香香宮煮 (金輝大廈)

營業中

休息中

今次黎咗一間勁有特色既邊爐鋪。佢個名香香宮煮本身已經好有趣，入到店內見到佢既所有野都做到好似真係番咗古時咁（連店員都cosplay埋）。好啦咁講番正題，嗌咗個卜卜蜆湯，d蜆多到真係食唔晒😂，亦都令到個湯底好甜。之外叫咗個海鮮拼盤。樣樣海鮮都夠晒鮮甜，只係我地真係食唔夠佢個蜆。牛魔王拼盤有7種唔同既牛部位，而我就覺得個黃喉最特別好食，爽口。最後介紹我認為係全晚既MVP— 鹹蛋響鈴，試完之後 後悔嗌咗拼盤，應該直接嗌全部都係鹹蛋響鈴！佢香脆得黎好香鹹蛋味，夠晒重口味，正呀！Ps.佢個竹蔗茅根壺霸氣十足～

餐廳放寬之後終於可以食打邊爐，搵到呢間好有宮廷風格既打邊爐，決定黎試下。入面卡座仲有成日睇古裝劇會見到既宮庭名餐廳既紙巾盒、濕紙巾都整得幾有心思我地首先叫左建寧公主特色卜卜蜆鍋，入面有好多蜆，已經可以當係一個餸，煮完湯底好鮮甜然後唔少得既牛肉，叫左花花公主牛魔王拼盤，有好多種唔同既肉，比較驚喜既係牛肉粒，好腍又有牛味，牛黃都唔錯好爽口。另外仲叫左香香宮煮海鮮拼盤，我最鐘意蠔同埋蟶子，好大隻好新鮮呢個都有蜆不過蜆鍋已經食得好夠然後配菜方面叫左響鈴拼盤，鹹蛋響鈴好好食！又香又脆值得一試之後仲叫左鴨血同埋雜菜拼盤，份量好夠，我地兩個人食都覺得好多，多人食應該幾抵呢到環境幾好又有特色，可以黎試下

普安公主·黑胡椒肉蟹濃湯鍋 $398玉面公主四國牛肉拼盤 $498蟶子皇 $ 188真龍蝦豚肉餃4粒 $78魚滑雙拼 (手打黑松露魚滑/瑤柱乾貝滑) $128紫淮山 $42豬頸肉 $ 48山水滑豆腐 $ 321664 500ML $ 88Giselle 推介✨🌟大肉蟹配上沙白蜆及番薯蜆等，用黑椒猛火快炒，非常惹味，食完炒蜆炒蟹後再加招牌雞湯打邊爐😍😍😍🌟🌟牛魔王拼盤🐮有齊日本和牛、澳洲和牛、本地手切牛肉、頂級雪花肥牛🌟🌟龍蝦肉混入豚肉，外皮用上燒賣黃皮🌟蟶子皇 🫶🏻 新鮮彈牙

小編真係好鍾意打邊爐🍲，今日同朋友嚟到香香宮煮。餐廳裝修行中國宮廷風🛖🛖。係餐廳入面仲有張龍椅。岩晒愛打卡嘅小編。雍穆公主花膠雞湯鍋🐥🐥$298（半隻），花膠勁漿口，好正。雞件🐥🐥數量都好多，而且雞湯味🐥🐥非常濃郁。強烈推薦。手切封門柳🐮🐮🐮$228（200g)封門柳牛味勁濃🐮🐮，肉質鬆軟。脆炸黑松露午餐肉🐷🐷$78。午餐肉炸到好香脆，而且一啲都唔油。黑松露味濃郁。即使就咁食都好好食。必點！蟶子皇🦪🦪$188，蟶子好鮮甜，而且唔會有沙。就咁放落雞湯底烚兩下已經食到蟶子嘅鮮甜。

好耐冇打邊爐啦，去尖沙咀接朋友收工之後一齊食晚餐，見到附近有香香宮煮，好似唔錯，就入去打下邊爐先，餐廳設計宮廷式，可以影相📸️有水準喎！手切封門柳除咗賣相好睇，油脂分布平均，輕輕淥一淥就食得，口感十足。即炸黃金炒響鈴打邊爐點少得響鈴，可以吸收個花膠雞湯，仲有咸蛋黃香味，超級正！黑松露午餐肉呢個第一次見，唔知咩味道，所以想試吓，都唔錯，比一般午餐肉更香，有少少黑松露香味，值得一試。雍穆公主 花膠雞湯鍋（半隻）$262好足料喎，一大片花膠，湯味濃郁，可以飲埋啲湯，雞另上，唔係一早放咗喺入面，新鮮雞件，誠意十足。整體而言唔錯，用了新鮮有誠意，高質素火鍋，而且有啲出邊冇嘅食物，相當吸引，有得食又有得玩。

香香宮煮 😍就咁聽個名都覺得似係打卡嘅好地方 冇錯 佢係行宮廷風既！😝入面仲要有古裝服比你著 好似真係返咗古代食嘢咁好盞鬼🤪昭陽公主椰子雞清鍋 🥥🐔$298由新鮮嘅椰青水配三黃雞熬製而成 非常之濃郁😛除咗雞件同椰子片 仲有蕃薯蜆 用料十足！香香宮煮海鮮拼盤 $398一上盤 一個字 鮮!全部都係海鮮 高級海鮮! 有帶子蠔 鮑魚 蟶子 海蝦🦞仲有蜆 蠔同鮑魚都非常鮮甜 蟶子好大隻！🤤頂級雪花牛肉$198脂肪分布平均 食落一啲都唔靭🤓香香宮煮肉丸拼盤$1285款不同口味嘅肉丸 有櫻花蝦豬肉丸 手打牛肉丸 黑松露芝心墨魚丸 手打蟹子鮮蝦丸 手打墨魚丸 各有特色🥳香香公主雜菜拼盤$98淨係食肉同丸點得㗎 當然要食返啲菜同菇類清一清😚手打蟹子蝦滑$108蝦滑非常足料彈牙 讚！😋😋自家製足料竹蔗茅根$68打邊爐咁熱氣當然要飲返杯竹蔗茅根中和一下😆

朋友最近想去有宮廷FEEL嘅香香宮煮到打邊爐，咁岩我又想食卜卜蜆，就約埋一齊食好西。一入門口已經有打卡位，著埋宮服影相真係好有FEEL。我地點左建寧公主特色卜卜蜆鍋，一上枱已經見到配料十足，有少量蒜蓉同辣椒，加勁多蜆和芹菜，湯頭甜到不得了，蜆入口鮮甜無沙。炸魚皮份量十足，勁大塊。即炸黃金響鈴邪惡之選，每件都沾上勁多蛋黃，香口酥脆。玉面公主四國牛肉拼盤款式有手切肥牛、雪花肥牛、日本和牛澳洲和牛，個人最鍾意當然係日本和牛和澳洲和牛，肉質勁滑。廣島蠔 隻隻新鮮肥美，入口勁甜。飲返杯啤酒和天地壹號，消消暑。

位於尖沙咀的火鍋店，光是名字已經很有玩味，仿宮廷式的佈置、格局。入門口就是皇帝的龍椅，旁邊的古裝衣著也歡迎顧客穿起來拍照。座位也是按照不同的宮殿名字來命名，座位寬敞，舒適，枱很大，可放大鍋及多款食物。調味料：九宮格九種火鍋調味料，九宮格形式呈上；豉油則以古代酒瓶載著。美人湯鍋：雍穆公主花膠雞湯鍋無論花膠或是雞件都是大塊厚實，半隻雞的份量，足料。雞越熬越濃香雞湯味，湯熬至金黃，滿滿的骨膠原，精華，很滋潤。牛嬤嬤牛肉：手切封門柳牛肉是火鍋必吃的。人手薄切的封門牛柳，牛肉脂肪多，雪花紋分佈肉上，相對肉質嫩口，油脂豐腴。蔬菜：油麥菜除了肉外，蔬菜也相當新鮮。油麥菜翠綠，輕輕一灼，已經熟透。整體質素高，雖然價錢不便宜，但勝在食材新鮮，湯底足料，環境玩味十足，很過癮。

位於尖沙咀嘅《香香宮煮》裝修得古色古香，以古代公主為主題，主打多款特色邊爐湯底，例如花膠雞湯鍋、卜卜蜆鍋、胡椒酸菜魚鍋等！我哋揀咗卜卜蜆鍋，份糧好多，要先食咗部份蜆先可以碌其他嘢食，蜆肉肥美同新鮮，好鮮甜，一食就停唔到口🤣，安格斯牛肉，碌5-8秒啱啱好，入口即溶😋，🥬雜菜拼盤有娃娃菜，蕃茄片🍅蓮藕片，木耳同油麥菜🥬，菜都新鮮，手打鮮牛丸，好好味咬落好多汁，最後記得飲埋佢個湯底，我一個人都飲咗5碗，真係好鮮甜美味😋😋勁飽勁滿足~~~~~~~~~~~~~~~~~~~~~~~建寧公主👸特色卜卜蜆鍋 $198手切頂級安格斯牛肉🥩(細)$238香香宮煮雜菜拼盤 $98手打鮮牛丸(8粒) $98刀削麵 $38~~~~~~~~~~~~~~~~~~~~~~~

今次同朋友黎到呢邊火鍋店打邊爐，湯底同配料都相當高質，坐得好舒服，聚會必去！花膠雞湯鍋雞件非常嫰滑，一啲都唔鞋口🤓花膠份量多而且大大塊☺️成個湯底飲落去好清甜，好補😋手切頂級安格斯牛肉牛肉擺盤好靚🤩份量好多，而且夠新鮮，冇咩根位👍🏽仲遍佈雪花！蟶子皇聖子大大隻，非常新鮮彈牙，碌幾分鐘就食得😋打邊爐一定要叫！真龍蝦豚肉餃豚肉餃非常飽滿，中間仲加入龍蝦肉，令味道更豐富，食落咸甜交織，非常足料！

呢間火鍋店既宮殿式裝修好靚。除左擺盤好華麗😍食物質素仲要唔錯，簡直係朋友聚餐之選！泰式冬陰公卜卜蜆湯鍋：呢個湯比卜卜蜆更好飲，因為有冬陰公既酸辣味，又有超多卜卜蜆食，D蜆好鮮甜，全部都仲痴住殼。玉面公主四國牛肉拼盤：有日本飛驒和牛、澳洲和牛、本地手切牛肉&頂級雪花肥牛。飛驒和牛味道比一般和牛更濃郁，肉質細嫩、入口充滿油花香味；而本地牛就肉汁豐腴，入口帶甜。魚滑雙拼：有黑松露墨魚滑+蟹子蝦滑，可以一次過試哂2款，食得出係自家手打，味道鮮香，口感爽彈。蜂巢冰豆腐：有好多粒，會吸哂湯汁，我地煮到佢好淋好入味，食果陣要吹凍少少再食，否則好易燙親🤣美濃水蓮：火鍋店比較少見既菜，口感爽脆，唔太吸油，重點係低卡高纖，係健康之選。薯粉：怕唔夠飽就叫左，紅薯粉外表晶瑩剔透，口感煙韌Q彈，吸湯一流，餐廳有個湯殼係有個隔隔，夾粉食好方便😍

走進火鍋店的大門，即能看到格外顯眼的龍椅，以及寫著【 正大光明 】的牌扁，還有古裝給客戶穿上在此打個靚卡，十分特別。 而餐牌上每樣食物的名稱都基乎與皇宮有關，十分特別😆🥢 雍穆公主 花膠雞湯鍋花膠及雞的份量十足，湯底鮮甜，而湯底亦愈煮愈稠，更加濃厚。 🥢 手切頂級安格斯油花分佈平均，入口油香十足。 🥢 真龍蝦豚肉餃龍蝦豚肉餃肉質鮮甜，爽口彈牙。有多幾粒就好😛食完仲想再encore 🥢 蟶子皇蟶子皇肉質亦夠鮮甜，夠新鮮

最近天氣超級無敵霹靂熱☀️但仍然無阻我進行🇭🇰香港人最鐘意嘅活動—打邊爐❗️是日晚餐就揀咗呢間由同事力推嘅「香香宮煮」♥️一入餐廳就已經有勁大個打卡位✅曾經上網見過有新人喺呢到影玩味婚紗照😎咁公主feel嘅餐具🍴真係第一次見😍打邊爐指定動作⭕️調醬先～❗️除咗較常見嘅芫茜、蒜🧄之外，仲有坊間少見蔥油！煳陽公主•芥菜潮汕豬骨煲($198)打邊爐首要，就梗要嗌翻個靚湯底啦～鹹香豬骨湯配上芥菜獨有嘅甘香味，除咗有下火功效，芥菜仲可以宣肺豁痰，係營養價值超高嘅其中一款湯底嚟😍🐮花花公主牛魔王拼盤 ($398)唔好睇佢拼盤細細，實則內有乾坤！分別有安格斯牛肉粒、手切安格斯牛、手切匙皮、牛黃喉、牛舌等✅每類別各有4、5塊，2個人都絕對夠食架！牛黃喉喺我至愛，口感爽脆鮮甜🥰手切匙皮牛肉($238)如果你平時食開牛小排嘅話，就一定要試吓匙皮牛肉！匙皮位於牛頸脊下方，牛味濃郁，脂肪唔算多，肉質會較為實淨有嚼口🔸手打黑松露魚滑($108)食得出裡面有唔少墨魚粒，松露味亦超級濃郁🔸鴨血($58)作為「鍋迷」每次都必點嘅鴨血😝唔腥夠腍滑🔸櫻花蝦豬肉丸($68)肉味濃厚，配上櫻花蝦作點綴更加有口感🔸🦑手打蟹籽墨魚丸($6

慶祝朋友生日食餐好，約係尖沙咀上網搵餐廳，見到環境舒服寬敞，又可以打卡，就直接訂位。 尖沙咀最熱鬧的十字街頭，加拿芬道黃金馬倫道路口十分方便，搭電梯上去 一入門口，就好似皇宮一樣，彷彿進入古裝片的世界，中式宮廷的設計。首先會見到 "上早朝" 的氣派，有大大招牌和龍椅一張，氣氛金碧輝煌。張枱都有宮廷名字，例如慈x宮，原裝的打扮也像宮廷侍衛宮女等等，每個角落都有打卡位，可見餐廳十分用心設計。 餐牌選擇也不例外，不少食物都以宮廷主題為名， 湯底口味多，食材高級又類型多，每一樣都想食。 普安公主黑胡椒肉蟹濃湯鍋 $398平時火鍋湯底都是食材連湯上菜，而今次餐廳店員介紹，熱門的湯底選擇，先把黑胡椒肉蟹送上，味道濃郁，肉蟹肥美，煮得勁香，加上大量鮮味的蜆肉，吸晒醬汁的精華，食剩少少蟹腳，就可以加入鮮甜蟹湯，金黃色的湯底，同樣蟹味濃，唔會太鹹，帶出鮮味，當食完之後覺得價錢合理又高質享受。 玉面公主四國牛肉拼盤  $498餐廳的牛肉選擇很多，有單點，兩拼或不同級數的組合，見到呢個叫四國，有齊幾款牛肉，選擇困難的我們一於就叫。原來有澳洲和牛，美國雪花肥牛，本地手切牛肉和日本飛驒和牛。整體的油脂比例高，入

一行5人，2老+1孕婦+小朋友+老公食都超級飽😂😂主打宮廷設計，門口有龍椅及衣服供食客穿過拍照，玩味十足😂老人家影左十幾張😂😂食物方面，叫左花膠雞湯底，料多好味！叫左牛既大拼盤，蜂巢豆腐，鵝腸，蟹黃餃，響鈴等。除咗蟹黃餃比較硬，其他都好好食！特別係牛拼盤！值得一讚！另外員工服務特別好，因為同行有兩個老人家一個小朋友及孕婦。有特別要求嘅時候員工都好好，提供協助，中途又不斷加湯！全程食得好開心。