鮨石 (已結業)

這次品嚐的19道菜真是一場美食盛宴！每一道菜都讓我感受到了廚師的精湛技藝和對食材的深刻理解。其中，我最喜歡的是那道日本蘆筍搭配醬油和木之芽味噌醬。這道菜的味道非常好，而且醬汁的濃郁度恰到好處，讓蘆筍的口感更加豐富。此外，我也非常喜歡那道清新爽口的真鯛和青瓜，以及口感滑脫的鰻魚苗。這些菜餚都讓我感受到了食材的豐富風味，而且味道非常清新。到了喜歡手握壽司環節西班牙紅蝦魚子醬壽司，紅蝦味道鮮甜 鮮蝦味十足，魚子醬的味道亦立刻比下去。金木鯛再灑上柚子皮壽司木鯛魚味新鮮鮮甜，柚子皮增添清新口感海膽壽司味道鮮甜。松葉蟹手卷 ，蟹膏蟹籽蟹肉，口感鬆軟，加入蟹籽 增加夾脆感。吞拿魚小卷則是讓我驚豔不已。這道菜的味道不僅獨特，而且口感豐富，讓人感受到了廚師的獨特創意和精湛技藝。總的來說，這一餐的每一道菜都是廚師的精心之作，一共品嗜了約19道菜 ，而當晚廚師為我們亦將最時令的食材整成美食，味蕾與視覺亦得到享受

平日努力工作賺錢，但間唔中都要慰勞一下自己，趁假期前夕，與老公享受一餐。餐廳環境舒服，座位也不多 ，有日本小店感覺。前菜有無花果好香好甜，日本露筍夠爽脆好味。鰻魚苗，口感爽滑配上獨特鹹香嘅味噌醬汁。日本露筍,真鯛配青瓜清新令人開胃 。赤背 爽脆口感小小檸檬汁 ，加上日本象拔蚌爽脆清甜。野生鰤魚好比油金魚，油脂豐富細膩。入口溶滑。沙甸魚肉質透亮粉嫩，魚肉再包著牙蔥 ，黃蘿蔔，芝麻材料豐富多層次夠清新。中拖羅三文治，外層炸到脆香，內層夾有紅蔥香甜，再包著半熟仲暖暖地既中拖羅，魚油香口鬆脆有質感。清酒煮鮑魚，鮑魚咩香濃好夠味。仲有螢光魷魚炸春卷配左魚肝醬。牛蒡 淮山 赤蕪滇。帆立貝壽司，大粒又鮮甜。金木鯛灑上柚子皮，外層用火槍輕輕燒過，肉質鮮嫩魚香油脂飽滿。仲有西班牙文紅蝦配魚子醬，鯖魚 ，海膽，吞拿魚小卷。食到大滿足。松葉蟹手卷入面都係蟹膏蟹籽蟹肉，入口鮮甜蟹肉一疏疏。

疫情下留港消費多了，發現鮨店如雨後春筍般湧現，因為大家被困在港也很樂意在飲食上大灑金錢，但在開關後有如潮水猛退，引起退場潮，有實力的才能站穩腳跟，今天跟朋友來試了鮨石，在食物質素和師傅交流中也感覺出是對美食有追求，在行業打滾多年充滿熱愛，值得擁有更多客人今天選了價值$1680的晚市神石廚師發辦，包含了前菜、刺身、煮物、揚物、燒物、手握壽司、湯品和甜品，好奇問了signature 那款有什麼不同，原來是部份食材等級有所提升例如伊勢龍蝦和北海道馬糞海膽等，而且會事先暸解客人飲食喜好而定制菜單厚重的石盤上有著3道前菜，赤貝水雲酸感中帶著冰涼滑順，螢光魷魚點上旁邊特調麵豉更惹味，仲有鮟鱇魚肝刺身是鮫鰈魚，師傅從身後刀架取出一柄刀柄有點斑駁的刺身刀，手起刀落將整塊魚刺成薄片，功架十足，再留起兩塊厚身肉塑造不同口感，加上迎春花和柚子皮，日本鰹魚火炙後滲出些許魚油，鰯魚磯邊卷色彩繽紛，好好食熟食有八爪魚、白子、香箱蟹春卷、吉列拖羅三文治，樣樣都令人回味無窮，特別是蟹春卷，横切面一看驚為天人，簡直是將整隻蟹濃縮進去稍稍休息清理後就進入壽司環節，飯加入赤醋煮制，溫度頗暖，入口與魚肉相得益彰，帶點黏度有存

鮨石是一間大隱隱於市的廚師發辦，就在人流極旺的寶勒巷街頭地鋪內，門面是一貫的石質感，趟門打開就見到內裏的小天地，和式木系的桌椅配上竹林牆飾，仿似世外桃源店內位置只有8個，全都是板前靚位，可以欣賞師傅由頭到尾的製作過程，和師傅交流對食物、日本菜歷史或是談天說地，一邊享用美食，一邊放鬆心情神石廚師發辦$1680先付按師傅介紹品嘗順序先是北海道赤貝水雲，作為首道菜色，恰好地用醋去調味，，突顯赤貝爽口鮮味，之後是來自富山縣的螢光魷魚，入口有新奇的爆漿感覺，最後是深海鮟鱇魚肝，略微有點橙色就是上品，口感綿密油脂柔嫩香醇當造刺身北海道的鮫鰈魚薄片以自家製的酸汁啫喱調味，口感有嚼勁頗開胃，厚身肉則撒上竹炭鹽，在清新柚子皮和鹹味帶出白身魚中獨有的魚油味日本鰹魚師傅調味上使用了日本洋蔥用油爆香，再灑上芝麻，墊底的是芽蔥，刺身經過輕微火炙，入口神奇地有台式風情，仿似油蔥酥的咸香吊起了魚肉的滑嫩飽滿，美味更上一層樓沙甸魚卷師傅很細心將魚肉、芽蔥、紫蘇和漬卷起來，入口先是紫蘇香氣，魚肉的鮮美随即如浪潮湧上煮物櫻煮八爪魚湯底用了上昆布、大根和醬油等，每日新鮮使用軟煮手法幾個小時令八爪魚的強韌纖維被破壞，口感變得

位於尖沙咀寶勒巷既新開日本菜餐廳, 期待已久既Omakase, 其實係我一位吃貨朋友食過一次覺得高質介紹我黎, 完全喜出望外, 整個用餐體驗係100分滿分, 不論係食材質素, 食物款式, 環境, 服務, 同師傅既交流都非常滿意, 決定無私將餐廳分享比大家🥰 但求下次再book既時候唔係full booking就ok🤣「神石」廚師發辦Set $1680🫃🏻前菜3款枝豆羹配海膽, 好清新既味道, 作為前菜一流, 加上海膽既甜味混合一齊, 寧舍開胃👍🏻真鯛白子(夏季), 順滑既口感, 配搭少量蔥, 蘿蔔蓉, 最重要有少少酸汁吊味, 又一款出色前菜日本菜之花, 好爽甜, 比我感覺係幼嫩版既菜心, 質感更細緻, 配上蘆筍醬亦十分夾🫃🏻薄切刺身右口魚有三塊右口魚刺身, 質感有咬口, 配少量豉油, 柚子皮, 感覺更清新, 另外兩舊右口魚邊刺身則用火槍輕輕燒, 將裡面既油份逼出黎, 果種油脂停留係口腔既感覺, 係幸福🤤可以同時享用一種魚但兩種不同部位, 十分有趣, 另外師傅亦同我地分享右口魚同左口魚係體型, 品種, 油脂, 稀有度上既分別🫃🏻刺身3點火灸帶子, 半生熟感覺, 超大粒豐富既口感, 紫菜亦

因為去日本食唔到Omakase , 男朋友就比驚喜我帶我食尖沙咀新開既鮨石。餐廳雖然唔係好大，但凳與凳之間唔算逼都容納到七至八人，而裝修方面以清幽木系作設計，比人感覺非常乾淨舒適👍🏻✨神石。廚師發辦✨ $1680+10%✨前菜 3款🥢菜子花配蘆筍醬，口感味道都似菜心不過有蘆筍醬襯托，食落變得清甜🥢真鯛白子配合蘿蔔蓉同蔥，味道清新唔算過分濃郁，口感比普通白子更軟滑🥢枝豆羹配海膽，枝豆香味濃郁，撈埋海膽一齊食變得格外清甜，而且海膽份量都多有最少有5-6舊，作為前菜真係誠意十足！👍🏻✨當造薄切刺身。右口魚師傅選用夏天當造的右口魚製作成刺身，刺身口感爽口，因為落左鼓油同柚子皮令鮮味額外清香，而右口魚邊就輕輕火燒，燒後既右口魚油脂感十足味道更加濃厚美味。✨刺身三點🥢七味粉火炙帶子 帶子呈現半生熟狀態，入口仲暖暖地🤣🥢鰤魚腩位作刺身師傅只落咗少量醬油調味，鰤魚鮮美醇香濃郁，肥而不膩🥢鯖魚磯邊卷🤤鯖魚配搭黃瓜芽蔥，鮮味蔥香口感出色，係今餐印象深刻菜式之一😍✨揚物🥢吉列中拖三文治🤤招牌菜之一吉列和牛三文治食得多，中拖羅三文治真係第一次🤣吉列拖羅炸至呈現粉嫩狀態，外脆內軟配埋沙律醬加Wasabi撈既醬汁

有一個經常不想上班既老闆，最大既好處就係，食個午餐都可以自由啲。既然尊貴既老闆再次不想上班，我忙裏偷閒就去嘆個lunch omakase🎉餐廳位於寶勒巷，進入餐廳一關上門有種彷如隔世既感覺，不得不佩服隔音效果做得唔錯。午市既omakase有兩款選擇，如果有需要可以再追加當日時令菜品「旬」季節廚師發辦既先附由三款不同既前菜組成，分別係北海道瀨尿蝦配紫蘇葉天婦羅，漬青瓜同埋沖繩水雲配赤貝。瀨尿蝦味道鮮甜，而且炸漿薄身唔油膩，無論口感同味道都好好；水雲口感順滑有嚼勁，配上酸爽開胃既酸汁同埋爽口既赤貝，著實係一到出色既開胃菜櫻花蝦茶碗蒸口感綿密，鹹鮮味十足松川鰈二食分別有刺身既炙燒魚邊。松川鰈肉質結實，魚味清甜；炙燒過既松川鰈魚邊依然厚實，入口有魚油香味但唔會過於油膩由白露荀蓉製成既汁，配上口感細棉輕爽既牡丹蝦，加上單食已經好好味既酸橘啫喱，成道菜式係創作同配搭上都好新穎，味道又出奇地夾呢道係我心目中既第一位🌟沙甸魚磯邊卷首先磯邊卷卷得非常之圓，入面除咗肥厚既沙甸魚之外，仲卷住細嫩既芽蔥同黃色漬蘿蔔，一啖入口有紫菜既脆同沙甸魚既魚油甘香，配埋蔥同蘿蔔既爽口，好有層次，諗到都心思思想再食和牛三文

期待咗好耐好耐，終於都等到今日喇‼️‼️‼️因為今日約咗朋友，一齊去食omakase😍😍😍😍今次去嘅餐廳位置非常方便，位於尖沙咀寶勒巷地舖。經過繁忙嘅街道，一推門進入店裡面，裝修簡潔乾淨，用具擺設精緻幽雅，個份寧靜舒適，好似進入咗另一個空間嘅感覺。🌸「神石」廚師發辦 🌸$1680+10% 包括先附（前菜），薄切刺身，向付刺身三點，冷煮物，揚付物，季節燒物，鮨七貫，止椀，甜品 — 總計一共有十七款食品😋😋🌸先附（前菜）🌸—北海道毛蟹，醬油菠菜，野生饅魚苗忍不住‼️第一時間‼️將毛蟹全部一次過送入口😋😋😋啖啖鮮甜非常滿足🥰🥰之後咬一口白蘆筍🤩🤩🤩爽脆清甜非常驚喜😍😍饅魚食得多，真係未試過食饅魚苗😝😝口感煙煙韌韌😍😍😍😍配埋酸汁豉油非常醒胃，作為前菜係非常合適。提外話，邊食邊可以欣賞師傅認真準備食材，十分讚👍🏻👍🏻👍🏻🌸薄切刺身🌸—紅鯛魚刺身因為熟成四日，所以刺身切得比平常厚身。熟成會增加旨味外，魚肉嘅質感亦會慢慢變得比較軟嫩，此質感非常特別🤩🤩要掌握熟成亦非易事，非常考師傅嘅功力～🙏🏻🙏🏻今日有幸可以嘗試到～☺️🌸向付刺身三點🌸—象拔蚌刺身象拔蚌已預先加上咗檸檬汁，為增添鮮味沾上一點點岩鹽，一口咬落非

尖沙咀嘅鮨石，係新開嘅Omakase店！Lunch Omakase Set由$580起，用料新鮮取勝！Lunch - "Shun" Seasonal Omakase $980包含前菜、刺身3款、旬．茶碗蒸、季節燒物、一品料理、壽司7件、湯品、甜品，Lunch嚟講都真係好豐盛！前菜細細隻好鮮甜嘅螢光魷魚、清甜嘅白玉蘆筍醬配菜之花、酸酸地好開胃嘅沖繩水雲配北海道馬糞海膽！長崎縣小長井生蠔Size都算係幾大隻，配日式酸汁、辣蘿蔔蓉同埋芽蔥，感受到來自日本海洋嘅清新氣息！日本伊勢海老席前將龍蝦解體起肉浸冰水，清爽嘅龍蝦肉配搭魚子醬及海膽汁，鮮味大幅提升！北海道櫻鱒及赤貝赤貝爽彈甜美，櫻鱒軟腍中帶油香，唔錯！旬．茶碗蒸蛋甜加菜甜，味道討好！中拖羅三文治中拖羅上麵包糠再炸，中間保持raw嘅狀態，外脆內嫩嘅口感真係無得輸！法國鴨胸燒到出晒油，鴨胸啖啖肉仲好香口！有竹炭鹽同埋蛋黃兩種食法，竹炭鹽突顯原味，蛋黃就濃郁香滑！帆立貝壽司勁厚肉嘅帆立貝，對半切開再雙飛，都仲係啖啖肉，清甜可口！沙甸魚壽司沙甸魚勁肥美，入口即化嘅魚脂令人好滿足，以蔥蓉同埋薑蓉壓腥！牡丹蝦壽司好大隻嘅牡丹蝦，甘甜可口！赤身醬油漬壽

有時食Omakase覺得午市價錢比較平啲，可以試吓質素點先，如果水準唔錯再夜晚再去。今次呢一間質素真係幾好，食完午餐，可以擇日再戰晚餐😎Lunch Omakase 「岩」$580，呢個價錢都幾豐富。有前菜、旬、茶碗蒸、一品料理、壽司十件、湯及甜品。餐廳有八個座位，唔算太大，但係環境舒適。坐低師傅會問你有冇啲咩敏感或者唔食嘅嘢。之後就去準備前菜。是日前菜汁係煮八爪魚。八爪魚係時令，汁燒味濃郁。食完前菜就食啲熱嘢暖下個胃先。呢個海膽茶碗蒸我覺得好好味，因為海膽鮮甜，蒸蛋又滑，蒸蛋中嘅湯味適中。壽司方面有金目鯛、魷魚、鰤魚、赤貝、甜蝦昆布漬、赤身、鯖魚、北海道毛蟹、赤鯥魚、吞拿魚蓉小卷。我最鍾意食赤貝同北海道毛蟹。赤貝好鮮甜，完全唔腥。北海道毛蟹鮮味無比。其他壽司款款都好新鮮，Omakase 真係最緊要食材新鮮。中間師傅仲請咗我哋食大拖羅三文治，大拖羅夠厚，配上香烤三文治，滿口滿足😋最後飲返個麵豉湯。甜品有靚靚嘅水信玄餅，水信玄餅晶凝通透，裡邊仲有士多啤梨🍓，配上黃豆粉及黑糖醬，我鍾意食😍整餐都令我滿意。

仲未有得去日本，要止下思鄉病，約咗朋友去一間新開的Omakasen感受日本文化。雖然係高消費活動，但辛苦揾黎志在食，最緊要好食，咁就豪一次🤭🤭，食左先講，就當奬勵下自己啦，揀左精選神石廚司發板，中上檔次，期待😚 餐廳環境好乾淨企理，餐具好別緻顯心思，餐廳大概有七個座位，圍著廚師觀看整個料理過程，廚師都好專業咁介紹每一道菜式內容，建議享用要留意既地方，細心問客人喜好以安排食物，雖然是新開，但都見有熟客幫襯，當日更是全屋滿座!鰻魚苖刺身，味道好特別，有小小似魷魚又有小小似河粉，係幾獨特既質感!刺身東京灣真調 預先熟成4日 ,魚味濃郁， 特切厚身，展示魚獨特性，煙靭帶嚼勁， 有荔枝的清香😍😍象拔丰、北寄貝為前菜，司傅提示先吃象拔丰再吃北寄貝，預先浸透檸檬汁，味道已調較好。鰤魚 是當造季節 只落了少許醬油調味，魚油份充足， 鮮味回甘😘秋刀魚卷，見有心思，要預先處理較多的魚骨，師傅細心夾起魚骨，再卷成別緻手卷。清酒蒸鮑魚，清酒味濃!澳洲牛pat pat 3-4成熟，芝士， 蛋黃漬配襯，一種fusion感覺，唔錯！接住是吞拿魚三文治，香脆可口，高級版魚柳包，冇得輸😜😜緊接係壽司，又淡到濃，慢慢細嚐

午餐有$580/ $980 兩個選擇，我哋揀咗較經濟嘅$580 「岩」壽司廚師發辦餐。⭐️「岩」壽司廚師發辦⭐️先附、旬・茶碗蒸一品料理、鮨十貫止椀、水菓子▶️前菜：汁煮八爪魚 🐙配菜之花及木之芽醬八爪魚夠入味，口感腍身。菜之花幾清新。▶️茶碗蒸有海膽、海苔、魚等等。海膽鮮甜，撈埋滑滑蒸蛋食，yummy🤤▶️壽司🍣有10件：金目鯛魚身光澤，爽身鮮甜。魷魚、鰤魚都非常新鮮。中間有大拖羅三文治，三文治烘到香脆。大拖羅厚身肥美，仲有洋蔥Wasabi沙律醬🧅呢個有驚喜。赤貝好爽口鮮甜。甜蝦昆布漬，甜蝦大大隻昆布漬更突出甜蝦鮮味。赤身醬油漬，食得出吞拿魚嘅鮮味。鯖魚有白昆布喺面，甜甜地口感。北海道毛蟹，係新鮮即拆肉，有紫蘇花更白香。赤鯥魚魚質有彈性新鮮。吞拿魚蓉小卷，有三件紫菜夠脆、吞拿魚蓉夠多。最後就係麵豉湯同水信玄餅 😍呢個價錢都幾實惠。

鮨石 📍尖沙咀寶勒巷1號玫瑰大廈地下 E及F1號舖━━━━━━━━━━━━━━━━━━━━━━━━━━━━最近有好多新開嘅鮨店! 今次嚟到位於尖沙咀嘅一間鮨店 雖然身處鬧巷 但入到嚟就會有一種寧靜高級感😌餐廳座位不多 有兩位師傅serve 平日夜晚都full所以建議book位先~整體嚟講覺得呢次$1680 +10%嘅晚市Omakase體驗非常完整 而且都有幾個創新菜式值得讚賞😌━━━━━━━━━━━━━━━━━━━━━━━━━━━━🥗 先附 ▶︎ 三款前菜 用精緻嘅盒子呈上 有懷石料理即視感🥹▶︎ 第一道係白蘆筍配北海道毛蟹同味噌醬 最特別在於味噌醬 有少少腐乳嘅feel 另外芫荽苗都幾點睛😙▶︎ 第二道係木魚醬油菠菜 菠菜入味脆爽 正常發揮▶︎ 第三道係鰻魚苗配醬油酸汁 姜蓉 芫荽苗 入口鰻魚苗質感滑溜 鹹酸味頗出 芫荽苗驚喜地幾夾🤤 好味指數:●●●●◯━━━━━━━━━━━━━━━━━━━━━━━━━━━━🐟 お造り▶︎ 東京灣產真鯛 熟成四日 肉質較軟所以師傅切得比平時厚~▶︎ 魚肉上面有柚皮 亦可以點辣椒蘿蔔蓉酸汁 ▶︎ 魚肉口感綿軟 齋食會有柚皮香 而加上醬汁就會有些少辣味同鹹味好味指數