香港郵意 (已結業)

原本見食評咁多哈哈笑同地方大，所以同朋友去試，點知⋯叫了all day breakfast, Pasta, 茶，叫 latte 時，侍應話未有（因為沖咖啡師未返，心諗咁都得）我要水，話冇（餐廳冇？）算⋯之後咖啡師返到，我叫latte返埋位，我見latte好濃，叫朋友幫我拎奶，朋友回來話侍應答冇，我之後出去再問（她又話冇，冇奶？？他又問要來做乜，我話總之要，我覺得問得好白痴，同埋他的答案令我不滿意，之前好pro的coffee shop的答案會令我不拎奶，一係冲過杯，好有誠意！）但這間餐廳的侍應好似遊雲，態度差，價錢又不平，又要自己拎，我已講明不會再去😡😡😡

今晚happy Friday, 🎉💃🏻相約好閏蜜出嚟談天說地一番，👭👭找一個中間點會合，尖沙咀這個地方最好不過，但係每逢星期五，整個尖沙咀所有餐廳基本上都有限時段，喺Openrice search 咗好耐，終於比我搵到呢間，香港郵意！一於試一下！☺️☺️我晚六點半就到，呢間餐廳位置喺尖沙咀漆咸道南首都廣場2樓，其實呢個地方好容易搵到，一上到2樓，就見到餐廳好大，好多位，驟眼睇大約有100個座位，地方闊落，仲要全部座位都好舒適咁，🤩🤩又有日式卡卡咪，又有卡位，又有僻靜位，搞到我行左兩個想坐邊...踏入七點，開始已經坐滿八成了。最後我地兩個揀咗個僻靜位傾密計💃🏻💃🏻我地叫咗:帶子蘆筍海膽汁意粉 $128🌱🍝👍估唔到呢個價錢都可以有三粒大帶子，帶子爽口，海膽汁濃厚，不錯。黑松露汁雜菌意粉$68🍄🍄🍝🍝每一啖都充滿黑松露嘅味道 ，意粉軟硬度適中。牛油果香草包配乳酪沙律🥑🥐🥛🥗 $68呢個本人覺得超級抵食，香草包外脆內軟，上枱時仲熱辣辣，乳酪沙律都幾特別，啱晒我哋呢啲口口聲聲話成日要食得健康嘅人，哈哈！飲品名好特別，🍹🍸我哋叫咗「小確幸」同「你啊⋯⋯你啊⋯⋯」，飲品非常好飲，如果要傾計嘅時候可以點多

想食all day breakfast, 向openrice見到呢間似乎唔錯就打去叫外賣, 本身打去叫外賣果陣已經發覺對應既水準有的問題, 我問佢bailey chocolate可唔可以係凍既, 佢話唔知要等咖啡師覆, 但問題係我叫外賣唔係堂食, 點等佢覆呢? 佢只能一係話轉頭覆我, 一係叫我比多一個選擇做後備, 但結果佢兩樣都無做, 係我調轉頭提供後備選擇同問佢要幾耐有得攞, 佢話半個鐘內我等到過左半個鐘先去攞, 去到同佢講話攞外賣, 佢就指住櫃面一盒同一杯飲品, 我話外賣係可以比個袋黎裝住, 佢就掛住搞緊一個甜品然後就好大聲話"等陣", 我當刻即時嬲左話"其實你呢個外賣已經係超過半個鐘時間", 當時有4,5個職員(明顯全部係樓面兼任食物製作), 下午三點半得兩枱客同一份外賣, 我唔明白點解預鬆40分鐘都未足夠佢將外賣準備同裝好袋先做其他野?? 要等個客到埋都仲要"等陣"? 仲要連一句"唔好意思, 要你等咁耐"都無??? 然後其中一個男仔想平息件事就即刻將的野入袋, 但係係無裝埋飲管連餐具, 又算係咩服務? 百幾蚊消費我只要求預鬆左時間就去到已經可以即時攞走同外賣齊外賣既配套,

We have four girls and just want to catch up after work, so picked this place. I booked via Openrice, but you can only redeem free chocolate lava cake with Movenpick if you spent over HKD 350. We paid our food separately when we ordered, so can't redeem that . The food is alright, but drinks are a lot better! Good thing is the area is big, and no need to return table. So this is the place for you to chit chat all night!

朋友介紹這間特別嘅主題餐廳原來坐落係尖沙咀二樓的格仔鋪大概20間格仔舖打通變成一間大餐廳真係意想不到！🤣🤣🤣每間格仔舖有一張枱，有埋插蘇電制好似劃分左私人地方真係好啱朋友一齊傾吓計Hea下好有特色👍🏻👍🏻👍🏻餐廳主打飲品同輕食價錢都大眾化不設時間限制我覺得舒服過一些連鎖咖啡店！👍🏻✨餐廳設有Postcard corner 和精品corner 可以買下野，寫下postcard都算係香港一個比較有特色嘅餐廳柚子酱煎帶子沙律賣相真係好一流👍🏻✨同埋食材優質係原條蕃茄😍😍😍大大粒帶子😍😍😍加埋柚子醬，極fresh ! 值得推介！黑松露蘑菇意粉份量足夠二人食意粉軟硬度適中如果再多啲黑松露醬就好😉檸檬威士忌蛋糕蛋糕非常鬆軟，應該係自家製👍🏻有少少酒味，最緊要係唔甜！容易食！茉莉玫瑰花茶好大盆，足夠二至四人飲用可以添加熱水，正！

餐廳位置就腳，座位多之外，仲有日式座位，長枱可供聚會用，吹水之選。自助形式，先點餐/揀位，等部"咇咇機"響，就自己出去拎野食。等左10-15mins左右，就有野食。網上見話d服務差，食物等好耐，當日未有遇到咁既情況，負責收銀既侍應仲好有心問，甜品駛唔駛後上，亦提醒餐後要自己清理。叫左黑松露汁雜菌意粉($68)，煙三文魚香草包配乳酪沙律($68)，藍莓水果茶($58)，朱古力心太軟配雲尼拿雪糕，提拉米蘇。意粉用紙盤盛載，望落細份，但用料非常足，勁多扁幼意粉，而且d雜菌味重，啖啖都食到菇味。不過可以落少d油，就更加好。雖然餐廳俾我既feel係賣輕食食物，但食完好有飽肚感。煙三文魚香草包既賣相唔錯，香草包容易切開，夾住大大塊煙三文魚，芝士，蕃茄，菜，香草包唔會太乾，有個袋入住，唔會食到天一半地一半。而乳酪酸酸地開胃，有幾片粟米片。食物賣相吸睛之外，質素亦有保證。果茶帶微酸，落左好多乾莓沖泡，唔甜，所以好健康，養生一流。一壼2個人分，都有排飲。Tiramisu超級好食，濃濃既咖啡味，d cream入口即溶，仲有一層係脆脆地既，價錢係甜品中最便宜但水準高。心太軟即整，所以仲係熱，朱古力醬慢慢流出

是日同朋友們黎到呢度gathering，2樓全層面積好大，可能時間尚早關係唔算太多人，可以好容易搵到位置。坐低閒聊一陣朋友們陸續出去落order。食物價錢唔貴，但飲品唔可以跟餐需要按照正價就都頗貴。第一個朋友落單之後大概半個鐘先有得食，令我地不禁懷疑如果平日lunch時間到底夠唔夠時間食到。自己同朋友夾份叫左個水牛芝士巴拿馬火腿番茄醬披薩，148蚊，好大份，足夠兩個人食，另外叫左杯鮮奶抹茶（走冰）個pizza番茄醬十分多，所以如果唔愛酸的朋友建議就唔好點。味道同價錢成正比。至於杯鮮奶抹茶，抹茶味夠，雖然有d抹茶粉沖唔開，但攞到埋檯先發現自己同另一個朋友叫的鮮奶抹茶有別，在於朋友的有cream而我沒有。原以為自己無講所以無加關係就行過去問係咪可以加cream，點不知得到回覆係有冰先會有cream，而呢個規矩係我落單時候係無人提醒我，甚至不禁令我懷疑係咪自己出黎食野次數太少而唔知道cream要跟冰先會有，最後另一個店員黑起塊面攞走杯野加工，攞返出黎時候抹茶係瀉曬出黎，令我十分無言。整間餐廳其實真係適合放空同傾計，因為唔會有人打擾，亦定時會舉辦不同活動，不過店員的態度就真係令人卻步。此外，如

早在聽聞尖沙咀有一間以明信卡為主題嘅咖啡店就覺得一定要去試試, 今日就同朋友黎到食個Lunch 一入去就覺得好大驚喜O_O個場超級大, 大家可以放心舒展咁坐. 仲有一片地方係可以除鞋上去坐係地下,充滿日本Feel. 牆上貼滿世界各地嘅Postcard, 影文青相一流呀!事不宜遲, 即刻試下野食先. 我叫左龍蝦肉蕃茄醬意粉同埋一杯”曖昧”, 先講下意粉如何~蕃茄醬落得絕對唔手軟, 包保條條意粉都沾到. 酸酸甜甜但唔會太heavy (thumb up呢個時候不得不提個龍蝦肉. 肉質鮮甜, 爽口彈牙, 重點係舊舊都超大件, 抵讚~而杯”曖昧”其實就係草莓藍莓乳酪冰, 甜度唔高, 冇溝太多水而keep住smoothie軟軟綿綿嘅質感, 係一杯真材實料的Smoothie (nice之後梗係叫個心太軟好濃嘅朱古力味啊 流心真係爽到爆！士多啤梨雪糕都好食，唔會太甜太流

曾經那些年，寫明信片寄給筆友，那明信片是昔日淺水灣黃昏美景，時光荏苒，那些年的筆友已沒聯絡。友人最愛緬懷從前，帶我來到郵意明信片餐廳，餐廳推廣郵寄明信片的文化，也有代客人郵寄明信片服務，明信片主打不同的插畫，有著濃烈香港特色，來到明信片的一角，看見英式的郵筒，你會很有衝動買張明信片，寫下字字心意，寄給您想念的人。很有意思的主題餐廳。我們找了蹋蹋米式的座位，很有家的感覺，又點了卡邦尼意粉，龍蝦肉蕃茄醬意粉，還有蘋果芒果乳酩沙冰和鮮奶抹茶，卡邦尼意粉的蛋白醬混了巴馬臣芝士，混著煮得恰好的意粉，很飽肚又creamy , 那茄醬配鮮甜的龍煆蝦肉很開胃，茄醬吊出龍蝦的鮮味，汁醬夠多，吃意粉最正。蘋果芒果乳酩沙冰最好配卡邦尼意粉，沙冰酸酸地，好開胃。我也試了友人的鮮奶抹茶，茶清香，那綿綿忌廉超正。

同朋友想響尖沙咀搵個坐得耐嘅地方，見啲食評話依度好free同可以任坐，就決定訂枱黎食晚餐喇！訂座可以免費獲贈一份心太軟呀！朋友首先去到，等咗一段時間先有人安排座位，而且朋友話個侍應呆呆滯滯，好似唔知自己做緊乜咁😥安排好座位我地就叫野食先～揀咗vegetarian all day breakfast, 黑松露汁野菌意粉，卡邦尼意粉，煙三文魚火箭菜薄餅～🍴卡邦尼意粉～依個價錢響尖沙咀食到個意粉其實算平嘅，但味道就偏咸！🍴黑松露汁野菌意粉～個樣係咪同上一兜意粉差唔多呢？無錯，連個味都係差唔多架😰😰🍴煙三文魚火箭菜薄餅～幾好食呀，個底加上厚厚嘅蕃茄醬，上面嘅配料都幾新鮮，同個蕃茄醬好夾，係我最滿意嘅一道菜！🍴素全日早餐～整體唔錯，賣相都好好，但美中不足嘅係，兩舊茄子都好生，中間好硬落單時已經落埋甜品，因為訂座後消費滿$350先有心太軟送，所以我就一次過落哂單先！同咗佢講後上甜品！食到咁上下個收銀行咗過黎，問我地係咪上得甜品，我地話係。點知，等咗超耐佢都冇拎黎，我就親自出去催，個收銀先慢慢夾一舊切好哂嘅檸檬威士忌糖漬凍餅比我，唔講以為佢係即整，如果唔係都唔知點解要搞咁耐🍴檸檬威士忌糖漬凍餅～幾有

今晚約左朋友做gym，做gym之前想輕食沙律當晚餐，又想間餐廳適合傾計，最後決定去香港郵意，因為佢哋都有幾多沙律嘅選擇同埋任坐唔嬲 一入去空間感十足，右邊係收銀處，可以落order同揀cake，左邊啲手推車係比客人食完自己回收返個托盤。嗌完嘢食之後佢地會比個響鬧裝置你拎埋位，響嘅時候就可以出去攞嘢食喇 蜜桃巴拿馬煙肉水牛芝士沙律：超正！賣相超級吸引 完全冇諗過沙律嘅份量都可以咁多 蜜桃多到數唔到，巴拿馬煙肉至少有4塊！佢個沙律汁甜甜地，好好味 龍蝦肉蕃茄醬意粉：呢個意粉亦都超好味！朋友超級鍾意 裏面好多龍蝦肉，配埋番茄醬係絕配 意粉亦都煮得啱啱好 小確幸：係士多啤梨加香蕉嘅smoothie，用新鮮生果渣，香蕉味重，唔錯！附上其他環境相 呢個area唔錯，幾chill，不過要除鞋 呢個位都幾有特色 好多明信片！總括嚟講，香港郵意環境寬敞、食物又好味、係一個適合同朋友嚟吹水食嘢既好地方！

假日行尖沙咀行下疲倦想搵間cafe坐下食野發現這間休閒日系田園風格cafe傢俬以水松木為主同時配有日式tatami牆上貼滿特色明信片天花頂掛上美麗文青的乾花環境非常寫意！推介給喜歡休閒文青的你！All Day Breakfast $88全日早餐配有德國香腸、沙律、滑蛋、蕃茄、煙肉、牛角包及磨菇 配料多營養豐富 味道亦不錯是假期的Comfort Food黑松露汁雜菌意粉 $68黑松露味香濃汁較稀建議拌勻食否則意粉會好乾面頭舖滿碎芝士配以野菌及洋蔥十分惹味汁不會太creamy抵食推介！拿鐵咖啡 $38淡淡既鮮奶配以香滑濃郁既咖啡香每一啖飲完都有濃厚咖啡味殘留係口入面而且落左比較少既糖漿有小驚喜喜歡咖啡的朋友可以一試小確幸 $48夏日炎炎飲一杯沙冰果然消暑飲得出新鮮水果製成的草莓香蕉冰沙沒有添加任何糖漿調味清新鮮味！朱古力心太軟配雪糕 $68反而甜品有少少失望雲尼拿雪糕不太特別味道比較一般剛焗好的心太軟外皮雖然脆但頗硬身切開心太軟內裡朱古力漿比較少蛋糕不太鬆軟令身為心太軟怪既我感到失望

星期一的晚上，太約6點半黎到呢度，都唔算太多人係度，一入黎就播放住前度主題曲，覺得都幾岩mood。眼見都有空位就同朋友一齊睇餐牌叫嘢食，點知叫咩冇咩，想食pizza話全部賣哂。結果兩個人一人叫咗杯嘢飲，然後叫咗一個粉算😂😂😂😂嘢飲係唔錯，但食物就份量少一般。不過同朋友主要想搵個地方傾計，呢度唔太嘈好合適，嘢食再好啲就更完美。呢個係藍莓，味道都好新鮮。香蕉的口感飲落似好滑，最重要是不太甜，好讚。而呢個鮮茄意粉係幾好食，但意粉量唔太多，結果同友人都冇打算想再去叫多一個，轉場再食。

10年都唔會經呢個商場一次 今日見到好似上面有「隱世」cafe 就去坐坐🤗午市時間去比想像中清靜！反而有 終於可以靜下啦！既感覺😝😌.食物方面都ok! 🍴All Day Breakfast🍴$88 +$10餐飲咖啡好豐富呀 份量完全係一個女仔唔會食得哂🤩有蕃茄仔、沙律菜（勁量）、洋腸、炒蛋（無咩調味）、炒雜菇、煙肉🥓、牛角包洋腸🤬 法蘭克福腸超大條好抵讚😂重有牛角包！ 勁酥軟鬆化 外皮脆脆的😝牛油味好重🤤差點想問佢有冇得單獨買🤓🙈.地址：香港郵意 (尖沙咀)尖沙咀漆咸道南61-65號首都廣場2樓80-82號舖幸福指數：8/10（環境清幽！）人均消費：$60-100（午市）

今日去左首都廣場閒逛，發現左一間環境好寫意悠閒的Cafe ~一走入去，滿眼都是很多不同國家的名信片 琳瑯滿目，好不吸引~😊因為我係一個喜歡收集名信片的人呢度仲可以寄埋名信片俾至親好友🤪 真係好方便~欣賞完好靚的名信片，就望下食咩好呢😋我們叫左個龍蝦肉醬意粉，牛油果香草包加乳酪沙律啖啖龍蝦肉再配上蒜香的番茄肉醬😋 簡值係絕配，好好吃啊，值得再試~牛油果包 加上芝士番茄爽口生菜，配上乳酪醬~好fresh 好健康😊 最後我們還叫左兩個甜品，草莓之戀同楓糖果實蛋糕草莓之戀甜度適中，酸酸甜甜😁 不會太甜，很合我口味😋喜歡楓糖的fans 當然要叫楓糖蛋糕，又脆又鬆軟的蛋糕加上核桃同楓糖漿的香，😋唔錯唔錯~ 可以一邊食甜品 一邊靜靜的欣賞不同的名信片 好開心😃呢度好適合同朋友相聚傾談😊