脆，整體味道微辣惹味😚。-💥櫻花蝦鰻魚粒炒飯 HKD$118，炒飯的味道挺香的，這個有很多配料，所以顏色較鮮豔🙈。飯質口感煙韌粒粒分明，整體口感豐富。-

在馬頭圍道附近辨完事，就駕車在附近逛逛，結果見到一個新樓盤，下面裝潢華麗，恍如置身日本，所以就泊車在附近來看看。看到此店是石頭燒，好像很新奇有趣。石頭鍋飯就食得多，石頭燒都係第一次！所以就入內試試！這裏套餐有牛丶有豬，除了白飯外，還有包括咗沙律菜及麵豉湯呢！我們先點了一個鹿兒島黑豚肉眼套餐，豬豚肉不會太薄有口感，肉質嫩口，加上邊位油脂香口，送飯一流！另外點了牛板腱套餐，200克原來也有不少塊，肉質有口感，牛味濃郁，牛魔王表示話正！自己在石頭上燒肉，即吃熱辣辣好味道！環境附有抽風設備，也附上圍裙給食客，服務不錯呢！

呢排日日都落雨，同男朋友係附近行見到新既地方，裝修充滿日本氣息，無啦啦落大雨就跑左入去搵野食。見耐無燒肉就試左呢間鳴虎石頭燒。門口整齊整簡潔，延續門外的日本氣氛。店內有不少人，燒肉味隨即飄到鼻中。點任何肉都附送日本珍珠米白飯，沙津同湯。柚子沙津酸酸甜甜好清新，菜好新鮮，醬汁唔會太多，係我鍾意既味道。湯有櫻花蝦，海帶亦係厚身個款，湯比街外的特別，有驚喜！同男朋友一齊食，一次過放哂落去燒，「沙沙」聲好過癮。有岩鹽，黑椒同燒汁比大家揀！美國安格斯肉眼 (200g) $288牛肉味濃，厚切先燒四邊鎖住肉汁！肉質鮮美，亦不會太肥。鹿兒島黑豚五花腩 (150g) $138 肉同肥肉分佈均勻，肉質鬆軟，我鍾意燒到少少脆，再配飯一流！仲有飯後水果西瓜，少見識的我第一次見黃色既西瓜，非常爽甜！上網一查原來黃色西瓜有舒緩勞和緊張情緒作用，望見外面的大雨希望可以起作用啦

🥩估唔到呢間石燒專門店，午餐時間都有推出定食😍炙燒M5牛肉飯($98) 有勁多片嫩滑牛肉包住個飯，上面加咗飯素同埋醬汁食落一啲都唔會好寡。酥炸軟殼蟹親子丼（$108）就有原隻軟殼蟹加埋好多好多蟹子，撈埋沙律醬夠晒清新，夏天食都唔會覺得好油膩。.Finding a place to grab a quality lunch? Here at Nakitora you can have a M5 Wagyu Beef Rice ($98) in an affordable price! Their tender beef with egg was delicious and huge in size.

紅磡啟岸開了很多新的食肆，所以每次要到紅磡工作時都想試不同的餐廳，今次選了這家石頭燒餐廳有午市套餐/定食， 不過我都係先試下餐廳的主打石頭燒…首先戴上圍裙及啟動餐廳內的冇煙抽氣系統如果食石頭燒要食牛，生熟度可以自己控制，所以我選了牛魔王拼盤，一次過可以吃三種牛類別；美國牛小排60g / 安格斯肉眼60g / 美國M5特級和牛60g這個套餐除了有牛之外，還有一碗飯及少量沙律，賣相精美；初開始時石板熱度比較高，所以應燒比較厚的牛小排及安格斯牛肉，可以燒的時候加粗鹽及胡椒粒，牛味濃郁，燒至外層變色及內層粉紅就可吃，不過肉比較多筋脂肪多；到後期石板開始降溫的時候，最適合燒M5和牛，慢煮至油分包着整塊牛肉，最後用燒汁點吃，千萬不要在燒的時候落燒汁，會黏底

即叫即燒 石頭 燒你多土瓜灣新開的商場 裏面有和風特色 十足十 複製咗 加太賀一樣。咁肚餓就要去醫下肚見到呢一間新開嘅 鳴虎 就入去試下新鮮黑豚肉 原塊燒的石頭燒到興立立 放上新鮮黑豚肉 自己控制火候 食幾多成熟都得 香噴噴熱辣辣套餐仲會有一碗日本珍珠米白飯 一個人食已經好飽新鮮黑豚肉總共有五塊 樂樂豬肉味濃郁 咬樂醃暗醒胃。 口感豐富 肉味豐富濃郁裝修企理座位舒適 可以坐巴士枱又可以坐平台有多款醬汁可供選擇 我覺得配上黑豚肉用柚子汁就最夾啦

今日我土瓜灣新開既石頭燒，之前都有食過佢既另一間分店既拉麵都唔錯既，今次見佢有新既石頭燒就試試佢，叫咗兩個SET，一個牛板腱口柔軟，較常穿插於肉筋之間，口感帶彈性及拉伸感，同埋鹿兒島嘅黑豚肉眼，肉色淡紅有光澤，非常嫩滑，比較小油脂，但肉質仍保持鬆軟，坐位都幾舒適唔會好迫，叫左兩樣加個汽水$460另外店鋪出面亦都有一個日系打卡位食完可以打下卡🤭#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat #鳴虎石頭燒 @鳴虎石頭燒 鳴虎石頭燒 地址：紅磡馬頭圍道63號啟岸巷子地下7-9號舖

啱啱開業嘅時候， 有嚟過食。當時啲食物質素普通，但係見幾過癮，就過嚟食。跟住上星期嚟過，見到佢加咗價，但係佢嘅份量同埋食物質素好咗好多！果然一分錢一分貨，當時候已經覺得一定要再嚟食。但係今日行過，見到佢午餐轉左Menu，即刻想入嚟試。始終之前，午餐實在好難食石頭燒，太過油膩。轉左新Menu，我同朋友一行三日，叫咗三個餐。M5和牛鰻魚炒飯軟殼蟹親子丼三個餐都有餸沙律同埋湯，沙律好味，個湯就。朋友既和牛幾好，鰻魚飯都唔錯，見佢哋兩個都好快食晒。我自己食軟殼蟹，冇諗過真係原隻上。非常之正！啱晒打卡唯一係，佢配嘅係蛋黃醬，普通咗少少雖然幾好味。如果之後佢研發到醬汁，應該更正！下次要再嚟試吓！

一行四人搵食🥩🍺商場唔多選擇晚市開嘅餐廳亦唔多行左一個圈，最後去咗呢間食間舖係一半做拉麵🍜一半做石燒🥩每人各自各點餐由於係平日8:00 冇乜人，間鋪計埋我地得兩枱招呼正正常常ok 的👌店員亦都有推介食物👍🏻👍🏻因為各自食所以我自己叫左牛肋肉 200g $288自私食🫠啟發到我寫人生第一篇食評係佢地食物質素麵豉湯 /柚子皮沙律🥗/ 飯素珍珠米 😬😬正常的至於嗰啲燒肉。。。。我以為自己點左「廚餘」😓7 件肉入面有4件都滿佈肥膏🤔仲要肉有雪味 同埋冇醃過😰開頭我以為係比我 「查」落塊鐵板果舊 豬油糕😂最後我連飯都冇食😞淨係飲咗可樂！！