香港郵意 (已結業)

同朋友約去旅行都約左幾年 呢幾個禮拜終買機票成行 由於距離出發時間唔遠 所以第一件事就係約出黎傾行程跟我團友行 上左黎今晚食飯既呢間Cafe一上到黎 好多後生仔女拎埋電腦邊食一邊慢慢傾計 一問之下原來呢度係冇限時 俾你慢慢食 慢慢坐 輕鬆一下岩哂我地今既約出黎傾行程既人我地每人叫左個意粉野飲 非常滿意龍蝦肉醬蕃茄意粉 特別推介！ 食落醬汁唔太酸 酸酸甜甜 好好味落足配料去整既一個意粉 配合蒜 洋蔥 味道配合得好好龍蝦肉啖啖肉 大家可一試黑松露汁雜菌意粉如果唔喜愛太濃味既朋友就可以試下呢個非常creamy黑松露味道濃郁 cafe煮出黎 都有一定水準嫁飲品方面我同朋友分別叫左 鮮奶香芋 同埋 小清新 (Lemonade Soda)夏天黎一杯 Lemonade soda真係消暑解渴 好似我朋友咁想走文青唔線既 可以叫返杯鮮奶香芋 同Cafe樓面傾傾下先知原來遲d會推出 8點半後pancake放題 岩咩可能收工遲或者行完街想揾個地方食飯既我 遲d一定要試試

位於比較隱蔽既首都廣場2樓，睇openrice先知呢間咁多食評既餐廳。有成百幾個座位，而且仲有香港特色既postcard同郵筒可以寄信。Lunch時段頗清靜，適合黎傾心事既朋友仔。👯收銀姐姐又要收銀又要擺餐，一腳踢辛苦哂～最後等咗30分鐘就有得食啦～餐廳採用自助形式，自行拎餐，自行收拾餐具，係一個好好既習慣！！煙三文魚香草包配乳酪沙律 $68沙律醋同沙律好夾，好清新，睇落份量雖然唔多。可能沙律醋酸酸地既關係，乳酪無咩味道。煙三文魚包有驚喜！包包外脆內軟，配搭蕃茄、芝士、煙三文魚同菜既香草包，食落都幾飽。😋😋卡邦尼意粉 $58芝士十足既卡邦尼意粉，菇菇同洋蔥份量都幾夠，意粉配埋卡邦尼醬汁，幾有咬口，食完唔係幾夠喉添😝

一直都想搵到一間Cafe 可以唔使比人催交台，而家搵到啦！ 呢間香港郵意Cafe，估計應該係用旅行做主題吧，差唔多全層都被佢地包曬，任坐不限時！龍蝦肉茄汁意粉諗唔到幾十蚊都有啖啖肉嘅龍蝦、茄汁酸酸甜甜，好易入口，而且份量剛好，不會太多太小！菠菜白汁意粉喜歡食素的我，菠菜健康又鮮甜，加埋白汁的香滑忌廉味，算唔錯的味道！不過，晚餐就無套餐，飲品就要另點！我同朋友就揀啲熱飲，薑汁茶，非常足料，薑碎非常多，整杯薑茶非常香口！可以一算！

甜品放題唔一定要去酒店食，好似尖咀依間平平地又幾多款式就岩晒喇我地叫左心太軟，蘋果撻，杏桃撻，strawberry tart, raspberry tart, 朱古力鬆餅，鹽味焦糖鬆餅，朱古力冬甩。。。心太軟可以再熱少少，咁朱古力會更加流心，同埋好重朱古力味朱古力冬甩內外都有朱古力，好正，但佢係配冧酒提子雪糕，如果配fresh的雪糕應該會較好eg. sorbet至於鬆餅係一口size，焦糖有少少流心，但因為配埋朱古力，食落十份甜肉桂鬆餅好香肉桂味，但食落較似disneyland 睇4D噴出尼的味道杏桃撻同strawberry tart普通，但strawberry tart較酸raspberry tart比較酸整體都還可以 甜品味道賣相都唔錯

星期日的下午和朋友去完科學館，他帶我來到首都廣場2樓嘅”香港郵意”，這裏的環境裝潢設計好悠閒文青feel，驚喜的是這裡佔地非常大，有榻榻米、2、4、6人坐位等等，坐得都幾舒服。還有一個Post卡位有好多富香港本土文化特色的Postcard，寫完就可以放進旁邊嘅郵筒添。看看餐牌食物和飲品款式多樣，價錢非常合理，而且無加一服務費，最低消費一杯飲品，自己到櫃枱下單後，會有個電子通知器，響時取餐即可，用完餐後自助收拾餐具。Cappuccino $42餐廳有個專門製作咖啡嘅位置，相信咖啡應該值得一試，果然沒有失望，咖啡、奶味和甜味平均適中，很不錯。有機檸檬薑茶 $58有淡淡檸檬香，薑亦不會有辣感，飲落暖胃舒服，好適合女士飲用，仲可以添加熱水，好貼心。All day Breakfast $88當中有德國腸、沙律菜、炒蛋、煙肉、牛角包、磨菇，份量比一般的看起來更足，两人Share都不過分；德國腸脆身肉嫩味濃，牛角包鬆軟，沙律菜新鮮翠綠黑松露汁雜菌意粉 $68意粉軟硬適中，汁夠濃稠而不膩，富黑松露香，每條意粉掛汁。很喜歡“郵意”，這裡讓人放鬆，變成我常來打躉嘅餐廳。

有次有朋友話我知，呢到有間好文青既餐廳，我就即刻黎試下呢到環境好舒服，桌椅都以木色為主，旁邊仲有文青店可以行下，又有書睇，真係relax既好地方食物方面，主要有day breakfast, pasta, pizza 和salad 我地首先叫左個all day breakfast, 有腸仔，沙津，牛角包 croissant, 炒滑蛋，菇和煙肉牛角包同腸仔好巨型! 炒蛋都好滑，有牛乳香味，估唔到食個all day breakfast都食得飽飽之後就叫左個帶子蘆筍海膽汁意粉這個是炒意粉，每條意粉都吸哂海膽汁的精華，所以味道很香濃。加埋有三粒大大粒的帶子，好豐富呀最後叫埋杯blueberry and strawberry yogurt smoothie好新鮮，食到一粒粒水果，而且不會太甜，幾好飲

同朋友喺尖沙咀行街，行行吓又開始落大雨，所以就去咗附近嘅首都廣場避雨。當我地去到2樓嘅時候，見到差唔多有半層係做餐廳，好大！無論係地下定係枱凳，都係木色，感覺幾舒服，所以嗌咗兩個set慢慢坐低食。有唔少人喺度睇書，或者同三五知己喺度傾計，好chill！左手邊仲有得除鞋坐地下添我叫咗個蒜蓉白酒蜆炒意粉配香芋鮮奶；前者白酒味重，而且仲有好香口蒜蓉同辣椒，每條意粉都索哂味，正！而且每粒蜆都係鮮甜肥美🤤香芋味清香，配埋奶一齊飲好順口舒服😌朋友就叫咗蜂巢豆腐蛋糕配玫瑰茉莉花茶花茶好大壺😍有淡淡的豆腐香味，再配埋蜂巢食，甜度啱啱好，係一個唔錯嘅選擇雖然係自助，但我更鍾意呢種嘅自由😌走嘅時候見到呢個咖啡吧，有啲後悔冇帶咖啡飲

今晚想搵個地方慢慢坐，同朋友傾下計，於是就黎左唔限時任坐的Cafe。郵意地方好寬落，原木色嘅裝修，成個感覺好文青，好relax食物方面都係一般Cafe會有嘅食物，all day breakfast 、沙律、意粉、pizza 等等，不過質素比一般嘅樓上Cafe高，製作相當認真！我地要左煙三文魚沙律、All day breakfast 同Carbonara。個沙律份量好多，各種沙律菜新鮮爽脆，不過最正係啲蕃茄仔！蕃茄仔好新鮮飽滿，juicy又唔酸All day breakfast 好豐富而且營養均衡，有包有菜有肉！個牛角包烘到暖暖地又鬆軟，好食不過炒蛋就唔算超滑～～個Carbonara等得比較耐，不過反正坐得舒舒服服，等下都無所謂啦咪睇佢細細兜，其實好多意粉的！意粉撈埋忌廉汁同芝士一齊食好滋味最後仲叫左杯凍朱古力，落埋cream嘅凍朱好邪惡郵意時不時就會有活動，又有明信片賣，得閒可以去扮下文青hea下

叫左杯咖啡沙冰，Flat White, 抹茶沙冰。好L難飲  d咖啡係酸臭到難以置信 咖啡沙冰係難飲到飲兩啖就頂唔順  而且分離左兩層  等候時間超長  價錢唔平 只可以講連starbucks都好飲過佢十萬九千倍 咁你明有幾難飲啦？

放假係尖沙咀行到攰啦 就想搵個地方坐下Hea下休息下 呢間香港郵意真係好適合同朋友喺度聚會 慢慢享受下寧靜嘅時光鋪頭佔地面積大 有好多位 我哋可以自由選擇坐邊度都得 既有榻榻米又有普通凳 拎左位後再去櫃檯落單之後就要自己拎返食物去自己個位到 最後食完都要自己收拾返 好自助 好free 想坐幾耐就幾耐原來呢度平時都會有啲活動嘅呢度食物嘅選擇都唔少選擇 八點半後仲有pancake放題 不過我哋早得濟 就唯有食下其他嘢啦我哋兩個試咗兩款意粉一個係黑松露汁雜菌意粉 另一個係龍蝦肉番茄醬意粉望落雖然份量唔多 但食落真係好飽 而且醬汁都夠多不過可能因為呢度工作人員太少所以就用紙碟 而唔係餐碟估唔到呢度嘅飲品份量咁大 呢壺有機檸檬薑茶真係勁多 我哋坐咗好耐慢慢飲都飲唔曬 但係真係好好飲 檸檬同姜味都好出而且好夾 係好清新嘅薑茶味另外一杯叫伊甸園 個名好文青 但其實係Apple and mango yoghurt smoothie 飲落真係好真材實料 飲到真水果味 食到真蘋果肉 唔錯唔錯

上星期六與友人行經尖沙咀，睇完博物館諗住上去坐坐，飲杯野點知由落單到拎到杯飲需要30分鐘而我地已經不是叫咖啡，只是花茶與梳打水真的不明白為什麼需時咁耐而店員亦無任何表示,態度散漫

星期四晚上約了朋友見面，大家都忙，難得見面想要多聊一會，就找了個好坐的地方吃飯聊天。這間餐廳位於一個安靜的小商場，佈置都是走文青風，四周的裝飾都是些postcard、書籍、畫之類的。隔邊還有間文創精品小店，整體風格走文青cafe感覺。餐廳是自助形式的，自行入坐，點餐後等圓形"咇咇機"響，就自己出去取餐，等10-15分鐘就有得吃了~我和朋友二人叫了黑松露汁雜菌意粉、牛油果香草包配乳酪沙律和水牛芝士巴拿馬火腿番茄醬披薩。黑松露汁雜菌意粉很香濃，有黑松露和芝士香，味道很夠，雜菌很多，面的份量也不少。牛油果香草包配乳酪沙律，香草包外脆內軟，牛油果和芝士、蔬茶配搭的口感很好，和面包一起吃口感有層次，味道較清新。沙律的乳酪醬附上玉米片，還蠻合的，蔬菜爽口，不錯。水牛芝士巴拿馬火腿番茄醬披薩，量又是很足，餅底薄脆，蕃茄醬酸甜，水牛芝士大方給，每片上都有一大塊，配上火腿滋味十足。整體而言，這間餐廳的食物味道很好，分量頗足，我和朋友2人吃剩了半個薄餅，問店員拿了外帶盒子帶回家了。因為是自助式，服務方面沒甚麼特別好或差的。店的面積頗大，開放式空間的感覺，很適合大家聚會聊天!

有個 fd話喺網上見到想來試下，四個人 book左7點，雖然周末但人唔多，餐廳從落單到走人都係全自助形式，幾點走人都冇人理我地嗌左1個三文魚沙律、1個蜆肉蒜香意粉、1個黑松露雜菌意粉、1個 all day brefeast 加1壺茉莉玫瑰花茶，滿$350送1個窩夫因為自己喜辣，蜆肉意粉好滿意，意粉炒都乾身，好香好惹味；另一意粉勺黑松露都多，撈勻都幾好味All day breakfast 同一般冇咩分別，味道正常(都好難唔好食😂)三文魚沙律最特別佢有隻沙律菜，比較攻鼻(唔知咩菜)且難以入囗，本身佢俾太少沙律醬，叫佢狂加除左沙律醬，花茶都可以 refill，我地4個人 refill左4次，都抵返食完上甜品，本身滿懷期待，點知一食就覺得好怪，尤其個雪糕，冇朱古力味得甜味，雀x雪糕仲好食！見呢間餐廳夜晚有甜品放題，勸大家勿試

放工已經8點幾，又累又肚餓，隨便搵間嘢食吓啦。行到香港郵意，點咗個pizza和意粉，個pizza正常，意粉都ok. 叫咗兩杯飲品，偏淡。食物都係其次，全單合共三百四十幾，初時我都覺得合理。我在食飽離開時，已經出咗門口，有個男人叫返我哋轉頭，問我哋係唔係食完，我話係。個男人態度好差咁同我哋講，『食完嘅餐具要自己執，我哋無人手同你哋執』。本人覺得，我哋已經自己排隊買嘢食，自己攞餐，仲要自己執枱。咁嘅價錢，咁嘅態度，我完全接受唔到。

同fd係尖沙咀搵間可以坐得耐啲嘅餐廳傾吓計、聚下舊。見到餐廳原來係開放式，以自助形式買嘢食同埋搵位。心諗佢嘅嘢食應該同樓上Cafe差唔多，起初唔抱太大嘅希望，只求有個位坐下傾吓計。我哋叫咗煙三文魚白汁意粉同黑松露汁雜菌意粉。意粉煮得啱啱好，係偏向有少少硬嘅程度。而醬汁嘅濃稠度亦都調校得非常之好，醬汁可以充分咁樣掛上意粉到，但未道唔會太「漏」。嘢飲嘅價錢都偏貴，所以選擇咗轉場買野飲。希望下次坐得再耐啲嘅時候可以試吓啦。