馬祖無限時台灣養生涮涮鍋

營業中

休息中

平時啲任食邊爐全部都限時，滿足唔到我呢啲鍾意慢慢食嘅人🥲見到呢間火鍋店寫明冇限時覺得好吸引，同媽咪去試吓先～我哋揀咗個每位$498嘅餐，已經可以食到極級SRF極黑和牛肩脊肉😍相當吸引～湯底方面都好多選擇，鴛鴦要加$48，我哋揀咗藥膳椰子雞同埋麻辣鴨血凍豆腐鍋，湯底好有誠意，入面都有豐富嘅湯料😋麻辣湯仲愈食愈辣😂出面嘅醬料區好企理，選擇都好多！而飲品除咗罐裝飲品外，有四款自家製飲品，私心最鍾意冷泡桂花烏龍同埋黑糖冬瓜檸檬茶😍仲好貼心咁有埋暖櫃，有暖笠笠維他奶，啱哂唔飲得凍嘢嘅朋友👍肉類方面，梗係叫和牛啦😆一睇都知肉質好軟淋，而且啲油脂好均勻，我同媽咪都好滿意呢個牛肉質素，另一隻牛頸脊就有咬口啲，但牛味都幾濃～呢度係用QR code落單，啲配料好多選擇，無論蔬菜、丸類、海鮮都比其他火鍋店齊全～最有驚喜係海蝦，隻隻都好大隻又生猛，食落口好彈牙！另外覺得佢啲蜆都好好食，全部菜都係好新鮮嘅～坐低嗰時都有留意到呢度有啲shake shake粉for地瓜條，我揀咗甘酶粉同埋海苔粉，本身地瓜條都好甜好香脆，加埋shake shake粉就更有玩味，又好味😋食到最後，每人會有一個雪糕，好少見有Dreyer

馬祖無限時台灣養生涮涮鍋 (旺角)📍旺角彌敦道628號瓊華中心11樓-因為YouTuber 嘅介紹所以黎試下呢間無限時火鍋，食野一向比較慢嘅我地平時120 分鐘放題其實都幾趕頭趕命，冇時間品嘗啲食物。所以都想體驗一下無限時火鍋可以點樣提升無時間約束嘅享受😎-套餐主要分2 個級數，分別有：1. Prime Grade安格斯牛頸脊， Prime Grade 美國安格斯牛肉， 配西班牙伊比利亞黑毛豬，及西班牙冇激素豬肉片 $398 （星期五六日及公眾假期要加$10）2. 極級SRF極和黃牛肩脊肉, 亦都包Prime Grade 嘅所有肉類 $498 （星期五六日及公眾假期要加$10）-因為得2 個級別嘅牛種，就算平價都有Prime Grade，應該都會有番啲質素！-湯底方面都多選擇，就算同一種湯底變化亦都比較多，有20 種俾客人揀👍🏻👍🏻我地揀左個$398 套餐，配個田園蕃茄濃湯牛肉涮涮鍋😍蕃茄湯底非常濃郁，未開始打邊爐前都先飲左兩碗🤭火鍋配料方面種類足夠，除咗跟餐嘅肉類之外，仲有其他精選肉類可以揀 （例如雞髀，牛柏葉，牛肚等等），當然仲有蔬菜🥬同麵條🍜。-🍤炸物：炸魚皮，響鈴🥟手工配料：各

朋友介紹馬祖無限時台灣養生涮涮鍋，自己都不敢相信~真係由下午十二點坐到六點才交枱！平日任食限時趕住趕住交枱！ 將食物一次過塞進肚子裏，今次可以慢慢食、慢慢傾、多麼舒服呀！！！餐廳環境♨️♨️♨️♨️♨️/5以白色為主！周圍環境相當光猛，地方整齊乾淨，取飲品櫃及自助調味醬料的地方也很歸一，感覺十分方便！仲設有熱飲櫃，很貼心呢！座位以卡位為多，也有很多大枱供多人數使用！冷氣非常足夠，記得帶多件外套🧥餐牌📖📖📖📖📖/5有三個價錢供大家選擇： 價錢是是取決於靚牛及靚豬品種，最後決定揀咗中間價錢！包任食兩種牛及兩種豬！ 全部食材是以QR Code下單,快捷方便,衛生及有保證😍🥳兩款🐮：極級Prime Grade 安格斯牛頸脊 Prime Grade 美國安格斯牛肉牛頸脊： 薄薄一片！脂肪分佈平均，食落口更香更嫩，慢慢品嚐，牛味十足！安格斯： 每片安格斯平均顯露雪花紋！食落有質感，不可不吃！兩款🐷： 西班牙伊比利亞黑毛豬 西班牙無激素豬肉片海鮮類： 性價比高！特別是蝦~好新鮮及大隻！仲有卜卜蜆及bb聖子！簡直鮮甜到你唔信！🦐🐚不得不讚一款鹹蛋流心

雖然係星期六，但我係兩點先入座，人流唔多。訂單例明有地瓜條一碟，等大半個鐘都未有，問店員係咪包埋，話有整緊幫我催左，到個幾鐘後，遲黎過我果枱都黎左地瓜條，我再問店員又係話整緊幫我跟，跟到我打完邊爐兩個幾鐘後都未出，敷衍到爆。食物點兩次先上一次比你。蔬菜就出齊，丸類肉類點兩次先出一次比你，手打墨魚滑完全無上過。海鮮要叫店員點解仲未上先比一碟你。相片可見，唔係我淨係食黎食去都係果幾樣，係好多樣野都唔上比你。時間係無限呀，吸引人黎到，但出餐出野食有限，搞壞自己個名。

最平240左右一位,食足多款新鮮食材接近20款湯底任選,有日式有麻辣,60種火鍋料,仲有鴨血,總有一款滿足你要求馬祖今期超HIT,勁多人介紹,中午先有位食呢,仲撞到熟人添,証明幾受歡迎一坐低就有開胃菜,多款小吃供應,自助區有醬料吧和飲品吧,好多選擇,仲有台式無糖茶飲添食到尾雪糕就自選一款埋結尾旺角店係新開張既,易訂位好多湯底有花膠雞,椰子雞,虫草花等等,仲有麻辣牛鍋,藥膳湯底,非常濃厚足料由4種選擇,由$240起,最貴係近500蚊一位今次食到牛肩肉同黑毛豬,脂味濃郁,肥瘦平均,食起上黎味道突出牛小排肉脂豐厚,嫩而有肉味食完牛,食埋海鮮,仲有台灣直送配料,豆腐,丸咁,好多野食,根本唔夠時間食曬添,好正,會食第2次平均消費$300 評分8/10馬祖無限時台灣養生涮涮鍋  MAZU 旺角彌敦道628號瓊華中心11樓

秋風起又到左打邊爐嘅季節，今次就上左去瓊華食個涮涮鍋放題。餐廳非常闊落乾淨企理，點餐用App落單方便之餘亦唔會漏單😉特別欣賞佢地嘅自家製飲料，選擇多之餘甜度亦適中，邊吃邊飲非常解膩。台 灣 養 生 涮 涮 鍋 吃 到 飽 套 餐 $319- Prime Grade 安格斯牛頸脊- Prime Grade 美國安格斯牛肉- 西班牙伊比利亞黑毛豬- 西班牙無激素雞豬肉片Shake Shake 黃 金 地 瓜 條等候水滾前先送上一份地瓜條，仲附有4款調味粉比你揀黎shake😎我地就shake左甘梅味，酸酸甜甜幾開胃😌藥 膳 椰 子 雞 涮 涮 鍋湯底我地就揀左比較養生嘅椰子雞鍋🥥佢個椰子湯底清甜得黎好濃椰香🤓雞件大約有6-7件唔會太多，煮左10分鐘左右都仲好滑身仲好有雞味👍🏻肉 類一盤份量十約左10幾片，牛頸脊同安格斯牛肉都唔會太肥，厚薄適中，而且肉味都好濃😌手 工 丸/ 配 料丸類選擇好多，但唔會太大粒所以每款都可以一試最特別係手工黑松露墨魚滑，爽口彈牙，仲有香濃嘅黑松露味另外仲有醬爆濃芝牛丸，一咬開係爆漿嘅芝士，真係不得了😈海 鮮聖子同卜卜蜆肉厚鮮甜，海蝦爽口彈牙，絕非一般雪藏貨色🦐蔬

又打邊爐☺️ 召集鍾意食魚嘅朋友仔💗 佢三款魚都好高質🥹 我竟然係咁食魚🤣😳 連男朋友仔唔太中意食魚都覺得魚最好食🙈佢會有地瓜條做前菜，仲要有4包shake shake 粉(海苔/麻辣/蕃茄/甘酶）俾你自己揀自己shake☺️ 係等嗰鍋嚟俾我玩下食下係件好事💗 湯底揀咗鴛鴦鍋，椰子雞同花膠雞，我自己覺得椰子雞好入味，花膠好大隻，同佢嘅神奇點係佢湯底嗰啲雞都okay🤔啲嘢食有好多種類，全部都好新鮮，特別係海鮮❤️ 自己去街市都好難自己買得到嘅質素，另外仲要讚下師傅嘅刀工，啲魚切得好簿，所以放入水一陣就食得，同牛差唔多，唔洗驚煮唔熟☺️飲品方面佢有好多唔同嘅冷泡茶同其他罐裝飲品，仲好甜心有嗰熱飲嘅corner，帶屋企人嚟食都唔驚佢哋冇嘢啱飲

#星星之食評▪️ ▪️ ▪️好中意食台灣火鍋嘅星星，知道有個無限時嘅養生涮涮鍋，真係好想食下！佢就係叫「馬袓無限時台灣養生涮涮鍋🐴」🎉▪️ ▪️ ▪️點解我咁中意台式火鍋呢？因為我覺得台式火鍋有種獨特嘅麻辣味，仲有，就係無限嘅鴨血😍真係諗到都興奮！所以我必點嘅係麻辣鴨血蜂巢豆腐鍋🌶濃濃既麻辣湯初時食落還好，然後愈食愈辣，愈食愈爽！鴨血香滑有台灣味！加埋蜂巢豆腐吸哂麻辣汁，真係好過癮！▪️ ▪️ ▪️由於野食太多，精選幾樣必揀項目比大家～記得點啊❤️⭐花膠片-女生美顏之選，夠哂養生，爽口、有咬感！⭐️手工黑松露墨魚滑-對於墨魚情有獨鍾，墨魚滑有咬口，加埋黑松露，帶出墨魚鮮味～ ⭐️蜆-夠新鮮爽甜，必點之一⭐️自家製手工韭菜餃-自家製已經睇到誠意！韭菜餃皮薄餡靚，真心好食！⭐️⭐️鴨血-點個鴨血都比七舊你，完全唔孤寒！個人認為，鴨血比較襯麻辣！簡直絕配！中意鴨血嘅你食個夠！⭐️黃金地瓜條-估唔到邊爐都有地瓜條！仲要有shake shake粉！麻辣粉、海苔粉、甘酶粉、蕃茄粉，滿足唔同口味嘅大家～ ⭐️鮮萵荀-菜，我好中意揀萵荀，爽口～ 正！⭐️豬肚-豬肚肉質又厚又爽，要點呀😃⭐️帆立貝-新鮮又好食！想一點再點！⭐️飲品-有自家製茶

終於有時間同老豆去佢喜歡的馬祖打邊爐， 之前去過荃灣已經很喜歡今次同佢講旺角呢間好多人讚佢即話好。💓我地選擇左台灣養生涮涮鍋吃到飽套餐套餐無限時 ，而且七點半前離座會有八折👍🏻座低無耐每枱會奉送一客 黃金地瓜條 比大家玩Shake，有4包口味，我就喜歡海苔味。🥘 藥膳花膠雞涮涮鍋 ～ 4至5件花膠， 雞件好嫩滑藥材味香濃。🥘 麻辣番茄牛肉涮涮鍋 ～ 估佢都幾麻幾辣好夠刺激。🥩 極上Prime Grade霜降牛小排 ～d 雪花紋夠哂靚， 入口軟腍幼滑，忍唔住叫左3 round 。🥩極級Prime Grade安格斯牛頸脊 ～ 有口感牛肉味濃。🐽西班牙伊比利亞黑毛豬 ～ 豬肉質感係偏爽口，口感好正喎！🐽西班牙無激素豬肉片 ～ 油脂夠甘香軟腍。是日海鮮🦐 生猛海蝦 ～ 必點大大隻好新鮮，叫左幾round 都係咁大隻爽甜。🍢 爆醬濃芝牛丸 ～ 牛味都濃彈牙中間帶點芝士。🍢 香芋丸 ～ 入面果層d 香芋好掂。🥬 打邊爐最愛的蔬菜一定係食羽衣甘藍和粟米啦！我地拎左桂花烏龍，幫忙解油膩，最後食Movenpick 雪糕做結尾。

秋風起終於有少少秋天感，心思思又掛住火鍋🍲的我來到台灣….是台灣餐廳🍴品嚐了富有特色的「養生涮涮鍋吃到飽套餐 」！養生花桃膠雞涮涮鍋火鍋🍲都可以健康一點又滋潤一下！湯料真的好足料， 有多塊花膠、又有新鮮生雞肉直到滾熟 特別滑口！肉類牛同2款豬肉可以無限追加 ： 美國SRF極黑安格斯牛肩脊肉 / Prime Grade 美國安格斯牛肉 / 西班牙無激素豬肉片 / 西班牙伊比利把黑毛豬肉質高水準,牛脂分佈平均，色澤光鮮除左肉類外仲有多款海鮮、蔬菜🥬自家製丸類等等好豐富！🇹🇼馬祖無限時台灣養生涮涮鍋 旺角彌敦道628號瓊華中心11樓

最近既早上都開始感受到秋風起既清涼感,秋天黎既同時亦代表食火鍋既日子黎啦!!為左迎接秋天既黎臨先食返個台式涮涮鍋!台灣養生涮涮鍋吃到飽套餐 hkd$319養生蟲草花桃膠雞涮涮鍋鍋底既選擇有好多款,每一款既口味同特色都唔同一定啱你既口味.今次就揀左養生系列既湯底,幫秋天既到來打定底滋潤一下.湯底內既湯料好足,新鮮生雞肉入鍋直到滾熟.湯底清甜唔油膩而且雞湯味好香.肉類一共有2款牛同2款豬肉可以無限追加.(美國SRF極黑安格斯牛肩脊肉 / Prime Grade 美國安格斯牛肉 / 西班牙無激素豬肉片 / 西班牙伊比利把黑毛豬)2款美國安格斯牛都好驚喜!2款既肉質都好高水準,牛脂分佈平均而且色澤好光鮮.放入鍋內後夾起又唔會好易散,入口肉質唔會粗糙,香滑又帶肉既嚼感.自家shake shake 黃金地瓜條店內特別自家製既黃金炸地瓜條,新鮮即炸,炸得香脆唔會過油膩.粗身地瓜條味道香甜,帶住濃厚蕃薯香.再配上4款shake shake粉放入袋內shake又帶出另一番風味.火鍋配料同樣豐富,除左肉類外亦有海鮮可以點!蜆肉同蟶子仔都無沙.丸類細細粒一口size唔會太佔胃內既quota.丸類質感彈牙而且

由於youtuber 肥仔陳👱🏻‍♂️效應，心血來潮想試吓啲間無限時嘅火鍋放題。今日係國慶日，明知多人在冇book位嘅情況下試吓walkin得唔得。我哋下午3:45左右到，前面有一張飛我哋係第二張，等到4:30先有得入。7:30之前交枱有8折，但我哋就係想試吓無限時慢慢打邊爐，所以都揀左正價。佢有好多價位，我哋揀左第二級$398 （假日再加$10），啲個價位就係極級Prime安格斯牛頸脊，算係中規中矩。湯底有好多選擇，因為之前食得太多麻辣鍋，今次就揀個唔辣嘅「田園蕃茄濃湯牛肉涮涮鍋」。個湯底好多料亦好濃郁，甜甜地好有蕃茄味。一開始佢會送上個shake shake 蕃薯條，有幾款口味嘅粉俾你揀。幾好食蕃薯好甜，但我哋食1、2條就夠，要留肚食其他野，其實都真係幾浪費，應該份量可以少啲/按要求先上。極級Prime安格斯牛頸脊👍🏻👍🏻👍🏻有牛味，亦幾淋，但未至於會一想再食果種。淨係睇個樣都知道唔係屬於好靚果種。而且唔知係咪想控制成本，師傅切得超薄幾乎一夾就爛，口感上會差啲。放落湯碌幾下5秒左右就要夾起，否則會「鞋」西班牙伊比利亞黑毛豬👍🏻👍🏻👍🏻好有豬味，幾好食。一樣係切得好薄，所以要注意碌嘅時

人少少，有間可以無限時既火煱放題，可以坐耐一些，放題黎講食物算係唔錯，不過冷氣有點凍。飲品多樣化，泰象有氣水，冷泡茶，冷熱飲都有都有。由於無限時，如果等位既話，就可能要等長些時間，最好預先訂座，我當日係好彩有枱走，先唔洗等。

🐴馬袓無限時台灣養生涮涮鍋🐴🐖🐖乳豬除左喜愛食漢堡包外，我仲係 「火鍋迷」添。火鍋店開到成巷成市，梗有一間係你會成日同三五知己去一去烚一烚開心下既，但又有無一間可以令你盡情食，食到夠，由朝食到晚都仲得呢！？😁😁黎馬祖就可以啦！！我地一齊黎睇下有咩好食先～～🌶麻辣鴨血蜂巢豆腐鍋🌶一個字，無得彈！！濃濃既麻辣湯只係聞食指已經大動！！對無辣不歡既你點可以錯過，最重要既係鴨血係海量咁多😱😱😱仲有索哂湯汁既蜂巢豆腐！！！乳豬推介指數：🐷🐷🐷🐷🐷🐷🐷🐷🐷🐷⚪️豬肚乳豬係超超鍾意食豬肚，特別係胡椒豬肚湯😍😍😍😍所以打邊爐都會叫豬肚，呢度既豬肚認真唔錯份量多，肉質夠厚夠爽，仲可以任叫，唔多地方係咁嫁～～🥰🥰🥰抵讚乳豬推介指數：🐷🐷🐷🐷🐷🐷🐷🐷🔴手工肉丸🍡呢度既肉丸標榜手工製成，不論牛丸、黑松露墨丸同豬肉丸等，都係食到新鮮既味道，雖然體型比雪藏既小，但味道真係鮮味同貴精不夠大，好味😋乳豬推介指數：🐷🐷🐷🐷🐷🐷🐷🐷🐷🔵花膠片新鮮、爽口、入味，適合一眾美顏一族！！仲要大量供應嫁！！乳豬推介指數：🐷🐷🐷🐷🐷🐷🐷🐷🟡帆立貝夠大粒，唔係迷你版，新鮮既，唔多火鍋店有帆立貝供應嫁🤭🤭🤭乳豬推介指數：🐷🐷🐷🐷🐷🐷🐷🐷🐷🐷

瓊華一向多打邊爐，我地睇中呢間係因為佢標明係冇限時，非常吸引，所以同朋友就嚟試下餐廳地方光猛闊落，坐得舒服，每張枱都會準備定湯底俾你，等你唔使成日叫人加湯咁麻煩每間台式火鍋都有自家製茶，佢依個愛文芒苿莉花茶甜甜地都幾特別，好味湯底我地叫左椰子雞湯同沙茶牛肉，椰子湯超清甜，沙茶味就好濃郁，兩個都正另外丸類會有手打丸同台式丸去㨂，花多眼亂😝蝦雖然唔係好大隻但都好彈牙呢個黃金丸入邊有滿滿嘅流沙，勁有咸香味呢個芝士丸，更加不得了，啲芝士多到係可以拉絲出嚟，真心好味依個地瓜條熱辣辣好脆口，仲可以配上唔同嘅shake shake粉，咩口味都可以試下最後每人食咗杯雪糕做總結，紅莓奶凍十分好食，推介