香馥樓

營業中

休息中

今日黎到鑼灣廣場二期6樓呢間香馥樓, 一嚐創新高級粵菜!🐷最令我印象深刻嘅係佢嘅咕嚕鳳梨黑毛豬肉, 呢個菜式無論喺賣相定係創新程度都做得好出色，一上菜, 個乾冰形成既仙氣就已經非常奪目, 個擺盤都好靚, 成件事好藝術! 第一次見鳳梨同咕嚕肉分開擺, 幾新穎! 咕嚕肉, 皮脆肉嫩, 甘香可口, 一咬開, 黑毛豬肉既肉汁四溢, 充滿肉香; 鳳梨切好左一塊塊, 表面有烤過, 食落好清甜多汁, 完全沒有渣, 食落好舒服。🐓辣味口水雞做得夠重口味，充分表現到川味嘅特色。🦀鮮蟹肉桂花瑤柱炒米粉都好好食! 煎過既蟹肉非常香口, 米粉炒出黎好鬆化軟綿, 食落唔油膩, 配埋是拉差辣椒醬更惹味！服務方面，侍應態度專業，服務一流，又會幫客人斟茶，洗餐具同更換餐具，好貼心；環境乾淨企理，裝潢光鮮亮麗，整體黎講，香馥樓係一間值得推介嘅創新中菜館，雖然價錢可能稍為貴啲，但憑住佢嘅創意同品質，都值得一試！

今日同朋友約好去銅鑼灣食晚飯。店員好快安頓好座位，先叫左個茶飲住睇食咩先。一人叫一味菜，叫左欖菜肉苿四季豆，香馥小炒皇，至尊脆皮燒鵝皇，拔絲咕嚕鳳梨黑毛豬肉。食個酸菜先，酸木耳青瓜少少辣都幾好食。欖菜肉苿四季豆-欖菜咸咸地，有冬菇粒，肉醉。加埋入去四季豆炒有菜得來又夠入味。香馥小炒皇-香口小炒皇，腰果脆口，魚干仔蝦干香口。韭菜花新鮮，仲有蝦仁帶子。至尊脆皮燒鵝皇-皮脆肉嫩，燒鵝唔會太肥，鵝油香口。皮脆口一口咬入鵝香十足。拔絲咕嚕鳳梨黑毛豬肉-新鮮鳳梨香甜好味道，黑毛豬肉炸得香口加上甜酸汁入晒味。

香馥樓，位於銅鑼灣廣場二期，酒樓位置非常方便，座位寬敞舒適，環境明亮乾淨，周末中午茶市都座無虛席。午市點心選擇非常多，傳統得來又有fusion 新創意。有機豆漿鮮竹卷，有別於其他酒樓造法，用有機豆漿浸鮮竹卷，豆味濃，餡料豐富，菇菌極多，清淡得來又幾好食。紅米春風得意腸，腸粉粉粉紅紅非常特別，內包膠肉新鮮彈牙，重點是油炸鬼仍然脆卜卜。香煎櫻花蝦蘿蔔糕，用料十足，蘿蔔糕有一絲絲蘿蔔，有咬口，重點是酒樓配合的辣椒醬，真心一流。見到隔離枱中午就食緊大閘蟹放題，下次都要試一試。

今日誤打誤撞同屋企人去咗呢間香馥樓粵菜酒樓食晚餐 酒樓裝修都幾別緻 座位舒適有空間感我哋叫咗一份上湯阿拉斯加長腳蟹伊麵 只需要$488 有四份一隻長腳蟹 可以叫做有個主食食下 但上到枱就發現真係超抵食 因為蟹肉係非常新鮮 而且伊麵底好吸味 份量一啲都唔少 至尊脆皮燒鵝皇 例牌 呢個味道同樣有驚喜 我哋冇加錢要下莊 但好好彩又上咗一份下裝畀我哋 如果正常就要加$20先會有嘅 燒鵝皮仲保持到脆身 中間仲有層油脂 燒鵝肉仲好有肉汁 絕對係新鮮燒起嘅我平時都鍾意食啲酸酸甜甜香口嘅嘢 而推介小菜裏面有咕嚕肉同埋欖角骨兩種都係類似嘅菜式 咁我哋就叫咗馳名欖角骨試 上枱嘅時候會有乾冰做效果 欖角骨嘅肉質好爽彈 食得出係好高質嘅豬肉 而且去個糖漿同埋脆漿都好好味好夾Overall黎講我哋全家人都一致推介呢間酒樓 絕對會再encore 雖然佢唔係行平價路線 但係佢嘅味道同埋品質絕對對得起佢嘅價錢

銅鑼灣二期廣場新開呢間粵菜酒樓，環境光猛餐廳闊落，菜式都幾多選擇，有啲款都幾新派😁🔸蜜汁燒西班牙黑毛豬叉燒(HK$388)用鐵板成載住嘅叉燒，店員會淋上醬汁，叉燒都幾厚，肥瘦適中，口感軟嫩😛🔸紫砂功夫燉湯(HK$98)第一次飲燉湯好似斟茶咁樣飲，入面仲好足料😍🔸一口蝦多士(HK$108)炸到熱辣辣，好香脆😎🔸魚湯竹笙魚腐浸勝(HK$168)蔬菜都有好多選擇，呢個咩都有得食吓幾好😂

舊式中菜的形象略為老派，位於銅鑼灣的香馥樓則是走新派路線，賣相新穎之餘，卻仍然能夠保留傳統精髓，餐廳以淺紫色為主色調，散發摩登優雅的東方韻味，設有專業音響、燈光設備和舞台，適合舉辦婚宴️、私人聚餐等不同形式的宴會，最為特別的是湯羹上印有的《清明上河圖》圖案，餐牌主打粵菜，選擇繁多。茶錢每位$20，前菜青瓜木耳一客$28。咕嚕鳳梨黑毛豬肉 $198上桌時飄出裊裊白煙如夢幻仙氣，可說是眼睛與味蕾的感官美饌，肉質鬆化柔嫩，一口咬下充滿肉汁，新鮮菠蘿果肉並非罐頭貨色，令天然果香更加突出，醬汁質地較黏稠，夾起時更有拉絲效果，酸酸甜甜令人胃口大開，加配白飯$18。椒鹽鮮魷魚 $118外皮炸至鬆脆酥香，撒上炸蒜及辣椒調味，變得微辣惹味，內裡的鮮魷肉質彈牙爽口不過韌，而且炸得夠乾身，不會過份油膩。黑金流沙包 $48黑金配色讓傳統包點也可矜貴起來，以食用竹炭粉製成的包身鬆軟有彈性，趁熱咬下湧出金黃色的流沙內餡，吃起來滿是鹹甜奶黃香氣。

蜜汁厚切黑毛豬，食起上黎唔油肥瘦適中，一整條叉燒燒起，而且係厚切所以好有肉感。叉燒都唔會燒到太甜。一口豆腐內層軟滑豆味剛剛脆炸過，入面熱辣辣咁。紫砂功夫燉湯，好濃好多料 食材煮到出晒味有小小膠口。乳鴿香脆肉入味肉質鮮嫩多汁。椒麻安格斯牛柳有麻辣味十足肉質多淋滑。蝦籽京蔥明蝦球，蝦球爽口彈口大大隻。京蔥炒特別香口。前面有大大個LED，同音響設備。似係適合做中小型活動，個場開左一段時間個環境同餐具都好新穎同乾淨。

這家中菜廳裝修新淨，環境舒適，佈置感覺開揚，枱布和餐具均整潔衛生，侍應招呼亦殷勤有禮，桂花養生淮山淮山口感粉嫩，淋上了桂花蜜，每一口也充滿着桂花香，但又不會過甜，是非常可口的一道前菜，金沙涼瓜鹹蛋黃包裹著苦瓜，炸得金黃香脆，惹味的鹹蛋黃搭配着微甘的苦瓜，味道出奇地夾，份量亦比想像中多，而且味道亦很驚喜，芝士小蜜蜂3件（芝士、蝦滑）這道精品點心擺盤漂亮，打卡一流，師傅用心地把這個點心裝扮成小蜜蜂一樣，小朋友看到一定會喜歡，而且好睇亦好食，內裏的蝦滑彈牙，芝士香濃軟滑，

鮑魚竹笙灌湯餃個湯熱辣辣，有兩大條竹笙同一隻鮑魚，好足料。入口清甜，口感鮮明。金沙涼瓜炒得好香，涼瓜唔苦，厚度剛剛好，可以保留到Juicy嘅感覺，而又可以炸得通透。每一條都黐滿鹹蛋黃，仲有碟喼汁提供，可以解下膩。紅米春風得意腸呢碟好欣賞，腸粉好滑，入面炸得好脆口，除咗蝦之外，佢仲放咗好多馬蹄，成個口感好好。呢碟都提供咗千島醬，任君選擇。鮑魚雞肉燒賣呢碟味道正常發揮，但係鮑魚大大隻，金箔大大塊，好足料，打卡一流。

銅鑼灣呢個鬧市入面黎到香馥樓飲茶🫖環境寬落坐得舒服👍🏻玻璃茶壺好精緻✨仲有蠟燭烘熱住啲茶唔會凍👍🏻茶位都係$12-15左右同出面茶樓都係差唔多-芝士小蜜蜂3件 $58造型好可愛🤭冇諗過酒樓都會食到咁可愛嘅「點心」蝦滑十分彈牙，芝士流心炸得好脆👍🏻迷你珍珠雞2件 $38雖然話係迷你但一啲都唔細件好足料✨有鹹蛋黃，冬菇，雞肉鮑魚雞肉燒賣3件 $58大大粒燒賣，原隻鮑魚仔喺上面🫢肥瘦均勻又實靜😋紅米春風得意腸 $58入面有一層炸過嘅脆皮，仲有大大粒蝦！食落同炸兩有少少相似但口感更加豐富✨除左豉油之外點千島醬一齊食幾特別！椰汁紅棗糕3件 $48椰汁同紅棗嘅味都十分出眾各佔一半，食落好煙韌又唔會太甜好好食🤤-件件點心都好大件絕對唔怕唔夠飽🤣仲有好多湯粉炒麵小食而且乳鴿試食價$68多款套餐黎梗冬至同屋企人食飯都係一個唔錯嘅選擇👍🏻

好少搵到銅鑼灣有茶樓，今日👦🏻早放就一齊飲下茶享受下時光 脆皮燒腩仔湯瀨粉燒腩仔外皮超級脆，咬下去的時候即頭chok chok聲，裡面的肉又嫩又多汁，搭配上滑滑的湯瀨粉，湯頭鮮美，完全滿足。鮑魚雞肉燒賣鮑魚的鮮甜和雞肉的嫩滑完美融合，皮薄餡靚，點心食豪少少都唔過份😆鮮竹牛肉球大大粒既牛肉球，配爽口既馬蹄，正即拉叉燒腸粉皮薄得幾乎透明，裡面的叉燒肉够味道，甜中帶咸 脆皮紅燒乳鴿外皮金黃酥脆，裡面的肉則柔嫩多汁，唔點醬汁已經好有味道❤️

知道最近在銅鑼灣廣場二期新開了一家酒樓「香馥樓」，所以跟媽咪去食晚飯試下👭酒樓裝潢很光猛，環境闊落。坐低後侍應隨即遞上 #醋香雲耳拍青瓜 作開胃小菜，而茶壺用上蠟燭小火爐座🧨保溫🫶又提供毛巾抹手😄脆皮紅燒乳鴿 $98/隻經過秘製用滷水汁浸熟醃製入味🐦，然後把乳鴿風乾後再炸，炸到鴿皮香脆，鴿肉嫰滑多汁，食起上來無騷味👍椒鹽一口豆腐 $88椒鹽豆腐外脆內嫩滑，有了椒鹽🧂，令淡而無味的豆腐也變得很惹味😍秘製汁乾炒牛河 $148乾爽而濃味的乾炒牛河好有鑊氣，河粉沒有黏在一起🤗除咗牛肉🐮及河粉，仲有其他配料，包括銀芽、韭王、薑絲及葱段，好惹味，而且份量好足。杞子桂花糕 (3件) $48杞子桂花糕味道非常清甜可口，底部則是椰汁糕，兩者夾埋一齊很美味😍開胃小菜 $28/碟茶位 $20/位

呢間銅鑼灣新開嘅酒家bookmark咗一排，地點放便，今日終於同家人來試咗。酒家光猛，簡約大方。服務亦到位，有店員幫忙用熱水即時清洗碗筷。咕嚕鳳梨黑毛豬肉$198招牌菜式之一，擺盤賣相好精緻，仲有乾冰煙霧彌漫效果。咕嚕肉係黑毛豬，口感佳，肉質爽，不會乾柴。鳳梨juicy鮮甜，愈食愈開胃。蝦子京蔥明蝦球$198香氣撲鼻，京蔥好香，再加上蝦子提鮮明蝦球大隻，超爽脆。椒麻安格斯牛柳粒$198花椒香氣突出，同樣有京蔥加上爆橋頭，香氣四溢。安格斯牛柳口感軟腍，好味。香蔥鮑魚雞粒燴飯$198以熱鍋上枱，估計是在砂鍋裏熱炒，好有鑊氣。燴飯鮑汁香濃惹味，超多嫩滑雞粒，冬菇加上香蔥，好香口。鮑魚有四隻，鮑魚味幾突出，而且好入味，口感煙靭。總括而言，第一次幫襯對這家酒家印象很不錯，食物有水準。

喜歡吃中菜，銅鑼灣都試過唔少，這天知悉有間開業不久的「香馥樓」，特意前來一試，食物質素頗出色！首先我們點了其中一款必食招牌推介——咕嚕鳳梨黑毛豬肉！豬肉鮮嫩多汁，與酸甜鳳梨相互交融，讓人一口接一口。豬肉的醬香和鳳梨的果香形成絕妙平衡，特別適合喜愛酸甜口味的人。搭配香軟的白飯食用，更能提升整體風味。而紅燒乳鴿色澤紅亮，表面油亮，散發著誘人的香氣。乳鴿的肉質非常鮮嫩，咬下去時能感受到肉的彈性，與皮的酥脆形成鮮明對比。肉質細膩，脂肪適中不油膩，讓人感覺非常舒適。一口七味豆腐外表金黃酥脆，整體造型小巧可愛，讓人忍不住想一口咬下。豆腐外皮酥脆，內裡保持柔軟滑嫩口感，形成鮮明對比。每一口都能感受到外層的脆感與內部的嫩滑，令人驚喜。而沙姜豬手的肉質非常軟滑，沙姜的香氣深入肉中，搭配豬手的骨膠原，口感十分豐富。香馥樓 (銅鑼灣)地址：銅鑼灣駱克道463-483號銅鑼灣廣場二期6樓

銅鑼灣新開張粵菜裝潢時尚高貴，以紫色+銀色為主調感覺超優雅舒適，啱哂同屋企人一齊食飯！咕嚕鳳梨黑毛豬肉上桌擺設好精緻，仲有仙氣！咕嚕肉採用高級黑毛豬肉，肉質軟腍仲有新鮮菠蘿，配埋醬汁酸酸甜甜芝麻鹽焗雞半隻份量啱啱好，兩個人食都好夠！雞皮滿怖芝麻，脆卜卜！脆皮燒鵝皇（例） 燒鵝外皮超脆！肉質食落好淋份量超多，兩個人食絕對夠哂！大滿足一口七味豆腐豆腐炸得外脆內嫩！絕對要試！📍 香馥樓地址: 銅鑼灣駱克道463-483號銅鑼灣廣場二期6樓電話: 23669228