鳥棲日本料理 (已結業)

今日係駱駝漆3樓嘅印度鋪買完野就順便食埋晚飯，行到5樓嘅時候俾佢嘅招牌吸引咗，咁就試呢間啦餐廳似居酒屋，食以小食居多，店舖唔算好大，但坐位夠多，而且係梳化椅坐得好舒服，椅底仲有籃子可以放手袋壽喜牛肉鍋$128牛肉份量算多，入邊仲有豆腐、粉絲、冬菇、娃娃菜、小棠菜、紅蘿蔔，仲有隻雞蛋，如果可以配碗白飯就好啦牛肉稻庭烏冬$82烏冬夠彈牙，牛肉來到既時候大約七成熟，浸咗一陣就變咗全熟，清湯湯底不錯，同壽喜燒個湯底形成好大對比南蠻炸雞籃$62雞肉即叫即炸，外面脆卜卜入邊好Juice，上面有自家製他他醬，配合埋一齊食好夾唐揚淮山條$42出面脆卜卜，入邊有啲煙韌，配合埋沙律醬一齊食幾好食我覺得呢間餐廳好適合傾偈，因為坐得舒服，有好多小食選擇，而且冇時間限制，值得再嚟

好耐冇見朋友見佢附近放工就揀下有咩居酒屋嘅地方可以傾吓計坐下呢間係其中一間入咗list本身猶豫緊去bar定點樣最後朋友選擇左呢間一入到去已經滿座冇諗過六點嘅時間會咁多人去好彩已經訂咗位坐低叫咗壽喜燒兩杯富士山飲品牛舌同埋魷魚圈逐一講吓有啲咩評價牛肉壽喜燒個湯底好濃郁，有啲似之前吉野家食嘅打邊爐🍲當然入邊有啲材料唔一樣性價比反而冇吉野家咁高，不過勝在個環境好，舒服。他他醬魷魚圈熱辣辣上台，喺手機落單嘅時候可以選擇多醬，重口味之選扮晒嘢好多張相其實係第一張相未熟嘅時候影嘅牛舌爽口，價錢約$30，忘記了，🥲，感覺唔係好值得

男朋友喺觀塘區有個Office，所以間唔中都會喺嗰邊食下野。今日想食下日本菜做晚餐，於是就試咗呢間朋友介紹嘅日式居酒屋。我哋當晚大概七點幾去到，成間居酒屋已經坐滿晒人。雖然店舖裝修講唔上非常漂亮，但絕對係坐得舒服，非常適合一班朋友去傾偈食飯。當晚我哋叫咗六樣食物，每一樣都覺得幾好食，冇一樣野係會令我哋失望嘅。芝士明太子蛋卷口感嫩滑，上面嘅明太子非常慷慨，夾埋濃郁嘅芝士實在味道非常豐富。牛油果蟹子沙律亦都做得唔錯，每樣配料份量恰當，結合起嚟非常美味。韓風牛舌非常入味，亦非常值得推介。鳥棲和牛係店員推介嘅一串串燒，生熟程度恰當，油香十足，店員嘅推介果然亦都冇錯。當晚眾多食物當中，我最喜歡嘅就係花魚一夜干。魚鮮味十足，份量亦不少，我認為係整個餐牌中性價比極高嘅一個菜。我哋最尾點嘅牛肉稻庭烏冬，亦非常之令人滿意。總括而言，呢度真係一個適合同三五知己一齊去食住野傾偈嘅好地方，真係值得推介。

📍 鳥棲哪裏只得駿業里！觀塘結界真係唔講得笑，就算係weekend嘅夜晚都係keep住人多車多非常迫🙈夜晚諗住去工廈果邊食野會少d人啦，但都只能說少年你太年輕了🤡————————————————唔知食乜好，見呢間都多正評就去試下啦！7點時段都已經坐滿人，店員安排左二人枱，基於張枱唔係好大，所以只係叫左幾樣野食松葉蟹鉗海鮮鍋($138)燒雞翼($30)鳥棲和牛($36)藍桔富士山($35)本身對個海鮮鍋有d期待，但事實證明有期待就有失望！😫湯底無乜味，蟹鉗同蝦都唔算新鮮，無乜驚喜富士山就純粹叫黎打卡，同我想像中差唔多，似雪碧嘅梳打水，兼有少少藥水味🥶成餐最好食嘅就係兩串串燒🍢————————————————埋單走果陣，餐廳都仲係滿坐，所以大家想食就記得訂位呀！如果大家真係想食呢間，我會建議你試下壽喜燒牛肉鍋，我見隔離枱都幾大碟架😝

觀塘一直都有好多隱世食店，岩岩試左一間日本料理「鳥棲」，平日晚飯時間都座無虛席門口仲有一大片綠色草背景，好似係比啲雀仔休息既地方，好配合餐廳名字，打下咭都幾特別食物方面，嚟到一定食燒肉叫咗個胡麻汁牛肩胛 $72佢個燒食好似一人燒肉咁，燒爐細細個幾得意牛肩胛肉質一啲都唔靭，有牛味，每邊燒10秒就食得食，再沾埋胡麻醬同食，好惹味不過份量2個人食就唔多夠喉，應該要叫2碟肉先食得夠滿足松葉蟹鉗海鮮鍋 $138一直都好鐘意日本既鍋物，加上今次要呢個鍋既材料種類非常多，所以湯底特別甜，有四隻蟹鉗，帆立貝，蝦，青口，蟹柳，粉絲，冬菇，豆腐蟹鉗細細隻都有啲肉地，帆立貝好大隻份量都足夠2個人食帆立貝北海燒 $38我最鐘意食既一道食物因為燒帆立貝通常都會有好多醬汁，我係汁怪所以呢款係必叫食物之一，呢到更可取既係沙律醬汁下的帆立貝並不是碎上，而係見到有好大粒肉，特別有口感，而同燒過特別香口～汁煮花螺 $58另一推介食物，煮花螺既醬汁好甜呀我鐘意甜甜既醬汁而且花螺肉都好大粒，肉質偏爽，唔會話好細粒食完好似食左陣風咁，不過要記得挑走花螺既黑色污糟便便先好食呀串燒雞肉，豬頸肉，雞軟骨，牛舌牛舌係較為出色，唔會太靭

呢日係觀塘放工，去左駱駝漆買野，買完見到呢到有間日本野食，都幾多人，一於係到食埋飯先返屋企啦。🔸芝士明太子蛋捲$42中間有一大舊芝士，幾重芝士味，要注意明太子有啲啲辣😛🔸鹽燒牛舌$35、燒雞腎$28牛舌算厚，雞腎幾入味🔸帆立貝北海燒$38即燒熱辣辣，好重沙律醬，有蟹籽鋪面，帆立貝食落唔會過度燒乾。🔸七味鹽豬頸肉$68、胡麻汁牛肩胛$72叫咗兩款自慢燒肉，自己慢慢燒幾得意～中間燒到唔夠火可以叫店員換一換😀手肩胛肉質都夠軟淋。🔸巨峰富士山$35味道正常，有舊雪糕食下😛

觀塘駱駝漆都出名多餐廳，今次就發現左有間鳥棲日本餐廳！餐廳以木色為主，都幾有日系風格！餐廳有提供餐牌，不過就用QR code 落單，另外值得一讚嘅係上菜速度好快！大概10-15分鐘就到齊喇！藍桔富士山 $35吸睛嘅外表，用黎打卡都值！香滑雲呢拿雪糕有加分～明太子芝士蛋卷$42略有不足係明太子係唧上蛋卷上,如果藏係蛋卷中間就完美。胡麻汁牛肩胛 $72牛肩胛份量都幾多, 價錢合理又可感受燒肉嘅滋味，可以一試！鳥棲豚肉炒麵 $82必點推介！炒麵口感爽彈，用日式炒麵汁去炒加上香氣十足芝麻真係食到停唔到！花魚一夜干 $78魚肉紮實咸鮮味十足，魚骨少而粗身唔會甘易哽到，不用沾醬油味道已足夠！

明太子蛋卷啖啖的蛋白質，上菜嘅時候還是熱呼呼的，雖然是明太子，但對於不能吃辣的我來說也可以接受。 蛋卷很香而且好Juicy, like! 無骨雞翼平時食雞翼我是食得10分狼狽，這個無骨雞翼真是10分方便。味道方面入邊有滿滿的肉，里面同樣也很Juicy, 而外面很香脆。今次我連埋雞皮一齊食也不會覺得油膩！滑蛋黑毛豬扒飯食過很多次豬扒滑蛋飯，這一個豬扒滑蛋飯超出我的期望，蛋汁很香，撈飯食一流。豬扒也炸得很香脆，分量不算多但是可以留返個肚食其他食物 正！他他燒這個應該是店舖的招牌菜!牛肉的雪花平均分佈就好靚， 吃上去有濃濃的牛肉味卻沒有肥膩的感覺！雖然是冷盤，對於喜歡熱食的我也覺得100分！必叫～ 燒完也覺得很多汁Juice，雖然覺得有少少鹹,但配埋檸檬汁也10分可口!免治雞肉這一個款10分新穎，之前從來未試過喺其他地方食過，肉本身已經很容易入口，加上蛋液和醬汁，即使冇牙的人也可以入口了！香。滑。軟。我的朋友10分喜歡食！

同肥髀剪完頭髮，在附近找了呢間日本菜食晚餐，上去前先打電話問walk-in仲有無位，店員答覆有先上去，因為嗰橦工廈太多店+餐廳，在地下等電梯都等了20多分鐘（所以我都幾怕在這橦大廈搵食）去到在門口都幾吸引，草皮牆在工廈走廊都有清新感，店內長方形分三行座位，格局似西餐廳多過日本菜，只在廚房出入口有日式掛布，布藝沙發都幾佔領走道，雖然樓底都夠高，都有壓迫感食物都是居酒屋類型，選擇多價錢合理！網上點餐好方便！點菜後好快上菜，最好可以分段落單，因一次過點一次上菜，枱會不夠位放味琳魚乾（$38）燒到熱辣辣上枱，甜甜的，不沾沙律醬都好食鳥棲和牛串燒（$36）走蔥，好肥美，喜歡油香嘅一定喜歡，牛味都足夠，唔會食牛油嘅口感鹽燒牛舌串燒（$35）有厚度，有咬口，又有油香，好味牛肉稻庭烏冬（$82）牛肉片半肥瘦，上枱時還是半熟帶粉紅色，浸一陣就熟，嫩又有牛味，烏冬彈牙嫩滑，湯底夠清甜，好味香草燒羊架（$52）肥髀食南瓜蕃薯天婦羅（$65）呢個係今晚較一般嘅，南瓜+蕃薯都甜，不過炸漿較厚重，上枱時夠熱還好，放一陣皮就更硬，一般蒜燒廣島蠔（$36）蠔肉新鮮，不過蒜真係好多，我只用了一半蒜+蟹籽，加上燒得剛好多

‹ 鳥棲日本料理 › ♥ = 食喔(屙)推介菜式 以下係套餐價錢 已包湯 沙律 熱飲⋆ 花魚一夜干定食 $82一夜干肉質偏實 感覺配飯唔太夾反而做小食 飲吓啤酒應該會jeng d~⋆ 鳥棲南蠻炸雞定食 ♥ $783款定食 呢個最好味! 炸雞酥脆 肉質嫩滑 一咬落去係有小小雞油標岀嚟 Ｏ(≧▽≦)Ｏ⋆ 咖喱吉列豬扒滑蛋定食 $92豬扒其實夠脆 不過...我唔鐘意咖喱汁淋係面..食到一半個陣啲豬扒已經腍哂 ( ≧Д≦)⋆ 藍桔富士山♥ $35唔止有賣相 味道都不錯係一杯有汽飲品+雲呢拿🍦分開食又得 撈均飲都得 (*´ω｀)支持黃店💛支持黃圈

#鳥棲日本料理 以前喺觀塘返工成日嚟駱駝漆工業大廈搵野食，呢排衝完幾個𝒫𝓇𝑜𝒿𝑒𝒸𝓉𝓈係時候𝒞𝒽𝒾𝓁𝓁下😚本身以為係居酒屋𝓈𝑒𝓉𝓉𝒾𝓃𝑔, 點知係走𝒞𝒶𝒻𝑒路線😜 海鮮鍋嘅海鮮鮮甜，好有一人邊爐🫕嘅感覺，如果有得加料變打邊爐都唔錯🤣 滑蛋吉列豬扒飯嘅吉列豬扒炸得好脆口，豬扒肉汁鎖咗喺入面！冇錯一定要餸飯呀🍚滑蛋配大大碗白飯真係好夾🤤 他他醬魷魚🦑圈係即叫即炸，差啲焫親🙈 勁香口，個醬加咗啲料喺入面，幾有口感✨ 大愛佢嘅芝士條，芝士外面包咗一層麵包，炸得好鬆軟，有驚喜，食落又唔會好油膩，推薦呢款♥️👍🏻

呢排唔知點解同觀塘好有緣今日又去左觀塘整野順理成章又喺觀塘搵食上次去駱駝漆搵食嘅時候已經留意到呢間日本餐廳今次就去試吓啦😊—————————————————————日式鐵板炒麵一聞到呢陣日式燒汁味不禁諗起真係好耐無番鄉下啦🥲呢個炒麵配上大量豚肉雖然碟仔細細份量都唔算少架另一個滑蛋黑毛豬排飯黑毛豬扒先炸過再放汁同滑蛋豬扒肉味香濃一咬就斷開一啲都唔乾柴仲令中島諗起強羅嘅豬扒飯嗜腸同墨魚咀如命嘅👨🏽見到就失控🤷🏻‍♀️蚊香腸由鐵板送上雖然冇滋滋聲但係都好熱辣辣一咬即爆汁夠晒juicy 皮脆肉香 好味呢個墨魚咀睇落同其他無分別但👨🏽有以下評價😂雖然都係出邊食過好多次以為自己已經唔會再俾呢個小食驚嘆到點知呢個完全推翻左我個諗法估唔到墨魚咀沾薄粉再加上七味粉將呢個平凡既小食昇華到另一個層次咬落似魚蛋彈牙令人欲罷不能中島都唔知有無食到兩粒😂最後仲叫左兩款串燒煙肉蝦卷 - 煙肉包住去殼蝦去燒煙肉嘅油香滲曬入隻蝦而蝦嘅鮮味又中和番煙肉嘅肥膩感兩者互相平衡👍🏻芝士免治雞 - 一片芝士舖喺免治雞免治雞肉為左增加口感加入雞軟骨食起上嚟索索聲又幾好咬喎😋之後呢杯特飲真係夠晒浮誇見到個造型有無咩聯想？無錯啦佢就係富

朋友觀塘返工佢話帶我去行下觀塘嘅工厦順便食晚飯，第一次去行觀塘駱駝漆工廈真冇諗過原來已經變成一個小商場咁，好多唔同嘅店舖食嘅用嘅都有應有盡有，行完街朋友知我喜歡食鰻魚就推薦我去鳥棲食日本野，全部用qr code 自助點餐我地叫咗三樣野一齊share牛油果蟹籽沙律~出邊蟹籽沙律有少少分別，因為加入了牛油果同新鮮嘅沙律菜👍原條鰻魚炒飯~大大條嘅鰻魚粒粒炒飯都有鰻魚汁好好味，喜歡食鰻魚嘅朋友一定要試👍😋壽喜燒牛肉鍋~都有好多塊牛肉,豆腐,金菇,菜,粉絲…另外有隻新鮮雞蛋同一小碗芝麻汁，不過唔使用汁都好好味

時隔數月,再訪工廈既搵食,今次黎到鳥棲日本料理比起之前剛解禁晚市堂食,明顯食客少左,改用電子落單電話掃碼自助下單,簡單方便易明今次一人一碗日式烏冬,再另加串燒同炸雞,飲品$18一杯 要加一唔叫飲品佢都有水比,可以慳返18蚊先上韓風牛舌,以為係冷盤,原來係熱食,厚切牛舌片加辣汁,開胃小菜黎講做得幾好,唔錯再黎食一人一碗日式烏冬,我係醬汁湯底牛肉烏冬,另一碗係日式雞肉烏冬2者湯底唔同,我個碗有少少似越南河做法,生牛肉片放上去,所以食既時候約7分熟,牛肉仍嫩滑湯底清,帶淡淡醬汁味,易入口,烏冬滑又彈日式雞肉烏冬,雞肉切成丁粒加上魚糕片同豆皮,唯一缺點份量略少(以男人角度)加返串小吃同炸雞就岩岩好炸雞夠脆口,咬開有肉汁,本身已調好味,唔點醬食都好食,串燒亦燒得幾好,夠火侯以工廈區黎計,水準唔錯,合理#鳥棲日本料理 #駝漆大廈 #工廈美食 #日本菜 #快餐 #CAFE #觀塘美食

今天約了朋友相聚，到了這間位於美食工廈駱駝漆的日式料理店餐廳內全是梳化椅，十分舒適餐廳內是手機自助點餐，十分方便韓風牛舌 - 性價比很高的前菜，份量比想像中多牛舌有點厚度，很有咬口，配上微辣的韓式醬汁十分醒胃芝士明太子蛋卷 - 賣相討好，蛋卷軟綿綿的芝士和明太子鋪滿了整個蛋卷，多重口感，三樣材料一起吃十分夾燒雞軟骨 - 串燒雞軟骨帶點焦香，雞軟骨爽口香脆花魚一夜干 - 也是性價比高的一款，魚肉厚實嫩滑，十分鮮甜原條鰻魚炒飯 - 原條鰻魚鋪滿了整個炒飯，鰻魚沒有腥味和碎骨，炒飯亦加入了三色椒去炒，十分有誠意這間日式料理餐廳價錢相宜又高質，難怪平日也滿座