香馥樓

營業中

休息中

香馥樓是一家著名的粵菜餐廳，專注於提供正宗的中華美食，尤其是廣東菜和點心。餐廳環境及裝潢典雅，營造出舒適的用餐氛圍，適合家庭聚餐和商務宴請。服務人員專業且友善，能夠提供周到的服務。由於第一次光顧，就試試他們的招牌咕嚕肉，與朋友享受一個愉快的用餐體驗。 💙陳醋海蜇頭陳醋海蜇頭口感爽脆，醋香濃郁，帶著微微的酸味，刺激味蕾。海蜇的鮮味與醋的酸度完美融合，清爽又不膩，令人一口接一口。搭配青瓜與芝麻，增添層次感，讓整道菜色更加豐富，適合在炎熱天氣享用，令人回味無窮。 💙辣味口水雞一道色香味俱全的川菜，雞肉嫩滑多汁，經過醃製後更添風味，搭配花椒和辣椒油，帶來麻辣的刺激感。醬料中香菜和芝麻的融合，增添了清爽的口感。每一口都能感受到辣味的層次，既開胃又過癮。 💙泡椒鳳爪泡椒鳳爪是一道極具風味的小吃，口感獨特。鳳爪經過醃製，外皮滑嫩，咬下去時充滿彈性。泡椒的辣味從每一口中釋放出來，增添了層次感，特別適合搭配啤酒或白酒，讓人食指大動。 💙咕嚕鳳梨黑毛豬肉咕嚕鳳梨黑毛豬肉是一道色香味俱佳的佳餚，將豬肉的鮮嫩與鳳梨的酸甜完美結合。黑毛豬肉經過酥炸，外脆內嫩，搭配香甜的鳳梨塊和濃郁的咕嚕醬，味道層次分明。每一口

適逢今日請假提前同屋企人行完山,落翻黎銅鑼灣飲茶,平時去開哥間飲到悶悶地,上黎Openrice揾下其他茶樓,見香馥樓好似望落去幾乾净企理,就過左黎.門口有個好大噶紫色招牌,裝修都好光猛,等左一陣位先入到去坐,平日都幾多人.例牌蝦餃,同燒賣,蝦餃D蝦肉都好爽口彈牙,好過平時飲開哥間,燒賣唔記得影相,切肉整,而且調味有層次,好有肉香,腸粉個豉油就咸左D,可能我倒的太多,最後個流沙包最驚喜!甜味剛剛好!而且奶黃味超級重!一咬落去D流沙噴出黎!全場最好食呢個!必吃!

以前都有同屋企人飲茶嘅習慣～宜家好難得搵到一間就腳又好食嘅酒樓🥲呢間中菜廳鄰近銅鑼灣地鐵站 裝修高貴典雅｜咕嚕鳳梨黑毛豬肉 ($198)咕嚕肉好eyes catching 有仙氣飄出嚟🤣採用高級黑毛豬肉🤪鎖住肉汁好軟腍醬汁酸甜好開胃 用天然水果代替罐頭菠蘿🍍｜香馥金瑤絲苗炒飯 ($148)炒飯粒粒分明 有大量瑤柱蛋白(/ω＼)有葱花蔬菜配搭健康又美味｜椰汁桂花糕($48)椰汁同桂花香氣十足 甜度適中最重要兩者味道能夠平衡😁

今日放工好想食中菜，岩岩經過見到銅鑼灣有新開張酒樓，裝修新穎，光線充足，坐既位置空間感很好，唔逼，一於去試吓，叫左3個餸1.至尊脆皮燒鵝王（例牌）$208燒鵝外面既皮脆卜卜，燒鵝熱辣辣，仲要一啲都唔肥，肉質淋同好入味2.安格斯牛粒$198上枱時候蒜香大蔥超香，已經好吸引，忍唔住，要一舊大蔥配一舊牛肉粒，仲要一口食，大蔥好淋甜，牛肉大概8成熟左右，好嫩口，份量都夠2人3.欖菜肉鬆四季豆$168欖菜肉鬆好岩送飯，鹹鹹地，足足可以食左一碗飯，好有罪惡感😓😓四季豆好脆👍🏻👍🏻服務人員服務很好，加茶水主動，又主動幫客人洗杯碟👍🏻👍🏻

今日出糧hehe，同屋企人一起聚餐!來呢間新開嘅新派中菜餐廳試下，我哋四個人就揀咗「三五知已」套餐，有日式冰鎮鮑魚，足料滋潤燉湯，清蒸游水斑，翡翠鴛鴦蝦球，鮮腐竹浸菜苗，脆皮芝麻鹽焗雞。冰鎮鮑魚:鮑魚大隻，口感軟糯，表皮完整，鮮美鹹甜，冰鎮清爽，好適合夏天食滋潤燉湯:滋補養生，燉湯好熱好熱，湯清味清甜，湯底十分足料，每個人都好鍾意，飲到完全停不到 hehe清蒸游水斑:食落非常新鮮!魚肉鮮美，口感嫩滑，簡單明瞭的烹飪方式帶來極致d味蕾享受一盤全部掃空!翡翠鴛鴦蝦球:蝦球整個剝殼去頭去尾依然好大粒，粒粒飽滿彈爽脆口，色澤鮮豔，食材好新鮮，鮮美又清爽，唔錯脆皮芝麻鹽焗雞:芝麻嘅香味濃郁，我好鍾意脆脆哋嘅雞肉皮a十分香口雞肉又軟嫩，蘸甜辣醬又係另一番風味，好推介

來參加朋友工作室慶功dinner十分開心可以來品嚐佳餚!我個人最鍾意嘅一道菜式係得獎奶油大虎蝦，因為太好味，大獲好評呢道菜round2 又出現咗哈哈哈。奶油大虎蝦同佢名一樣十分creamy !豐富嘅cream同黃油將大虎蝦嘅鮮甜激發出來，大虎蝦先油炸後焗，炸出來啷蝦油同調味汁融合到perfect! 蝦肉新鮮緊緻，鮮甜味十足，呢道菜係我心中係當之無愧嘅top 1芝麻焗鹽焗雞都好正!第一次食到外皮脆脆哋嘅鹽焗雞? 都有可能係我本身就好少食雞肉，不過我好鍾意呢種食感，香口嘅把芝麻鋪滿薄脆嘅雞皮，多餘嘅油脂通通都烤入雞肉内面，另到雞肉juicy又嫩滑，好食其他菜式大體都幾好，就係呢兩道實在係令人印象深刻，十分滿意十分推介  

銅鑼灣新開的香馥樓，以其時尚高貴的裝潢和精緻的粵菜料理，為傳統粵菜帶來了一股清新的氣息。餐廳以紫色和銀色為主調，營造出優雅舒適的氛圍，讓人倍感放鬆。品嚐了兩道菜式，分別是「咕嚕鳳梨黑毛豬肉」和「涼瓜斑腩煲」。「咕嚕鳳梨黑毛豬肉」黑毛豬肉質鮮嫩，肉汁豐富，配上酸甜開胃的咕嚕醬汁和香甜的鳳梨，食慾大增。-醬汁的酸甜度恰到好處，不會過於濃烈，更能突出黑毛豬的鮮味。「涼瓜斑腩煲」新鮮的斑腩肉質滑嫩，配上甘苦的涼瓜，味道層次分明，涼瓜的苦味中和了斑腩的油膩感，更提升了整道菜的鮮味。煲內的醬汁濃郁，用來拌飯好食。總體而言，香馥樓的菜式無論在味道、擺盤還是食材方面都表現出色，加上舒適的用餐環境，值得推薦的。' 期待下次再來品嚐更多不同的菜式。香馥樓銅鑼灣駱克道463-483號銅鑼灣廣場二期6樓

銅鑼灣又有新酒樓！趁週末前往飲餐茶食個飽環境寬敞亮麗、舒適整潔，格局雅緻，明亮開放！湯羹上印有《清明上河圖》圖案設有先進的宴會設施及小舞台，供新人舉行「輕婚禮」的小型婚宴場地紫色裝修風格，浪漫而放鬆！提供傳統粵菜以及燒臘等特色美食透明玻璃茶壺，方便侍應觀察水位，及時添茶雪菜火鴨絲炆米的米粉吸盡鴨肉及雪菜的味道，美味開胃萵筍鮮蝦餃鮮蝦彈牙爽滑，萵筍切粒有咬口咖喱魷魚以香濃的咖喱醬汁搭配爽脆的魷魚，讓人回味無窮

首先黎既茶壺已經感覺好有誠意透明玻璃茶壺一路熱住 保持溫度.《芝士小蜜蜂》一聽個名已經覺得好可愛 其實係炸芝士蝦滑每隻小蜜蜂都外皮炸到金黃色爽彈鮮既鮮蝦裏面包住流心芝士 帶黎極致口感享受一咬落去 濃郁既芝士瞬間流出嚟 正.《燒鵝瀨粉》燒鵝閃令令 睇到都流晒口水🦢外皮夠哂香脆 烤到有層焦香鵝肉香氣四溢 肉質夠嫩 唔錯呢到既瀨粉好彈牙 爽滑 索哂d湯汁 好惹味.《翡翠帶子腸粉》滑嫩既腸粉晶凝通透包住既翡翠係翠肉瓜 仲有帶子口感富有彈性 既鮮美又柔滑

發現銅鑼灣二期開了一間新的中菜有點心 有午市晚市套餐先來試一試！餐廳環境光猛 座位與座位之間闊落侍應更加會親自在大家面前幫你過水沖洗碗碟服務態度滿分💯推薦這款欖角排骨欖角好獨特的香味，被蜜糖包裹著的排骨，煎炒得非常脆，但又不會乾，香濃很入味，非常和諧的口感。我哋都覺得比咕嚕肉更好味。不愧是招牌！一口七味豆腐（小食）一個的小豆腐塊，砰成一個小小球狀，外表炸得金黃酥脆，怎會有人抗拒這酥酥脆脆的小食！ ！外面還裹上一層薄薄的椒鹽，一口下去，外酥裡嫩，豆腐內裡經過高溫油炸之後，QQ軟軟的，一份份量也挺多喔～秘製汁乾炒牛肉乾炒牛河超大塊的牛肉片，嫩滑可口河粉炒的恰到好處，鍋氣十足上碟時自動配埋一碟辣椒醬所以佢炒得比較淡口乾身，大概為喜歡吃辣的舖路會再幫襯的中餐廳！發現9點後的小菜有特惠價錢，更加吸引🤩

位於銅鑼灣❣︎香馥樓❣︎係一間以紫色為主調中菜廳，環境高貴優雅😍💜好適合舉辦宴會，有專業音響🔊燈光同舞台，而餐具都經精心挑選🤗部分餐具印有清明上河圖圖案，充滿藝術氣息，食物同環境都好高質，超推薦比大家🫶🏻❣︎蒜蓉蝦春卷❣︎$48外皮炸得超鬆脆勁香口😋👍🏻又夠薄身，蝦仁超彈牙👍🏻❣︎四寶滑雞扎❣︎$48內有鮮嫩雞肉，魚肚吸滿精華，蟹柳，芋頭夠粉蒸得夠腍👍🏻❣︎潮州蒸粉果❣︎$38外皮晶瑩剔透，內餡豐富😋醮埋辣椒油來食，超正。❣︎原隻蝦腸粉❣︎$58腸粉口感Q嫩，鮮蝦彈牙😋👍🏻配埋一小塊翠肉瓜，賣相更吸引。

今日同朋友返工諗緊食咩晏晝嘅時候，突然之間諗起好耐冇飲過茶☕️🫖所以決定佢飲返餐茶😂最後去咗銅鑼灣廣場二期嘅香馥樓真係好耐冇食過點心🤤叫咗鮑魚燒賣～鮑魚燒賣上面有金箔點綴，見到都好想食🤭綠茶叉燒包🥯叉燒包上嘅綠茶酥皮香脆之餘有浸輕輕嘅綠茶味👍🏻第一次食有綠茶味嘅叉燒包，感覺好清新。入邊叉燒餡仲好足料～鹹薄撐～ 呢一樣嘢喺懷舊酒樓先有得食，估唔到係一間新興嘅酒樓都仲存在👍🏻點心方面幾足料，加上環境好舒服。整體都OK

餐廳用上現代感裝潢，白色配上淺紫色，銀閃閃的枱布，閃閃發光，感覺很高雅。餐具圖案十分精緻，帶點幻彩色的，茶壺下有蠟燭一直烘着，可以保持溫度。職員服務周到，會用鉗把餐具放進熱水在我們面前洗淨，免了我們一番功夫，可以吃着前菜等上菜，而前菜是木耳青瓜，帶點酸辣開胃。♡紫砂功夫燉湯$88 🥢必點🥢是用上茶壺造型擺放燉湯，茶壺還是用上紫砂的，燉出來的湯更加美味。火候很夠，材料豐富，有螺肉、瘦肉、椰子、龍眼肉等，感覺很真材實料呢！喝起來味道十分香濃甘甜。♡欖仁鮮蟹肉粉絲煲$288 🥢必點🥢粉絲味道很夠，每一口都可以吃到欖仁的香味，蟹肉吃得出很新鮮，份量也不少，加上魚子味道更鮮美。整個菜式味道都很均勻，好吃！♡鮮芒楊枝甘露$58 🥢必點🥢芒果粒用另一個小盤擺放，粒粒都大粒金黃，還未放芒果下去的時候匙羹一舀，內裏的西米、柚肉份量都已經很多了！味道鮮甜，口感豐富，吃完非常滿足啊～吃完飯後職員送上兩杯冷的蝶豆花柚子茶解油膩感，並且貼心提醒偏涼性懷孕的不可以喝的唷！整體來說，食物質素都很高，我們點了三樣食物，三樣都很推介必點唷！.✔️餐廳設加一服務費

今日就同朋友去咗香馥樓食飯, 餐廳主打新派粵菜, 有唔少手工菜選擇, 晚餐仲可以嗌點心, 裝修有格調之餘, 店員服務都殷勤細心😊黑金流沙包包身好軟熟, 一打開d 奶黃流哂出嚟, 超級流心, 奶黃色澤金黃, 好香滑原隻紅燒乳鴿乳鴿幾大隻, 外皮燒得香脆, 肉質嫩滑,肉汁豐富紫砂壺功夫湯燉湯用紫砂茶壺保持住溫度, 加入大量食材燉成, 清甜鮮味, 超級足料😋香馥金瑤絲苗炒飯面頭好多瑤柱絲, 絲苗炒飯粒粒分明, 加埋其他配料, 炒得好乾身

呢間酒樓開張冇耐，d枱、櫈、裝修都靚，食物好食，十分精緻，最欣賞係菠蘿黑毛豬咕嚕肉，尤其係用新鮮菠蘿，加個乾冰裝飾，大讚。食物方面都係幾特別。不過，當天有組織包左半場，不停練歌，歌唱祖國，應該唔好比人訂枱，比佢包全場，但確認訂枱時，侍應亦冇提及有人包場，一入去以為都係講幾句就食飯，我地聽左一個幾鐘，食飯期間，聽唔到家人講野，有家人係外國番黎食餐飯，十分冇癮！最尾部長送2碗糖水，但都補償唔到共聚天倫之樂。