鳥棲日本料理 (已結業)

觀塘一直都有好多隱世食店，岩岩試左一間日本料理「鳥棲」，平日晚飯時間都座無虛席門口仲有一大片綠色草背景，好似係比啲雀仔休息既地方，好配合餐廳名字，打下咭都幾特別食物方面，嚟到一定食燒肉叫咗個胡麻汁牛肩胛 $72佢個燒食好似一人燒肉咁，燒爐細細個幾得意牛肩胛肉質一啲都唔靭，有牛味，每邊燒10秒就食得食，再沾埋胡麻醬同食，好惹味不過份量2個人食就唔多夠喉，應該要叫2碟肉先食得夠滿足松葉蟹鉗海鮮鍋 $138一直都好鐘意日本既鍋物，加上今次要呢個鍋既材料種類非常多，所以湯底特別甜，有四隻蟹鉗，帆立貝，蝦，青口，蟹柳，粉絲，冬菇，豆腐蟹鉗細細隻都有啲肉地，帆立貝好大隻份量都足夠2個人食帆立貝北海燒 $38我最鐘意食既一道食物因為燒帆立貝通常都會有好多醬汁，我係汁怪所以呢款係必叫食物之一，呢到更可取既係沙律醬汁下的帆立貝並不是碎上，而係見到有好大粒肉，特別有口感，而同燒過特別香口～汁煮花螺 $58另一推介食物，煮花螺既醬汁好甜呀我鐘意甜甜既醬汁而且花螺肉都好大粒，肉質偏爽，唔會話好細粒食完好似食左陣風咁，不過要記得挑走花螺既黑色污糟便便先好食呀串燒雞肉，豬頸肉，雞軟骨，牛舌牛舌係較為出色，唔會太靭