鮨處松戶 (彩星集團大廈)

營業中

休息中

好耐無食過呢間尖沙咀既日本菜，之前對呢到既印象都幾好，而且黎親食都見到唔少日本人。燒物燒日本帆立貝已經切好左，方便食用。肉質好鮮嫩彈牙，不過就略嫌個汁咸左少少，搶左啲甜味。燒白鱔反而就好出色，肉質勁爽口，調味都做得恰到好處。雜錦刺身全部都好新鮮，個人認為最突出既係帆立貝，赤蝦同赤身。帆立貝同赤蝦肉質都好彈牙同鮮甜，赤身既肉質軟嫩，味道都好好。日本汁煮花螺夠凍夠濃味，咸咸地好適合送酒～👍明太子蛋卷蛋略為薄啲，但明太子就好足料～口感略嫌差咁少少，但味道就好好～～黑松露和牛他他齋睇個樣已經贏左😂牛肉既油花超靚，有咬口，外層仲帶啲燒肉既香味，配上黑松露調味，真係幾正🤤雜錦壽司有齊拖羅，赤身，海膽，蟹肉，三文魚子等等，同刺身一樣，魚料新鮮🤤不過飯就濕左少少。雜錦天婦羅新鮮炸起，唔油膩，炸漿脆身同唔會太厚。芝麻雪糕最後埋尾既甜品，芝麻味濃郁，有驚喜😋

今日來到朋友介紹嘅 喺尖沙咀廣東道嘅 高級日本居洒屋 ～ ⛩鮨處松戶 ⛩餐廳裝修好🈶️日本feel 座位寬敞舒適 好有情調 當晚有仲兩台日本客人 唔怪得佢個餐牌有埋日文啦😄一坐低職員就遞上前菜及熱茶🍵 俾我哋一路食一路點菜 好細心😍😍 職員殷勤有禮👍 不斷同我哋加熱茶🍵及介紹食物 氣氛輕鬆 🥰 先來個沙律先😋😋😋🍴日本紅凍番茄$70沙律菜上面加咗日本空運返来的蕃茄 店員好細心咁叫我哋食咗沙律 再食其他刺身🥰🍴雜錦刺身(上)$380吞拿魚🐠油甘魚 𩶘魚 甜蝦 帶子 八爪魚刺身叫個刺身拼盤就可以一次過食晒我鍾意嘅刺身啦😄 樣樣都好新鮮 切得好厚身 啖啖肉 我最鍾意牡丹蝦及帶子 好鮮甜😋😎 值得得推介😄👍 🍴和風黑松露牛肉他他$180佢用咗洋蔥及醬汁墊底 同埋沙律菜伴碟 擺放得好靚🥰 薄切和牛 一口一啖 啱啱好 食咗一塊 就即刻想再食 甘甜回味😎😎 正呀！😋😍 🍴味醂魚亁$90即係俗稱雞泡魚乾 燒得啱啱好 唔會太乾 甜甜地 點埋沙律醬一流👍😍 🍴帶子牛油燒$85佢用鐵板上 可以保持嘅溫度 加上檸檬汁 食落好香口清甜 帶子好彈牙😄😄 🍴炒麵$88加埋椰菜青椒紅蘿蔔一齊炒 上面加咗木魚

上網見到呢間餐廳嘅食物同環境都唔錯，所以襯住weekend就同女朋友嚟呢度食餐好嘅~ 呢間裝修得好靚，好有日本嘅味道！ 前菜 (帶子裙邊) 🧫帶子裙邊甜中帶微辣，夠晒開胃~ 味醂雞泡魚乾🐡佢啱啱燒好，加咗味醂所以質地係黏黏地，食落腍身帶甜味，好食~🤪 帶子牛油燒🧈🐚牛油味香，加埋黑椒嘅調味，食到帶子嘅鮮甜，帶子亦好飽滿，正呀~😛 牛舌🐮👅牛舌用鹽輕輕調味，燒得香口，加埋檸檬汁嘅配搭一流~🍋 關東煮 🍲冬天梗係要飲返個熱湯暖下身，呢個關東煮湯底同材料都唔錯！佢配上黃芥末可以點嚟食，唔會咁單調~✨炸豆腐索晒湯汁，食落有豆香~✨蘿蔔煮得夠腍入晒味，食到佢嘅清甜味~ 鮟鱇魚肝🐠魚肝口感好rich，加咗醋所以唔會好膩~ 雜錦刺身 (上) 🍣刺身擺盤非常吸引，全部都幾新鮮，有幾款我個人都幾鍾意~✨三文魚係魚腩位，夠晒肥美~🥰✨吞拿魚無根，食落好有魚嘅鮮味~😚✨海膽份量多又無藥水味，加埋青瓜同三文魚籽食夠晒豐富~😝 雜錦天婦羅🍤天婦羅炸得剛好又唔會好油膩~✨池魚清新嘅魚味🐟✨蝦就大大條，肉質紮實，有蝦嘅甜味~🦐✨其他南瓜、茄子等等蔬菜類都食到食材清甜，唔錯！🎃🍆 黑松露牛肉他他 🥩食落有極香黑松

去日本旅行嗰陣都玩去食下居酒屋，而家冇得去旅行，呢間居酒屋都幾有日本嘅感覺。嘢食有好多款😍牛油煮帆立貝好龍嘅牛油味，但係食完唔會話好heavy日式炸雞🍗炸得好脆，唔會油淋淋，加埋檸檬汁食，真係同日本嘅味都係一樣燒牛舌燒到個面脆身，牛質唔硬炸雞軟骨炸到脆晒，唔會硬清酒煮蜆有好香嘅酒味，甜甜地😋刺身盛合牡丹蝦超鮮甜，啲肉好爽吞拿魚有齊吞拿魚腩同赤身，2種都新鮮仲有赤貝、間八、三文魚籽都正最正係海膽，唔新鮮會苦，啲個完全無，仲要有甜味😍

之前和朋友來這家日式料理店吃過單點，質量不錯，今天再和家人來光顧午市套餐。我們點了以下午市定食：壽司定食：有八件壽司（炙燒吞拿魚（腩？）、赤身、油甘、㠶立貝、墨魚、熟蝦、三文魚籽軍艦和吞拿魚腩蓉軍艦）和六小件青瓜卷。魚生新鮮，醋飯美味。原本我想點精選壽司拼13貫，但店員說今天不夠魚，也沒有海膽，所以最後點了這個普通的壽司定食，以這個價錢其實不錯。魚生飯定食：用料十足，夠大碗。壽司卷物烏冬定食：壽司和我的差不多，我覺得比我的還好，有5件包括赤身、炙燒左口、甜蝦、㠶立貝和三文魚籽軍艦和3小件青瓜卷，魚生新鮮味美，再配一碗湯烏冬，湯底味濃，正！所有定食配蒸蛋、麵豉湯、雪糕或咖啡和一片橙（這個是扣分位，乾而且像別人食過的），午市定食選擇頗多，有冷有熱，可惜未能吃到我想吃的精選壽司13貫（價錢是普通壽司定的的2倍有多）。整體其實不錯，性價比算高。

鮨處松戶，傳統高級日式料理，裝修有濃厚和風，一入店有小庭園及廂房，若包廂需脫鞋入座，彷如置身日本旅行。店內另設卡位及吧枱，環境非常舒適🥰 餐牌款式眾多，前菜、刺身、壽司、卷物、炸物、一品料理等，應有盡有，花多眼亂🤩最後點選了🦑酒醃螢光魷魚$60: 螢光魷魚肥美鮮味,yummy🥰🥗鮨處松海鮮沙律$95:材料十分豐富，有多種角切刺身，如三文魚、吞拿魚、油甘魚等，仲有蟹籽、三文魚籽同埋天婦羅脆脆，加埋超多新鮮沙律菜，開胃又美味😋🍤雜錦天婦羅$105:有蝦，魚，仲有秋葵、冬菇、蕃薯等蔬菜，天婦羅漿薄脆，正🥘帶子牛油燒$85:燒得香，可惜帶子燒得過火，肥厚的帶子肉質變得韌🐡鰻魚蒲燒$140: 鰻魚肥美，入口即溶，醬汁味道剛好不會太咸，份量略少🍣🍱特上壽司拼盤$450: 好精彩，件件精品吞拿魚腩：油香爆燈入口即溶,極斯品🥰海膽：肥美滑口，鮮美帶甜，yummy😘三文魚子：粒粒飽滿精瑩，鮮味無窮😍燒墨魚：面層微燒，墨魚又彈牙又嫩中帶脆，還散發淡淡煙熏味😍甜蝦：甜蝦肥肥的😗帶子：厚身鮮味，好滿足😋

今晚靚靚表姐請食日本菜預祝我生日她在exxxgo平台訂位有8折優惠，但要正價加一。前菜(中華沙律)每人每碟$25，不包括此優惠，而且要加一收費。地方不太難找，在廣東道蘋果店隔離大廈，但沒有lift直接到，要轉lift的，這個有點特別。我們被安排坐卡位，坐得舒適，而且客人不多，沒有喧鬧，環境安靜我們3人點了：雪場蟹腳鍋$280 - 湯頭鮮甜蟹腳啖啖肉，好炸魷魚酥$65 - 炸得略燶，口感有點硬鐵板蒜香一口和牛$180 - 蒜片炸得香口，和牛口感香嫩，好好味雜錦刺身(大)$780 - 賣相吸引刺身新鮮，片片厚切，每件刺身溫度適中，不會剛在雪櫃拎出來的冰凍感，也不會放在室溫太耐而變熱。而且全部刺身很高質，不會有三文魚咁行貨特上雜錦壽司$450 - 賣相不錯壽司飯酸度適中，壽司握得有水準，不會一夾即散。而且師傅好窩心會剝埋蝦尾，令食客容易食壽司質素高，新鮮好食另一窩心位，原本我們想點大海鮮鍋，但侍應強烈要求點細鍋，大鍋太大對於我們來說份量會太多，不抵食。明顯不是衹為求賺錢，也會為客人著想的

今晚睇完戲諗緊去邊度食飯，7:30打電話去訂位 八點去到見到門口已經覺得有啲伏 感覺好up耷 門口啲燈仲要壞左 眨下眨下 心諗算啦試吓啦 坐低之後嗌嘢食，點知成四五樣嘢食都話冇，冇都算啦 其他嘢食黎到之後賣相還可以，但係食物質素真心完全對唔住佢個價錢。帆立貝刺身薄都不得了，甜蝦超級唔新鮮 蝦身發白 溫度亦都唔啱 好似喺室溫攤咗好耐咁 香蔥吞拿魚茸軍艦唔新鮮 魚肉係灰色嘅 食落口仲要腥串燒味道就幾好 牛舌雞腎都好食。間餐廳得兩個服務員，嗌嘢食 上菜乜都要等 埋單都等咗15分鐘。總括嚟講性價比極低以後唔會再幫襯。

这话餐厅本来在前几年光顾过，本来在放假前一晚决定好好吃一顿，但是一个刺身拼盘催了5次，一个拼盘我都想自己上去切了，从落座到上拼盘大约1小时。而且旁边桌客人真的很吵很吵，以至于我和对面朋友说话都听不到，没想到吃日料是这样的环境。不管食物质素如何，真的不会再去了。理解放假前一晚会比较忙，但是刺身拼盘不用太多时间吧？加一服务费没有服务，前菜20就一碟海带，加水喊了三次。而且没有特别的道歉，真的是非常差的体验。

今次介紹嘅係呢間位於彩星中心樓上既隱世日本料理，朋友食過話係日本迷必試。一入餐廳，就充滿日本氣息，好多竹風既設計，又有tatami 座位，好似置身於日本咁，簡直係世外桃源。泥到呢度點可以唔叫刺身，要左個雜錦刺身，有七款海鮮，如三文魚、油甘魚、八爪魚、帶子同甜蝦等，仲有海膽添，價錢相當抵食，一次過滿足晒想食刺生既慾望。每樣都超新鮮，好有鮮味，會有日本師傅即場切。另外，要左個海鮮沙律，大大份，魚生份量一啲都唔吝嗇。我地仲要左個炸雞小食，新鮮炸起熱辣辣，內裏雞肉特別嫩滑。我哋仲叫咗壽司卷物，有加州卷同蟹籽卷，抵讚嘅係加州卷入邊包住嘅係牛油果好健康！原來呢度選擇有好多，連泡菜豚肉鍋都好好味，入邊有新鮮豚肉、豆腐，泡菜湯夠清甜！佢我哋食完成餐飯佢仲送咗個芝麻雪糕俾我哋做甜品服務真係一流！

🔻 鮨處松戶尖沙咀廣東道100號彩星集團大廈8樓///🧃前菜 $50係日本牛奶粟米，出名又甜又多汁，食落口果然不出所料，超級清新，做前菜真係一流。/🧃雜錦壽司(上) $350有吞拿魚腩、吞拿魚、海膽、海鰻、甜蝦、蟹膏、三文魚、青瓜卷，擺盤夠晒精緻，吞拿魚腩油脂十足，入口即溶，海膽更加驚為天人，鮮甜到不得了，蟹膏仲正，蟹香濃郁，令人欲罷不能，最過分係青瓜卷，入面有脆米，生色不少。/🧃帶子刺身 $120唔使講，大隻、新鮮，就係要呢啲。/🧃雲丹(上) $240由於海膽壽司實在太正，所以又叫咗一版海膽，可以大大啖咁樣食海膽，真係超級奢侈，感受鮮甜嘅海膽入口即溶，簡直就係全世界最幸福嘅人。/🧃雜錦天婦羅 $105有冬菇、秋葵、矮瓜等多種蔬菜，炸得非常好，炸粉絕對唔厚，亦都唔會油淋淋，而係好似蔬果咬落就係趣卜卜，就係好香口一樣，食多幾舊都絕對可以。/🧃燒牛舌$68有咬口得嚟絕對唔靭，燒得好香，油脂出晒嚟。/🧃清酒煮蜆$78清清淡淡，清下腸胃，最欣賞係蜆好多同埋都好鮮甜，而且全部開口。/////

太耐冇番‘鄉下’（去日本旅行），要搵間有日本風既餐廳止止癮. 係openrice 搵到依間位於尖沙咀既鮨處松戶，趁今日放假，一於去試試.餐廳位置比較易搵，位於apple專門店隔離的大廈，只要搵到apple就搵到依間餐廳.果然一入去就好似去左日本居酒屋既感覺，多人去既朋友仲可以book房食.有少少意想不到既係前菜係鴨胸.由於本人比較鍾意似淡味啲既啤酒，sapporo 真係岩晒我.來得食日本餐廳，魚生當然唔少得. 魚生每舊都好厚，食落滿滿的口感，超爽.食完魚生，來番個熱辣辣既泡菜鍋暖下個胃.依個忌廉薯餅好好食，不過有啲熱氣.依個雪菜炒飯係店主推薦，外表望落一般，但真好好食，難怪店主話好多客人食過一次黎都會周不時番去再食.最後來一個雪糕做結尾，今日真係好滿足呀！

鮨處松戶海鮮沙律（$95）呢款係招牌菜，其他地方食唔到既沙律，聽落咁特別，當然要試下。先講份量，相當充足，特別要讚係魚生種類好多，除左一般三文魚同吞拿魚，仲有油甘魚、蟹籽等，加埋上面既炸粒，同埋柚子汁，味道同口感都超豐富！刺身盛（特上）有成8款刺身，每款有3片，特別鐘意佢既海老同拖羅，海老超大條，仲要勁鮮甜🥳，拖羅就夠肥美，油脂豐富，入口即溶，好正😍😍沖繩苦瓜炒蛋店只推介沖繩苦瓜特別鮮甜，果種甘香去左炒蛋既油膩，蛋保持滑繳，好鐘意呢款，味道夠清新！鐵板香蒜牛柳粒牛柳外皮燒得香脆，肉質保持juicy，唔會過熟太鞋，加埋香蒜好惹味，推介豆腐肥牛煲最後仲有紅豆雪糕😋😋Btw幾鐘意呢度既氣氛，服務員會同你好似朋友咁傾計，分享日常同旅行點滴

日本生蠔日本新鮮生蠔同海藻漬物，夠肥美鮮甜，海水味較濃，配埋青檸汁就啱啱好。池魚刺身薄切池魚刺身，每一塊都晶瑩剔透，睇得出師傅嘅刀工有幾了得。食落味道鮮甜，肉質緊實而爽口。日本凍蕃茄同平時食開嘅蕃茄唔同，色澤更鮮艷，而且一啲都唔酸，鮮甜多汁。韓國泡菜火鍋(豬肉)食完生冷嘢，就梗係要叫返個火鍋暖下肚。豬肉有好多塊，而且夠薄唔會鞋，搭上泡菜嘅酸辣，非常之開胃。雜錦天婦羅除咗炸蝦之外仲有南瓜、茄子、冬菇、秋葵同炸魚。炸皮夠薄非常之鬆脆。銀鱈魚西京燒一上枱已經魚油香味四溢，銀鱈魚肉質厚實，用西京燒嘅方式令到魚肉更加鮮甜美味。梅子大葉免治雞肉棒係照燒免治雞肉棒上加上紫蘇葉同埋酸酸甜甜嘅梅子醬，非常之有日本特色。

鮨處松戶在海港城對面，apple旁邊入。一打開升降機門，即刻好像去了日本。鮨處松戶有日式榻榻米房。設計很和風，仿如置身日本，很適合同朋友下班後聊天。前菜一點完餐，職員會先送上前菜、熱茶和熱毛巾。鮨處松戶海鮮沙律$95強烈推薦！用沙律菜包住多種刺身魚和青瓜再切碎，最後再加天婦羅脆粒、魚子和柚子醋。沙律分量很多，適合三、四個人分享，刺身粒加上柚子醋入口很清新。帶子牛油燒 $85帶子同菇用了牛油燒，十分入味。雜錦刺身（上）$380分別有吞拿魚、油甘魚、三文魚、帶子、甜蝦、鯛魚和海膽，新鮮肥美，入口滿滿的魚油脂。雜錦天婦羅 $105包括茄子、秋葵、炸蝦、魚。炸得香脆不厚粉。推薦天婦羅魚，肉質嫩滑，下次會想直接叫一份。忌廉薯餅$80薯餅很足料，配上梅子醬，酸酸甜甜的，中和了薯餅的油膩感，個人黎講我鐘意配沙律醬。日式雪糕係芝麻味的雪糕，芝麻味好濃，好似食緊芝麻糊。