不過睇完餐牌之後我哋決定每位加$38 upgrade 豪嘆霜降和牛、海鲜拼盤、帶子、黑毛豬腩... 放題。
熊本霜降和牛油脂分佈好均勻，食落滿口油香，正！
皇者牛排骨，肉質嫩滑牛味濃。
一見到份黑毛豬腩肥瘦相間就已經好想食，果然燒完外脆肉嫩，口感層次豐富，讚！
海鮮拼盤同帶子都好新鮮，當然要每樣encore 幾次善待下自己啦！
好鐘意個牛尾湯，牛香味濃好出色，可惜唔記得影相。
當然唔會唔記得叫返份生菜韓國麵豉醬用嚟包住燒好嘅肉食，生菜可以中和肉類的油膩感，塊肉加D麵豉醬就更加好味！
連汽水都任飲，呢餐真係無得輸！
