鰻工房 (已結業)

🍱餐廳：鰻工房 (尖沙咀)🍽️類別：日本菜💯回頭率：7/10.想推介一下最近吃過質素頗高的鰻魚飯專門店 -- 鰻工房。 .餐廳的裝潢以深木色為主，牆面和天花板上懸掛著各種海報和富有日本特色的料布，處處流露出濃厚的日系和風韻味。 我與朋友各自點了一款鰻魚飯： .▪️蒲燒鰻魚飯：$98
▪️生燒鰻魚飯：$148 兩款鰻魚飯的分量都相當豐盛，對女性來說甚至可能稍顯過量。.味道方面，我更傾心於蒲燒鰻魚，其口感更為軟嫩，細膩柔滑，浸透了濃郁的日式醬香；
而朋友則偏愛生燒鰻魚，認為其香氣更加濃烈，油脂豐富，且富有嚼勁。 兩款套餐均配有面試湯和茶蒸碗，用以解膩一流。😍整體評分 味道：🌟🌟🌟🌟性價比：🌟🌟🌟🌟環境：🌟🌟🌟🌟服務態度：🌟🌟🌟🌟

今天來了一家以鰻魚作主打的餐廳，食嘅係日式Fusion菜。第一味揀嘅就係最正常嘅鰻魚飯，個人認為咁先至試到師傅嘅真功夫。呢個鰻魚飯係幾好食嘅，塊鰻魚大得黎都算幾厚身，同埋塊鰻魚嘅肉質都幾有彈性，另外就係塊鰻魚都燒得夠乾身，所以食嘅時候都幾香口，尤其是食D邊位嘅時候。另外一款叫咗嘅就係類似McGriddle嘅鰻魚漢堡，叫嘅時候係需要有少少勇氣嘅，不過食落個味道又唔錯，鰻魚同Pancake嘅味都幾夾。

途經尖沙咀，發現了這間日式小店，雖然店舖不大，但卻充滿濃濃的日本風味，猶豫置身日本居酒屋一樣。三重鰻魚井飯叫了一個三重鰻魚井飯，單是賣相，已令人食指大動。井飯的表面鋪滿了三種鰻魚，有烤鰻魚，醬汁鰻魚和浦燒鰻魚。一碗井飯能享受三種味道，非常滿足。烤鰻吃落非常爽脆，很重炭香味，而且啖啖肉，非常滿足。燒汁鰻吃落比較軟熟，不是爽脆的口感，但鰻魚汁好香濃，帶出鰻魚的鮮味。而浦燒鰻魚就是整合了烤和燒汁鰻魚的優點，又脆又有燒汁香味，最好吃的。生燒鰻魚井這個井飯全是燒鰻魚款式，鰻魚表皮燒得焦香，吃落充滿濃濃的炭香味，非常惹味。表皮香脆，內裏鰻魚肉多汁鮮甜，而且爽口，完全是日本才能吃到的味道。最後加上一杯香口玄米茶作結，是一個適合情侶或朋友前來談天歡聚的好地方。

尖沙咀 📌【 鰻工房 】厚福街出名多嘢食， 同閨蜜行完 The One，我哋就去【 鰻工房 】食飯 。 呢間【 鰻工房 】可選自燒，又或者汁燒，鰻魚飯，餐廳仲有多達十多款的鰻魚菜式，好多選擇，好多元化。我哋叫咗兩個鰻魚丼，都加了 $18升級套餐 😎🟤 二重鰻魚丼分別有鰻魚同穴子鰻魚大大條，啖啖肉，肉質緊緻嫩滑。穴子相對較細條，肉身偏軟淋再配上濃香蒲燒汁，非常惹味丼飯入面有蛋絲、紫菜、枝豆同魚片等，極度豐富。🟤 白燒鰻魚丼我自己就最鍾意呢個燒鰻魚。 首先皮燒得很脆，肉厚爽彈，啖啖肉，勁正。 一上枱，已經焦香味濃，好鍾意脆脆鹹香魚皮，皮脆肉彈，口感正到暈。 當吃到剩 1/3 的鰻魚丼時，可以向店員索取昆布高湯加入飯中，配以芝麻、紫菜等，成為鰻魚茶漬飯，一丼兩吃，另一種另一層次的享受 。總括嚟講，呢間鰻工房真係好有驚喜，絕對值得回訪。

#20250108 🤍📍 #鰻工房 @unagikoubouhk 尖沙咀赫德道1-3號利威商業大廈地下7號舖➖➖➖➖➖➖➖➖➖➖➖➖➖➖➖➖➖🥢 #套餐 +$18 🫧 #溫泉蛋 #鹹菜 #鰻魚肝白貝湯 #七喜 💭 呢度啲野食全部都計散叫，可以加錢跟餐，溫泉蛋同咸菜用尼撈飯食都唔錯，個湯唔係普通麵豉湯咁簡單，係用左鰻魚肝去煲，濃味得尼有啲魚肝可以食下，係幾有心思🐟.#二重鰻魚丼 $148💭 兩個便當盒咁上枱已經好吸引🤩二重分別係平時食到果啲實淨啲既鰻魚同埋空氣感豐富啲既穴子，一次過可以食到兩款唔同口感好正🐍另外個飯都唔係普通白飯，而有好似壽司飯咁就咁食都好好味，本身面頭已經有紫菜、蛋絲、蠶豆同兩片魚蛋，唔夠枱面仲有紫菜同芝麻可以落，食到咁上下記得問店員哥哥拎昆布湯變茶漬飯，兩種風味都非常好味🍱.#芝芝鰻堡 $68💭 第一次食用鰻魚做主食既漢堡，無諗過唔係用麵包而係用pancake做個包底，pancake煎過好香牛油味，而且煎到表面少少脆裡面keep到鬆軟唔乾，咬落有芝士有鰻魚好滿足，最搞笑係佢用隻好得意既碟上枱，令到成件事勁打卡able📸.#尖沙咀美食 #🐷在尖沙咀 #🐷_食

有朋友外國翻黎，好想食鰻魚飯。香港專食鰻魚嘅地方真係唔多，我book mark咗呢間一直未有機會試，今次一於同埋朋友去試下。舖頭唔大，但裝修十足去咗日本居酒屋小店咁。好彩當晚冇乜人，walkin都可以直入唔洗等。店內menu提供咗唔同款嘅鰻魚同食法配搭，我地分別叫咗二重丼，三重丼同埋原條鰻魚丼。加$18有套餐(溫泉蛋，前菜，鰻魚肝白貝湯，飲品)。鰻魚餐一上到枱好有日式便當感覺，飯面舖滿咗紫菜絲，蛋絲同枝豆粒，鰻魚另外分開一格。原條蒲燒鰻魚蒲燒醬汁味道啱啱好，肉質算厚，皮亦好有彈性(放耐咗食就會變韌)。二重丼二重就係除咗有原條鰻魚外，再加多一條穴子海鰻，面豆再加咗山椒粉。穴子對比質地較軟淋，加埋山椒粉，風味再出啲。三重丼就係比二重嘅原條同穴子再加多一款生燒。佢將三款鰻魚砌晒上飯面，然後再砌到成朵花咁，比較啱打卡。但望落蒲燒鰻魚嘅分量就應該冇咁多。食到尾聲建議留1/3條鰻魚同飯，店舖會提供多一款食法: 鰻魚茶漬飯。可以主動問店員拎一碗昆布高湯，然後加入餘下嘅鰻魚飯，再因個人喜好加入紫菜，芝麻。鰻魚茶漬飯就完成。三款對比落二重丼嘅CP值係最高，但如果對鰻魚只係一般般，叫原條都好抵食。

今日放假，我帶媽媽吃我最愛的鰻魚飯。每次經過這間小店，都有小小衝動想試下，今晚終於有機會食了。鰻魚款式幾特別，有多種不同的選擇感覺幾新穎。牆上貼上食法，教你如何食法，感覺非常專業。（白燒）生燒鰻魚白燒的方式保留了鰻魚本身的鮮美，不需要用過多的調味料掩蓋其風味，讓人能夠品味到魚肉的純粹。配少量食用鹽的使用恰到好處，增添了風味，卻不會讓人感到過於鹹。經過烤制的鰻魚外皮微焦，內部則保持了其柔軟和鮮嫩，咬下去時入口即化，令人陶醉。沙羅鰻蛇丼沙羅鰻魚的肉質非常鮮嫩，入口即化，帶有自然的海鮮鮮味，讓人一口接一口。搭配的白米飯煮得恰到好處，口感綿密，吸收了醬汁的香氣，增添了整體的層次感。沙羅鰻魚片的金黃搭配白米，視覺效果極佳，給人一種清新和食慾的感覺。如果冇乜idea可以參考下精選推介，價錢相對個份量嚟講都算幾抵食。

呢晚同朋友一齊嚟咗呢間餐廳食鰻魚🤣$208「（白燒）生燒鰻魚丼」加 $18 Coke Zero 升級套餐」：白燒鰻魚食到鮮味同原味，切開成為一件件一啖一件食得方便🤣；「升級套餐」有溫泉蛋、漬物、蜆肉湯（仲食到有一粒鰻魚肝喺裏邊）🤣$148「二重鰻魚丼」加 $18「玄米茶 升級套餐」：呢個係蒲燒鰻魚 + アナゴ / 穴子 / 海鰻 / Anago，鰻魚係 Unagi 穴子 係 Anago，蒲燒鰻魚甜甜哋肉質軟熟，穴子都係肉質軟熟；食到剩返三份一就問店員姨姨攞高湯，加入芝麻同紫菜，變成「鰻魚茶漬飯」，另外一種食法🤣；依家喺香港餐廳食到嘅鰻魚絕大部份都係嚟自中國，所以越賣越平🤣，就算喺日本食嘅鰻魚都有超過50%係嚟自中國🤣

難得知道有間香港現燒鰻魚又唔係貴就膽粗粗去試下。叫左1個三重鰻魚丼(包括生燒和蒲燒鰻魚，穴子)和1個厚玉子鰻魚丼，另外叫多左個鰻魚芝士玉子燒，叫做試晒所有款式。生燒真係好正，肉厚皮脆有油香！而蒲燒呢，就薄啲，有少少泥味，醬汁唔係好遮到，或者咁先唔會太重醬汁味，而肉質就係一般鰻魚質地。穴子就麻麻地，唔係我杯茶。跟飯嘅果舊厚玉子真係夠厚夠滑，散叫果客玉子燒內有半條鰻魚，又有芝士，又滑，又拉絲，鰻魚汁又香，其實好好味🤤所以綜合黎講，下次我會叫生燒鰻魚丼，加個鰻魚芝士玉子燒。

今日嚟到尖沙咀嘅哩間鰻魚飯專門店，店舖係日式木係裝橫，全部都係木桌椅，有二人及四人座位。餐牌～加$18可以轉套餐，有溫泉蛋、鹹菜、鰻魚肝白貝湯及一款飲品。🔥 原條蒲燒鰻魚丼蒲燒鰻魚調味剛剛好，鰻魚外皮燒得帶有少許焦香，上面重卷住另一款嘅鰻魚，兩款都香濃入味。🐟生燒鰻魚丼有汁燒及白燒兩款口味可以選擇，我就揀左白燒，推介👍🏻白燒鰻魚質感彈牙結實，帶有鮮味，淨係用些許鹽調味已經足夠好食。兩款丼飯都鋪滿蛋絲、紫菜及枝豆，食落口感更為豐富，食到最後可以保留三份一嘅丼飯，再加入昆布高湯，咁就可以變做茶漬飯～

今日尖沙咀經過見到依間鰻魚專門店，睇落幾正咁所以入嚟試吓😋店內環境：舖頭裏便座位唔算多，裝修好似日本嘅餐廳。生燒鰻魚丼（白燒）：試吓鰻魚得唔得，當然要咩都唔汁都唔落嘅生燒鰻魚丼（白燒）。鰻魚皮燒得好脆好香，鰻魚肉有鎖汁，食落去唔乾，而且保留好鮮甜嘅魚味，好好味😋😋我哋加咗$18有溫泉蛋、鹹菜同埋湯。一開始以為普通嘅麵豉湯，原來個湯大有來頭，係一個鰻魚肝白貝湯，超鮮甜，超讚，必飲！原條蒲燒鰻魚丼：蒲燒鰻魚必食！整條蒲燒鰻魚以汁燒香，份量十足，味道亦啱啱好，食唔到任何鰻魚骨，好正😋鬧市嚟講，搵到依間高質小店，而且價錢相宜，性價比幾高。

冬至嗰日，相信好多人都忙着做節，我哋反傳統，食日本菜做冬🤣你之前都睇過食評，見呢間餐廳定價都唔算平，所以對食物都有啲期望我哋兩個人，一個叫咗生燒鰻魚丼，選了白燒，另外一個叫三重鰻魚丼，其中一個加$18轉套餐，我哋兩個都叫咗啤酒，不過最後發現蠢咗，應該兩個都升級做套餐，因為齋叫啤酒要$22，套餐餐飲轉啤酒要$28，即係加多$6就有多碗湯，溫泉蛋同鹹菜🤣三重鰻魚丼，可以一次過食晒三種鰻魚，啱晒貪心嘅人，不過份量唔算好吸引相比之下，生燒白燒鰻魚丼，份量唔少，鰻魚好彈牙，燒完之後，鰻魚嘅油香，配山椒粉，好好食，下次過嚟，我都會叫呢一個👍有一個幾特別嘅食法，食到剩返三份一左右，可以加湯變茶漬飯🤣不過餐廳唔算坐得好舒服，不過為咗白燒鰻魚，我都會再過嚟食😋

星期五晚出街食飯，人來人往的尖沙咀，6點鐘餐廳人流未最煩忙，可以試下小餐廳，食鰻魚。一間路邊小餐廳，專門食鰻魚，就點了廚師推薦「三重鰻魚丼」有兩種不同鰻魚煮法分別生燒鰻魚同蒲燒鰻魚，加一條長長穴了。生燒鰻魚皮脆肉厚，燒得香脆。蒲燒鰻魚甜而不膩，配上紫菜白飯變成鰻魚壽司感覺。(真的要小心鰻魚有魚骨)穴子，起初都不知是甚麼，經朋友解釋原來是咸淡水魚之分。肉質較為鮮甜細嫩。之後期間限定肥牛丼，等到鰻魚丼都差不多吃完，就到特別菜式。「餐廳試新野」，果然慢工出細貨，不是普通肥牛，口感類似和牛粒但較為扁身。升級套餐有玉子蛋同麵豉湯。食飽。

今天和家人去尖沙咀玩，途經這兒，見到主要吃我最喜愛的鰻魚，便坐下來吃午飯。鰻魚富含不飽和脂肪酸，有利於軟化血管和降低血脂，對健康有好處。這兒裝修很日式，感覺像是地道的日本小店，播着耳熟能詳的日文歌。🥢二重鰻魚丼二重鰻魚丼包括星鰻和蒲燒鰻魚。蒲燒鰻魚跟筷子一樣長，長得連餐具盒也放不下。鰻魚肉質飽滿，油脂豐富，口感軟嫩。星鰻較鰻魚體型短小，肉質細緻，同樣十分惹味。🥢生燒鰻魚丼鰻魚皮燒得十分爽脆，鰻魚肉肥美飽滿，口感結實彈牙。咬下去，滿口的油脂傾瀉出來，十分惹味。每一份丼飯都會配小菜、湯和溫泉蛋。飯上鋪滿紫菜和蛋絲，還有魚板和枝豆做配菜。飯的味道帶甜，匠心獨運，絕不馬虎！👍🏻🍲鰻魚肝白貝湯味道鮮甜，還有蜆肉在內，絕不是普通的味噌湯。👍🏻

今次這個選擇真系幾好,  放工同老友去尖沙咀  [鰻工房] 食日式燒鰻,  店子不大,  滿滿日式佈置,  帶著日本濃情.感覺好好,  像去了日本新宿的居酒屋. 看看餐單, 又經店員介紹,  我們 點了兩個 鰻魚丼套餐,  加 $18-   升了級, 有溫泉蛋, 漬物, 鰻魚肝白貝湯. 落了套餐單,  飲品可以優惠價計 $12.   我們選了玄米茶 和雪碧汽水.  鰻魚即叫即燒,    第一個鰻魚丼套餐送上, 原條蒲燒鰻魚丼  (升級套餐, 有溫泉蛋, 湯, 漬物)  一盤子送上, 好齊整. 先開開味蕾,  吃口漬物, 酸蘿蔔, 鹹菜 頂開胃. 再飲口 鰻魚肝白貝湯,   美味又暖胃.鰻魚燒得香,  好吸引,   丼顏色相當悅目.   蒲燒鰻魚  香氣四溢.  肉厚又大條,  鰻魚肉入口即化.飯面鋪滿了蛋絲, 枝豆,  及有兩片鳴門卷,   日本米, 入口香甜,  一口鰻魚, 一口飯,  真滋味!   我留下  3 份1  飯為後備食法. 吃鰻魚丼有教學指引,   依著做.   先向店員取碗熱熱的昆布高湯. 每張桌上, 備有紫菜和芝麻, 鰻魚丼加上高湯, 紫菜, 芝麻, 鰻魚茶漬飯便完