香港魚蛋皇

營業中

休息中

今日係灣仔踢完波之後肚餓，係趕住去第二度的情況下（得15分鐘左右）來左這間食粉麵的餐廳。我一坐底，好快就有姐姐來落單，雖然明顯想我快啲叫，但佢都好有禮貌問我，亦都非常主動推介餐廳最出名的麵食，係佢的推薦下，我就叫左一份牛三寶河，同一杯凍檸茶。基本上，上菜速度係極快，好岩趕時間的人，我落單後2分鐘左右已經來齊哂野食同飲品。先講個凍檸茶，因為我叫左少冰的關係，所以唔係好夠凍，但甜度係岩岩好，唔會甜到冇左檸檬的酸味。個牛三寶都相當唔錯，牛肚夠爽、牛筋夠霖同牛坑腩牛味夠重。