香港郵意 (已結業)

聽朋友介紹尖咀咀有個唔算太多人既商場有間特式餐廳可以好自由咁走來走去傾計食野飲野吹水，岩晒我！第一次黎呢個商場，間餐廳算係open area 成個地方都係好free 咁，地方好大，一黎到就俾牆上面既圖片同文字吸引，好正喎，好本土，又好文青！仲有local artist畫既明信片 $5 張，去旅行個陣送俾外國朋友岩晒！我地2 個人食得唔多淨係叫左egg benedit & garlic spaghetti share 食，2 樣都好正，好有心思，傾左好耐好耐計，之後再叫埋甜品，最後一件豆腐蜂蜜芝士蛋糕，好彩... 下次黎都落左甜品order留起佢因為真係好好味！ 估佢唔到！呢度真係傾到幾夜都得，香港已經無咩餐廳唔趕人了。。

朋友介紹尖沙咀有間cafe環境好大，幾舒服，放假又走上去睇睇喺尖沙咀黎講真係好大好大喎~環境好闊落，啲座位都好舒服，最鐘意佢啲日式座位。有幾幅牆貼滿postcard，幾有特色。因為環境好大，有好多位，所以就算食完都可以慢慢坐，完全無壓力驚有人等位，要讓位比其他人兩個人叫左一杯flat white，一杯凍latte，咖啡味好夠，同奶都幾夾另外叫左一份卡邦尼意粉，一份黑松露汁雜菌意粉。特別鐘意後者，好多雜菌，黑松露都好多，配扁意粉食，味道口感都一流。最後，叫多一件紅桑子檸檬芝士感覺, 味道都唔錯。

朋友帶左我黎哩間充滿特色既CAFE❤.. 哩到真係有別於出面一般既CAFE/餐廳, 因為哩到係可以寄POST CARD咖📮.. 而且仲係一啲充滿香港特色既POST CARD, 如果寄俾外國既朋友真係一流呀👍🏻👍🏻 哩到都係以1個自助既形式去點餐既, 叫完野食再坐底等... 食完野之後既垃圾都係要自己清理, 雖然係咁 但係環境都真係好乾淨~~講番野食先, 主要都係1D意粉, PIZZA之類既野, 另外仲有ALL DAY BREAKFAST👅...今次我地都叫左意粉.. 真係好足料.. 而且價錢都唔貴 好抵食👍🏻👍🏻野飲方面都唔錯...

事緣上週六與朋友在尖咀想找地方閒聊，於是上網找到此間全自助式（去前不知）訂了座。到了,算滿座，大部份是年青人，想着都好試試新式經營的餐館。好不容易找了張小枱，還幫前人清走枱上食物及垃圾。跟住到收銀處點食物，點前show了網上九折訂座，並問她網頁上有幾款五折的食物有否，但她全不知情，叫了另一女同事過來，原來這位小姐叫我再打開網頁，看後都是不知情，於是乎又叫第三位膚色黝黑的男同事來，我都是問同一問題，只想問過明白。這人態度奇差，很快答"冇"，又問我係那兒睇到，我咪話是你公司放在食物網嗎？他沒有正面回答，又叫了另一高瘦男同事（似是店長卦）過來，他亦是重覆之前三位叫我打開網頁給他睇，我都開始有些少不耐煩，而我身邊的朋友都忍不住出聲叫他們解釋清楚就可以order了。怎知他不是解釋，只用一個朝不起人眼超超像不涉與你對話的態度說"現在可以話比你知-冇"，兩個儍人本想繼續order,我對他們說:"你們做服務行業怎能用這種態度對人客㗎？"誰知剛才黝黑的男子在後方以為理直氣壯大聲說:"我們是冇服務㗎"，我連隨對住朋友說"咁都得，乜態度呀！想問清楚啫"那人跟著還裝胸作勢撩打架的樣子衝上來，我問他:"想打人呀

今日中午去尖沙咀浸信會觀禮，好朋友聚首一堂，意猶未盡，好想搵個地方傾下計，就係咁我才知道有香港郵意這個地方。呢度原來就係一個大商場，部份劃成開放式的廚房，咖啡counter，其餘嘅地方就set 左係sitting area , 當中有榻榻米的座位區、有廂房般的咖啡枱，大party 的長餐枱，全部可以自由拼合，總有一款啱你們。成個場佈局好清新，食品係輕怡嘅西餐為主，沙律、甜品、飲品選擇亦多，餐廳特色是冇服務，購票取餐全部由顧客自理，用餐後嘅食具亦鼓勵食客自行收拾，分門別類的放進待處理的餐車。 餐廳另一主題是你可以一邊用餐，一邊選購埸內的創意明信片，此刻你想着誰，你還可以寫上你的心意經餐廳代寄，真係好正。在休閒的環境下，食下餐，嘆吓茶，閱讀，閑聊非常寫意，何況食物也很出眾。牛角麵包非常非常鬆脆，牛油味香濃，煙肉咸香、配沙律菜滑蛋、解膩又飽肚、還有德國肉腸，脆皮肥美，整體味道不錯呢👍👍👍白汁忌廉不算太重手，整體感覺比較輕怡，成牒意粉沒有太多材料，大量洋蔥碎帶出天然甜味，配合切片的蘑菇及香腸，簡簡單單已經很好味。曖昧係藝名同飲品內容完全無關，事實佢係一杯士多啤梨、藍莓的乳酪沙冰，鮮果入口，冰涼

見到間餐廳好多木傢俬，特別簡約，都會比較吸引眼球。 偽文青一定會去試下。今次見到香港郵意個都感覺好舒適，於是去食個lunch！食物同飲品都係cafe style有意粉、pizza、smoothies或者果茶類別。 好有當年讀大學時候嘅感覺，因為他們有一個很大嘅notice寫住不會招待，請大家自行執拾枱面，並將吃完的東西分類 ，放好！有呢個idea我都幾贊成，因為自己收拾自己檯面都唔係一件難事，而你需要執拾的話，你就唔會刻意去令到地方好污糟。食物方面叫了一個辣嘅蜆意粉 ，當真如其名，好辣！！！辣嘅部分其實可以略為減少，會再好一啲，蜆肉多，新鮮，意粉裏面有大量嘅蒜頭，食起嚟個蒜味好足夠。最鍾意嘅應該係個海膽意粉，雖然佢價錢係128蚊，但係絕對物有所值。帶子大粒，有三個，而且煮嘅方法，入面不是全乾身。海膽汁唔會好"立口"，夠creamy。每一條意粉都能夠沾得上海膽味道。一個128蚊嘅質素嚟講我會說值得推薦畀大家。相片看見海膽嗎? 果茶又係好喜歡，因為佢份量足，大大壼，如果想一班朋友，搵個位置，大家自己傾四五個鐘頭絕對冇問題。 茶方面可以考慮將茶葉嘅份量加多少少，味道會濃D。

黎到呢個年頭，仲會同你慶祝生日的中同真係好難得！專登揀左間可以放空、環境舒服的cafe傾下計，update下近況！地點位於尖沙咀的中心點，都算叫易搵。記得之前呢度係賣潮流野，或者有d手作仔。依家呢度除左個cafe，都無乜鋪租出，不過變相呢度更清靜，更岩後生仔傾下計！不過因為人手少，出菜會比較慢，我地等左半個鐘先有野食。食物的款式唔多，價錢都合理ge龍蝦仔意粉，味道係唔錯，但略嫌份量少左dd素食全日早餐呢個賣相同份量都相當唔錯！炒蛋嫰滑！而茄子大大塊，仲煎得好好味！另外薯蓉值得一讚！唔會太滯，都唔會係水沖咁的感覺！飲品咖啡一般般，沒有驚喜，面green tea latte就比較甜Cafe係自助服務形式，自己出去點餐，自己領餐，同埋食完野都要自己執返！

在open rice 上找到這間店，照片上食物看起來不錯，現場環境比想像中寬敞，採自助式，找到位置後再去櫃檯點餐，餐點好了再通知客人取餐。環境寬敞蠻舒服的，可惜也因為是開放空間，如遇到說話大聲或自行播放吵鬧音樂的客人就容易受干擾。我點了黑松露汁雜菌意粉，口味不算出色，不過也不算太貴，另外那杯波希米亞蘇打，也是還好，整體來說食物大概只能給3星了。店員態度是不錯，可以給4星，環境若除卻遇到吵鬧的客人，也可以給4星。

原本已經喺openrice app book左檯, 上到去發現原來都係要自己搵位, 即時覺得點解要book... 不是book左就代表會留檯的嗎? 咁我索性就咁walk in 霸位算啦! 店員感覺也不太helpful, 態度不太好.... 其實呢度嘅自助服務, 自己嗌餐&拎餐&執檯呢一樣嘢, 我係完全ok的, 反正習慣左快餐店都係咁模式。 就算5個人嗌5樣嘢要分5次出去拎都ok嘅。 但點解素的all day breakfast 等左一個幾鐘都仲未整好? 其他4個朋友, 嗌普通all day breakfast 同埋意粉 只需20分鐘左右? 素嘅有咩咁難整呢? 朋友們食完, 素嘅都仲未黎? 其實好想知廚房點處理order囉... 最後因為已經夠鐘要走, 想取消order, 但店員表示廚房已經整好 (時間好巧合喔!) 所以只好請廚房幫忙放入外賣盒。可惜, 拎上手時, 外賣盒是紙造那些, 所以可以充份感受到盒嘢係唔熱的.... btw, 因為廚房煮食的油煙會飄出黎, 所以坐左2個鐘左右, 衣服上的油煙味很強勁....

朋友聚會最好就係去D無限時既餐廳，傾計中意傾幾耐都得，吾洗轉場。今次朋友簡左香港郵意，就係貪佢由朝坐到晚，地方乾淨又吾嘈。叫左Carbonara，佢吾係好CREAMY，但好香口同好多芝士，粉既煙韌度適中。仲有ORDER左牛油果香草包配沙律，好有驚喜，個包係又脆又香口，出黎係暖暖地，個SAUCE夾埋牛油果好好食，沙律菜係新鮮既。我地仲好點左All Day Breakfast，有香草暘，牛角飽，蕃茄仔，煙肉、炒蛋，仲有 沙律菜，大大碟，牛角飽好香好脆值得一試。Egg Benedict 都吾錯，大大份，次次見到流心雞蛋都漏哂口水.你個值90分！

今日約了友人在尖沙咀行街，行到攰攰地，友人提議去香港郵意dinner, 佢話呢度可以慢慢坐，無限時和好free, 我即時say yes呢度地方好大，坐位好多，入到黎可以自行揾位，隨便揾自己的comfort zone仲有一個corner發售香港製的名信片，仲可以即時買，即時寫，仲可以幫你寄埋，好方便！food menu在牆上一目了然，食物選擇頗多，揀完就可在收銀處order食物，然後會俾個傳呼器你，傳呼器響就代表食物已整好，客人自行到櫃台拿食物，這種方式在韓國和台灣的食店都好普遍，頗配合這裏的style蜜桃巴拿馬煙肉水牛芝士沙律$98~沙律菜好新鮮，好爽甜，車厘茄係成串的，好freshparma ham大大片，夾埋蜜桃一齊食，正龍蝦肉蕃茄醬意粉$98~食到啖啖龍蝦肉，意粉韌度亦剛剛好，每條意粉都掛着醬汁，除了蕃茄蓉外，亦夾雜住大量蒜粒，朋友好喜愛，真是不錯茉莉玫瑰茶$58~和朋友share一起飲，好清的玫瑰茉莉花香味，完全做到解膩的功效，尤其食完意粉後飲這個花茶，真的好舒服心太軟配雪糕$58~食埋甜品真係啱啱好環顧四週，差不多每枱都是年青人，每人都悠然自得，各自各享受着輕鬆自在的氣氛

周末在尖東隨便逛逛，同bff想找一間cafe静静地坐一下，在首都廣場下看到2樓有一間香港郵意的cafe便上來看看郵意係全自助自己先搵位，自己行去點餐，自己拎餐，食完自己執，總之就靠『自律』坐位都好多，仲可以好free咁抱著cushion坐地下但又係要『自律』先除鞋再上去坐每位只要買一杯飲品，就可以不限時坐伊甸園（蘋果芒果乳酪冰）$58無外加糖，好天然既口感還吃到很多纖維好健康的感覺卡邦尼意粉$58味道偏濃，放了很多芝士在上面煙肉好香班尼迪克蛋Egg Benedict$128來配合這個悠閒假期最好不過，濃濃的蛋汁口感真的很令人着迷！

今日真係無哂Face竟然比個表妹帶我去見識見識呢間非常特別嘅「香港郵意」，真係好失威，不過又真係好特別兼值得試下，繁忙嘅香港人，你又試過未？一間自助形式的餐廳，其實某程度來講唔可以話係餐廳，應該係一個好自由，好舒適，可以比大家食下野，傾吓計，而沒有時間限制嘅聚腳好地方以郵局意念為主題，大大小小的郵筒四處可見，你可以選擇自己喜歡的明信片，即場寄出，很有創意店舖是半自助形式，運作成本可減低許多，客人大多根據指示很自律餐牌設計也別出心裁，可供客人慢慢選擇之後再到收銀處付款，整個過程十分流暢然後店員會給你一個高科技的電子零件當食物準備好之後就會得到通知，又真係幾方便喎輕輕鬆鬆，拎到埋位，感覺特別Free，特別啱晒我呢啲年青人，表妹好似沾沾自喜，知道我好欣賞呢個地方講返食物，都好有水準，呢個菠菜雜菌意粉，芝士味唔會太重，雜菌同菠菜嘅香味，互相配合，加埋香草汁，完全唔覺得油膩，份量剛好適合兩個人有機檸檬薑茶，絕對估唔到係咁好飲，飲落有暖胃嘅感覺，又有檸檬清新怡人嘅香味，大大壼，一路傾計一路飲，又真係幾爽全日早餐嘅供應，就啱晒我呢啲無時無候嘅香港人啦，法包軟熟香甜，配上香草滑蛋，甘香美味的德國腸，份

book左7半去到發現唔少枱都放左留座牌問店員先知 原來book左就可以任坐有留位牌既枱下次黎就唔洗專登去排隊問先知可以甘揾位可能因為得2位店員既關係出餐的確需時叫左個煙3文魚包配乳酪沙律個包味道唔錯烤到脆脆 再加埋有菜同蕃茄幾好!至於個乳酪同沙律 就唔太岩我口味沙律菜配左類似藍莓味既醬甜既沙律就唔太食得慣而乳酪 可能偏向室溫同原味既關係我下次都未必會再叫但不得不提朋友叫既卡邦尼意粉不錯幾香又唔漏

尖沙咀首都廣場水靜河飛完全似一個死場但因為想去黐返個芒貼行咗上去竟然有個意外收穫🧐發現這間＂香港郵意＂這裏面積很大環境清幽舒適，原來在鬧市中都會有一間咁大可以慢慢Hea嘅Cafe🤓真係有得寄明信片㗎All day breakfast $88這個全日早餐幾豐富，有沙律菜炒菇腸仔煙肉雞蛋牛角包🥐，牛角包非常鬆軟牛油味濃香噴噴，腸仔質量高👏🏻卡邦尼意粉 $58卡邦尼意粉個汁比較稀，幸好意粉軟硬適中而且加了很多芝士碎，令賣相提升不少😆豆腐蜂蜜芝士蛋糕＄58口感質地似Tiramisu，食落有濃烈豆腐味很特別，綿密滑溜微微甜濕濕地，值得一試😋曖昧$58用士多啤梨和藍莓揸成的果汁一定無得輸，酸酸甜甜夏天的最佳拍檔👍🏻