鳴虎石頭燒 (已結業)

呢排日日都落雨，同男朋友係附近行見到新既地方，裝修充滿日本氣息，無啦啦落大雨就跑左入去搵野食。見耐無燒肉就試左呢間鳴虎石頭燒。門口整齊整簡潔，延續門外的日本氣氛。店內有不少人，燒肉味隨即飄到鼻中。點任何肉都附送日本珍珠米白飯，沙津同湯。柚子沙津酸酸甜甜好清新，菜好新鮮，醬汁唔會太多，係我鍾意既味道。湯有櫻花蝦，海帶亦係厚身個款，湯比街外的特別，有驚喜！同男朋友一齊食，一次過放哂落去燒，「沙沙」聲好過癮。有岩鹽，黑椒同燒汁比大家揀！美國安格斯肉眼 (200g) $288牛肉味濃，厚切先燒四邊鎖住肉汁！肉質鮮美，亦不會太肥。鹿兒島黑豚五花腩 (150g) $138 肉同肥肉分佈均勻，肉質鬆軟，我鍾意燒到少少脆，再配飯一流！仲有飯後水果西瓜，少見識的我第一次見黃色既西瓜，非常爽甜！上網一查原來黃色西瓜有舒緩勞和緊張情緒作用，望見外面的大雨希望可以起作用啦