香港魚蛋皇

營業中

休息中

今朝落左灣仔做野，番公司前就係附近食埋個飯。見到呢間香港魚蛋王，好似幾快靚正，就係度食。除左魚蛋粉，呢度仲有午市套餐，$50仲包飲品，要涼粉冰、紅豆冰呢啲都唔洗加錢，抵！不過我係個食肉獸，都係餐牌上既雜扒飯（$64）最啱我。可以揀黑椒汁、咖喱汁、豉油。我揀左黑椒汁。雜扒分別有牛扒、腸仔、雞扒、煎蛋，仲搭兩條菜，超飽肚。個價錢包左飲品，我要左熱菊花蜜，甜度啱啱好，暖暖地又幾養生。食咁多肉，就要食番啲菜平衡下，要左芥蘭（$19）。黎到又點可以唔食魚蛋，一於要左份魚蛋（$36）。果然爽口彈牙，名不虛傳。食飽飽番公司繼續戰鬥。

今日又要去上堂，經過呢間香港魚蛋皇，就諗住入去食個快飯走人，估唔到佢原來麵之外仲有飯食。見到佢有手轆魚麵，平時都好少食，佢個餐牌仲寫住，係用鯊魚骨響螺豬骨湯底(不含味精)！於是叫咗個四寶魚麵，有魚蛋、墨魚丸、魚皮餃、魚扎(其實我唔知咩黎，我問個老闆娘先知)、魚片頭等，魚麪好彈牙，好似食緊魚蛋咁，而且佢仲有搭兩條菜，早知我唔使另外叫碟油菜，我自己仲另外加咗紫菜(+$7)，份量都幾多，而且唔會食到哽親喉嚨！油菜就好大碟，啲菜好深綠鮮嫩。另外我跟個麵加咗$10要咗一杯菊花蜂蜜，又甜又滋潤！鋪頭細細，但感覺很有人情味，店員（定係老闆娘？ ）很親切，仲有電視可以睇！快飯之選！

本身是港島人，每次坐車經過灣仔，都會見到軒尼斯道那間香港魚蛋皇，這天在灣仔完成了工作之後，有一點肚餓，便跟同事走進去吃碗麵！這裡的招牌餸應該是牛腩和牛雜！我超鍾意食牛雜，我點了一碗五香牛雜麵！牛雜要弄得好吃都不簡單，這碗牛雜很不錯，五香滷水好香，吃到八角等香料味，炆得又腍又入味，湯底牛味亦濃郁！特別是牛膀，好入味！鹼水麵好爽口！同事的四寶魚麵也很不錯，這裡的湯底是鯊魚骨響螺豬骨，沒有味精，不怕口渴，四寶有魚皮餃、貢丸、魚片頭和魚蛋，魚片頭和魚蛋都彈牙，魚麵口感清爽，有魚肉的鮮味！另外點了一碟郊外油菜，菜心翠綠新鮮！雖然只是麵店，但店員有禮貌，整體感覺不錯！

係灣仔食飯 又唔想飯太貴 食番碗魚蛋粉絕對係一個唔錯既選擇🤗 今次我地就試左呢間香港魚蛋皇啦🤤呢到既選擇都唔少 粉麵飯都一應俱全😆 麵仲有魚麵揀 我地就揀左紫菜八寶丸河同埋招牌牛三寶魚麵🍜 八寶丸有勁多紫菜 魚蛋都好彈牙 清清地都幾好食架👍🏻 牛三寶分別係牛腩 牛筋同牛肚 份量超多 我最鐘意食牛腩 好腍好入味😋 魚麵絕對係食得出真材實料 夠彈牙👅 另外我地仲叫左碟魚皮 上碟時原來魚皮係一包包用密實袋包好嘅 包保仲係脆卜卜🌟

Briskets and noodles are our two fav things. We decided to come here for afternoon tea today as we’re craving some yummy 😋 food. I’ve heard about this place since I started working in wan chai but as it’s not close to the mtr, uber never gotten the chance to give it a try. We ordered their signature beef in three ways in rice 🍚 dish & added an additional veggie dish. Both were delicious and portion was big! Definitely enough for two people for sharing.We ordered two drinks: lemon tea & iced coff

我係香港人，我要食返香港嘅味道！其實普普通通喺香港地搵間好味嘅魚蛋粉一啲都唔容易。喺灣仔呢一間魚蛋粉，我就覺得還可以，除咗魚蛋粉外，佢仲有好出色嘅牛腩飯。叫咗呢一個牛腩清湯飯之後，仲會送嘢飲！簡直令我心心眼，仲可以揀特飲紅豆冰。其餘午餐時間，仲有唔同的雜扒飯同埋牛扒飯，正正子，真係包羅萬有。另外唔係太肚餓亦都可以試吓佢哋嘅三文治或者係多士，呢度嘅三文治都唔錯，佢啲蛋真係即炒！熱辣辣香噴噴，三文治暖粒粒咬落去軟綿綿感覺好溫暖。仲有不得不提佢杯紅豆冰，勁多紅豆，同埋味道都夠濃。結帳都係每人$60，可以話大件夾抵食。

去到灣仔突然想食碗魚蛋粉，行到去集成中心對面，見到間香港魚蛋王好似幾吸引，當然要試吓佢哋啲魚蛋，叫咗碗淨魚蛋墨魚丸。佢哋啲魚片好彈牙，切到好薄身，加埋啲墨魚丸，好有手打嘅感覺，再加埋佢哋自家製嘅辣椒油別有一番風味。另外我仲叫咗碗紫菜四寶河，今日想清清地，四寶河其實包括:魚皮餃、豬肉扎、紫菜同貢丸。紫菜食得出冇加工，有好多紫菜條，其餘嘅餸菜每樣有兩粒，可以話十分足料！唔鍾意食河粉，當然可以轉其他嘅麵底。另外仲叫咗呢度嘅凍鹹檸樂，冰底已經擺咗鹹檸檬，已經夠晒味，再加埋可樂好有氣，成個人gur晒。

放工後又趕着要上堂，幸好有這樣的快捷美食，不像快餐店的油及濃味，但又不需待太久便可以享用食物。雖是魚蛋皇，但其他食物的質素也是很高的。這次享用了牛三寶，分別有牛腩、牛筋及金錢肚。三款食物的牛味都很濃，而軟硬度也十分好，很易入口，配上美味的湯底是極速上電的好食品。加一碟油茶自然是想健康點。菜芯新鮮，嫩口。不錯。最後，也是最重要的，就是在這炎夏可以有一杯透心涼的飲品，凍檸茶自然是首選。少甜之作，喝下也不會覺得太沉重。工作的疲倦頓時消散，準備好可以走更遠的路。

係中環開完會🗣之後要去灣仔做野💼臨急臨忙⏱趕時間求其係灣仔食D野算😜最簡單又快捷就係食碗粉🍜招牌牛三寶魚麵😚份量超多有牛筋、牛腩、牛肚🐮首先講下牛筋先😊牛筋煮得非常腍入哂味😌唔洗點咬已經溶化左而牛腩亦係重頭戲😍唔「鞋」口之餘😉仲炆得幾軟身😛牛味亦唔差最後牛肚😝因加左酸菜😙牛肚索哂味又爽口彈牙😎正小妹選擇左魚麵🐟每一條魚麵都粗寛身😆味道好似食緊魚蛋咁幾彈牙😗每餐要有菜食🥗加碟油菜全走$19蚊勁大碟🤑抵

今日去左灣仔買野,順便諗住搵個地方食D野，一個人唔知食咩就食碗魚蛋粉啦~成日都經過呢頭~原來有間 香港魚蛋皇一直都未食過~見有位就入左去坐~原來除左粉麵都有唔少選擇除左粉麵仲有粥小食同飲品不過呢度主打正宗魚蛋粉!!!!店面乾淨企理我叫左碗牛三寶魚麵再加魚蛋份量好足~魚麵好彈牙, 唔係度度都有得食~魚蛋都好爽口彈牙~牛三寶有牛腩,牛根同牛肚~一定要試牛腩夠腍又入味~牛肚夠嫩有嚼勁, 牛根軟稔好有口感~我平時一定會叫碟油菜均衡D再飲埋杯凍檸茶解渴非常地道美味又豐富的一餐~

今日係灣仔踢完波之後肚餓，係趕住去第二度的情況下（得15分鐘左右）來左這間食粉麵的餐廳。我一坐底，好快就有姐姐來落單，雖然明顯想我快啲叫，但佢都好有禮貌問我，亦都非常主動推介餐廳最出名的麵食，係佢的推薦下，我就叫左一份牛三寶河，同一杯凍檸茶。基本上，上菜速度係極快，好岩趕時間的人，我落單後2分鐘左右已經來齊哂野食同飲品。先講個凍檸茶，因為我叫左少冰的關係，所以唔係好夠凍，但甜度係岩岩好，唔會甜到冇左檸檬的酸味。個牛三寶都相當唔錯，牛肚夠爽、牛筋夠霖同牛坑腩牛味夠重。

港味水準粉麵茶餐廳裝有一定的憶記，地道美食主攻馳名魚蛋或可選擇大方愛吃肉的您毫無疑問除了充份食每個牛既部份如: 牛腩/牛雜/牛筋的口感亦會有所不同有所味道依個人喜好搭配必定會上癮體會香港小吃呀 ! 建議我食法會添加些能強化整碗味蕾，逼出濃郁嘅腩汁滷得炆煮透徹新鮮手打魚蛋現殺彈牙百分百大大粒湯粉麵條軟而不爛順不油膩，湯頭細緻用料頗為實在( 五香牛什拼魚蛋粗麵 )整體來說餐點價格中規中矩價格合宜令街坊親民，有時時間上緊迫又想有充份水準堅持，我不妨會再選擇光顧啊!

每每途經灣仔，總會心思思，很奇妙，腳步好似有自動導航一樣，自自然然就來了 香港魚蛋皇地點就在集成中心面，向着電車路、紅綠燈，位置無敵 - 冇得輸每次坐低，我嘅選擇困難症就發作，但睇嚟睇去都離不開牛腩、牛雜、魚蛋。今晚點了魚蛋、牛雜撈粗麵、凍檸茶。麵底軟硬適中，最怕嗰D煮太耐嘅「淋麵」。仲有2條生菜墊底𠻹先整啖湯底⋯好味，唔會過咸或太淡，配埋芳香芫茜葱、乾蒜⋯飲飲吓就KO了大半碗。芫茜葱真係好神奇，冇咗佢哋，成個味道唔同晒，大為失色。我試過因為粉麵店話芫茜葱冇貨，即時轉場。自家制辣椒油 - 同芫茜葱一樣，辣椒油都係粉麵店嘅靈魂，絕對缺一不可！魚蛋外貌跟平常的不一樣，每粒型狀不同，大小不一，是手打的表徵。入口彈牙，充滿魚香，跟一般吃到的果然有分別肥腸果真夠肥，牛肚、膀、肺夠入味，配搭辣椒油真係絕配。

這家店在電車邊，大大的招牌「魚蛋皇」，好吧反正走得累了，就試試吧。..【牛孖筋魚麵】麵是魚蛋來的！果然是「與眾不同手轆魚麵」，有魚蛋的味道及彈牙，又不失麵粉的口感，很特別。而且這更「健康」，適合我怕肥的人。「魚蛋麵」比普通的粉麵更多蛋白質(protein)，更少碳水化合物（carbs) ，多食一點也不怕怕。好多筋筋呀，有6件咁多，而且件件是又長又粗的（我指的是牛筋）。看餐牌說，湯是用「鯊魚骨響螺豬骨」熬成的，而且沒有味精？我試試看，真的是很香濃的湯呢，有點海鮮的咸香味，但又清清的很好喝，跟外面的店不一樣。湯好味的，我把湯喝完了........【蠔油芥蘭】加$19有一大碗菜，份量挺多的。.最出名的應該是湯粉麵吧，但也有其他食物，如三文治、粥、飯、小食等等。一家小店能做出這樣多食物，也不簡單了。.店內有部電視機，哈哈有馬睇（雖然無買馬）。.價錢都是平民價，合理。

香港魚旦皇好多客人喜歡食，剛剛經過又想食碗湯粉麵，就入去食，竟然有驚喜！食物好多選擇，唔單止湯粉麵，仲有潮洲粥、潮洲特色食物、飯、下午茶三文治、西餐飯等。本身我想食蠔仔粥，但突然見餐牌寫這個魚麵好特別，是用人手轆的，另外秘裝湯底是沙魚骨響螺豬骨湯底！枱面好多不同醬汁讓客人自家調味、香辣野味辣椒醬！我點了四寶魚麵，效率好快就有得食。(四寶魚麵）大大碗好香，四寶足料，有招牌香滑魚旦、彈牙墨魚丸、爽口豬肉丸、大大隻又皮彈香肉餡的魚皮餃及豐富特別的魚卷卷著豬肉、冬菇、芹菜等，魚麵好彈牙好香口，微微黑椒味道，好野味！另外見到店員食脆卜卜魚皮，好脆口又吸引又新鮮香口！