香港郵意 (已結業)

同fd係尖沙咀搵間可以坐得耐啲嘅餐廳傾吓計、聚下舊。見到餐廳原來係開放式，以自助形式買嘢食同埋搵位。心諗佢嘅嘢食應該同樓上Cafe差唔多，起初唔抱太大嘅希望，只求有個位坐下傾吓計。我哋叫咗煙三文魚白汁意粉同黑松露汁雜菌意粉。意粉煮得啱啱好，係偏向有少少硬嘅程度。而醬汁嘅濃稠度亦都調校得非常之好，醬汁可以充分咁樣掛上意粉到，但未道唔會太「漏」。嘢飲嘅價錢都偏貴，所以選擇咗轉場買野飲。希望下次坐得再耐啲嘅時候可以試吓啦。