香港郵意 (已結業)

作為一個尖沙咀地膽，真係睇住首都廣場既變化~ 自從近年有業主合併多間舖位租出，呢度人流也相繼提升，今年仲開左香港郵意cafe， 每次經過都有好香嘅咖啡味~呢度係自助形式，無限時，仲有小田園氣息~最啱就係放工黎hea吓，抖吓~每一個角落都有唔同特色，有售賣postcard，可以放郵筒寄出! 去cafe當然要點份All Day Breakfast。大大個鬆脆牛角包、炒蛋、沙律菜、腸、煙肉、菇同埋蕃茄仔，都幾大份~松露汁雜菌意粉見用紙兜裝住以為分量唔係好多 點知食落都好飽 用上扁意粉軟硬度剛好，好香既松露味道，不過整體略咸。煙三文魚香草包配乳酪沙律呢個幾fresh~香草包鬆軟，加埋芝士煙三文魚沙律菜，口感清新得黎仲有煙三文魚既煙燻香味!用餐過後，大家都好自律清理好檯面，仲分好廚餘、垃圾，好讓下一位客人用餐

雜誌介紹呢間位於尖沙咀黃金地段嘅cafe，主題係郵寄明信片，主題有趣之餘最令我印象深刻係，一上到Cafe，發現非常之寬敞，全間條飛用五目為主題，而且有大量位置，可以俾你喺度打書釘，睇書同朋友傾計，好好享受一個晚上或者假期。食物方面，佢哋嘅質素唔錯，先喺門口點想吃食物，佢哋款式幾多，有一個電子韓版俾你去選擇，叫完食物，佢會比一個通報儀器，當食物可以的時候就會叫你去拎，雖然沒有侍應，反而有一種舒適被打擾的感覺！我哋叫咗一個Pizza，裏面有巴拿馬火腿及火箭菜，我一向喜歡這個配搭，佢哋嘅醬料選擇得非常好，係偏酸嘅番茄醬，食落好開胃，值得一題係佢嘅Pizza皮很脆！之後我哋叫咗個硯肉意粉，雖然一早知道佢係辣嘅，但都係比想像中辣少少，但出奇嘅嘢味，非常之香！喜愛煙三文魚嘅大家，一定要試吓呢個煙三文魚沙律，一盒細細的沙律擁有超過10片好厚嘅三文魚，加上特別嘅醬汁，非常精彩，賣相更加出眾！

叫左四樣野食一個意粉三個甜品，無一倖免。先講意粉，非常唔好食，調味亂七八糟，無蜆既甜味正宗比錢買難受，啲蜆熟到縮到好細，價錢又貴。兩個窩夫個味道既配搭非常怪，賣相又唔好睇，打卡都無興趣。

行過尖咀周圍都係人，呢個場老實就比較少人行，又見呢度幾舒服幾得意，好多postcard都好特別，就膽粗粗試一次啦～一行3人有兩個揀咗all day breakfast, 牛角包好鬆脆香口，豬肉腸亦好壯觀，沙律菜亦係條條靚菜，加埋煙肉同大大塊煙三文魚，等都幾有誠意㗎~我就叫咗班尼廸蛋，煙三文魚好大塊，亦夠新鮮，唔會有啲古怪腥味，係值佢賣呢個價錢嘅起初唔知原來份量咁足，仲叫多咗個煙三文魚沙律，啲車厘茄堅甜無腥味，三文魚亦好豐盛，即時覺得自己充滿咗omega 3呀～見到呢個蜜糖豆腐芝士餅，就好想試吓，真係值得一試!豆腐味濃郁而且口感實在，抵讚!

來找個地方同朋友聚聚聊聊天，想起之前到過的香港郵意，這裏全自助，可以無限時任坐，不失為一個好hea點。周末設置了手作市集，人流多了坐位比較緊張，好好彩地有一張大枱走，有位坐就快快落單先。有機檸檬薑茶（$58）自己點了熱茶，一大壺上好抵飲。內裏是薑片同檸檬葉，香氣十足，薑味的辛辣正好驅驅寒氣，飲後好舒服。喝罷要求店員添加滾水再泡一壺，味道仲係好濃郁，第二壺薑味很強烈，哈哈。煙三文魚火箭菜薄餅（$128）食物選擇不多，要了薄餅方便share，即點即焗大概15分鐘左右有得食。味道雖然及不上大餐廳，但小店誠意可加，亦很足料，收貨有餘了。朱古力心太軟配雪糕（$68）意猶未盡又點了甜品，同是即點即焗的，上枱時熱辣辣。心太軟很流心，朱古力味濃，好味噃。雪糕是曲奇口味，不過不失啦。約晚上八時半左右要還枱，因有甜品放題，有興趣試試呢。

同朋友喺尖沙咀行街行到攰，過馬路時見到大大個餐廳名牌，就上去睇吓。估唔到呢間cafe喺利用半層商場嘅空間而建。由於太有空間感，我哋就揀張近出餐位嘅枱坐低。成間cafe都係自助式，點完餐自助取餐，食完自己執枱，無侍應招待，但環境出奇地整潔！仲有寄賣corner自助購物。食物方面，估唔到性價比高，價錢便宜，份量偏多，味道都唔錯！Oreo朱古力沙𣲙，朱古力味唔算重，味道不是太甜，合我心意！香芋latte，奶味香滑，飲落有淡淡芋頭味，淡紫色超靚！即打卡！只售$88的ADB，大份夾抵食，牛角包夠香軟，炒蛋夠滑，腸仔煙肉惹味，最開心係有好多蕃茄仔，超飽肚！香草汁菠菜雜菌意粉，咁大份只係$58，無論我點食都食唔晒！菠菜味濃加上芝士，色香味俱全！成間cafe又有嘢食又有嘢玩又有嘢買，真係坐一日都得！下次想試埋甜品buffet！

同朋友行街行到攰，又未夠鐘去睇戲，朋友諗起話香港郵意係尖沙咀都開左間分店，所以就走上去坐下，食個tea，順便打發下時間,最緊要係不限時,你想坐幾耐HEA幾耐都得。呢度地方闊落，有一個角落充滿本土文化特色，有唔少POSTCARD，仲可以寫完即時寄。以CAFÉ黎講，食物同飲品的選擇都多，無加一服務費，每人最低消費一杯飲品就得。自助形式去櫃枱買野食後，自己搵位坐，食物準備好時會有個ALARM提去拎野食，食完野就要有手尾D，幫手執返好D餐具。雖然話係TEA，但係陣間睇對戲果陣已經係晚飯時間，就順便當食埋DINNER，2個人叫左下面嘅野食︰1.All day breakfast $88份量好大，每樣食物都堆到差唔多滿瀉出隻碟。有香腸、炒蛋、炒菇、煙肉、牛角包、蕃茄仔同沙律菜。牛角包微暖，夠哂鬆脆。煙肉煎到香口，沙律菜有淋上黑醋，配搭得幾好，蕃茄仔同菇都有煎煮過，但係就係偏油，炒蛋油得黎都係有D”鞋”。2.Carbonara $68意粉個份量望落唔大，但係食落就知原來好大份。雖然佢係叫Carbonara，但就唔係Carbonara的汁，亦無蛋，用料偏多洋蔥，但面頭就有一埋芝士，佢地幫個意粉改返第2

星期日來這出名的香港郵意，預左多人，有市集及餐飲於一地的文青地， 當然要早早預訂一番啦！可惜因爲車程問題，原先訂了1300的，我見車有郁動，都有打去話遲15分鐘到... 可惜最後我係1330才到， 當然佢都無留位比我，我唯有抱住我的小朋友和親友一齊企係度等... 但基本上員工都只係話而家你係Walk-in客咁等啦你... 企左15分鐘比左個Bar枱位我... 兩張高椅一張扶手椅，但... 我坐Bar枱，比張扶手椅我做咩呢... 問過幾次，一係路過望下唔啋你、一係就話人多無哂高椅... 想點呀！ 我親友唯有企啦， 因為叫左野食無理由走由於係全自助關係，叫餐後，有這個出餐後就會震動， 叫你去拿食物，尚算方便。我們叫了兩個食物+兩樣飲品。我的全日早餐，看上去養眼，份量還可以，牛角包夠香口、沙律菜新鮮、蛋就淡口點，腸腸都好味， 唯一唔好就係...其實油都係幾多，見到碟油嘛...親友叫了卡邦尼意粉，估佢整法應該係炒香左個意粉，跟住卡邦尼醬加上火煺、蘑菇等煮好再倒落去意粉度... 確實， 個卡邦尼醬不夠，變左食蒜香炒意粉咁... 好食既，但對唔住個*卡邦尼*尼個名汔水就唔講啦，$28一罐，我親友

Lunch at this place. Very big place but quiet atmosphere as there re not much tables of people in weekday lunch, it is a quiet mall in Tst maybe that’s the reason why...I had a set lunch with black truffle mushroom spaghetti and my friend had a all day breakfast, both were tasty and full for us, we had latte and flat white just to add extra $10 to the set, for a reason like this is fair in the area. It is a nice choice if u enjoy quiet chats with coworkers or friends during weekdays

之前經過既時候，已經好想黎試下，今日有機會就黎左打書釘，基本上都係自助形式，樓面有好多位，好適合黎傾下project 睇下書，hea下咁，而價錢都好合理，嗌左個卡邦尼意粉同一杯latte.份量絕對夠食，唔洗擔心！

朋友想放工後輕鬆一下，就介紹他到這談談天，感受一下文青的氣息。白酒汁辣蒜蛤蜊意粉 ($88)一上枱已經聞到陣陣蒜香味，意粉伴隨著蒜蓉，香草同辣椒，食落好有口感。意粉軟硬度適中，質感很不錯。蛤蜊的份量比想像中多 (其實蛤蜊即是蜆肉)，而且食落很有鮮味，同意粉很搭。素全日早餐 ($98)由於上次上過All Day Breakfast後一試難忘， 再來當然還要試埋素的了。牛角包口感依舊很脆，咸咸的煙肉換上了茄子和菇，配合炒蛋和藍梅醬沙律感覺很清淡，又很健康。 你啊你啊 ($48)這次叫了你啊你啊，淡淡的梨味比蘋果味略重，依然幾清新的。波希米亞 ($48)原本想叫綠野仙蹤，可惜沒有牛油果，見波希米亞名字很特別就想試一下。果然，見到真身之後還是不知道有什麼成份，十分富有神秘感。想不到藍色的SODA竟然有荔枝的味道，加上陣陣嘅花香味，感覺非常清新而且解膩。PS 原來有免費香口膠吃，十分體貼。

甫一進來，就見到很大空間，留下了深刻印象，開在尖沙咀和尖東交界這旺區有較多餐廳，相信它的競爭實在不少！餐牌除了平時的紙張外，還有大大的電子版，加上相片吸引，又有不少食物款式選擇，的確令人很想光顧。餐廳原來選用先付後等取食物的形式點餐，在收銀處旁就見到有燕麥奶選擇，身為燕麥奶粉絲的我當然驚喜，飲品方面點了凍朱古力燕麥奶。另外，咖啡店有午餐供應，我最後點了兩款，龍蝦肉蕃茄醬意粉和卡邦尼意粉。先介紹龍蝦肉蕃茄醬意粉，看似普通，但亦有不少龍蝦肉，味道帶點酸。另外卡邦尼意粉都值得一試！至於凍朱古力燕麥奶，我認為比較淡味，可能店內咖啡會比較出色。但最值得一提的是咖啡店的環境很大很舒服，適合一個人靜靜工作之餘，又可以約三五知己坐耐一點傾訴。除了本地人外，遊客亦可購買有特式的香港名信片，$5一張，性價比高！

係鬧市中要搵個地方舒舒服服，又坐得耐真係唔容易。今次就搵到間入座不限時任坐既Cafe！同朋友黎hea一個下午絕對無難度😎Cafe用明信片做主題💌，佈置偏簡單及帶小清新風格，有少少植物做綠化🌿。環境好闊落，有分普通餐椅區同榻榻米區。特色牆身仲痴滿哂世界名地postcard，可以眼睛去旅行🌍除左有創意精品售賣區，仲有好多香港特色明信片寄賣，並有代寄服務📮。(本地 $2/亞洲 $4/國際 $6)。💡晚上8點30後，將有無限時甜品放題供應。詳情請向店內職員查詢。🍦🥧🍰🍮🍨🍧➖➖➖➖➖➖➖➖➖➖➖➖🔸豆腐蜂蜜芝士蛋糕 $58食落口感超鬆軟，就好似慕絲蛋糕夾住海綿蛋糕咁。味道變化豐富，入口先係清新既檸檬味，過幾秒係淡淡既豆腐味。蛋糕上有一舊仔硬身既蜂蜜𥖁，咬落好crunchy，有少少黏牙。壓開少少夾住蛋糕食，味道幾中和。🔸雲呢拿楓糖雪糕窩夫 $78份量超大，分到八大舊，每一舊上面都有厚厚既cream。配上雪呢拿雪糕，一冷一熱，鐘意既淋少少蜜糖係面，唔會咁dry。仲有少少燕麥脆脆係面個topping，不馬夫。🔸朱古力心太軟配曲奇雪糕 $68朱古力心太軟外部結實，內部軟綿綿，有少少流心。吃起來跟一般心

今日約左好耐無見既中同，想搵間可以坐耐d 又冇時間限制既餐廳坐下吹下水，就諗起之前睇到網上介紹既死城首都廣場裏面既香港郵意cafe, 之前朋友姊妹團都黎過傾野，貪佢地方大有位又坐得耐唔趕人走cafe 仲有好得意既明信片賣，同埋有間鋪頭賣精品有郵筒可以寄埋店內以自助形式落單，睇完menu 係counter 叫完俾錢自己拎，食完都要自己記得執野同朋友叫左個龍蝦肉蕃茄醬意粉，蟹肉算多又唔淋，仲有濃濃蕃茄味仲叫左煙三文魚火箭菜pizza, 好大個，個餅底幾脆，三文魚夠新鮮，不錯甜品本來叫士多啤梨雪糕窩夫，不過冇晒所以轉左抹茶紅豆，都唔錯，窩夫幾鬆脆飲品上次試左玫瑰花茶比較淡，今次就試下薰衣草茶，幾香濃，總係覺得去cafe 要嘆下花茶總括黎講，好滿足既一餐，食到好飽，價錢唔算貴，又可以同朋友聚下舊，係吹水好地方

香港郵意依間野係科學館附近，係首都廣場。依到超大🤩，好多位置，可以俾你點左野食先，之後再慢慢搵位坐，可以簡除鞋坐係榻榻米，但我地都係簡左坐係長枱，因為食飽個肚會好脹，所以都係簡坐得舒服一點😁✨本身諗住食all day breakfast 😋因為有牛角包食🤤🤤但最後俾佢個龍蝦肉蕃茄醬意粉吸引左。所以最後我地簡左白酒汁辣蒜蛤蜊意粉同埋龍蝦肉蕃茄醬意粉，而飲品就簡左小確幸同趣趣沙冰🍧🍧.佢地依度8點半後有pancake放題，仲要好抵，但我地6點幾就肚餓，唯有下次有機會再黎。🙁白酒汁辣蒜蛤蜊意粉，一拎到枱，好大陣蒜香既味道撲鼻而來😋，好香濃既蒜味😋😋麵條質感煮得岩岩好，會硬麵唔會太淋，加左蛤蝲同香草🌿，好夾隻味。龍蝦肉蕃茄醬意粉，依個真係好好食🤤✨✨龍蝦肉麵算多，足哂料👍🏻大大舊，配埋上濃濃既蕃茄汁，酸微微咁✨☺️相信大部分人都會中意依隻味，仲有香草同洋蔥調下味，簡直一流👍🏻😆.另外，我覺得小確幸好特別，因為佢係草莓🍓同香蕉🍌既混合，估唔到隻味又幾夾。甜甜酸酸咁，幾開胃同解渴👍🏻👍🏻脆脆沙冰就係oreo同朱古力混合，甜甜地😋總結而言，下次如果同朋友一齊會再黎過，依度可以點完野食坐成日都得～有時享