高麗軒韓國料理 (已結業)

好耐無同女朋友出街食飯，今次要食餐勁嘅，所以我哋揀咗一間食韓燒任食，佢個價錢好抵食，晚市每人都係$248。有做到最近嘅1.5距離，大家都食得好衛生，唔需要擔心，位置都好闊敞。兩個人張枱好大，環境好好，坐得好舒服。入邊有好多唔同品種嘅肉同海鮮，入到去點完餐好快就上菜，效率好高同埋店員都好好，有求必應，有幾樣菜一定要試下，就係牛舌、豬頸肉、牛肉，虎蝦、帆立貝，加拿大3A雪花牛、法式羊架，呢間係一間一定要試嘅餐廳。感想: 我會再光顧嘅其中一間餐廳，而且係食肉獸嘅你一定要黎試吓，有吃不完的肉，最後，估唔到佢會有人蔘雞湯同埋牛尾湯，而且好足料，好好飲，呢個係其中一個意想唔到嘅驚喜👍🏻👍🏻👍🏻

呢間韓國餐廳已經係金巴利道好耐了，今次想食韓燒。就黎試吓門口隔離有餐牌，只做放題，價錢唔貴要行樓梯落一層，好有神秘感枱與枱之間有木板分隔，私隱度好高雖然環境感覺比較舊式，但係坐得非常舒服😌自助飲品區，有各式各樣冰凍嘅汽水🥤同果汁🧃加$68可以升級食到更高質素既野店員俾咗張白紙，寫低你想叫嘅食物俾佢就得㗎啦⋯雪花牛好吸引，見都唔係好貴就升級啦！配菜種類多，有5大碟！除咗有最常見嘅泡菜之外，仲有菠菜、大豆芽、青瓜同白蘿蔔等等食物係依每台人數去比嘅，呢個係二人份量燒烤盤夠大，圓形⭕️，好有懷舊韓燒嘅風味一開始燒嘅時候店員喺隔離一邊望住，幫手睇住個火。大概燒咗半個鐘之後，幫我哋換過一個新嘅燒烤網。首先想試吓，升級先可以叫嘅雪花牛！燒完之後都仲係保持長方形，脂肪部份識落有啲爽口，多汁。唔使點任何醬油，燒幾秒鐘就搞掂！唔用生菜包肉，又點叫食咗韓燒呢！佢哋嘅蒜頭🧄唔算話好重蒜味，生食多幾塊都唔怕！生菜亦都新鮮，包埋一齊嚟食，非常滿足！另外青口都唔錯，連殼一齊燒，保持到青口肉汁唔好燒乾蒙古羊，亦都係好值得推薦嘅食物之一醃製蒙古樣嘅醬汁偏甜，羊肉味亦都幾突出另外亦都要試吓鮮魷，有蒜蓉一齊燒，食到蒜蓉嘅甜味

我今日去到 係呢個疫情下 無幫任何顧客量度體溫 然後餐廳既衛生情況差到極點 我一路食一路有好多飛飛 飛黎飛去 我同餐廳職員（一個望落似經理既人）反映 無任何道歉 仲態度極差 我話算 我直接埋單我食左十五分鐘已經食唔到落去 佢比我既回應你 咁好啦你埋單 完全無道歉或理會客人感受 仲要兇番我同我講 咁你米去投訴 我話放心我會 佢一句同我講 以家張單唔洗你埋 你走 我最後放低左300元就離開左 我唔明白點解間餐廳可以咁高評價 去食野仲要受氣 錢唔係重點 而係態度同埋衛生

尖沙咀就緊係多韓國野食啦朋友介紹有間超啱大胃王嘅高質韓燒放題所以就一於去試下喇間舖係地牢舖 只係得個門口喺街邊但招牌夠大個 唔會好難搵嘅食放題前當然要睇清楚價錢先啦放題價再加$68就可以食啲再靚啲嘅料4個人食嘅時間長啲㗎 大家留意番喇環境方面舖頭唔算大 不過枱與枱之間嘅距離都還可以嘅仲有間vip房 啱晒疫情過後一大班人嚟食返餐勁嘅嗌野食嘅方法係店員會俾紙筆你 然後寫低想食嘅no. 就可以㗎喇 唔需要寫份量嘅至於飲品呢就自己出去攞嘅有汽水類同埋韓式飲品嘅韓燒前有五小碟提供嘅不過筆者無乜點食 因為志不在此haha強烈推薦大家要加$68升級因為啲肉真係靚啲同埋食到濃濃嘅肉味中間嗰兩碟紋路好靚嘅就係兩款加拿大雪花牛另外仲特別推薦牛舌同埋牛肋肉牛舌雖然都唔係厚切 但口感同肉味都非常好而牛肋肉係舖頭自己調咗味嘅 調味好味同埋肉質較林嘅食得太多太濃肉味嘅肉會好易滯 食返呢個調劑下就非常好喇同一般韓燒唔同 除咗燒肉之外仲有大量嘅韓食選擇筆者揀咗幾款試嘅其實仲有好多好多款 所以大胃口或者韓食愛好者嚟講呢到真係天堂總結嚟講 食物質素絕對對得住個價錢係一餐非常享受嘅韓燒放題推薦大家嚟試下😉

本身我已經幫襯過幾次，本人覺得價錢唔貴，嘢食都不過不失。但今次疫情下去幫襯，一去到已經覺得，安全意識係零，一，無幫客人量度體溫，二，有個好高戴眼鏡唔知係老闆定打工嘅全程無戴口罩，當左屋企禁，大佬，公共場合好無！做樣都要啦，仲要係行去招呼客嘅，同客講嘢嘅🤦🏻‍♀️三，送上一碟碟時，有幾碟疊埋一齊上枱，果下🙄🙄反哂眼，碟底有幾乾淨？呢個疫情人人都緊張，難得出去幫襯，見到禁想再幫襯你呢度都難🙄😵唔想講都講埋，真心覺得污糟。本人唔係潔癖，明白飲食業點會好乾淨，但果日見到個衛生真係🤦🏻‍♀️🤦🏻‍♀️🤦🏻‍♀️希望可以改善下🙏🏻

現在肺炎肆虐，竟然有一間食肆，管理層（收銀的男子）沒有戴口罩。作為一個負責任的食市，無論你在什麼崗位，都必須要佩戴口罩，以確保客人的安全。食物質素OK，服務員都親切的。

好耐無食韓燒，搵埋同事放工一齊食，佢地建議去高麗軒，話性價比好高，仲有好多選擇唔同海鮮肉類可以燒，連普通韓國料理都可以任食。聽到咁正就一於收工搭車過去開餐。一入到去已經聞到燒肉嘅香味，精神為之一振。即刻點咗一堆肉先，牛舌、肥牛、普通牛都有order，全部都幾好質素，食得出係新鮮醃製，唔係醃完放喺雪櫃幾日嘅。再嚟點咗韓國料理，炒年糕煙煙靱靱唔會太辣，炒粉絲唔太油膩都唔錯。生牛肉就一定要食，呢個都算係韓國名菜，食落口感軟滑，有麻油同蛋黃嘅香氣。再追加咗五花腩、豬頸肉、魚柳、魷魚、鮮海蝦、羊肉，樣樣都有水準，食到超飽先走。

韓燒放題中學時期就經常食嘅，不過返工之後就好少去食。今日朋友推介一間高質放題，約一班中學同學去食。共有五款伴菜，以前食港式韓燒唔會提供伴菜。呢間係可以任添。我地都點咗幾多嘢下 ，有三碟係可以食多兩碟嘅，虎蝦：大隻都幾鮮甜五花腩：呢個配上生菜和醬汁食真係好掂。牛肋骨肉：肉質幾嫩，薄薄一塊又易燒。熟食都有好多選擇，連人參雞湯都有，一啖湯配一塊燒肉，真係幾Enjoy。我仲點咗個生牛肉拌飯，味道都唔錯，食肉之餘又可以補充多款蔬菜，營養充足。

我個食肉獸朋友次次都話食唔飽😂，佢呢日就帶咗我去尖沙咀韓國街食飯，話帶我吃到飽，佢食過高麗軒話唔錯，因為係🇰🇷韓式放題 X 烤肉放題🥩。餐廳位置喺地庫，但有大大個招牌，唔怕miss咗。我哋成八點半先去到餐廳，店員好快安排我哋入座，並講解我哋知落單係自己寫號碼喺紙就ok。正如我朋友所講，呢到係唔止得燒肉放題，仲有大量韓式料理，例如湯品、炒肉、炒年糕同煎餅等等！烤肉方面，就有牛肉、豬肉、海鮮同什錦類！烤肉餐廳首先送上五款韓式小碟前菜，開一開胃先！事不宜遲，即刻嗌一轉🐮牛肉先，因為快熟嘛😆。我哋要咗(93)牛仔骨、(3)肉眼扒、(5)特級牛頸肉、(4)加拿大3A雪花牛同(90)加拿大Prime雪花牛。雪花牛嘅油脂分佈好靚好吸引，食落味都唔錯。海鮮就要咗(19)帶子、(20)海虎蝦🦐、(23)多春魚同(17)鮮魷🦑。全部都幾新鮮，份量亦都幾慷慨，我估兩人份量，佢就畀起碼四件，即係每人兩件。肉我哋嗌多咗一轉，其中encore咗(4)加拿大3A雪花牛；另外試咗(8)牛肋骨肉、(98)肥牛同(10)五花腩。牛肋骨肉有驚喜，因為餐廳有稍為醃過下嘅其中一款😋。餐廳最抵讚係烤肉類送餐超快，完全無漏單同唔使

今日同男朋友講起，好耐冇食過韓燒，所以佢就話帶我去食一間高級啲嘅韓式燒烤放題。好耐之前我都食過呢一間尖沙咀嘅高麗軒，印象中佢係一個好傳統嘅韓燒放題，今次再嚟食果然冇令我失望。一坐低首先會放低幾碟小菜，呢樣係我食韓國菜嘅時候最鍾意嘅嘢，呢度一共有五款小菜，每款都係任添。當中韓式菠菜我就refill左兩次，平時嘅鋪頭好多都冇呢一款。之後侍應就放低一本Menu，原來呢度嘅落單方式係手寫食品編號。睇完本Menu，發現原來嘢食嘅種類都有好多。我哋另外加咗$68有一個高級小小嘅Menu可以叫，有靚牛同埋帶子。另外熟食都係任叫。飲品亦都係放題，就放咗喺出面嘅冰桶。一般放題會想飲到嘅嘢都會有。好快，啲牛就上枱啦！首先睇樣已經覺得抵食先，雪花紋理好均勻，油脂啱啱好，好適合燒肉。相比起有啲食放題嘅韓燒，呢間既肉真係高級啲，有散叫嘅級數。咬落去都有好多肉汁，有牛味，值得一讚。另外一樣我哋叫咗嘅嘢食就係帶子，呢度嘅嘢食真係好大份。帶子佢用麻油醃過，輕輕燒，唔好燒到太熟感受到佢嘅肉質係鮮甜，係新鮮嘅。另外我哋仲叫咗多春魚，同埋韓式辣豬腩肉，我想講嗰個辣豬腩肉真係好好食，我哋最後仲encore多咗一次。豬腩肉嘅辣

因為朋友生日，想找家燒肉店食，見高麗軒多好評又多人排隊，就決定食一食啦。價錢是人頭計，個半鐘任食任飲，和朋友加多$68就可以選擇更多的食物種類，例如黑毛豬腩和帶子等等。一入座就有齊五款小食，又乾淨，感覺良好！有幾款食物是必點的：生牛肉拌雞蛋、香辣五花腩、人蔘雞湯、帶子和牛頸肉！生牛肉拌雞蛋真是不是每家餐廳都可以點，這裡竟然有，還要是任點的，當然要試試啦～生牛肉像刺身的感覺，是用上最靚的牛肉先可以生食，不錯！小編建議加點泡菜拌吃，味道更佳～燒完香辣五花腩一定要加一份生菜，做生菜包！超好食！加上蒜頭、豆瓣醬，口感和味道超豐富，必食！人蔘雞湯好有驚喜，是真感覺煮到好有火喉，有人蔘甘味，值得一試。帶子份量會不會太多呀！好抵食，又新鮮。牛頸肉偏瘦，但脂肪分佈都好均勻，入口不會太膩，好吃！

今日天氣凍凍地，所以就約埋朋友仔去食韓燒。去到韓國街見到主打韓燒放題嘅高麗軒唔洗點排隊，就直接入左去試下。我地兩個本身諗住食最基本嘅任食韓燒套餐，不過朋友鐘意食海鮮，最後每人加多68蚊升級，大約每人300幾蚊就食到有多種海鮮配料嘅韓燒啦。侍應好快就上左5碟韓式前菜，有泡菜、青瓜同豆角等，味道酸酸辣辣好開胃。喺燒肉之前，我地叫左啲熟食食住先。牛筋煮到好腍，估唔到仲有養生嘅人參雞湯飲添！平時魚生刺身就食得多，生牛肉配生雞蛋都係第一次食，原來比想像中易入口，牛肉都幾新鮮，食落口感滑溜而且調味唔會過重，食完要再encore！期待已久嘅扇貝終於到啦，喺連埋個殼一齊上的，所以燒起上嚟啲汁唔會咁易流失，又唔怕黐網。黑毛豬腩雖然望落好邪惡，但燒完之後會將部份油脂迫出，食落充滿油香！牛肉同埋羊架望落顏色都唔錯，肥瘦適中。朋友鐘意食海鮮，所以我地都點左一份蝦黎試下，估唔到啲蝦幾新鮮，食落蝦肉彈牙之餘亦都唔腥。羊架好大塊所以要比啲耐心去慢慢燒，燒完之後嘅羊架仍然保留住肉汁，肉味濃郁但唔會羶，平時唔太食羊嘅我都覺得好味。飲品方面，除咗有平時常見嘅韓國飲品任飲之外，仲有比較少見嘅牛蒡茶。牛蒡茶唔太甜，飲落帶淡淡

好開心，今日撞正朋友生日，可以食豪D。見呢間韓燒咁多like，就黎book枱食！食完真心，超級滿意，不論係食物質素定員工服務態度、上菜速度全部都好好，好快，又好食！個人覺得呢間餐廳好適合聚會，因為每人既套餐價錢包括任飲茶水和任食。同朋友都係食肉獸，每款肉都叫左一份，仲叫埋海帶湯（韓國慶祝生日傳統）。肉方面，特別想強調佢地既豬肉加上秘製韓式醬汁醃製，超好食！叫左勁多碟～食到中途，店員推薦我地再另加錢去升級餐單，因為裡面有3A肥牛高級肉揀，仲會有海鮮帆立貝同羊扒，真心好正！

很久沒吃韓式燒肉了，這韓國餐廳有自助燒肉晚餐供應，而且價錢也不貴，這晚一於跟大胃朋友來大吃一番。入座不久後，侍應先為客人送上前菜5碟，前菜亦可refill。除了燒烤類的生食材，更有熟食可任點，平時去韓國餐廳單點食物也不便宜，這裡可以任點！當然要嚐嚐囉！飲品方面的選擇亦不少，有韓國汽水、茶飲，更有白色健康版的可口可樂，吃燒肉當然要伴汽水啦！我跟朋友重點是吃肉，點了不少肉類：加拿大Prime雪花牛、加拿大3A雪花牛、辣汁五花腩、牛肋骨肉、牛肉；牛肉類的肉質新鮮，不錯不錯。另外還點了些海鮮：帶子及海虎蝦。韓式燒烤怎能缺少生菜呢！生菜包中有五花腩、泡菜、芽菜、蘿蔔及甜麵豉醬，味道很豐富，很好吃啊！果然五花腩無得輸，哈哈。整體來說，自助燒烤形式的食物質素很不錯，會再encore的！

一入到去d人已經唔係幾好禮貌，間餐廳感覺污糟邋遢，食都食得唔舒服。拎到碟烏冬埋嚟，成兜濕笠笠，本身以為係未收好汁，點知睇真啲全部都係油。食左幾啖真係頂唔順，倒咗¼碗油出嚟，從來冇食過咁多油嘅烏冬，就算出面茶餐廳都唔會有咁多油，茶餐廳仲高質過佢，一路食就一路想嘔，全部烏冬都浸滿晒油。衛生環境亦都非常差，餐具冇洗乾淨。我都唔明點解咁多人話好食，盲目吹捧，隔離就係韓國街，大把餐廳選擇，無謂食呢間咁嘅嘢，一定冇下次。