高麗軒韓國料理 (已結業)

尖沙咀金巴利道一向都很多韓國餐廳和韓國食品的超級市場。記得以前讀書的時候已經常常來這邊食韓國餐，但是每一段時間那些韓國餐廳都會面目全非。但有一間去落地庫的屹立左很多年，今日決定再去試一次。中午任食仲有得加68元多幾款靚牛，十幾頁的menu 樣樣食物都係任叫，埋單2個人五百幾蚊左右，飲品方面就在中間位置冰筒自取，有甜飲，茶類，雖然唔算得好多選擇，但係重點亦都不是飲品啦。講返肉先，牛肉豬肉雞都有好多款選擇，有已經醃製好嘅亦都有原味的，海鮮方面，又有魷魚，蝦，帶子等等，原味的肉重重的牛味，燒到半熟見到d牛脂真係正，就算醃製左的牛都唔會好似外面一大堆醃料蓋過d肉就算，係食得返肉味出來的。仲要有生牛肉食，唔係間間韓燒店都有，我都食左兩份呀自己。又要提一提值得欣賞的部分，因為真係好多熟食比你選擇，有幾頁紙，湯類又有好多款，我們點左牛肋骨湯，雖然任點但都唔馬虎，除左2舊大牛肋肉外仲有粉絲配菜又入味，蛋包蛋炸系列都好吸引，都無肚再試埋d飯麵類了，有點可惜但下次一定再來試埋其他野。事隔多年，再回來食，就明白點解這間韓國燒烤店可以屹立不倒多年。

今日同老公去尖沙咀撐枱腳❤️老公話鍾意食韓式燒肉呢度午市放題$198食到3點汽水任飲自己揀🥤加$68就可以食靚d既牛肉😍牛肉質素唔錯👍🏻仲有我最鍾意既韓式前菜同泡菜👍🏻性價比都ok😉

今日黎到韓國街 食韓國野呢到超多韓國餐廳 簡左呢間食放題呢到既放題超抵 我地再加左錢upgradE 再多幾款肉同海鮮燒野食之前都有好多款前菜 好正宗既韓國體驗佢呢到牛羊豬 都齊曬 而且有好多唔同部位 D 肉都好新鮮 食落唔會有雪藏味 最推介係牛仔骨 好腍 好香牛味除左燒野 仲有本身整左既熟食 都係韓國餐廳常見既 但係到一別以一次過試曬 好似煎餅 年糕湯呢D 超多選擇 而且味道都幾好最後野飲都好多選擇 而且都係一D 唔常見既韓國野飲食到超飽 好抵呀！

平日既夜晚去都full house就知有幾受歡迎入到去唔算勁寛敞但又冇咩油煙坐得幾舒服🛋前菜都係傳統韓國小菜 有得任添但我地focus食肉獸嫁嘛 餐牌上面好多選擇 我地加錢升級咩都試左啲(⁎⁍̴̛ᴗ⁍̴̛⁎)
肉類質素好唔錯 絕對唔係咩劣質野👅 牛肉既牛味好重 自己最鍾意升級推介入面既加拿大Prime同3A雪花牛🐂 豬肉既五花腩又係好正好韓式🐖 海鮮類既常選推介係魚柳 帶子同帆立貝🐟 全部都好鮮甜 魚柳好嫩滑(◍ö◍)

除此之外仲可以試啲韓國熟食 生牛肉同泡菜炒飯都好唔錯(*Ü*)至於韓式炒年糕同泡菜煎餅就麻麻地唔值得嘥quota食 兩樣都冇味特別係個煎餅 唔知自己食緊咩🤢老實講燒肉呢啲冇咩煮食技巧 但呢間既選材好唔錯 性價比都高又有得任食任飲 第時掛住韓國一定會encore😺

天氣涼涼地，就好想去食燒肉火鍋🍲是日晚上黎到尖沙咀金巴利道嘅「高麗軒韓國料理」品嚐韓燒晚餐，晚市120分鐘韓式放題低至$228，有多達70多款韓式食品、肉類、海鮮、熟食任你揀由於我同朋友都唔大食，所以只係勺量點左以下幾款食物：韓式前菜一坐低侍應就會送上多款韓式前菜，七彩繽紛，感覺健康，好爽脆又開胃人蔘雞湯一大鍋熱辣辣嘅人蔘雞湯，湯頭都幾鮮甜，裏面仲有唔少雞肉同大蔥，飲完好暖胃年糕湯餃韓國餃子大大粒，皮薄餡靚～仲有薄片韓式年糕，煙韌彈牙燒銀雪魚金黃香脆嘅銀雪魚外脆內軟，好鮮甜多汁，正啊！加拿大3A雪花牛雪花肥牛富光澤，好新鮮，燒至五成熟就最juicy!加拿大Prime雪花牛雪花油脂分布均勻，肥瘦適中，入口香軟，牛肉味濃郁中帶脂香特級牛頸肉已經調味的牛頸肉雪花比較少，肉質較瘦及有彈性，牛肉味都幾香濃什錦蔬菜食咗咁多燒肉，要食返啲健康嘅蔬菜平衡一下，翠玉瓜、雞髀菇、洋蔥🧅同茄子🍆，新鮮又有營養多款飲品任君選擇，啤酒就要另外加錢

呢間餐廳簡直係我全年食到最差，性價比最低嘅燒肉/放題🤮1.👎橡膠帶子加68先有帶子，第一啖已經覺得唔似帶子而係合成嘢，我地燒足佢一個鐘，最後佢依然生還 可以當彈彈波玩😓2.👎有沙有殼嘅帆立貝又係加68先有....3.👎漢和級嘅肉同食物，選擇仲更少全部肉都醃過頭，太甜，啲肉“拿“到好勁，同街市買嘅一樣。可以燒嘅肉選擇唔多，菜係非常少，飲品只有standard幾隻，冇甜品。4.👎小食得幾樣，其他都係飯，麵，湯，餅，一啲好飽嘅嘢。5.👎兩個人得個半鐘食，未食完已經催單最好食嘅係泡菜同海帶湯，兩個人食咗720，我寧願食茶記😓

本身朋友想食另一間韓燒，但係full左，Search到呢一間，就諗住試吓。星期五晚大約七點入座，好彩walk in啱啱有位，$258 +1任飲任食。門口都好傳統下，感覺上開咗好耐，一入去要落幾級樓梯，餐廳裝修比較傳統，不過都坐得好闊落，四個人俾咗兩個爐我地。可以加$68升級要多幾樣高級啲嘅食物，不過我哋食基本嘅已經足夠啦坐低冇幾耐已經俾咗幾碟前菜我哋，唔少得有泡菜、大豆芽、青瓜、青豆等等，上菜都好快叫咗幾樣湯品，例如係人蔘雞湯、海帶湯、泡菜豆腐湯，都幾好飲味道比較濃味有啲熱食可以揀，選擇都幾多肉質都唔錯，牛肉都有好多款不過覺得牛舌就簿咗啲可以食生菜包肉呢幾款牛肉都幾靚，所以個人覺得唔加錢升級都OK魷魚幾好食，加咗蒜蓉喺面頭豬頸肉都好好食，幾大件😋不過啲肉啱啱喺雪櫃拎出嚟，仲未溶哂雪，仲有啲冰喺面頭，分唔開要成夠放咗落個爐到😂😂青口好大隻都幾好食！呢度都坐得幾舒服，呢個價錢性價比都幾高，成晚食咗好多肉好飽好滿足😆值得一提，同朋友都覺得餐廳嘅抽氣做得好好，食完都唔會成陣煙味😌

高麗軒{高質牛舌🍖必食韓燒}#kong_girl_foodie出街食今日同男朋友去尖沙咀行街，順便飯bookmark 咗好耐呢間韓燒😍，啲人話幾值得試！.平日夜晚$248 ，加$68就可以多六款嘢食，有兩種雪花牛，凡立貝，帶子，羊架，牛肋骨！飲品就係最大路嗰啲！食物種類都好多，而且都有少少熟食，飯，湯！🥰.必食糸列👇🏻❣️牛舌超級濃牛肉味，好多油脂❣️加拿大Prime雪花牛好多油脂😍少少入口即溶嘅感覺！❣️加拿大3A雪花牛呢個同上面嗰個油脂差唔多，不過佢就落咗醃料，非常夾！❣️雞肉雞肉好滑，多汁！❣️海虎蝦非常大隻！.可以試的系列👇🏻❣️豬頸肉燒完之後豬頸肉好香😍好肥❣️羊架佢會幫你切薄啲方便你燒👍🏻唔駛等咁耐而且羊肉味都幾出！❣️青口大大隻，冇怪味🙈❣️帶子雖然細細粒，但都幾好食.不需要試系列👇🏻❣️人蔘雞湯飲落去完全唔知咩嚟🤣❣️魷魚冇魷魚味之餘好淋！.📝總結比我想像中好食，食材質素都唔錯！值得食嘅餐廳！不過見佢哋都幾full，所以應該要卜位！.❣️食完俾分時間❣️🌟食物: 8/10🌟環境: 7/10🌟服務: 7.5/10🌟打卡: 7/10🌟推介: 8/10.📍 高麗軒韓國料理尖沙咀金巴

平時見啲放題都係就咁燒肉放題，但呢一間韓國餐廳，有埋其他韓國料理！又真係幾特別幾抵食！❤️ #sohappy💕💘 燒肉嘅款式好多，仲好高質，咬落去都好濃嘅牛味，絕對唔係劣質牛！我個人最中意係另加$68都可以任食海鮮🦞海蝦、帶子、鮮魷呢幾款都係我比較推薦嘅👍🏻爽口又彈牙，記得配埋蒜蓉先好食中意食韓國嘢嘅必嚟❣️仲有石頭鍋飯、豆腐海鮮湯🤩有好多飯焦，同埋配菜，但醬汁可以多番少少🤏泡菜炒年糕！年糕夠煙韌，唔算好辣！海鮮煎薄餅都好脆口，不過味道唔算好濃可以搭配頭先嘅年糕醬汁一齊食👍🏻

「高麗軒，我細細個就聽佢個名啦。」高麗軒喺尖沙咀已經開業多年，讀中學嗰陣阿媽已經帶過我去食，到大學由於近，所以都間唔中同同學去食。今晚出開尖沙咀，想食韓燒就諗起高麗軒啦。餐廳門面唔算大唔搶眼，附近人流唔算多，雖然仲係疫情時期，但平日夜晚都差不多滿座㗎，想食最好book定位。平日夜晚兩位放題每人$248，任飲任食90分鐘，如果4人以上仲可以食120分鐘，幾公道。我哋仲加$68升級食多幾款。飲品自己出去攞，除咗汽水亦有特色韓國飲料。落單就睇menu寫number俾服務員就得。雖然方法傳統啲但啲食物都好快嚟，亦冇漏單，讚！星級推介美食六款，必叫嘅有【加拿大Prime雪花牛】，睇啲雪花紋就知係靚嘢，油脂豐富好香口。【帆立貝】大大粒、【帶子】鮮爽，一定要叫多啲回本。就算唔升級，普通餐牌嘅食材一樣高質，基本豬牛肉一定有啦，但唔升級都有海鮮，【鮮魷】、【海虎蝦】、【青口】等又係回本之選。 除咗韓燒食材，仲有好多湯類、飯類、一品料理選擇。【人蔘雞湯】同【牛肋骨湯】，去韓國餐廳食至少都$50一鍋，呢度任叫但質素依然，我哋掃咗好多鍋，冇「食力」去試其他。下次叫多啲戰友share食就啱晒。

還記得在中學畢業的時候, 約朋友們在這裡吃完任食韓燒之後, 再去諾士佛台喝酒的日子. 那時候的無憂無慮, 彷彿將升學和將來前程放在一旁, 全不理會, 那是我最放鬆的日子. 過了十多年, 諾士佛台的酒吧因武漢肺炎變得冷冷清清, 週邊出奇地變化不大, 而高麗軒依然健在. 和女朋友在一個下著綿綿細雨的晚上, 來到這裡, 內裏的裝修和油煙味, 與外面的環境, 猶如將時光定格在那無憂無慮的美好時光. 除了價錢以外, 味道及氣息也沒有甚麼改變, 我最喜愛的依然是那醃得深紅的墨魚仔, 口感爽彈, 麻辣惹味. 牛小排雪花也不少, 比起其他肉類吸引, 煎起來油滋油滋的聲音, 再加上脆香的口感 , 是自己對火喉控制的自信呢! 有時吃下的不只是為了美味, 也是為找回回憶的老味道, 偶一為之也算是一種享受呢!

◾️今次要介紹嘅餐廳係位於尖沙咀嘅高麗軒韓國料理，係一間做韓國料理放題嘅餐廳。食韓燒有時好怕食到成身都係油煙味，而依到嘅抽風系統係做得唔錯。另外，上菜嘅速度好快，唔使成日等。Korean Inn Restaurant is located in Tsim Sha Tsui. It provides All-You-Can-Eat Korean BBQ. There are two areas, which we are quite appreciated. The ventilation system is well-design, that keeps the place smells good. Also, they serve food at a fast pace, where you don't have to wait for a long time.◽️韓國料理放題 (All You Can Eat) $248 + $68 升級推介 (Chef's Choice)◾️帆立貝 (Scallop)絕對係海鮮類嘅首選。依到嘅帆立貝燒完唔會變到好細粒，而且保持鮮嫩彈牙嘅質感。伴以蒜蓉亦

限聚前要同朋友相聚一番，滿足下自己，今日黎食個久違既韓燒一開始店員會給予幾碟小配菜，有蘿蔔豆角、酸蘿蔔、泡菜等，全部都開胃同可以配燒肉食，另外亦有一個醬汁，帶偏酸既口感，食燒肉個時點下可減低膩感✅帶子小粒既帶子燒左之後更惹味，而且新鮮鮮甜唔會韌✅牛肋骨肉、加拿大prime雪花牛牛肉新鮮，厚度適中，咬落唔韌，加埋生菜、泡菜加面鼓醬，包住食更加滋味✅多春魚、魚柳魚類解凍都好全面，魚柳厚肉嫩滑，調味唔會太濃；多春魚條條都飽滿多春，encore左一次✅熟食：蛋包蝦蛋味好香，再包裹住成隻蝦，蝦肉結實，但有少許油膩，如果再篩一篩油會更好✅雞肉雞肉調味唔錯， 而且大部分脂肪同皮已經切左，燒完唔會太肥膩🌟總括嚟講食材新鮮，肉類選擇多，鐘意食牛既更加會鐘意，有多款牛選擇，同時亦有熟食同湯類，價錢合理，值得一試

一間歷史悠久的韓國菜館，還䇄立至今，可想而知水準保持得很好才留住客人的心。久違了，今晚相約好姐妹來享受一頓豐富又美味韓燒放題。二百多元任飲任食，今時今日好抵。除了可點燒物外，還有石鍋飯類，湯類，煎薄餅.....追加了$68升級版，盡享豪華！升級版的雪花牛，吃多二碟己值回票價。肉質軟腍，調味恰到好處，肉汁滿溢。雞翼烤得焦焦地好惹味。海鮮的蝦隻非常爽脆彈牙。鮮味盡出。韓式牛肉炒粉絲，惹味十足。鰻魚石鍋飯好有日式風格，配料多種蔬菜，增加口感。主角鰻魚軟綿，滋味！點了兩款湯，有辣味豆腐湯和牛骨紹菜豆腐湯，各位有千秋，材料十足，滿足！飲品當然是任飲，有茶類，果汁類，氣水...等，今晚真係飲飽食醉。

老牌舊式韓放題. 疫情下更見抵食. 平時要加$68蚊先有既升級版.而家$38就有. 食物選擇方面亦多. 除咗一般韓燒既燒肉外. 佢重提供不少熟既韓國食品.  好似炒粉絲,  人參雞湯, 牛肋骨湯等等. 真係啱哂三心兩意, 又貪心既朋友. 我最鐘意食嚟度既燒銀雪魚, 平時去吉之島買都差唔多成百蚊件, 呢度燒埋比你重任食.  蛋包蝦亦都唔錯. 同一條街既韓國餐廳賣緊百幾蚊碟, 佢呢度都有得任食. 當然就無人地咁大隻啦. 但咪食多幾隻囉.  最驚喜既係佢連生牛肉都有得食.  真心讚.可能你覺得食韓燒, 點解講熟食多過肉既. 咁講真, 韓燒既肉如果話你知心心眼咁好食都呃你啦. 只可以講佢絶對對得住個價錢.  而且, 只係嚟食上面講既熟食都回本啦