香港魚蛋皇

營業中

休息中

香港魚旦皇好多客人喜歡食，剛剛經過又想食碗湯粉麵，就入去食，竟然有驚喜！食物好多選擇，唔單止湯粉麵，仲有潮洲粥、潮洲特色食物、飯、下午茶三文治、西餐飯等。本身我想食蠔仔粥，但突然見餐牌寫這個魚麵好特別，是用人手轆的，另外秘裝湯底是沙魚骨響螺豬骨湯底！枱面好多不同醬汁讓客人自家調味、香辣野味辣椒醬！我點了四寶魚麵，效率好快就有得食。(四寶魚麵）大大碗好香，四寶足料，有招牌香滑魚旦、彈牙墨魚丸、爽口豬肉丸、大大隻又皮彈香肉餡的魚皮餃及豐富特別的魚卷卷著豬肉、冬菇、芹菜等，魚麵好彈牙好香口，微微黑椒味道，好野味！另外見到店員食脆卜卜魚皮，好脆口又吸引又新鮮香口！

今日OT完，飯都未食，當然要去搵野食先啦。但時間都唔早了，又唔想食太飽手，所以最後我地都選擇食碗魚蛋粉麵就算。見到香港魚蛋皇個招牌勁搶眼，顏色不斷變色，就決定入去一試。香港既獨特魚蛋店（牛腩、牛肚、牛根）都會掛在廚窗前，而且他們的下面就正正熬製著牛的各部份，望到都想食...我諗我地都餓了，因為陣陣香味正傳入我的鼻。店內環境整潔，調味/餐具都放置於枱面上，方便客人調味。而且更有電視📺給客人收睇，岩哂我呢d電視精。正宗潮州粉麵，大致上跟其他粉麵店差不多，有牛腩、魚蛋、牛丸、雲吞、魚餃等等...但看後一頁才發現，原來這店更有泡粥（蠔仔粥呀）魚蛋皇更設有飯餐：咖哩牛腩飯、豬扒煎蛋飯、南乳豬手飯等等...仲可以免加錢跟紅豆冰或涼粉冰。炸魚皮 - $19 （跟粉麵$10）炸魚皮香脆且厚炸，口感硬脆無腥味，配湯粉麵一流。菜心 - $19 （跟粉麵$10）食開菜心都會叫超腍，而今次食到好腍的菜心，且菜心富甜味，真的不用加配醬油都已有味了。淨魚蛋走片 - $36魚蛋雪白軟腍彈牙，有魚味，調味較重。原汁牛腩河- $36牛腩燜得入味，而且牛味頗濃，惟湯底偏鹹。龍鳳檸樂 - $21 （跟粉麵$15）冰凍可樂加

🍴香港魚蛋皇 🍴★魚蛋皇☆🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽今天來跟大家介紹一間 位於灣仔軒尼詩道嘅香港魚蛋皇，嚟香港應該冇入未食過魚蛋粉嘅， 今日同媽咪咁啱路過就入咗去食嘢啦，不過就反傳統唔嗌魚蛋，嗌其他嘢食😛😛😛😛😛😛😛😛😛😛😛廢話不多說! 直接切入主題來看看我們今天吃了什麼東西吧! ^^🤗🤗🤗🤗🤗🤗🤗🤗🤗🤗🤗* 牛三寶河粉(名字聽起來好弱喔! ^^！) 牛三寶是牛筋，牛肉，牛肚，喜愛程度：　★★★★★這道菜乍看之下不怎麼起眼，但是當我嚐下第一口之後我的心裡馬上出現了＂Wow!!!＂的旁白!!哇!!!不簡單!!! 他們十分之軟熟很有牛味而且非常之入味，😋😋😋😋😋😋😋😋😋😋😋* 炸魚皮厚薄適中， 有啲地方太厚，所以炸得就唔係好鬆脆， 有啲比較薄嘅地方，一咬就碎， 呢一間就打到啱啱好，比較均勻。讓人一口接一口🍴🍴🍴🍴🍴🍴🍴🍴🍴🍴🍴🍴🍴－方魚 蠔仔泡飯好大碗，仲同你個頭差唔多大，一個女仔食嘅話應該食唔曬， 佢嘅豪仔就比較細粒，不過都幾入味嘅， 佢嘅湯底都ok 凍檸茶平時都好少會講凍檸茶，呢間一定要讚下佢個凍檸茶茶底夠濃，夠味總括嚟講～呢度算係灣仔區性價比比較高嘅一間餐廳… 粉麵嘅價

今日同朋友去行街行完街之後 有啲肚餓 打算食個快餐~經過呢一間店舖見到有飯有面咁 咁就入去試吓啦自己見到個紫菜四寶丸面幾吸引 一於就叫佢 $48一碗有齊晒唔同種類嘅丸 有貢丸 墨魚丸 魚腐 魚皮餃 非常吸引! 每款丸都食得出好彈牙 同埋好鮮味至於飲品就叫咗檸檬利賓納 落咗勁多片檸檬 非常足料!!!朋友叫咗個原汁牛腩飯 $50 牛腩比得勁多 食落去好軟熟 下邊仲有好多生菜係底 加上一大碗飯 一定夠飽!!檸檬茶茶底夠香 比咗成四五片檸檬 正!!最後買單一個人都唔使$60 性價比極高!

探訪完老人家，起完出嚟好肚餓想食個牛筋河加紫菜。首先牛筋比較香滑好入味。幾時河粉是非常好色用魚肉打造，可以做到色香味俱全。其次才非常新鮮釀造知道係可能在福州製造。紫菜入味加上他們的河粉及牛筋，加辣招將凍奶茶簡直就係perfect match...唯一裏邊就係比較嘈,但係如果為咗食係可以。下次我會帶嫲嫲過嚟試下佢哋嘅秘製咖喱飯。聽講curry會非常好食不過我會怕hot而且下次想試下佢哋嘅冰凍可樂..very gd一次嘅經歷。😘

在灣仔返工時經常會到魚旦王午餐，成日食得太好都有食返清清地的粉麵清下腸胃，否則好易食濟。而且粉麵價錢相宜，所以我都成日幫襯。通常來到我都會點紫菜四寶米，其實佢仲有個八寶，好豐富的，但由於唔想食太飽，怕飯氣攻心，於是四寶常是我的選擇。呢度的湯底係沙魚骨响螺豬骨整成，特別鮮甜，紫菜四寶除了有好多紫菜，還有魚旦、墨丸、魚扎、魚片、魚皮餃，好豐富架！香港地已經唔覺有咩地方有魚扎食，我細細個就食好多，呢度係難得現在四寶米仲食到魚扎的地方。同事另外叫左炸雲吞，係豬肉鮮蝦雲吞即炸，好脆好香口，好好味！郊外油菜又夠大碟，兩個人都食唔晒，哈哈！其實佢個檸檬利賓納都好大杯，d野全部大大碟大大杯咁，價錢大眾化，仲要係灣仔，我覺得好不錯啦！

放工後已經8時多，肚子餓瘋了，到附近快點醫醫肚罷了。原本打算吃碗魚蛋米線，但見到有魚麵，不是很多地方能找到的，那就點了個魚麵試試。魚腐魚皮餃手唧魚麵：清淡的湯底，另加紫菜，還有一大匙羹的炸蒜粒、蔥花，味道剛好，不用另加調味了。魚麵淡淡的魚味，不過不算煙靭彈牙。雖然價錢上魚麵較貴，但相對更加健康。魚皮餃的外皮煙靭，帶半點透明，餡料為肥豬肉。另外還點了一碟郊外油菜，通常都會點芥蘭。鮮綠的芥蘭熟度剛好，莖部不會過軟腍亦不會太硬，芥蘭味道清甜，尤其是粗壯的菜莖，連蠔油也不用加。除了粉麵，還有其他選擇，如碟頭飯、三文治、茶記小吃，挺多樣化的粉麵店。

午餐時間途徑灣仔，見到間香港魚蛋皇，天氣咁熱無咩胃口，就決定食魚蛋粉，呢間魚蛋皇都幾特別，看似有點古老，鬧市中個招牌不在閃，門口按自動玻璃門入去，都好多人食無咩位，坐低點了紫菜牛腩牛肚河，一杯冰凍奶茶和郊外油菜心。。。雖然話無咩胃口，但都食得曬呢大大碗牛腩，估唔到魚蛋皇牛腩都好好味，牛腩雖然係瘦腩但蚊得夠淋，金錢肚要加錢，普通牛肚都好味，湯底加咗紫菜和腩汁，超香超濃郁牛雜味，再加埋一大茶匙特有既辣椒醬，簡直是完美。。。

今日出開灣仔學畫畫， 肚餓想搵啲簡單嘅嘢食， 係軒尼詩道 見到呢一間魚蛋粉， 佢標榜食材冇味精， 啱曬崇尚健康嘅我。呢度嘅湯大有來頭， 全部都係用鯊魚骨響螺豬骨煲出嚟嘅！今次我就嗌咗碗 魚蛋河， 配炸魚皮 同埋一碟油菜， 朋友就點咗魚腐 加金錢肚米線。呢度嘅魚蛋標榜自家工場新鮮製造， 果然不假， 食得出魚蛋同坊間食到嘅有很大分別！ 彈牙唔再講， 仲好香魚肉味！ 魚片亦一樣優質！😋朋友嗰碗魚腐金錢肚米線 亦非常高質。 特別係個魚腐， 口感味道一流！👍湯底 真係幾清甜， 食得出係冇味精😊灣仔區 仲可以搵到咁價廉物美嘅美食， 簡直係今日嘅一個奇蹟。

聽講都存在左好耐既鋪，人一世物一世，咩都要試下，睇餐牌，都有好多款可以選擇。餐牌仲好新，應該岩轉過餐牌黎。今日胃口麻麻，就想話叫個唔頂胃既泡粥食下算數。紫菜蠔仔泡粥。勁大碗，對於女仔黎講你一定會卑佢驚人既份量嚇襯。紫菜一大塊，係底。D蠔仔好mini，份量並不多，好彩總有肉碎可以釣味。整碗泡粥感覺都係靠飯既份量撐起身。湯底味道都ok.叫左一杯熱菜蜜，but...張相都可以好清楚咁見到個杯入邊有好多類似頭髮屑咁既野，本以為係面頭，撩左佢就無野，但撩及都仲有。索性放棄。我唔清楚係邊個關節出左問題。但咁既衛生狀況確實令人擔心。

今日係灣仔行街等過馬路時，見到呢間店門囗招牌幾搶鏡，俾佢吸引左想一想好耐冇食過，而且佢哋寫係用沙魚骨響螺豬骨湯底想試吓有乜唔同，於是就入左去坐低叫d嘢試吓睇餐牌除左中式粉麵飯，還有西式飯和小食三文治。本來想食碗魚蛋粉，但最終都係叫左個五香牛什和炸魚皮。炸魚皮：厚薄適中，因有d地方大厚就入囗好硬唔鬆化，有d地方就太薄，一夾就碎，呢間剛剛好，入囗鬆化爽脆，而且味道唔太鹹，越食越想食之於跟魚皮個湯原來唔係普通味精湯，而係沙魚骨響螺豬骨湯，飲落幾鮮甜唔覺味精味，飲完唔囗渴另外問過老闆，佢話所有粉麵食物都係用呢個湯底，所以大家食粉麵都可試到呢個湯。五香牛什：幾大碟，有幾多款內臟，唔係得一、兩款，有：牛肚、膀、肺、腸，樣樣都好入味好腍

正斗牛孖根魚麵今日去灣仔shopping,下午茶就行到覺得有D肚餓，於是就要歇下腳行咗入去呢間在軒尼斯同杜老誌道交界附近果間香港魚疍皇茶餐廳食碗粉麵！同一般港式茶記一樣，除咗馳名魚疍粉外，牛腩，牛雜，咖啡奶茶多士等等亦有供應，入到去坐低，叫咗一碗牛孖根魚麵加多一杯熱奶茶、共$63牛孖根魚面份量十足，湯底濃郁，蔥花芫荽香味十足，牛孖根好夠份量而且好腍滑，大大件，夠哂入味、魚麵好有咬口彈牙，充滿魚肉香味，仲有生菜墊底，顏色青靑綠綠，又夠爽趣！十分可口！熱奶茶都好香滑，整體係有水準嘅製作！

當日跟嫲嫲去食lunch, 佢話好耐冇食潮州美食,於是去wanchai著腳。牛筋牛腩炸魚皮。裏面混雜牛筋牛腩及牛肉，牛筋有口感，牛腩鬆軟，牛肉有牛肉味，配上珍珠飯及滷水汁，各樣感覺非常匹配。這餐廳無論裝修以及服務態度,我同屋企人都睇出都很有誠意。而且近地鐵站衹要兩分鐘就到。老人家都覺得比較方便。😊老人家最鍾意就係炸魚皮一啲都唔熱氣.配上凍檸茶簡直完美配合。而老人家最喜歡就係油菜勁多 oyster sauce

紅綠燈前，當鋪側，交通交匯處的就腳點，營業時間由朝到凌晨，街坊都食開。春夏秋冬，日夜交替間，佢默默無聞地做好呢份工。佢哋嘅主打係魚骨湯，小妹已經飲咗好多年，確實真材實料。值得介紹～雖然叫做紫菜四寶，但其實佢入面有魚蛋、墨魚丸、魚扎、魚角、魚皮餃、貢丸，一次過食晒幾款魚製品，加上個魚骨湯餸河粉，呢個麵，小妹至愛啊。如果你同我一樣鍾意辣，呢到嘅辣椒醬適合你，自家製，落多少少就可以辣得好過癮。檯面放齊晒配料，杯檸蜜味道剛好，不太甜。

今天剛好在灣仔附近，經過這間餐廳， 門面好似都幾靚，便進去食個下午茶, 這間餐廳的店員都很nice😊 ， 很有禮貌，而且還很細心，有位店員見我拎著兩個袋，還特別幫我拉開我旁邊的椅子， 讓我可以放袋👍👍👍 值得一讚呀！我看著餐牌，發現有很多不同款式的粉麵飯 😆 我樣樣都想試😂 可惜只有自己一個😆我最後叫了一碗魚蛋河，一碟油菜(芥蘭)，以及一杯熱檸水，魚蛋很爽口彈牙， 除了魚蛋，還有魚片， 切薄片，口感幾好，河粉也很入味😋芥蘭分量都幾多😍 很清甜， 配上蠔油，味道很夾😋熱檸水也值得一讚， 檸檬不會很酸我，味道剛剛好，清清地，很健康👍這餐廳整體上都不錯，下次會叫朋友一起來， 愈多人一起吃便可以品嚐更多不同款式的餸菜😍