我等到過左半個鐘先去攞, 去到同佢講話攞外賣, 佢就指住櫃面一盒同一杯飲品, 我話外賣係可以比個袋黎裝住, 佢就掛住搞緊一個甜品然後就好大聲話"等陣", 我當刻即時嬲左話"其實你呢個外賣已經係超過半個鐘時間", 當時有4,5個職員(明顯全部係樓面兼任食物製作), 下午三點半得兩枱客同一份外賣, 我唔明白點解預鬆40分鐘都未足夠佢將外賣準備同裝好袋先做其他野?? 要等個客到埋都仲要"等陣"? 仲要連一句"唔好意思, 要你等咁耐"都無??? 然後其中一個男仔想平息件事就即刻將的野入袋, 但係係無裝埋飲管連餐具, 又算係咩服務? 百幾蚊消費我只要求預鬆左時間就去到已經可以即時攞走同外賣齊外賣既配套, 都真係咁難?
餐廳本身食物質素係ok既, 但問題係配以如此服務質素既員工, 又如何叫人再幫襯?
