香港郵意 (已結業)

和家人午膳。這家店不是全素食，但有素食餐單，餐廳設計簡約，採用自助快餐形式，點餐後，待點餐機器響了，再自取，餐後把餐具放回收站。我們點了兩個餐，Vegetarian all day breakfast 同黑松露意粉，all day breakfast 好豐富！另外如需餐飲可加$10（下單時告知），加2杯咖啡。素全日早餐Vegetarian all day breakfast 黑松露汁雜菌意粉Truffle M ushroom spaghettLatte

本人於8月30號和一眾舊同事在香港郵意聚餐，本上想有一個輕鬆愉快的晚上，卻有由付款後開始了一個惡夢… 等了一個半小時食物都依然未齊，我和朋友還笑說我們在食法國餐嗎？ 最終驚動了看似是老闆因為在 視頻上看見他接觸過訪問發現我們還差三個主食 ，他過來了解，卻沒有一絲唔好意思，只係說排單有問題...五分鐘內搞掂...結果係我在counter企多了十多分鐘後才有得拎野食。飲品特別是凍飲，沒有味道的淡而無味，另外意粉非常有油膩，唯獨是個全日早餐還好，味道份量都不錯，特別是牛角包。運作混亂到一個點...其實人手唔係唔夠，只係唔曉分工和每張單的先後。一啲好簡單嘅單，都唔會處理先，只會牢固地按單的次序去做，正如一出心太軟，三個人全部都只係弄心太軟，但我張單只係要三件餅，需時都不用兩分鐘就可以畀我拎走不用企係counter到等，阻住其他人...結果又要等咗三個多字，才攞到三件唔洗弄只需切出來的餅。除非你有好多的時間、唔係好肚餓、唔係繁忙時段，否則就真係唔好去呢間嘢到等食啦。 唔好中伏。p.s. 明明我就用openrice訂位，花了3小時食埋晚餐，但香港郵意係系統竟然話「定位已取消」，真係耐人尋味。 唔通

喺尖沙咀行街行到好攰，俾我搵到個好地方！餐廳佔地非常大，有好多坐位，有榻榻米、有長椅，環境好有文青feel，亦令人坐得好舒服，好難得尖沙咀有咁大地方。<檸檬威士忌糖漬凍餅>充滿青檸酸味，好refreshing呀❣️食多件都仲得。<黑松露汁雜菌意粉> $68意粉份量好多，汁好creamy，亦好多雜菌，如果多d黑松露更好。<牛油果香草包配乳酪沙律> $68無諗過有咁多沙律菜，黑醋汁甜甜酸酸好正好開胃。香草包亦好足料，入面好多牛油果架，蕃茄好厚肉，仲有yogurt加細個時好中意食嘅粟米片，好豐富。❣️<鮮奶抹茶> <黑糖牛奶> 各$48 餐廳好好hea，仲有好多好有特色嘅postcard，我地都買咗幾張！總括黎講，以後我又多一個可以慢慢Hea嘅好地方，食物價錢好合理，質素都唔錯！

近期火熱的cafe，相信唔可以唔提呢間幾千呎嘅cafe，位於店鋪零落嘅尖沙咀首都商場，如果無留意網上宣傳應該真係唔會搵到上黎，但上到黎真係一個自在小天地，亦可能因為商場大多鋪位尚未租出，令呢度未變成聚腳地，否則清新嘅木造空間、闊落環境及簡潔設計在在都符合左『文青選地』、『打卡cafe』等等嘅標籤。 🍞食物方面🍞【黑松露汁雜菌意粉】兩個意粉份量都算少，應該要預左食埋前菜加甜品。黑松露汁幾香，意粉係屬扁意粉，有啲濕，但可接受。【白酒辣蒜蛤蜊意粉】貴黑松露意粉廿蚊，但份量一樣，食到嘅蛤蜊得幾隻，蒜味唔夠香，普通。🌿🌿🌿🌿🌿🌿🌿🌿🌿🌿【黑松露汁雜菌意粉】：$68⭐️⭐️⭐️【白酒辣蒜蛤蜊意粉】：$88⭐️⭐️⭐️環境：闊落、舒適，仲有旅遊書睇下⭐️⭐️⭐️⭐️  衛生：人客好自律，無員工抹檯但夠乾淨，自助清潔⭐️⭐️⭐️⭐️  服務：自助服務，基本上佢地淨係煮野食⭐️⭐️⭐️抵食：如果價錢係買個寧靜大空間做聚會都抵嘅⭐️⭐️⭐️⭐️

寫意優閒在郵意，首都廣場二樓開了一間坐得舒服，令你感覺好relax的餐廳，全自助式，到收銀處買餐，自己找坐位，吃完畢後，自己要好好手尾執回用餐後的東西，大家都好守規矩，很讚！星期六下午，相約友人到郵意，最低消費每人一杯飲品，我們目的是找個地方閒談小聚，這裡很適合呢！我點了一杯百利甜酒拿鐵，Baileys Latte $48， 咖啡味香濃，入口順滑，拉花靚！入口能嚐到百利甜酒的味道，奶的份量適中，不會過多令咖啡味無了，喜歡飲甜的咖啡而又不想飲普通的焦糖類可以考慮選擇百利甜酒，真的不錯！

今日約左朋友係尖沙咀，佢同我講話喺尖東有一間冇時限Cafe唔錯，所以我哋行到咁上下就上去食嘢✌🏻，一上到去見到大約有半層都係佢哋嘅，裝修好文青free,非常舒適，另外有一少部份的位置是榻榻米，真係三五知己黎呢一度可以坐足成日👍🏻，呢度係需要自己搵位同埋出去買嘢食嘅，服務員都幾好禮貌，1）卡邦尼意粉，佢哋係採用扁身意粉，味道濃郁，不過不失，2）水牛芝士巴拿馬火腿番茄醬薄餅，個餅底做得唔錯，脆卜卜👍🏻，而個番茄醬時酸酸甜甜好開胃👍🏻，3）咖啡沙冰，好香咖啡味，不太甜，4）芒果少女，其實即係士多啤梨加芒果嘅沙冰，因為冇加糖水，所以個士多啤梨味好出，其實依家係出邊食飯好多都有限時間，根本食完就要走，但呢一間餐廳因為冇限時間，所以確實係朋友聚會嘅好地方👍🏻，整體來講值得一試

諗住搵我地方hea hea 就黎到尖沙咀呢間劏房coffee shop. 可能因為太早黎 都無咩人。叫咗個all day breakfast 同咖啡。咖啡機好吵，因為樓層太擠迫。 野食到了，質素一般 偏油。咖啡都ok. 因為人手唔太夠，都係幾自助形式。不過燈光夠，係幾舒服同打卡嘅位置。以咁嘅價錢黎講，可謂不錯，

今次帶朋友去一間不限時的cafe - 香港郵意cafe，沒有加一，要自行找座位、點餐、取餐、收拾等。第一次試咖啡Latte $38, Cappuccino $38兩杯也有漂亮的拉花，而咖啡味相當濃郁，喜歡較苦的朋友好適合。龍蝦肉蕃茄意粉 $98橙紅的賣相，見到不少蕃茄肉，意粉上更撒上不少芝士碎。當中有不少龍蝦肉，扁意粉質感剛好，吸收了不少醬汁，開胃蕃茄味中有蒜香味，好好味。All day breakfast $88上次已經試過一次，好味到再encore有鬆脆牛角包、司華力腸、大粒可口蕃茄、炒蛋、雜菇、蕃茄、煙肉等。離開時發現8點半後有pancake放題，下次試下先。

早早就想去呢間餐廳食野了，因為環境好舒適，開放式，可以俾我獨個兒裝一裝文青！我承認係俾佢環境所吸引，哈哈點餐後，自己拎餐，用膳後自己收拾，好似番左去大學時期咁好令人懷念今日自己一個樣樣都想試試，所以叫太多了，食唔完不只這盤，還有意粉飲品伊甸園以蘋果同芒果為主的smoothie, 帶點沙粒的口感 是我喜愛的。甜度適中，所以唔覺唔覺就飲晒了頭盤：蜜桃巴拿馬煙肉水牛芝士沙律份量比我想像中多！！ 巴拿馬煙肉同水牛芝士的份量絕不手軟，基本上每一啖菜都可以陪到芝士或者Parma ham 。水牛芝士味道較淡，所以不會膩；Parma ham 帶一點點咸香，增加沙律的層次。水蜜桃好甜 醬汁以醋為主，食落酸酸甜甜。主菜白酒辣蒜蛤蜊意粉我鐘意佢滿滿的蒜香味！！辣勁不錯，有點刺激 但又不會辣得無法接受。蜆也有很多，煮得剛好，而且鮮甜！ 甜品豆腐蜂蜜芝士蛋糕上面真係有一舊蜂巢 正呀！ 加左豆腐的cheese cake冇咁heavy, 食落輕盈d值得一提呢度有好多香港特色的post cards, 仲有郵筒係隔離，即場寄出亦得！！難怪叫香港郵意啦呢度間唔中會有活動、市集好多元化。

和朋友逛街累了, 找了個地方落腳, 休息一下, 順便吃點東西。來首都多是買零食, 想不到有間佔地幾大的餐廳, 只需叫一杯飲品, 就可以hea一整天, 也有一些藝術節目, 適合文青來這聚集。我們晚上來到, 有不少座位是reserved, 剩下榻榻米座位, 我們發現坐了下去後, 桌子高度太高很難進食, 就遷移去正常的桌子。等了又等, 聊了又聊, 差不多半小時, 食物才製作好, 想吃快餐的朋友, 不了, 想來這裡hea的人才適合。龍蝦肉蕃茄醬意粉$98龍蝦肉細細粒, 酸酸甜甜的蕃茄醬汁, 加上芝士刨絲, 清新惹味的意粉。特別的是用紙摺成的碗盛載, 省了清洗工序, 也沒有用發泡膠的不環保, 可接受。牛油果香草包配乳酪沙律$68和想像中的有點不同, 原來牛油果是在香草包中, 另外再有些沙律菜, 乳酪沙律醬分開上, 沙律部分款式比較單調, 香草包則幾鬆軟, 牛油果有少少生, 不夠香。素全日早餐$98有薯蓉、沙律菜、炒蛋、茄子、車厘茄、牛角包、菇菌, 很豐盛的全日早餐, 車厘茄又大又甜又飽滿, 茄子煎香過, 薯蓉細滑, 炒蛋較清淡, 調味較輕, 牛角包感覺不是太油膩。這裡是全自助形式, 吃完記得自行

這裡的環境很適合三五知己，在午後每人點上一杯飲料，配上一塊蛋糕，就這樣聊天聊地的度過一個美好下午。哈哈哈哈，這是很文青的生活啦！像我這種一點都不文青的肥宅，在這種這麼舒適的環境，最喜歡點上一桌子食物，跟朋友一齊玩紙牌啦，什麼狼人殺矮人礦坑三國殺都是可以滴。說起環境，店家擺放了很多Postcard，還有一個可愛郵筒，座位旁邊的墻壁上也貼滿了postcard。選擇座位上，也是由君喜愛，有正正經經坐在凳子上的啦，也有用墊子坐在地板任性玩耍的，也有高腳凳做個高冷小朋友。而且很討喜的一點是，餐廳是開放式的，座位中間還穿插著一些小店，那些小店也很詩情畫意。這裡的所有東西都是自助的，只會在點菜的時候看到一個收銀小妹，在取食物的時候看到一個服務員小妹，都是比較可愛風，看著很是賞心悅目。我們有五個人，點了5杯飲料，2個全日早餐，1個沙拉，1個意粉，1個Pizza，最後埋單是710。摁。。這裡的食物選擇並不多，略覺得應該多一點小吃。紫色的是 曖昧 （我覺得還行，我朋友們覺得一般般，可能是應該沒有加糖），黃色的是 你啊你啊 （普通口感吧），後面有花的那杯是 若如初見， 外表很美，口味也是一般啦。還有一個飲料

朋友去完旅行拿手信畀我,想搵個可以坐得舒服,又坐得耐嘅地方,慢慢傾下偈,分享佢去旅行嘅趣事.Cafe地方真係好大,自助型式,入到去自己搵位,再自己出去order野食.以明信片為主題,其中有個位置仲貼滿明信片&放左好多旅遊書,真係一個傾偈好地方.隔離仲有間鋪頭買明信片添.全日早餐有沙律菜,蕃茄,菇,腸仔,煙肉,炒蛋&牛角包,份量十足,好豐富.牛角包好香牛油味,又鬆軟雞蛋炒得好滑.卡邦尼意粉,意粉軟硬度啱啱好,好creamy,仲有好多芝士碎.鮮奶抹茶,抹茶味好香,又唔會太甜.

琴日，我上網睇到呢間舖，佢話88蚊任食甜品三個鐘，跟住就同朋友去食。點知呢間舖頭D服務態度又差，又冇service，又冇冷氣差D焗死。雖然話冇service啫，但係佢竟然連水都唔供應一杯，點都要你買嘢飲囉。佢個menu D甜品已經夠少又細份，仲要等鬼死咁耐，除咗咁樣之外，佢連一杯可樂都要廿幾蚊呀！！我嗌咗幾個批，個個都係熱嘅唯獨佢講咩士多啤梨批就凍冰冰。佢個D心太軟有鬼死咁甜，簡直係甜到漏。D冬甩同muffin都還可接受。根本都唔抵食，下次唔好再去，唔值得。

今日下午去左尖沙咀拆gel甲，拆得黎男朋友都收工lu~咁因為我懶，所以就叫男朋友直接黎我拆甲嘅首都廣場搵我，既然佢都黎到就不如喺二樓食dinner啦~呢間香港郵意係採用先排隊叫野食，之後再搵自己心儀嘅位置坐低，當手上嘅電子取餐器響同震動時，就可以去前台取餐~男朋友叫嘅係全日早餐（$88）同煙三文魚香草包配乳酪沙律（$68）冇諗過佢份all day breakfast係咁足料大份:有炒蛋、煙肉、牛角包等......整體味道不俗，好抵食！男朋友order時冇諗過咁大份先叫多個香草包XD但亦都好驚訝佢個香草包咬落外面脆卜卜，入面好鬆軟，配埋煙三文魚就更正~我叫嘅係黑松露汁雜菌意粉（$68）香濃嘅黑松露汁加埋彈牙嘅意粉，very nice！飲品方面，我飲嘅係芒果少女（$58）而男朋友飲嘅係伊甸園（$58）香港郵意真係好好，因為呢到最低消費（一杯飲品）就可以無限時任坐，唔似有d cafe限時1.5小時就要走！自己一個黎放空又好，同三五知己吹水都好，都唔洗驚夠鐘要轉場XD

「香港郵意」由灣仔延伸到尖沙嘴區，地方相當寬敞， 這裡相當隨意客人先到收銀處自點食物， 再慢慢搵位，無論卡位、榻榻米、長枱任君選擇。 所以客人無需擔心搵唔到位 。 當電子通知器一響, 客人就可以取食物，流程也十分順暢。 別以以爲餐廳以軽食為主，我們點了 $88，   $128 還有甜品  $48這碟All day breakfast 份量之勁,  令人眼前一亮。炒蛋、 豬肉腸、 煎煙肉、 沙律、 牛角包、車尼茄 等。 製作夠認真， 有暖暖鬆脆牛角包、瘦版煙肉、 大量沙律菜、肉感豬肉腸 , 唯獨炒蛋唔係炒滑蛋令人有點失望。 整體味道也不俗，飽肚度無得輸 。 吃過令人撐肚的頭盤後， 接著電子通知器再響, 原來Salmon Pizza 都有得食材料有火箭菜、 煙三文魚、 茄膏、芝士等。餅底做得幾唔錯，夠薄、夠脆，好香口，吃得出的麵粉香。  餡料雖然用上大路野 ， 但茄醬味道調得恰到好處， 天然的酸味和甜味, 感覺十分討好，感覺亦相對地輕盈。Tiramisu 強差人意, 口感有點粗糙，咖啡味和酒味也欠奉。 這裡的食物一般份量超大，大家咪做大嘥鬼。