鬼滷

營業中

休息中

前排見到好多人post一度以為係線稿，試完之後又真係OK喎！尤其係個椒鹽普寧豆腐，就咁食已經好好味，再浸一浸埋個湯嚟食再加多層味道，加埋少少蔥花，可以食幾碟！其他嘢食都非常之唔錯，推介個滷水火鍋，用嚟淥牛食好特別又唔會過鹹，幾好味！（呢個唔記得影相😂😂☝🏻)另外蜆仔肉生菜包都好推介！好味！滷水拼盤同蘭王蛋蠔餅就冇乜特別，今次食過蠔仔粥啲蠔仔有少少腥味所以普普通通啦！仲有另外一樣嘢可以提一提，就係呢度竟然有自家製嘅罐裝飲品，同埋一嚟到就有熱辣辣嘅爆谷即場新鮮氣炸比你食，有冇咁有心機呀🥰🫶🏻

先講明，係一間唔會有下次嘅餐廳。炸普寧豆腐全餐食得過嘅食物都已岀現在上面張相。豆腐炸得脆卜卜，內裡亦非常嫩滑，調味也很好，配搭韮菜水又多一層口感，係唔錯嘅。另外，相中嘅辣椒油亦係唔錯嘅，响之後嘅菜式起咗極大嘅幫助。呢個滷水非常一般，只有鵝腸爽脆有滷水香，而豆腐，鵝件都冇乜味，唯有配辣椒油食，再講，佢個辣椒油係好食嘅！！重點嚟喇，個豬仔脾係有雪味嘅，完全唔得，非常恐怖。。。蠔仔粥，又一冇味之作。湯頭-大地魚嘅味道？方魚嘅味道？都係搵唔到。蠔仔-用細嘅蠔係我鍾意嘅，飽滿，但完全冇鮮味，仲過火至質地偏韌。粥面嘅炸乾葱？旁邊嘅菜脯？點解用問號，因為我真係估係乾葱同菜脯。當日入座時，有話我哋知當日不供應慢煮菜式，餐牌有一個大項係慢煮嘅，咁好正常明白係冇嘅。但係响滷水嘅大項底下有一款慢煮鹽香雞，咁就問下有冇啦，員工話問下先，然後回覆“冇嘅”，聰明嘅你睇到呢度，都估到我見到其他後嚟嘅枱係有得食慢煮鹽香雞啦！埋單四百幾，有種比人呃嘅感覺。

在油管看港日KOL介紹此店便嘗試著在“開飯”訂座. 誰知要訂位雖不至難於登天, 但也要月初訂到今天六月卅日才有位安排. 除了油管,也在開飯看了多篇正評, 一行4人充滿著對此店的高水平的期望. 按時到達L Square樓看見排隊輪候登電梯的人龍, 更大大加強了我們的期望. 但接下來就如過山車拉了到山頂, 緊隨而來的就是一路下坡走🙄電梯門一開, 很快一目所見就是整個餐廳-小, 就是小. 明白了, 難訂位理由之一就是小. 就是有一種壓迫感, 坐得並不舒適. 坐下之后就有溫馨提示： 用餐時間個半小時, 有沒有去食平民放題感？服務員遞上餐牌再搭上一句蠔仔餅賣光. Sous vide的兩個菜又要預訂,即場不供應. 剩下的能點的聊聊可數. 每道菜份量又比較小, 一兩下功夫已消滅得無影無蹤. 所以用餐個半小時就充足？ 那又不一定. 點上一個火鍋, 加熱的就一塊燃燒晶體； 要那鍋發熱都頗費勁更遑論加熱至灼熟食物？ 食物嘛？味道淡出個鳥來. 除了那普寧豆腐外, 食後也沒甚好印象. 還好拍了照存檔, 才依稀記得吃了點甚麼. 地方關係, 坐得不舒服,氣氛嚴重欠缺, 服務員亦熱情欠奉. 與其說是fusion,

訂了8:30的4人位，早到了15分鐘，餐廳是有空位的，但無奈店方堅持我們早到了，所以仍需等候。我指向空枱，店員話：已經安排了比其他訂位。因有同行小孩，所以感覺不是很好。明白可能真係有人訂了，但多一點微笑，多一句唔好意思，整體感覺會好好多。上菜速度滿意，賣相也很好，味道ok，韭菜鴨血價錢略貴，而且不是很熱，所以吃起來有點怪味。本以為店名係主打滷水，但滷水味道一般，沒有驚喜。雖然係網紅，但8點半入座，9:15 last order，感覺食快餐，試過就算應該不會回頭。

話明新派潮州菜館，有別於一般潮州餐廳，呢度嘅菜式非常特別，於傳統菜式加入新潮元素，與別不同，有熟悉但不一樣的感覺。菜都未上，先上一人一碟秘製辣椒油，微辣好香口好惹味，食落忍唔住會上癮。蜆仔肉生菜包 $88用生菜包住蜆仔同埋肉碎，再撒上啲蔥花同埋蒜末，口感豐富，食落幾清爽，脆脆嘅生菜配蜆仔嘅鮮味，同平時嘅豬肉生菜包口感差不多，不過就多咗海鮮嘅鮮味，好特別！直接用匙羹𢳂黎食啖啖肉都得！潮式滷水拼盤 $208有唔多嘅滷水食材選擇，上菜嘅時候有明爐熱住，慢慢食都keep到個溫度，內有乾坤仲有豆腐喺底下！滷水鵝片 +$28鵝片啖啖肉，皮爽肉嫩，滷水嘅味道好濃郁，相信係每個食客嘅必點菜式。慢煮鹽香雞鹽香雞都係皮爽肉嫩，雖然唔係用滷水醃製，但點上滷水汁味道非常之夾，更加帶出雞肉鮮嫩。鵝腸滷水煮得好入味，非常爽甜。蠔仔粥 (二人份) $108配料可以自己落自己隻碗，方便同朋友分享，有菜脯、蔥花同芫荽。每一口食落去，滑滑嫩嫩嘅粥加埋新鮮嘅蠔仔，味道好鮮甜！加埋菜脯咸咸地又帶點甜，令到味道更加豐富。

成日食潮州嘢嘅感覺都係老餅野，多數店舖冇咁乾淨企理嘅大排檔，今次發現到銅鑼灣有間走新派潮州菜餐廳! 裝修現代化型格，座位舒適，仲有卡位😽 一嚟到已經送上唔同嘅醬料，迎合客人唔同嘅口味，絕對唔會吝嗇🙌🏻蘭王蠔餅蠔餅炸得色澤均勻，呈現金黃色，特別著名用咗蘭王嘅雞蛋🥚，特別有蛋香味！蠔肉大粒飽滿，配埋魚露同埋辣醬，夠晒水準！蠔仔肉碎粥(2人份) 首先擺盤好精緻，分開咗蠔仔肉碎粥同埋配料，自由加配🤓 粥底蠔味濃，蠔肉肥美飽滿潮式拼盤(三選) 呢度嘅潮州滷味拼盤，可以自己選擇種類，啱晒我哋呢啲兩個人又想食好多款嘅朋友😆 鵝腸爽口入味，墨魚應該浸過冰水，脆口新鮮🦑，而鵝肉亦夠鬆軟🫰🏻韭菜鴨血鴨血索晒麻辣汁入味再用韭菜墊底

今晚去了銅鑼灣鬼滷，個名又幾特別，西式嘅裝修，中式嘅菜式，都幾配合餐廳名字，而首先送上有焦糖爆谷，非常脆口，但又不會太甜😊豉椒蜆真係好大碟，超多份量，豉椒夠晒入味，新鮮熱辣辣真係好好食😋椒鹽普寧豆腐，外層又脆又薄，內層軟綿綿，超級滑，口感非常好食，難怪見到好多人叫，真係我食過最好食嘅炸豆腐之一。潮式滷水拼盤，選了三款，好香嘅八角味道配上滷水鵝肉啖啖肉、慢煮鹽香雞夠嫩、豬腩肉肥豬肉部份食落去口感唔會覺得油膩，下面有爐一邊熱一邊食。蜆仔肉生菜包，生菜包住蜆肉，再配上脆米粉，另有一番風味。

銅鑼灣潮州食店「鬼鹵」👍食物絕對不會讓你失望！店名已經透露了食物的風格，讓人想起懷舊的滷味和潮州菜。首先上的是甜甜爆谷🍿️，上枱時仲系熱辣辣食到天天BB停唔到口🤣先上桌的普寧豆腐⭐️豆腐裡面卻嫩嫩滑滑,真正達到外脆內軟的效果。matching自家制的韭菜鹽水,既解膩也多了風味。 蜆仔肉生菜包🥗一定不會讓你失望。蜆肉切成細細粒，加入菜脯、韭菜等調味適中，包在生菜里，味道清新不過咸，非常好吃。而潮式鹵水拼盤三選🥘店家會在碟下燃一小火🕯️🫙,保持食物溫度但不會太快冷掉,熱熱的食物總是更美味!包括鹵水鵝件🦢、鵝腸和慢煮鹽香雞🐓，每一樣都是經過用心處理的鹵水，味道深厚入味，令人回味無窮。😍鹵水鵝件肉質細緻,鹵得入味,鵝肉香氣四溢;鹵水鵝腸乾淨無腥味,爽脆有咬勁,😋特別是慢煮鹽香雞，因為是慢煮，🤩所以雞肉特別嫩滑入味，每一口都是驚喜。🤤🤤如果你喜歡鴨血，那鬼鹵的韭菜鴨血也是不容錯過的，鴨血非常入味，口感也十分嫩滑。👉由於座位不多，所以提前預約是必須的。

銅鑼灣鬼滷是一間專做潮洲食物的餐館。餐館面積不大，但裝修簡潔。嘅然專做潮食，水準當然有保證！我和朋友二人點了一個蠔仔粥，潮洲拼盤及韮菜鴨血。蠔仔粥二人份量，但其實三人也足夠。蠔仔都多，肉質鮮甜軟滑。鴨血夠爽脆！因得二人關係又不想浪費食物，所以拼盤則只選了一個三餸份量；有鵝腸、鹵水鵝肉和豬仔肶。其實它還有數款選擇给客人自由配搭，例如有墨魚、豬肚、豬腩肉等。其中我夠為喜歡是豬仔腳，肉瘦乾爽而帶靱性，送啤酒一流。順帶一提這間餐廳是有酒牌的。閒時相約三五知已在此輕談淺酌亦一樂也。如果你喜愛打邊爐，它一樣可以滿足你；因為除了普通潮洲食品外，這裏還有潮洲1火鍋供應。👍

與朋友再訪鬼滷，是日全場爆滿，下次來要記得訂座了！很喜愛店內的即製爆谷，熱辣辣由氣炸鍋新鮮取出，入口香甜又香口！很可惜的是本日很多招牌菜都售罄，也是個試新菜式的機會！椒鹽普寧豆腐豆腐炸得金黃，外皮薄薄一片脆衣，豆味甚為香濃，沒有被椒鹽蓋過，口感外酥內嫩，配上自家製韮菜鹽水，可解油膩之餘，更添風味！潮式滷水拼盤—鵝片、墨魚、豬仔髀滷水鵝肉刀工不錯，切得細薄，入口細膩滑嫩；墨魚爽口；豬仔髀啖啖肉，入口軟滑不柴。蠔仔粥蠔仔粥另配上蔥、菜甫、芫荽，可以按自己口味添上，蠔仔份量很多，飽滿而鮮美，每次來都要吃！

今天我們收工的時候去了一間非常特別的潮州餐廳，餐廳叫鬼滷，位於銅鑼灣，位置相當方便。餐廳主打潮州菜，暫定的內部裝修很有格調，而且很新淨，位置相當寬闊，坐的也很舒適！我們點了蜆仔肉生菜包、潮式方魚BB西蘭花、潮式滷水拼盤三選和蠔仔粥。在等食物的時候餐廳會提供一些爆谷，讓我們可以邊吃邊等！第一個上菜的是蜆仔肉生菜包，雖然蜆肉不大，但是份量多，而且每一粒都很飽滿很鮮甜。再加上肉碎和餐廳特別的調味，用新鮮的生菜包在一起進食，非常的美味！第二個是潮式方魚BB西蘭花，這個菜是用一些魚干去炒BB西蘭花，魚干的鮮香味很濃郁，再用猛火爆香BB西蘭花，調味適中，非常的美味！滷水拼盤三選，我們點了滷水鵝肉，墨魚和慢煮鹽香雞。上菜時，餐廳會提供蠟燭保持菜式的溫度。滷水鵝肉非常的入味，肉質淋滑，肉的鮮香也能保留，十分好食。墨魚烹調的熟度剛剛好，軟硬適中，仍能保持小小的脆口。再加上餐廳自家調配的滷水醬汁，非常的美味！最後一款是慢煮鹽香雞，慢煮的手令雞肉保持到嫩滑多汁。雞肉的鮮味也能夠食得出，大家來到這裏一定要試一試！最後是一個二人分量的蠔仔粥，餐廳選用的蠔仔大細適中，而且粒粒都很飽滿。配上醃菜、芫荽配料加到粥中一

店的裝修以火紅色為主，佈置得好型格，播著音樂，有氣氛，走年青人路線。食物味道一流，造型亦靚，估計是自家製醬汁，幾乎每款菜式都配醬，非常夾，吃了以下幾款：蜆仔肉菜包 $88，蜆仔炒豬肉，清清地但夠味，包住生菜吃口感清爽。蘭王蛋蠔餅 $78，炸得脆卜卜，咬到蠔肉就軟棉，有三款醬汁，兩款辣的都夾，更加好吃。滷水三拼－滷水鵝肉、鵝腸、豬腩肉 $208，滷水汁好，清醇口味，鵝腸很爽，豬腩肉超肥但唔膩。黑松露蔥油拌麵 $78，極正，麵條闊闊極之入味，黑松露很香。

一聽佢個名就知佢係fusion，中西合璧😂 環境乾淨，唔會好似大排檔打冷咁。🖤豉椒蜆$88🤍蜆鮮甜肥美，隻隻都打開哂，證明好新鮮，豆豉絕對係呢碟菜嘅情緒，食蜆嘅時候加埋啲豆豉一齊食更加惹味。🍳蘭王蛋蠔餅$78🦪好有驚喜，即叫即炸，超級酥脆，係我食過最好食嘅蠔餅之一，好多蠔仔，隻隻飽滿鮮甜，冇腥味，超足料。🍲潮式滷水拼盤（三選）$208🐥唔油膩，唔會滷水汁上面有一層油。滷水汁好香八角嘅味道。墨魚薄切好有咬口得嚟又唔韌，滷水鵝肉滷得非常入味，唔鞋口。平時焗豬仔髀就食得多，滷水豬仔髀第一次食，啖啖肉，真係唔錯。拼盤上枱嘅時候仲有蠟燭保暖，可以慢慢食，唔使驚凍晒。🖤黑松露蔥油拌麵$78🍝將啲蔥擺喺油入邊炸，啲蔥嘅味溶晒入啲油入邊，然後攞嚟撈麵，所以蔥油拌麵本身已經好惹味。佢仲有加咗啲黑松露點綴，令到味道更加有層次。🍺茘枝接骨木梳打$42🍹超級香甜荔枝味，同接骨木嘅味道好夾，甜度適中。最特別嘅係佢用啤酒罐裝，係餐廳自己包裝，好特別。

鬼滷 睇個名應該都大概估到食咩了😆首先會送上甜甜爆谷🍿椒鹽普寧豆腐 每嚿都炸到脆卜卜 非常乾身 入面既豆腐嫩滑 真正做到外脆內軟嘅感覺 呢個推介大家試蜆仔肉生菜包將蜆肉切到細細粒類似肉碎咁 加入菜脯 韮菜等 調味適中 唔會過鹹 包埋生菜好好食 潮式鹵水拼盤有三選同五選 我點左五選 包括鹵水鵝片(+$28) 鹵水鵝肉 豬仔髀 墨魚 慢煮鹽香雞 基本上每枱都有叫 份量都幾多 滷水味道唔係好重個隻 但都食到有多種香料味道 底層仲有豆腐墊底 而且吸哂d汁 夠哂入味 有點可惜係上菜時冇俾到醋我地 🙈同問過店員 係唔可以重覆選擇同款的現場環境較狹窄 枱與枱之間距離極近 座位唔多 所以記得提早預約🕑

口味：4/5服務：2/5環境：3/5性價比：3/5推薦？：😕因為睇到有Youtuber介紹性價比高，所以一直想試呢度既晚餐。總括黎講食物口味都Ok既，但係預約既Workflow可能就要改善下。服務麻麻 - 餐廳Book枱流程有好大改善空間，都幾影響食客感受。本身係想Book 6月2號(星期五)夜晚7點半，正常做法我早幾日就打去Book。//5月30號(星期二): 打去餐廳話7點半冇位，第一次叫我食6點。我直接話咁Book定6月9號(下星期五)7點半。餐廳竟然答唔知得唔得，但會晏少少覆我。(奇怪 - 點會唔知😳)6月１號(星期四)：兩日都冇人覆，我再打去問。餐廳第二次叫我食6月2號星期五6點😳。我再重申唔得，先成功Book 到6月9號(星期五)夜晚7點半3位。6月8號(星期四)：餐廳夜晚Whatsapp 確認Booking後，又再打埋電話黎確認多次，再第三次問我可唔可以食星期五6點😳。做生意想做多場晚市(6-7:30pm, 7:30-9pm)好正常，雖然餐廳做法麻麻地，但還可接受。但係以下呢個我就真係有啲不解😳。6月9號(星期五)：本身Book左3人，但有多1個人Join。咁我就Wha