香馥樓

營業中

休息中

呢間銅鑼灣新開嘅酒家bookmark咗一排，地點放便，今日終於同家人來試咗。酒家光猛，簡約大方。服務亦到位，有店員幫忙用熱水即時清洗碗筷。咕嚕鳳梨黑毛豬肉$198招牌菜式之一，擺盤賣相好精緻，仲有乾冰煙霧彌漫效果。咕嚕肉係黑毛豬，口感佳，肉質爽，不會乾柴。鳳梨juicy鮮甜，愈食愈開胃。蝦子京蔥明蝦球$198香氣撲鼻，京蔥好香，再加上蝦子提鮮明蝦球大隻，超爽脆。椒麻安格斯牛柳粒$198花椒香氣突出，同樣有京蔥加上爆橋頭，香氣四溢。安格斯牛柳口感軟腍，好味。香蔥鮑魚雞粒燴飯$198以熱鍋上枱，估計是在砂鍋裏熱炒，好有鑊氣。燴飯鮑汁香濃惹味，超多嫩滑雞粒，冬菇加上香蔥，好香口。鮑魚有四隻，鮑魚味幾突出，而且好入味，口感煙靭。總括而言，第一次幫襯對這家酒家印象很不錯，食物有水準。