124
3
1
| 餐廳: | 鰻工房 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵尖沙咀/尖東站 N2 出口, 步行約3分鐘
繼續閱讀
電話號碼
55988744
營業時間
今日營業
12:00 - 16:00
17:00 - 22:30
星期一至日
12:00 - 16:00
17:00 - 22:30
以上資料只供參考, 請與餐廳確認詳情
優惠
| 餐廳: | 鰻工房 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
《鰻工房 - 尖沙咀》近期唔知點解突然之間好Hit食鰻魚，位於尖沙咀既鰻魚店我已經留意咗好耐，今次趁冇咩人嘅時候就入去食咗個late lunch，去嘅時候唔使排隊，但係我哋走嗰陣時啲人已經要等位啦🤣餐廳嘅裝修有啲和風，Menu入面嘅食物種類唔算好多，近排仲出咗人氣大熱嘅熱香餅漢堡，不過入邊包住鰻魚同芝士🤤配搭極級邪惡，我今次仲要食咗個Double鰻魚添💁🏻♀️雙層芝芝鰻堡 $108呢一個漢堡嘅麵包用咗熱香餅代替，夾住咗兩片厚厚嘅鰻魚同埋芝士，蒲燒鰻魚果汁本身甜甜地，同熱熔咗嘅芝士味道勁合拍，所以就算個熱香餅唔加糖漿都已經好夠甜味，食落都幾濃味㗎🥰如果覺得兩片鰻魚太Heavy的話可以揀返單片嗰一款，一人食燈或者當下午茶都絕對夠飽㗎💁🏻♀️白燒生燒活鰻丼 $188 套餐升級+$18另一款我同事就揀左鰻魚丼飯配套餐，入面有鹹醃菜、味噌湯同埋溫泉蛋作配菜，平時食蒲燒鰻魚就多，白燒活鰻的確比較少食到😉第一次試覺得個感覺都幾好，用白燒嘅方式燒製鰻魚，可以令到層皮脆卜卜，個肉質都幾彈牙爽口，用少少鹽調味已經好好食，都幾下飯架
繼續閱讀
好耐冇食過鰻魚，好掛住日本食嗰碗鰻魚飯。星期六特登帶老公嚟呢間尖沙咀小店嘆個鰻魚午餐，記得好幾年前喺銅鑼灣店食過一次好正，但係而家銅鑼灣嗰間已經冇咗了。沙羅鰻蛇丼 $198呢個係期間限定Maga size鰻魚丼，鰻魚超級大條，有成個前手臂咁長，勁誇張。鰻魚勁肥美肉厚，蒲燒得好香，有少少燶焦香。食一啖鰻魚，然後一大啖鰻魚汁伴飯，真係勁滿足。條沙羅曼蛇底下，仲有一大塊厚燒肉子，玉子甜甜地，濕潤柔軟，用嚟餸飯又係勁正。三重鰻魚丼 $208有齊生燒鰻魚、蒲燒鰻魚同埋穴子，生燒鰻魚燒到皮脆卜卜，肉質爽脆，蒲燒鰻魚肥美甘香，穴子即係鰻魚BB肉質細嫩細嫩，啲飯可以自己加好多鰻魚汁，再紫菜絲蛋絲伴飯好好味。我哋仲加咗$18轉套餐，有溫泉蛋、鹹菜、鰻魚肝白貝湯同埋玄米茶。值得一提，鰻魚肝白貝湯好鮮甜，好驚喜。店員教我哋可以保留三份一嘅飯向店員索取昆布高湯，然後加入紫菜、芝麻成為茶漬飯，變成另外一種食法。食到最後有啲膩用呢種食法好適合，可以清清味蕾減油膩感。
繼續閱讀
朋友好鍾意食鰻魚，佢話試過尖沙咀沙鰻工房，質素拍得住名古屋名物。講到咁正梗係要去試吓啦！平日晚上門口排隊等一陣就有位。排隊嘅時候俾我見到張poster，一心就想試吓 尖沙咀 赫德道 的 沙羅鰻蛇丼，食字食得好，滿滿的回憶。期間限定沙羅鰻蛇丼餐廳主打鰻魚，即叫即製，耐心等候。最近推出了期間限定！沙羅曼蛇丼，巨大蒲燒鰻魚的造型，賣相吸引，打卡一流。以肥美厚肉做賣點，吸引眼球。先品嚐沙羅曼蛇，蒲燒方式烹調，滿滿香甜味的鰻魚醬汁，食落啖啖肉，值得一試。鰻魚覆蓋着的是便當，有大大粒青豆、蛋卷、紫菜絲白米飯，份量也不少，男士也吃得飽飽。二重鰻魚丼鰻魚控 不能錯過的鰻魚二重奏，安心等候美食，香噴噴的穴子，即係鰻魚BB，肉質軟綿綿。集合了兩種不同口感的鰻魚，穴子和蒲燒鰻魚。細長的穴子捲在一起，肉質嫩滑，灑上胡椒，爽口美味。二重奏中的蒲燒鰻魚，口感比較爽彈，燒得比較香脆，兩種味道各有特色，入口充滿魚油香，層次豐富。最後，留低三份一鰻魚丼，加入餐廳特製昆布高湯，加點紫菜芝麻，鰻魚茶漬飯 即成，忍唔住食完一 又一口。最後已冰凍的可樂，作為今餐嘅總結，爽呀！
繼續閱讀
有位好友是鰻魚/鱔魚愛好者,其時不時都會惠顧尖沙咀的鰻工房,更說我有機會一定要去試試云云;剛好這天這好友與我都一齊放假,於是就臨時相約到鰻工房來個午餐;我比好友早些到尖沙咀,從尖東地鐵站出來,跟著Openrice大神的地圖功能,很快找到食肆的位置;當下正值食肆開始營業時間,我來到就先逕自入内;餐廳由門面至內堂都彌漫著濃濃的和風氣息,牆壁貼上大小各異的日文/動漫海報,大都與鰻魚有關,更添氣氛!原木色的餐枱凳,與柔亮的燈光配合,加上強勁的冷氣與抽風,令到內空氣很清新,一坐下來就暑氣大消!接著受到侍應生的熱情招呼,並相互交談起來;侍應生態度十分好,跟據點餐紙上的食物,先介紹此店午市鰻魚丼飯的主要做法;蒲燒鰻魚,就是將一般鰻魚先蒸熟再燒,鰻魚的口感味感會較腍甜;生燒(關東/西傳統做法)本地白鱔,質感會較爽脆;穴子就是海鰻幼魚,也採用蒲燒做法,特色就是肉質細嫩;此時好友來到,選好食物馬上落單;好友今次點了餐廳最備受客人喜愛的--原條蒲燒鰻魚丼套餐率先登場,除丼飯外,尚包括醃菜/溫泉蛋/鰻魚肝白貝湯以及飲品;而我點的--三重鰻魚丼套餐爾後跟上,除主角有所不同,其他配菜也一樣!充滿醬汁色調的原條蒲燒鰻魚用木盒盛載,其香氣飄散空氣中,特別香甜誘人!丼飯以蛋絲加紫菜絲再灑上毛豆粒,令口感更有層次!三重鰻魚丼用六角彩碗盛載,更灑上些許山椒粉在海鰻幼魚上面,好香又增加香味!海鰻幼魚肉質太滑嫩了,接近到入口即溶境界,有醬汁與山椒粉提味,肉汁與油份的完美加持,令本味鮮上加鮮!生燒本地白鱔肉質很爽彈,油份適中,帶點焦脆的外皮添加了煙燻味,醬料味道相對輕身,反而更突出鱔肉本味!來點醃菜清清味蕾,來嚐味濃味的蒲燒鰻魚,先以醬汁的甜美主導,然後鰻魚的肉汁與油份慢慢透出,加上一口拌了溫泉蛋的珍珠米飯,完美!細細地品嚐完鰻魚與丼飯,再喝了足料又鮮甜的鰻魚肝白貝湯,竟有一種飲飽食醉般的滿足!果然是「鰻工」出高品,間中來吃上一個如此高品質的鰻魚丼,實在是一件開心又幸福的事情!
繼續閱讀
週末遇上落雨天，的確有啲掃興😪 唯有四出搵啲好嘢食，總好過宅在家🤭 個個都話呢個假期 #香港冇晒人，不過我去到餐廳竟然遇上人龍😅 搞到一向唔鍾意排隊嘅我，都因為好奇心嘅驅使下，停下腳步等服務員安排😉 朋友仔原來早有計劃，知我呢個 #鰻魚控 對 #蒲燒鰻魚 情有獨鍾，所以特別帶我嚟到位於 #尖沙咀 #赫德道 新開嘅「鰻工房」試吓師傅嘅手勢☺️ 餐廳地方唔算大，裝飾以木色為主，間格充滿和風味道🎐 正當我哋仲諗緊食咩好嘅時候，聽到店員提醒隔離枱食客講，餐廳每分食材都係即叫即做，需要時間等候⏱️ 搞到我哋都不敢怠慢，馬上點菜🤭 我哋叫咗兩個 #鰻魚定食，#沙羅鰻蛇丼、#三種鰻魚丼 做主食🤤先上枱嘅係朋友仔揀嘅 #三種鰻魚丼，軟綿綿嘅 #珍珠飯 上面加上 #生鰻魚（由生燒到熟嘅白鱔）、#蒲燒鰻魚，仲有 #穴子鰻魚（鰻魚BB)做組合，啱晒心多多又乜都想試嘅朋友仔😉 單睇造型已經口水流🤤 生鰻魚口感比較爽彈，而穴子鰻魚就比較香口，味道各有特色🫶🏻而我點嘅 #沙羅鰻蛇丼 真係不得了👀 成隻手臂咁長嘅原條 #蒲燒鰻魚 放喺 #丼飯 上，非常吸睛👀 肥美嘅魚肉入口充滿魚油香🤤 加埋隻 #溫泉蛋 同 #特製嘅鰻魚醬汁，搞到我忍唔住食完一口又一口🤤店員仲提醒我哋，食到最後記住要留低三份一嘅 #鰻魚丼 放入餐廳特製嘅 #昆布高湯 裡面，仲要加埋 #紫菜 同 #芝麻 嚟做一個 #自家製 嘅 #鰻魚茶漬飯 作為呢餐嘅總結☺️ #高湯 味道清清地，撈埋啲 #鰻魚 同 #飯 一齊食，確實有另一種風味🤤 其實餐牌上嘅 #鰻魚芝士玉子燒、#燒鰻魚串 都非常吸引，可惜 #小秘書 當時已經飽到一個點😅 唯有下次有機會再嚟幫襯，試埋其他食物啦😉📍 鰻工房 (尖沙咀)赫德道1-3號利威商業大廈地下7號舖
繼續閱讀
您可能會有興趣的...