鮨處松戶 (彩星集團大廈)

營業中

休息中

今日約咗好耐冇見嘅朋友黎食嘢😜💕 一打開𨋢門已經聞到好香嘅食物味道！！ 成間餐廳嘅環境都好有日本風味🤍🤍 餐廳座位都幾闊落，啱晒同朋友慢慢坐低傾偈🍵 店員見到你飲晒水，仲會好主動幫你refill！！ 呢度嘅玄米茶好好飲！我同朋友嗌咗個雜錦刺身拼盤（上）🐟 刺身鮮味十足，全部都好厚切😚 特別鍾意個帆立貝，好犟牙！我哋仲叫咗個海鮮沙律🥗 冇諗過個份量超級大，好抵食🤣 ！ 面頭鋪滿左天婦羅🍤碎碎，口感脆卜卜，加埋啲三文魚籽，好特別💓 另外魚生都比得好慷慨，每一啖都一定食到刺身😜南蠻漬雞肉我都係第一次食！雞肉嫩滑，最好味係佢個汁！另外，仲加左蒜片，好惹味😛雜錦串燒上枱熱辣辣，最鍾意個雞肉棒，入面仲有啲軟骨，好有咬口😜 雞軟骨調味都好好呢！最後叫咗個唔係好日本嘅菜式🤣 泡菜炒豬肉，呢個就正正常常，同平時啲泡菜豬肉差唔多

早前朋友推介，話有間响尖沙咀食日本嘢幾好。咁啱今日要出尖沙咀買嘢，既然咁講就上去睇睇先。呢間餐廳地方好大，係全層，日式木系裝修，座位寬闊。仲有BAR 枱，前面有好多新鮮日本進口海鮮。坐低就已經聽到講日文客人，一家四口黎食飯，而職員亦用日文同佢哋傾計。打開MENU，有好多嘢食，老公發辦，樣樣都叫D。之後同職員傾計先知道，呢間餐廳到今年8月就已經18周年喇，累積左唔少日本客人，餐廳名松戶係用之前的日本廚師命名。呢度仲有3間party room，好多日本人嘅熟客都會包場，真係好似日本居酒屋。酒煮花螺：花螺有淡淡酒香，底仲有D海藻，兩者入晒味。雜錦剌身(上)：二人份量，魚類刺身有魚、吞拿魚、油甘魚同三文魚，入口帶淡淡油脂，感覺肥美，而帶子同甜蝦帶鮮甜味。另外海膽廷身，咬落去爆開粒粒魚子汁，味道好夾。 鰭處松户海鮮沙律：賣相好靚，又夠睇頭。沙律菜洗得新鮮乾淨，海鮮係刺身黎，切開左一粒粒，樣樣都有d。醬汁係用左自家製酸汁，味道都幾好，酸may may，夠晒開胃，估唔到沙律都可以咁豐富。雞泡魚乾：唔會燒到硬掘掘，入口比較軟身，點埋蛋黃醬食就夠滋味。芝麻雞翼：熱辣辣，連雞翼尖果部份都醃好入味，咬落鬆

當日同好友慶生預訂了房間，環境不錯，方便傾偈👍🏻6大1小坐得唔迫細房間minimum charge $2000，呢個門檻唔過份。侍應很有禮貌，還細心地介紹了清酒給我們。食物質素不錯，價錢合理。可惜當日鵝肝賣晒，壽司拼盤幾好幾新鮮。而當晚入座時餐廳侍應一開始就說明當天廚房人手不足，所以上菜可能會慢。（事實真係好慢😅）唯一可惜是當日防疫規定晚市只能食到10點，由於上菜真係超慢，9點前加單的菜式等到9:45都未出現，唯有取消啲加單。然後拿拿聲切埋個蛋糕走人😅但整體呢間餐廳係唔錯嘅！會再去！

If you don’t mind having to wait for 45 minutes and have your order cancelled you can come here for the slow service and tasteless tea. Our orders were still not here after ordering for 45 minutes, almost halfway through our drinks. The staff told us that the tempura and a beef stew (the first things we ordered at 19:53) were almost ready (at 20:39) , and said she could cancel everything else if we can’t wait any longer. I promptly agreed since I don’t want to wait that long for our order to be

1. 上菜等勁耐 ：由點完餐到第一道菜來，要50分鐘，唔肚餓至好去（或者提早去慢慢等)。2. 服務員是譚仔姐姐質素，唔會有日本餐廳感覺3. 點了「牛肉煮薯仔」，薯仔咬下去是有雪的 (?!)，究竟係薯仔未解凍定係點，無法理解，完全係想食到人肚痾

疫情完了 約好友飯聚 想搵個好坐既地方 又不限時 結果失望而回！首先要咩無咩》一見到有‘譏燒鮑魚’ ‘酒煮花螺’ 即點 但都無，不是賣哂 係無 好想即走😤 叫左既食物只係一般 特別係個 - 麵豉海鮮煲 仲要 $600 非常極之叫人失望 不是我地一般諗既海鮮 （只有兩隻蠔仔 兩隻帶子 好多三文魚肉 魚頭 菇類 一些紹菜 …就係咗。最奇怪海鮮煲有雞肉🤔️而且濃麵豉湯底）其他魚生 蛋卷 都可以。 總的來說 這裡真的很適合坐好耐吹水。我地之後再望下現場 係有日本人 佢地真係捱咗幾碟嘢，但係就坐咗成晚仲坐得耐過我哋 吹水飲酒。如果要食好嘢就……. 唯一叫做攞返少少分 - 個貌似部長既女店員 不知是否聽到我地不斷‘而而銀銀’咕嚕咕嚕‘ 話個海鮮煲🤣 佢主動過來話個雪糕免費 仲解釋個海鮮煲係關西風味 可能唔岩香港人口味🙄叫我哋下次點個個咩咩 （但sorry 我諗我唔會再來）。

尖沙咀有好多隱世嘅地道日本餐廳，今晚我同朋友就嚟咗鮨處松戶食日本菜我哋喺夜晚7點入座，唔需要等位餐廳入面日本客人非常多，店員話佢哋嘅食材同埋酒都係日本直送過嚟餐廳首先會上一人一份前菜，今日嘅前菜係芝麻八爪魚($30+1)秋刀魚刺身($280+1): 我第一次食秋刀魚嘅刺身，好肥美鮮甜！和風黑松露牛肉他他($180+1): 啲牛肉嘅油脂非常均勻，輕輕咁燒過令牛肉味非常濃郁，配上黑松露醬汁真係一流雜錦天婦羅($105+1): 天婦羅上枱嗰陣仲係熱辣辣，炸醬唔會過厚鹽燒雞翼($58+1): 雞翼嘅外皮燒到非常香脆，但啲雞肉又唔會燒過咗而太乾白鱔串燒($100+1/條): 白鱔嘅魚皮都係燒得香脆，啲鱔肉咬落去大大啖肉，肉質彈牙，非常推介日式雪菜炒飯($78+1): 炒飯用嘅係日本珍珠米，啲雪菜爽口，個炒飯落咗好多雪菜但又唔會話太鹹紅豆年糕($48+1): 年糕有輕輕咁燒過，暖笠笠嘅，配埋啲紅豆真係冇得輸呢度啲食物真係超級地道，好似去咗轉日本咁，大滿足！！！

大時大節搵左呢個地方食飯，覺得真係搵岩左，呢度不單止地方夠大，食物質素都好高～～又係尖沙咀～真係要book定下次前菜 - 係醃漬左嘅帶子裙邊，口感爽脆生蠔 - 超肥美～～仲要輕輕調左味，一啖咬落去嫩滑豐腴，加埋青檸汁食好正雜錦刺身 - 呢個必嗌，每一樣都咁新鮮，尤其是個海膽，超重海水味，加埋三文魚子一齊食真係返唔到轉頭雜錦天婦羅 - 好豐富，有3隻大蝦，茄子、蕃薯、青椒仔、南瓜，個炸漿夠薄，好食生牛肉刺身 - 見好少地方有得食，估唔到咁得，首先油脂分布平均，再黎無筋，入口質感似吞拿魚，但牛味濃郁 燒帆立貝 - 本身唔使個汁都已經好重帶子味，平衡得剛好魚湯烏冬 - 呢個唔好睇佢細細碗，原來係鎮店之寶！D烏冬係手工打，好彈牙，個鯛魚湯好夠濃稠，冬天食一流芝麻雪糕 - 連個結尾都好完美，本身唔係特別鍾意芝麻，但佢個味同雪糕好夾呀～～happy ending!

今日朋友帶咗我去尖沙咀食日本菜，呢間餐廳好有日本色彩，而且旁邊有幾台都係日本人，聽到侍應同佢哋用日文對話，感覺好地道🤩🤩日本真蠔🦪🦪師傅放喺壽司吧枱前邊嘅，都係今日新鮮空運過嚟嘅日本貨，個日本真蠔有少少海水味，好新鮮好鮮甜雜錦刺身🍣🍣細細份嘅刺身入邊有深海池魚，牡丹蝦，帆立貝同赤睦，全部都好鮮甜，赤睦係料理長推薦既魚，係同喜之次差唔多級別既魚，仲有微微燒過好香黑松露和牛他他🐮🐮和牛有燒過個表面，然後再切成薄片，表面加咗好香好香嘅黑松露醬汁☺️☺️食落唔似食緊生肉咁，連我呢啲唔係好敢食生牛肉嘅都食咗幾片，好好味,值得推介磯燒日本帆立貝🔥🔥呢個又係今日先係日本運嚟嘅海產，師傅首先係壽司吧到開好比我地睇,再拎入廚房燒，勁大粒帶子好香甜，新鮮既食材就會好好食串燒白鱔🍢🍢天婦羅白鱔白鱔我哋試咗兩種口味，有串燒同埋天婦羅，兩種感覺好唔同，串燒燒到個皮少少脆，但係仍然有佢彈牙嘅口感，天婦羅就成舊熱辣辣脆皮，俾我揀就鍾意全消多啲，不過兩樣都好好食🤤🤤雜錦天婦羅🍤🍤鍾意天婦羅嘅朋友仲叫咗一個雜錦天婦羅有茄子，南瓜，番薯，蝦同埋魚，分量夠多又豐富唔會太厚粉啱啱好左口魚薄切🐟🐟又係師傅推介我哋食嘅薄切魚生，今次

呢間尖沙咀嘅日本餐廳係一間樓上舖 喺尖沙咀嘅Apple隔離嘅入口入 搭𨋢上五樓 再轉𨋢 先嚟到八樓嘅呢間餐廳😮餐廳環境好寬敞 有一啲日本嘅風味 仲聽到有店員用日文同其他客人傾談 感覺到佢係一間好正宗嘅日本餐廳 先吸引到日本人嚟幫襯😗前菜 中華沙律前菜都幾多份量 味道正正常常🌱酒煮花螺花螺幾有口感 酒味偏重 小食嚟講都幾出色 送酒嚟講都應該唔錯🤣雜錦天婦羅海老 白身魚 南瓜 番薯 茄子 青椒 天婦羅汁再配蘿蔔蓉同薑蓉同天婦羅好夾 尤其海老食落都幾彈牙🦐蒜香一口和牛和牛粒未去到入口即化咁誇張 但係口感腍得嚟 又食到牛嘅油香 配埋蒜片就味道更加豐富🐮和風黑松露牛肉他他一上檯已經聞到好香濃嘅黑松露味 沙律嘅黑醋令到味道酸酸地 都幾開胃 牛肉他他同時食到黑松露同牛肉嘅味道 成餐嚟講最推介🥗雜錦壽司 特上吞拿魚腩 吞拿魚 海膽 海鰻 赤貝 甜蝦 蟹膏 季節魚 蟹肉 章紅魚 吞拿魚腩軍艦 甜蛋 吞拿魚卷 賣相好靚 份量又好足夠🥰日式雪菜炒飯炒飯份量真係有啲多 食到呢度都有啲飽啦 而飯粒炒得幾粒粒分明 如果可以少啲油膩感就好啦😂值得一提 餐廳嘅食物慢工出細貨 但係整體食物質素唔錯 食得出用咗高級嘅食材

池魚碎切🐟擺盤耀眼奪目，栩栩如生，池魚肉質緊緻爽口，魚味突出，師傅將池魚同埋蔥、薑拌好，食嘅時候點少少酸汁，馬上帶出池魚鮮味，不論賣相定係味道都令人回味無窮😋銀鱈魚西京燒🥢銀鱈魚富有油香，非常嫩滑，白味噌作底嘅西京漬味道甘甜，水準唔錯👍燒日本白鱔🐟依款係是日推介嘅串燒，白鱔肉厚有彈性，魚皮香脆而魚肉保持住原汁原味，時間火候控制得好好🔥 和風黑松露牛肉他他🥩依款牛肉他他係一片片嘅，擺盤好有心思，黑松露醬令味道更香濃~牛油果軟殼蟹卷🥑牛油果嘅軟滑，配上酥脆嘅軟殼蟹同埋清脆嘅蟹籽，口感極為豐富😋雜錦天婦羅🍤天婦羅即炸熱辣辣，香甜嘅蕃薯同埋南瓜最為出色!牛肉豆腐鍋🍲冬天特別想食暖胃啲嘅鍋物，湯汁帶甜，肥牛正常水準，最鍾意反而係滑豆腐清酒煮蜆🍲又一簡單卻美味嘅菜式，散發陣陣酒香，味道鮮甜𩶘魚奶湯🐟奶白色嘅魚湯非常對辦，充滿絲絲嘅鮮味，連魚片都係嫩滑好高質👍

非常有日本味道的居酒屋，一入門口，就有日本式的裝飾及房間 (紙趟門，他他咪)，進餐期間，又不停聽到店員與客人用日文溝通，感覺真的猶如去了日本。我們叫了以下的菜式，不慌不忘地上枱：北海道蠔 - 作為 starter, 賣相同味道都一流，鮮甜可口，連我這個抗拒蠔嘅朋友都讚不絕口深海池魚薄切 - 厚度剛剛好，每一片加上小配菜一起吃，鮮甜到不得了，停唔到口京都燒白鱔 - 醬汁好味，外脆內軟，沒有太多軟骨，肉味濃郁可口鐵板和牛 - 黃牛本身已經好好食，加上特別醬汁，蒜片，熱辣辣的鐵板，每一口牛都嫩滑可口日本海鮮鍋烏冬 - 海鮮了粥，湯很清甜，加上彈牙烏冬，不錯日式高菜炒飯 - 以為普通的炒飯，食落又不得了，唔明菜炒飯點解咁好食聽店員講，此店已有17年歷史，開國功臣是一個為日本皇室預備飲宴的廚師，特別來香港開店，退休後，繼續將佢嘅廚藝同精神在此店延續下去 …

聖誕節係普天同慶嘅大日子，冇得出外旅行，唯有留港刺激經濟。今日同朋友嚟到尖沙咀廣東道購物，行左無數間嘅名店，去埋蘋果旗艦店，結果就嚟到喺同一大廈入邊八樓嘅日本居酒屋。見到佢店面度都擺咗好多金馬獎獎狀、又有好多開飯推介，而且裝修亦都好有日式居酒屋嘅感覺。餐廳入邊有廚師工作，喺開放式刺身吧，佢哋喺你面前切魚生。冰櫃入邊放咗各類嘅海鮮，見到都滿足，視覺嘅享受。前菜，中華沙律對於中華沙律，我諗大家都唔會覺得陌生。海帶上加左d麻油，再灑上芝麻，就成為賣相吸引既小食。低卡，有營養。柚子醬油生蠔一見到呢兩隻生蠔，我哋就覺得好幸福。見到佢嘅蠔胚有幾飽滿同肥美，即開即食既生蠔富濃郁海洋氣息，蠔肉爽脆鮮甜。劍魚刺身呢款魚係店員推介，我哋都係第一次食。開頭覺得呢條魚細細嘅可能會好腥味。但係食落一啲都唔會而且肉質特別爽脆，鮮甜。可能係因為呢一啲魚建議運動量極高，佢哋游得勁快，而且有時會跳躍去捉魚。炸鰈魚睇落好似唔係好多件魚肉，但係最後我哋係成碟食晒，係成碟！因為佢上粉薄，炸到非常脆，香口，連骨都可以食，真係補充咗好多鈣質。𩶘魚湯一飲一啖，又見到佢奶白色，就知道佢一啲添加劑或者味精都冇，係新鮮用𩶘魚肉同骨去熬製

好耐冇食過咁有氣氛既日本野。因為想搵間可以坐得舒服既餐廳，就搵左呢間。一入去就感覺好舒服，裝修得好靚，座位又闊，唔會好逼，好岩同朋友黎傾下計入面仲有bar枱，有寫今日有啲岩食，仲可以近距離睇師傅點整野食，都唔錯一開始試左個納豆沙律，平時唔太敢食納豆，但呢個整左做沙律就想試下，呢個唔會難食，可以一試然後就係雞泡魚乾，呢個係軟身啲既，感覺健康啲，雖然軟身但都仲好香，好食黎到呢到一定要食刺身拼盤，我地係叫細既刺身拼盤，但都好夠食啊，魚好鮮甜，同埋好大塊，個帶子切左4份仲有海膽同三文魚籽，好甜好食關東煮都好足料，我地兩個人食都夠晒分量，蘿蔔煮到好入味，入面仲有蒟蒻，感覺好正宗。呢個生牛肉他他幾有驚喜，佢既醬汁酸酸地，同牛肉好夾，又開胃，好快就清晒最後仲有炒麵，佢份量唔太多，所以最後食都唔會太飽，麵質幾好食唔會太重味，同埋有好多菜最後就食番個牛奶雪糕收尾，雪糕有少少乳酪味，好食！

🍴和牛薄切和牛外圍輕輕燒過，中間依然紅潤，油花均勻，黑松露醬香而不濃，捲住蔥花、洋蔥一齊食，配搭酸香沙律醋，清新開胃。🍴雜錦刺身每種魚都係厚切，口感極之滿足，鯛魚、油甘魚清甜柔軟，劍魚肥美細膩，赤身魚味頗濃，帶子、甜蝦嫩滑鮮甜，最後一啖吞晒最濃味嘅海膽、三文魚子，齒頰留香。🍴味醂魚乾雞泡魚乾經味醂醃製特別香甜，燒至軟身，滿口甘香。🍴辣汁煮花螺螺肉微辣入味。🍴磯煮鮑魚鮑魚唔會炆過龍變得太軟，仍然保持鮮嫩彈牙，蘿蔔亦非常入味。🍴雜錦天婦羅有蝦、魚、茄子、青椒、南瓜，炸得香脆乾身，入面保持食材原汁原味。🍴關東煮湯底清甜，獅子狗、炸魚餅香甜軟滑，蘿蔔、炸豆腐索晒湯汁，仲有蛋、蒟蒻，連埋湯飲暖笠笠。📍鮨處松戶尖沙咀廣東道100號彩星集團大廈8樓