香港魚蛋皇

營業中

休息中

已有一段時間沒有來，位於灣仔的總令人心思思要來走一趟明明進來之前，心目中已有定案要吃什麼。但每每看到餐牌，總是要來來回回看牛雜河雖然是菜單上，不過這個份量對我們來說算常及實惠心，而且牛雜量給予大方幾乎要看不到底下的細麵，可謂誠意十足！心中例牌 牛雜依舊香濃入味湯頭牛味濃郁，牛肚/牛榜/肥腸軟綿甘香，加上秘製辣椒油簡直絶配牛雜部位給得還蠻齊的，多種部位都看到同一碗麵也能擁有雙重風味！河粉份量比一般食店多，大男人也會吃得飽。

今日去左灣仔搞護照，之前同女朋友去旅行發現護照就快到期。唯有快快手去搞！去到灣仔剛好lunch time，周圍到非常多白領人士，經過「香港仔魚蛋王」，就入去食個lunch！人客好多，餐廳都好乾淨好光猛，價錢唔太貴岩哂一班打工仔去食飯。我叫左一碗雲吞魚蛋魚麵，麵身特別地用上魚蛋打製而成，入口有好鮮香既魚味，彈牙好爽口，好似食緊魚蛋咁樣架！口感好獨特！雲吞粒粒皮薄餡料好豐富，入口有濃香湯汁，鮮香濃郁。魚蛋好彈牙，入口魚味突出，唔係街邊魚蛋既味道！的確好足料！難怪餐廳人客好多！我叫左杯凍檸茶，食完好飽足！

當日跟嫲嫲去食lunch, 佢話好耐冇食美食,於是去wanchaii著腳。牛筋河。裏面混雜牛筋牛腩及牛肉，牛筋有口感，牛腩鬆軟，牛肉有牛肉味，配上珍珠飯及滷水汁，各樣感覺非常匹配。酥炸魚皮。可以講係外脆內軟非常新鮮好有口感而且有魚皮嘅味道。第一啖入口，已經覺得好食非常。配上特製凍檸茶。v gd這餐廳無論裝修以及服務態度,我同屋企人都睇出都很有誠意。而且近地鐵站衹要兩分鐘就到。老人家都覺得比較方便。😊

係灣仔收工，於是去左附近的餐廳食d簡單的東西，第一次食呢間，餐廳職員好笑容，哈哈。發現呢度的河粉份量比平時的多，有時好驚去到餐廳叫d河粉食，但d河粉好碎，太淋同埋好厚身，但呢度不會，好滑無碎，十分好。魚旦都好彈牙，叫左通菜食，菜又不會老，又大碟，食晒之後因為味精也不重，食完不會口渴，檸樂，已好耐無飲過，可樂同檸檬係分開上的，太正，食完，飲番杯超凍檸樂，好舒服。全部一共84元，好滿足又超級飽肚的一餐。

今晚放工後又攰又餓，當然要搵啲快靚正既晚餐充飢。 由銅鑼灣沿著軒尼詩道行見到 「香港魚蛋皇」我二話不說已經跳入去。 「香港魚蛋皇」是潮洲粉麵店， 堅守灣仔多年，以手打魚蛋、 炸魚皮及魚麵是主打菜。這裡的手打魚蛋我經常食， 今晚實在太餓， 直接點了 $51 送冷/熱品                       怕浪費食物我所以飯要扣底，然而扣了底份量都唔小, 起碼有兩碗飯， 一大碗牛筋另上，以生菜墊底，份量比十足更多的牛筋，我數過足足有七條咁多，條條牛筋都很粗壯，口感軟滑， 膠質豐富，勁入味。 以腩汁來撈飯， 三扒兩撥已令可鯨吞一整碟飯。 油菜 $19 合理價，點了菜芯，份量真心多， 菜色翠綠，但莖部份較硬， 有點渣，我一個人只吃了一半，實在超飽。 餐飲點了紅豆冰， 紅豆佔了約1/3 杯， 份量OK ，飲紅豆冰最緊要紅豆夠稔，果然沒有令我失望， 紅豆香軟甜糯， 花奶夠濃夠滑， 冰都唔會勁多， 水準絕不輸給茶記，可以一試。 

餓底是魚蛋河的愛好者，因為又平又好味又清清地健康啲，一個人唔個食乜時，就會去食魚蛋河，今晚要吃個快飯然後工作，打算來毒自蛋河。肚餓到不得了，坐下就想落單叫蛋河，但發現這間香港魚蛋皇幾多野食，除了粉麵，還有飯，最特別的是有魚麵！餓底無食過魚麵，改變主意叫了個魚蛋魚麵加紫菜，好多魚既組合，哈！魚蛋咬落幾彈牙，真材實料，亦唔覺有味精，最怕食到打得太拋&味精感重的魚蛋，這間魚蛋皇完全沒有這個問題，yeah！再試試魚麵，味道同魚蛋感覺幾似，口感比魚蛋稍為實淨，平時魚蛋河內的魚蛋得兩三粒，食完就無，今次的魚蛋食完，還有一整個魚麵底！使餓底這個魚蛋怪得到了巨大的滿足！另外，個魚麵底原來仲有兩大條菜，估你唔到喎！

銅鑼灣與灣仔交界有不少本地麵檔🇭🇰🍜，賣的是傳統香港麵食，例如魚蛋麵、牛腩麵、四寶河等等。不能期望老店裝修堂皇，但人情味卻十足🥰。意想不到的是，小店內設有微信支付及網上外賣平台等外賣服務，提供便利的餐飲體驗。淨雲吞（$36）雲吞的餡料只有豬肉和少許蔬菜，味道和口感都比水餃單調一點。紫菜八寶丸河（$36）八寶河粉的配料豐富，有豬肉丸、貢丸、魚蛋、魚腐、魚肉卷、魚皮餃、魚片頭、紫菜，比一般四寶河更為豐富。河粉幼滑，但湯底較淡，湯底味道主要以紫菜為主，湯底不怎麼特別。淨鳳城水餃（$36）水餃比雲吞好吃，餡料非常豐富，包了鮮蝦、豬肉、木耳，每粒都大大隻十分飽滿💕，味道亦不錯。檸檬利賓納（$12）利賓納味道正常，不過欠缺檸檬味。熱柚子梨茶（$10）柚子梨茶沖得濃郁，熱飲十分暖胃。

不太好飯的我就喜愛食麵啦！ 今日在灣仔工作完後便到軒尼斯道附近找到《香港魚蛋皇》便進入去了。 環境乾淨企理而且這麼熱天氣仍感到很涼快！ 職員不多卻很快手內裡原來有提供精美午餐，價錢都是一律 HKD 50 而已！ 在港島區，這個價很大幫助特別是月光族😂 嗜麵的點了一碗柱候牛筋 HKD 36 牛筋富有大量骨膠原，是女士必品。牛筋處理得宜亦很棯身，黏黏的。 菜心翠綠蔬菜，莖葉平均、沒渣！ 熱檸茶 HKD 17 飲品沒有跟餐，如有就更好啦 ！

我落堂收工走得，另一位導師就食埋晏去準備開工！我收工未食晏，而佢又準備食晏去開工，咁就一齊去祭一祭我地五臟廟先啦xpp佢同左我黎公司附近既潮式粉麵店，佢話佢已經幫襯過好幾次，因為呢度有佢中意既魚麵食woooo~~店內唔係好大，但感覺都乾淨企理既！除左有潮州粉面之外，呢度都有飯餐同小食多士供應，不過呢日我好快經已鎖定目標，揀好食乜~~~第一次黎食，當然要try下佢地啲招牌野啦xppp我就要左個“招牌牛三寶米線”HKd$60，我仲加左6蚊將牛腩轉成牛坑腩，而同事就要左碗“鮮蝦雲吞魚麵”HKd$53~~我碗牛三寶好足料，啲餸料仲多過d粉咁濟！！！當中既牛肚入味，牛筋充滿膠質不膩口！個牛坑腩食落比普通牛腩多一層爽滑而香既表層，加多六蚊食到，真心推薦要加錢試試！！！！！米線唔會煮到淋之之成pat野咁，口感好爽彈！而同事當然好滿意佢一向食開既魚麵啦=]]]下次除左要encre個牛坑腩之外，都想試下佢地既另一招牌：手打魚蛋，唔知會唔會係另一驚喜呢xppp

在銅鑼灣放工後決定吃完晚飯才回家🌃，隨便走進一間麵店吃個簡單晚飯。.原本想點西多士及公司三文治一試😌，但原來只有午餐供應，今次無緣吃到了👉🏻👈🏻。.🍴柱候牛筋（$36+$12另加牛腩）牛筋面加$12可轉雙拼，一次過試勻牛筋牛腩🐂。牛筋入味，部份彈牙有咬口，部份入口融化，這方面做得很不錯👍🏻。牛腩非常多，同樣醃得入味，但未夠嫰滑。幼麵爽口🍜，很好吃😋。.🍴鮮炸魚皮（$19）炸魚皮水準平庸，雖然十分脆身，不過味道平淡單調，不推薦。.餐牌如下

剛剛上完堂經過門口想食碗麵看起來同一般傳統粉麵店沒大分別這些香港特色傳統已經買小見小了價錢都是傳統般的便宜價錢好有香港風味炸魚皮一大碟份量正常每一塊都是薄薄的脆脆的放落湯底度浸一浸塊魚皮就唔怕熱氣一碟魚皮兩個食法都係$19抵食到爆炸魚腐勁大舊食落去軟綿綿口感好正炸魚片我最喜歡的除咗魚蛋之外魚片係三角形外邊包圍晒炸到金黃色嘅魚三角好有滿足感麵質好彈牙唔會太過鹼水味剛剛好分量同餸嘅比例都合配一般都會用隻匙羹不一羹蔥蒜方便有啲人唔食蔥蒜既容易不起叫左碟芥蘭非常嫩綠爽脆清新另外朋友叫咗手唧魚蛋粉雖然得兩粒但係完全保留到香港地道粉麵嘅風味咁先至係神韻之食食麵必叫可口可樂正如食拉麵必飲波子汽水一樣之道理如果有遊客朋友必定要推薦這間絕對是香港本土文化的象徵之食店一定能夠食出香港風味感受一下香港得粉麵店

Ball ball@香港魚蛋皇 地址： 灣仔軒尼斯道309號地下 港式粉麵由細食到大，不但止是回憶中的味道，方便飽肚是日常生活都經常食的$19 一碟油菜，我要了芥蘭， 喜歡有點味就落蠔油啦 simple is the best $19 炸魚皮 ，如果食粉麵個炸魚皮做得好，一定有弟加，唔要有莆年油陣油益味，夠脆身。good $19 紫菜湯， 有點貴不過想補充一下碘質，鹹鹹香香幾好飲原本想要淨餸唔要麵，same price 雲吞（有淨牛但我唔食牛嘛）

這幾年在香港想吃湯麵，第一時間總是想到的連鎖米線店，以前還會去魚蛋粉麵店，但眼見越來越少，也越來越少去了。本來也是打算找間連鎖米線店的，不過附近找不到，見到魚蛋粉麵店，選擇蠻多的，有湯麵、泡飯、碟頭飯，還有供應茶餐廳菜式、三文治，挺不錯呢。牛三寶魚麵：未嚐牛三寶之前，先嚐一嚐湯頭。湯底充滿濃郁的牛肉味，湯頭清甜而不會太油，再配上蔥花點綴。牛三寶入味每款都各有特色：牛筋爽口彈牙膠質重；牛肚腍滑易嘴嚼；牛腩肉質鮮甜美味且不太韌。魚麵比普通麵條粗條有口感，而且魚肉打製而成的更加健康、飽肚。香腸煎雙蛋：很想吃茶記煎蛋，來個加料的。大熱天，吃完碗熱熱的湯麵，真的要呷一口冰涼的檸檬茶，酸酸的，很解渴。

讀書嘅時候超鐘意食魚麵，不過價錢比較貴我記得幾個月先可以食一次，出咗嚟做嘢雖然食得起，不過好似已經唔係好多地方有得食，今日經過灣仔開會，竟然見到呢間粉麵店有得食，真係好開心。我叫咗紫菜墨魚丸魚麵，碗麵分量十足，好大碗，魚麵冇骨但係食到淡淡嘅魚味，而且好彈牙好好咬口，墨魚丸有六粒，有墨魚嘅鮮味，最精彩莫過於超多份量嘅紫菜，加呢$7真係好優惠。食粉麵我最鍾意加炸魚皮，炸魚皮一定要香脆先好味，叫一份細魚皮都係$10 ，價錢相當大眾化。見佢咁好食叫多碗魚皮餃外賣孝敬阿媽，魚皮餃鮮甜彈牙，湯底清甜唔會好肥膩。最後原本一杯凍檸茶都冇需要特別介紹，但係大大杯凍檸茶竟然有好多塊檸檬，而家可能物價上漲出邊好多茶餐廳得兩三塊檸檬，呢度有成五六片，檸檬茶即刻變得特別好飲。

今日同同事食lunch，其中一個同事提議附近嘅魚蛋王，lunch time真係好多人幫親，不過好快都有位，好彩！第一次黎，見到有魚麵選擇，想試下「招牌牛三寶魚麵」另加左魚蛋牛三寶有牛腩、牛筋、牛肚，牛筋炆得幾腍，入口溶化，牛腩幾嫩口，牛味濃，呢到嘅牛整體都唔錯，魚蛋爽口彈牙，但魚麵就有點失望！好鞋口，而且好似有味，我食到一半都怕怕唔敢再食落去，始終一陣仲要番公司做野不過最開心叫左炸魚皮大家一齊share，$10加左，就有一大碟！香脆可口