鮨政

營業中

休息中

今日收工同同事去咗食一間日本餐廳，因為突然間好想食壽喜燒。我哋就喺網上嗰度搵咗間都幾多人推介佢哋嘅壽喜燒同埋刺身嘅日本餐廳！和牛壽喜燒推介指數：5/5💕佢哋呢個和牛壽喜燒，唔單止睇得又食得，佢哋嘅擺盤非常之出色，絕對係打卡一流！而且食落嘅味道亦都非常之出色，因為係和牛，所以好快咁shabu shabu就食得，和牛既肥美香氣果然係不可被取代，壽喜燒甜甜既湯底，大愛！五點刺身拼盤推介指數：4/5💕佢有五款唔同嘅刺身，每款嘅刺身數量都幾多，例如有三文魚腩同埋蝦等等。非常之新鮮，非常推薦鍾意食刺身，但係又諗唔到揀咩款刺身嘅人叫依種拼盤！試晒咁多款之後就再簡自己最鍾意食既刺身叫多份💕

放左工和男朋友食晚飯，去位於上環蘇杭街105號地下的《鮨政》食飯。佢哋的野食非常新鮮，好好味，我哋一共叫左6樣野。吞拿魚腩黃瓜卷🐟🥒三文魚腩壽司🍣火炙帶子壽司🍣墨魚壽司🐙鰻魚飯🍱炸廣島生蠔🦪吞拿魚腩黃瓜卷，呢個卷材料好豐富，飯卷入面卷有紫菜，吞拿魚腩，黃瓜，蘿蔔乾和葱花，上面仲有啲少撮魚籽，味道非常豐富。三文魚腩壽司🍣三文魚腩顏色非常鮮艷，油脂豐富，好新鮮！食落口，三文魚油的香味係口度散發出黎！火炙帶子壽司🍣帶子經過🔥火炙，帶有微微焦香味，為柔軟的太子肉增添滋味，配上微酸的醋飯，好味😋墨魚壽司🍣雪白的墨魚煙煙靭韌，又鮮甜，好好味！鰻魚飯，柔軟的鰻魚用燒汁燒香配上蛋絲和珍珠米一齊食，好夾。炸廣島生蠔🦪蠔用麵包糠裹上，即叫即炸，外皮香脆，入面柔軟多汁！怕油膩的可以加檸檬汁點上沙律醬，又有另一番滋味。

喺上環想食個正啲嘅午餐的確有唔少選擇 ，不過我心目中成日都會想一再encore嘅高質壽司店嘅第一位就係上環既鮨政😚😚⭐️豪華海鮮飯海鮮飯材料豐富，睇落已經好色彩繽紛，有蟹籽、蝦、玉子、吞拿魚、墨魚等等，吞拿肉夠肥美，蟹子鮮甜，壽司飯有輕微醋味，啖啖都好鮮甜，正！👍⭐️蟹肉茶碗蒸鮮甜的香氣配上滑嫩的口感，茶碗蒸材料豐富，食落啖啖蟹肉，口感好嫩滑😚😚⭐️油甘魚魚腩壽司食落比平時食嘅油甘魚更軟滑，入口即溶😋😋⭐️吞拿魚腩黃瓜卷呢個卷入面有青瓜同吞拿魚，上面仲有蟹子，咬落有青瓜既脆口之餘，吞拿魚好豐富好肥美，又軟滑，口感豐富👍👍⭐️火炙帶子壽司經火槍炙燒後，都做到入口即化的效果，入口外脆內軟，脂香在口腔內久久不散☺️☺️

和牛壽喜燒壽喜燒非常豐富，有和牛，冬菇，姫松菇，豆腐，蔬菜🥬食材新鮮，用黎整壽喜燒，直接食到食物原味，食落去暖笠笠，好幸福！🥰🥰🐮🐮五點刺身+天婦羅定食同樣豐富到一個點，先講刺身有吞拿，油甘，三文魚，帶子同赤蝦🥰油甘好甘香好嫩，三文魚同樣好肥美好滑，真係好出色！定食既天婦羅同茶碗蒸都好好食🍱天婦羅用薄薄既炸粉包住餡料鮮炸，完全無油膩感，呀妹最中意食炸蝦，好爽好彈牙，蕃薯係正宗日本蕃薯，好甜好好味😋茶碗蒸又夠晒滑，蛋香又濃，好食！😛😗🥰🤤餐廳有日本服務員招呼，廚師三位有日本人，香港人的服務員很用心為我們解釋菜單，給人有五星級酒店招呼的感覺。仲會幫我地refill水添！xdd 我留意到細節，去廁所的時候，看到有牙線在洗手間，真是細心！🥹💛

今日同媽咪去完文武廟幫呀妹所拜神，知道媽咪中意食日本菜就帶佢黎呢間鮨政試下，媽咪好滿意呀！❤️吞拿魚壽司鮮紅色既吞拿魚好濃魚味，腥味完全食唔到，只係好香，魚肉較為厚實，有啲筋，但反而有啲口感好好味！🤍墨魚壽司墨魚好新鮮，好滑有啲粘粘的，爽脆鮮甜，好香好出色！🤎針魚壽司平時比較少食，肉質幾嫩，但本身味道淡淡的，點少少豉油就好提鮮，好特別既魚壽司！💛玉子壽司玉子整得好好好正宗，食到淡淡甜味，啲蛋又滑又有層次，好味！🧡三文魚腩壽司肥美既三文魚腩真係好好食，好幸福既感覺，咬落幫感受到三文魚既油香，超正！❤️‍🔥火炙吞拿魚腩壽司吞拿魚腩燒到半熟，魚肉好嫩好腍，燒過既魚腩油香滲透落壽司飯，超滿足既感覺呀！

今日喺中上環行咗好多地方之後，突然間夜晚想食日本菜，我哋就上網搵咗一間日本餐廳試吓。入到去嘅時候環境都非常之舒適，佢哋嘅嘢食都非常之令我哋滿意！芥辣豉油金䱽魚牛油果🥑講返我哋嘅前菜呢一個牛油果係非常特別嘅，佢哋嘅牛油果口感加埋金䱽魚嘅口感，令到成個前菜食落嘅口感都好有層次，仲有好fresh嘅感覺添！呢個豪華海鮮飯，簡直就係我哋今餐嘅主角，佢嘅海鮮飯有好多唔同嘅款式嘅海鮮，而且佢哋都係非常之新鮮。好似有三文魚，佢哋每片三文魚都非常之肥美！五點刺身拼盤係我哋最後忍唔住口叫既，呢度有五款唔同嘅刺身，佢哋每款刺身都非常之新鮮，強烈推介佢哋嘅帶子刺身，厚厚一塊，獨特鮮甜既味道充斥係我既口腔，高質！

回想去日本的指定節目一定係晨早食壽司，但自從冇得飛已經好耐冇試了，難得今日放假就黎左上環既鮨政試下，款式種類都好多，好有去左日本既感覺😂😂🥩和牛壽喜燒牛油脂豐富香味十足，入口軟滑無渣，和牛牛脂平均，食落嫩滑、油脂濃厚，配合店家唔太甜既壽喜燒汁，真係入口即溶咁好好食🤤配上熱焫焫日本米飯很完美😚😚👍👍🦪生蠔品質同埋新鮮嘅程度都好有保證，蠔有海水味 食落creamy 肉質肥厚🥰🥰🥰🍣壽司拼盤(特上)拼盤有大小吞拿魚腩、海膽、帶子、三文魚腩、金目鯛、牡丹蝦、鰻魚、油甘魚腩、三文魚子同埋6件既蔥吞拿魚腩細卷😚😚相當豐富抵食，全部大大件刺身厚身高質！刺身冰凍好新鮮，特別推薦油甘魚腩，肥美鮮嫩，入口即溶😋😋😋

放假約左家姐去上環行街，再去《鮨政》食午餐，《鮨政》位於上環蘇杭街105號地下。簡約的原木風格，明亮環境，令客人坐在得好舒服。家姐唔食魚生，所以叫左個鰻魚飯，柔軟的鰻魚用燒汁燒香配上蛋絲和珍珠米一齊食，好夾。呢個鰻魚飯🐟🍚無得輸！我就食五點刺身加天婦羅定食，五點刺身有甜蝦🦐，三文魚，吞拿魚，油甘魚和帶子，全部都好新鮮，最鐘意食甜蝦和吞拿魚。天婦羅定食有大蝦🍤，冬菇🍄，蟹柳🦀️和蕃薯🍠，薄薄的天婦羅漿包裏住食材去炸，非常香脆，唔會有油溢味👍冬菇天婦羅好好味呀！外層香脆，入面柔軟多汁😋呢個午餐好豐富呀！😻

今日朋友介紹我哋呢間日本料理，覺得食得幾開心幾滿足，所以寫下食評。首先大家都好中意食雞翼所以就嗌咗個🐔炸雞翼。佢嘅雞翼都好圓潤豐厚，啲炸粉亦都好細嫩平滑。最正係小小酥脆入面熱辣辣。前菜就嚟返個🥣蟹肉茶碗蒸。啲蟹肉真係好足料，一絲絲嘅蟹肉喺個碗上面佈滿。蛋係非常之香滑，連埋蟹肉一齊食好有鮮味。主菜就當然要飽肚啲，黎個🍚豪華海鮮飯。就咁望落去已經係非常豐富，主要係三文魚同埋玉子比較多；個飯底唔會太油。最後就仲嗌左個🍣🍣壽司拼盤(特上)，因為都唔係幾夠喉同埋想食多幾種魚生。佢一共有十種壽司，可以一嚐多款口味，而且全部都好新鮮值得一讚。呢度食物方面都算係幾有質素，大家三五知己都不妨試下。

今日放假，就同男朋友去嗰間日本餐廳諗對自己好啲，呢間餐廳去到嘅時候都幾多人。不過我哋等咗一陣好快就入得去，餐廳座位都非常之舒服。豪華海鮮飯🍣 墨魚壽司由於我哋兩個都太肚餓，餓到我哋可以食好多飯，我哋就叫咗一個豪華海鮮飯。呢到既海鮮飯非常豐富，包咗好多唔同款式嘅海鮮。就好似有三文魚鮮蝦油甘魚等等。絕對大滿足！生蠔🦪清酒煮蜆而且我哋兩個都好鍾意食海鮮，見到佢有生蠔好吸引，我哋就叫左黎試吓，佢哋嘅生蠔每一隻都非常之肥美食落去都幾creamy!!

放假同朋友去上環行街再去食晚飯，去位於上環蘇杭街105號地下的《鮨政》。芥辣豉油金䱽魚牛油果🥑呢個牛油果和金䱽魚混合意外地配搭👍用芥辣和豉油混合的醬汁，微微的咸辣味道，為味蕾帶些驚喜。蟹肉茶碗蒸呢個茶碗蒸賣相好精緻，茶碗蒸有層上湯，上湯舖左好多蟹肉🦀️，仲有冬菇，透出下層的蒸蛋，好靚。每一羹蒸蛋都食到蟹肉和湯汁，清淡得黎又食到蟹肉的鮮甜味，好正！清酒煮蜆蜆用清酒煮過更加鮮甜，每隻蜆的肉都飽滿又冇沙，好值得食。豪華海鮮飯🐟🦐🍚呢個海鮮飯真係有好多唔同的海鮮，有墨魚，三文魚，吞拿魚，油甘魚，鰻魚，魚籽，玉子，葱花，好豐富，好好味😋用黎慶祝生日一流呀！

又到出糧日子，當然要食翻餐好去安撫一下打工仔既心😂所以就同好朋友黎呢度食好西！今次朋友簡左呢間上環既鮨政食日本菜，果然冇簡錯！好啱我胃口！😋😋😋⭐️五點刺身拼盤：有三文魚、吞拿魚、帶子、蝦，刺身均爽潤甜美，同屬高質之列，特別係三文魚肥美不覺膩，蝦爽口清甜，吞拿魚肥美鮮嫩，入口即溶🥰🥰⭐️Omakase 海鮮丼：飯上鋪滿刺身，有海膽、三文魚子、蝦、吞拿魚等等，大大件厚身高質！刺身冰凍好新鮮，均爽潤甜美，同屬高質之列，魚質肥美鮮嫩，入口即溶，同飯一齊食口感豐富，啖啖都好鮮甜👍👍😚🖕⭐️鰻魚飯：鰻魚燒得好香口，而且厚肉肥美，魚油味都幾突出，醬汁份量亦啱啱好，甜甜地好好食

上環呢間鮨政好出色，同系列分店入面最出色既幾間呀！🥗八爪魚蕃茄沙律呢個雖然話係沙律，但八爪魚份量勁多囉，又好鮮甜好好食喎，好爽脆好有咬口，鮮蕃茄片同啲沙律菜就好新鮮，仲有啲海藻絲，好健康！🦀蟹肉茶碗蒸茶碗蒸好正宗好靚，啲蛋蒸得好滑又無水，蟹肉好多，鋪滿蛋上面，每一啖都有蛋香，好食到爆！🍣喜之次壽司喜之次用黎做壽司好特別，好鮮味，魚肉比較結實，點少少豉油黎食就仲香仲好味，難忘既口味！🐟🦐🍚豪華海鮮飯呢個係一個大胃王版既丼飯黎，有好多角切海鮮，三文魚，熟蝦，吞拿，鰻魚，玉子，蟹籽！材料好豐富，每啖都食到唔同既料，好豐富好好味，好幸福呀！

今日放工想同同事食日本嘢，我哋就喺上環附近搵咗一間好多人食過都話好食的日本餐廳。我哋今次試過魚生同壽司都好滿意！前菜：八爪魚蕃茄沙律🥗我哋今次叫的沙律係八爪魚蕃茄沙律，佢哋嘅八爪魚非常新鮮，咬落去非常之煙靭彈牙，好出色！蕃茄非常之清新，係好高分嘅前菜！壽司：三文魚腩壽司🍣之後我哋仲叫左壽司，就係三文魚腩壽司，非常之肥美同埋新鮮，咬落口非常之Creamy！絕對係高分嘅三文魚腩。小食：清酒煮蜆🍲另外上網見到好多人都有推介呢個清酒煮蜆，所以我哋決定都要試吓。果然都係非常之好食，都非常之新鮮，而且好入味。

今日真係超想食壽司！我哋三個朋友仔喺網上search到上環呢間日本料理好似唔錯噃，所以就去試下。一入去拿拿林就嗌個拼盤啦，”壽司拼盤(特上)”係毫不猶豫嘅選擇。繼而就有玉子壽司同火炙蟹柳壽司。🏃個壽司拼盤有成十款壽司真係好開心。🦐佢個蝦頭好得意唔只係得個頭仲有蝦肉嘅。全部都好新鮮有水準唔會話有渣。🥚玉子壽司呢就正常質素啦不過份量都算ok大嘅。🦀火炙蟹柳壽司呢就上面有芝士真係好惹味，加埋火炙嘅效果，半溶嘅芝士同埋略熟嘅蟹柳係極佳嘅感覺。最後唔夠喉當然就要嗌番個“豪華海鮮飯”。分量都幾大，樣樣有啲五顏六色都幾吸引。有齊砌好粒嘅玉子、魚生、鰻魚等等配料非常豐富，每一啖都好滿足。主推食物：壽司。