香港郵意 (已結業)

在一個看似死寂的商場之中， 原來那個很受歡迎，而且十分之熱鬧的cafe ! 香草蒜油意粉：都係材料看上去好似好簡單：蒜頭、橄欖油、番茜，但係味道一啲都唔單調，首先蒜頭香味係主調，橄欖油嘅味道亦都充滿着整個意粉，又夠晒熱辣辣，我會用幾香口來形容呢個意粉。令人神魂顛倒嘅蘋果蓉烤批！裏面嘅蘋果蓉係我食過嘅最細滑嘅！外面嗰個酥皮當然都係焗得好酥脆好香，旁邊嗰個仲以為係雪糕，原來係乳酪雪糕！味道酸酸的，估唔到同蘋果批的甜味都幾襯。全日早餐：比我想像中嘅份量係大分！牛角包係幾令人驚喜嘅，條腸都幾大條，啲菇菌又炒得好香！炒蛋亦都幾滑幾多！搵位嘅時候先發現，原來呢一個地方係一個佔地好大嘅Cafe，雖然係要自己搵位，而且要自己拎嘢食，但係感覺好自由，啲座位都好舒服。

嚟到尖沙咀實在太多選擇，同朋友想搵間可以無限時坐喺度慢慢吹水嘅cafe!就比我地搵到香港郵意！冇諗過間Cafe可以咁大間仲係開放式嘅添！我哋四個人帶咗卡幫你意粉黑松露雜菌意粉，egg Benedict, all day breakfast, 同埋兩個沙律分別係三文魚沙律包同埋牛油果沙律包！冇諗過佢個麵包可以做得咁出色外脆內軟！至於egg Benedict 真係好有驚喜原來都幾足料個喎！四個人可以坐喺度慢慢吹水又唔使驚俾人趕走！真係鬧市中可以坐低休息嘅地方！

食晒個意粉 個remote都無響過 咪出去睇下個pizza同咖啡得未 點知個女店員話個pizza放左喺到好耐 個男店員接住態度好差咁話 個pizza放左好耐都唔出黎攞！ 我都好晦氣大聲嘈 我喺個位坐等左好耐 你個remote都唔響呀！！！本人唔識規矩 執好枱面 就咁成盤污穢餐具放出去 點知俾個店員手指指 原來要將餐具分返好放唔同位置 其實可以講一句 唔駛手指指咁無禮貌第一次食用茄汁做嘅pizza 仲要勁多茄汁 煙三文魚變左全熟意粉唔夠味價錢就係cafe嘅價錢 但食物/侍應態度/自助式零服務 仲要更大油煙 勸大家去食茶記好過食物無心做 侍應唔係做 不如成間餐廳唔好做！

2點半黎到冇乜人，好多空座，但過咗午餐時間冇優惠(加10蚊配飲品)！ 呢度係自助餐廳，即係先喺counter order食物，拎住個牌等佢響，食完嘢自己拎番個盆出去分類。我哋叫咗一個菠菜意粉58蚊，一個all day breakfast 98蚊, 餐廳環境好大，好適合一大班人聚舊，背景音樂都幾好聽，我哋坐呢張枱仲有啲污穢，應該係有人食完嘢未抹我哋一路由2點35分開始等食物，到55分我嘅意粉先有得食，友人仲慘，3點05分先有all day breakfast!先講個意粉，係用環保長方紙盒裝，一看份量便知男士一定吃不飽，幼身意粉配上很多汁，有磨菇同菠菜，芝士味很好香濃，意粉熟度剛好，整體是合格的，唯份量不足呢.....友人的all day breakfast是用一個大圓碟盛裝，很豐富似的，有炒蛋，磨菇，沙律菜，香腸，牛角包，小蕃茄，bacon 很香濃，但眼看已經有很多油在碟上, 真係肥死，友人說炒蛋最好食。唔知有幾多個廚師煮食，但要等咁耐就真係冇下次

公司考試考到氣咳😵難得放下假一於陪下女友黎呢度Hi個Tea食個全日早餐😆香港郵意位於尖沙咀首都廣場喺尖沙咀站B2出口沿金馬倫道行過黎都算方便適逢撞正餐廳借場搞市集🎪除左悠閒Hi Tea之餘☕️亦增添唔少文青氣氛☺️📖呢間「郵意」以顧客自律為本點完餐會有提示器提醒拎餐食完亦要記得將食完既碗碟放返喺收集處度啦☺️我地最後叫左全日早餐同埋班尼迪克蛋😋🍳全日早餐份量十足😆法蘭克福腸夠哂大條同煙肉一樣煎得剛剛好唔會話太乾身影響口感新鮮焗起既牛角包外酥內軟十分香炒蛋食落夠滑之餘亦有啲鹽香沙律配酸甜沙律汁亦好開胃班尼迪克蛋我的最愛😍英式鬆餅配上焗脆既薄煙肉同芝士太陽蛋係絕配！而且配上煙三文魚亦稱得上足料而同樣地沙律配酸甜沙律汁夠哂開胃

記得有次週末偶然經過首都商場發現有週末限定市集，入面有好多唔同嘅小手作攤檔，充滿文青氣息。早排又咁啱係openrice見到原來市集嘅位置就係呢間以郵遞做主題嘅文青cafe入面，於是就約了係附近返工嘅朋友來食晚飯。餐廳無特別間隔一個舖位出來，所以感覺好開揚，一入到餐廳就見到滿佈postcard嘅牆身同落地嘅大黑板，我同朋友忍唔住兜下圈周圍參觀一輪，先再揀了係tatami範圍坐到地下嘅坐墊上。餐廳採用自助點餐，我同朋友叫了個蜜桃巴拿馬煙肉水牛芝士沙律同all day breakfast share食。沙律菜十分新鮮爽脆，另外仲配有好多粒鮮甜多汁嘅車厘茄，淋上酸甜嘅黑醋額外清新開胃。煙肉嘅選材亦都不錯，不會太油又有鹹鮮味，最鍾意嘅都係夾係中間嘅一層水牛芝士，同煙肉永遠係絕配！另外嘅all day breakfast賣相吸引，份量亦十足，分別有齊腸仔、煙肉、炒野菌、炒蛋、沙律及牛角包。整體嘅用料都不錯，大量嘅沙律菜抵消了肉嘅油膩，牛角包偏硬而不油。飲品方面，餐廳嘅選擇眾多，我同朋友分別叫了杯baileys chocolate及coffee frape，邊飲邊寫意地坐係地上暢談大滿足！

成日同朋友去尖沙咀行街真係冇諗過尖沙咀會有地方可以咁舒服感覺好休閒嘅地方.......（香港郵意）位於尖沙咀大型商場入邊地方很寬敞很舒服喺度放空一流👍🏻Carbonara 意粉勁多忌廉邪惡意大利粉炒得非常好煙韌適中👍🏻Egg Benedict 材料非常新鮮，muffin上面有溫泉蛋再上邊口口嘅煙熏嘅三文魚片賣相非常之吸引🙊Raspberry 檸檬cheese cake中間酸酸地非常開胃好味😋牛油果沙冰唔甜牛油果味啱啱好我最喜歡❤️

如果唔係朋友介紹+ search openrice, 我都唔知呢度開咗間餐廳🤣🤣 由於我早到，所以慢慢係餐廳行過圈，揀一個舒適嘅座位😌 依度係一個幾大既open area, 我見大家除左食野，亦有人上網、做功課、傾project, 自成一角👨🏻‍💻同一般餐廳有啲唔同，呢度係自助形式，自己拎menu ，然後自己出去order同拎食物，食完野要自己執返餐具～餐牌係簡約嘅風格，食物種類唔算太多，我同朋友叫左個應該係最有特色嘅👉🏻帶子蘆筍海膽汁意粉！朋友話要試下🤪🤪之後，仲要左個egg benedict 🙂本身店員話要等半個鐘，但好彩最後都唔算太耐～意粉睇落唔算大碟，但帶子大大粒，好有滿足感😌 海膽汁真係有海膽味hahaha, 幾好味🤪 我同朋友好快就把它KO😆 Egg benedict都有水準，我最中意就係d蛋汁流出黎果下🤣🤣 配合埋煙三文魚，真係無得輸🌟我地最滿意依度既環境，好有空間感，食完野可以傾下計 唔會有人趕你走😌 之後仲可以周圍行下 睇下d寄賣product/明信片😬

今次同朋友黎到尖沙咀香港郵意📮環境裝修都唔錯，但令人失望係食物同服務態度。我地叫左個卡邦尼意粉，好鹹，完全冇卡邦尼意粉應有嘅味道，對於一個喜愛卡邦尼意粉嘅我，食左幾啖就放棄。而店員服務態度唔友善同冇禮貌，問多一兩條問題就語氣唔耐煩，大感失望。叫左杯鮮牛奶🥛，飲料上正正常常。整體黎講，價錢還合理，同朋友坐嘅地方被安排係店鋪出面嘅位，坐得不太舒服。食物就真的不再評論。餐廳環境都幾有特色 符合店鋪名—郵意

尖沙咀呢個人煙稠密嘅地方，想搵個地方可以Hea長時間同朋友傾吓計一啲都唔容易，俾肥妹仔我發現近加連威老道嘅首都廣場，2樓嗰層開咗間cafe!一上到去見到地方好大，好寬敞，有大量座位~佢地理位置方便，好適合行街行到攰上嚟唞一唞，又或者約朋友唻傾下計，甚至乎肥妹仔我覺得個環境可以適合傾下project都得添!依度冇限時離座。餐廳設計左一個角落係和風日本式榻榻米座位，坐喺依個area食野感覺上更加悠閑寫意啦！呢間Cafe叫香港郵意，配合返佢Cafe嘅主題，另一個角落有提供post card 寄出服務，啲poster都幾潮㗎~龍蝦肉蕃茄醬意粉 $98呢個意粉既蕃茄醬蕃茄味濃，但 又唔會太酸 ，剛到好處!!!每條意粉都沾上了蕃茄醬，意粉煮得剛剛好，係肥妹仔鐘意既口感!意粉入邊有滿滿嘅龍蝦肉，每一口都非常滋味同豐富 ，不錯!拿鐵咖啡 $38咖啡上面有一層奶泡，好滑，咖啡味都幾出，飲落都幾順口，不錯!!Egg benedict $128沙律菜超級新鮮，蛋嘅溫度剛好，金黃嘅蛋漿慢慢流出，同下低軟林林嘅包非常之夾!Parma ham 同smoke salmon唔會好咸，一啖muffin一啖ham同sal

之前一直想試呢間cafe,難得佢由灣仔搬左去尖沙咀，星期五晚約埋朋友一齊去試。店鋪裝修走民青風，亦配合郵意主題，到處貼滿postcard,我同朋友當然唔會放過打卡嘅機會。餐廳以自助形式運作，大家叫完野食野飲就可以隨便揀位坐，店員會俾一個電子提示器，有得攞就會響。座位方面亦有不同選擇，包括普通嘅位或地下sofa。餐廳最低消費係每人一杯飲品，我同朋友叫左曖昧（strawberry and blueberry yogurt smoothie)、伊甸園（apple and mango yogurt smoothie)、咖啡。至於食物就叫左卡邦尼意粉、白酒辣蒜蛤蜊意粉、煙三文魚火箭菜薄餅，甜品就分別有豆腐蜂蜜芝士蛋糕同檸檬威士忌糖漬凍餅。首先有得攞嘅係飲品同意粉，cafe飲品嘅質素好重要，兩杯smoothie顏色吸引，可惜味道偏淡，但飲得出係用希臘yogurt整，適合想飲無糖飲品嘅朋友。至於友人嘅咖啡拉花圖案係心形，味道唔錯，cafe黎講算不過不失。至於意粉就好一般，分量少而且調味麻麻地，唔知係未放耐左，感覺仲有d凍。之後試嘅係煙三文魚火箭菜薄餅，pizza攞到返位仲係熱辣辣，焗嘅時間掌握得好，

約左閨蜜放工聚一聚，揀左係最中間點。閨蜜要求想搵間靜靜地又唔好太嘈又唔迫又坐得耐既地方，要求多多，係甘旺既區真係好難搵。但幾經辛苦下搵到呢間筍熱點電子menu，可以一次過睇哂，就好似跟住個step甘！餐廳主題以明信片為主，好有心思，又有台灣風味！仲有好多以香港為主題既明信片，可以吸引遊客，當然我都買左張至愛既魚蛋燒賣做紀念！周圍都有明信片牆，可見店主真係花盡心思牛油果香草包配乳酪沙律（$68），新鮮沙律菜，仲有火箭菜，熱辣辣既香草包配以parma ham加牛油果，出奇地夾，再加埋yogurt，一d都heavy！黑松露汁雜菌意粉（$68），大量既雜箘炒洋蔥，非常香！醬汁好creamy再加埋芝士碎！不過黑松露先係主角呀卡邦尼意粉（$58），再黎重口味芝士推介！有煙肉、洋蔥、磨菇同火腿，口感非常豐富！瞹味（$58）草莓藍苺乳酪沙冰，店內有不同飲品係以生果配乳酪，好健康既選擇！好多berry同berry，超大滿足！搵到合哂心水既餐廳，閨蜜對地方同食物都表示非常滿意！下次再來多round

Lunch點了個菠菜菇菇意粉，$58冇嘢飲，但見環境ok心諗總好過食茶記，點知竟然充滿驚喜！😵 食食下食咗個硬硬地唔知咩嘅嘢，一睇原來係兩亳子一個！！！真係夠曬鐵質！忍唔住同番取食物嘅妹妹告知真相，佢個樣話我知佢都好震驚，同我一樣！😑總結食物質素其實還可以，但比較咸，明顯好勁味精，食完口渴咗成個下晝！不過經歷亳子事件打死我都唔會再幫襯！另外想反映收錢妹妹叫客人食完嘢要自行清潔交還餐具但講嘢好似含住舊核，聽死人咩！建議係收檯整個牌寫清楚仲好！註:本人懷孕中，希望lam咗啖兩亳子唔會對阿B有咩影響！

星期日的下午和朋友在尖沙咀逛街後想找個地方食點東西喝杯飲品或咖啡好好歇腳一下但又不想去連鎖咖啡店怕人山人海、又嘈雜、又多遊客忽然想起前一陣誤打誤撞之下發現了這家文青「郵意」有地座、又餐桌座、地方大、多大學生、不嘈吵、食物飲品價錢合理、無加一實在是我們當時的不二之選。最低消費一杯飲品。Walk-in的客人要自己找座位，不然就請早預訂。到櫃枱下單，然後便可以拿著電子通知器回座位等待，吃完後自助收拾餐具。《All day Breakfast $88》有粗身的德國腸、沙律菜、炒蛋、煎煙肉、牛角包和炒菇。份量比一般的看起來更足實在可以兩人分晚上不包餐飲所以散點了兩杯凍飲《暖昧 $58》是士多啤梨藍莓乳酪奶昔質感和味道都很自然沒有加奶精打成甜度亦屬微甜而已邪惡感低。《凍摩卡 $42》餐廳特別有一處是製作咖啡相信咖啡應該值得一試果然沒有失望質感夠綿和細滑咖啡味、奶味和甜味都很平均適中不錯。《紅桑子檸檬撻 $42》芝士質感濃厚幼滑檸檬和紅桑子都帶微酸平衡整體的甜。餐廳內還有一角的小店和明信片擺賣明信片的設計令人回心微笑港式地道的文化加添了親切感。

🍴All day Breakfast$88材料好豐富，有德國豬肉腸、牛角包、番茄、生菜、煙肉、蘑菇及炒蛋！❤️特別鍾意佢用上牛角包而不是多士😁因為個人私心比較鍾意食牛角包😝而蘑菇及炒蛋都炒得好好，好好味~🍝龍蝦肉番茄醬意粉$98龍蝦肉加上番茄醬， 意粉好香濃惹味，但用上紙盒上就有點不環保🙈💜曖昧$58個名咁曖昧，其實佢係士多啤梨藍莓乳酪奶昔，藍莓味就比較出，味道似係走無添加路線，所以飲落不太甜，是比較天然的味道~⭐️P.S.店內仲有不少精品手作寄賣，食完嘢仲可以去行下添，仲俾我發現有好多兔兔🐰精品同明信片賣，全部都好得意呢😍😍