香港達人 (宇晴匯) (已結業)

位於住宅商場裏面星期日 人流還好 都唔洗等位店鋪位都算多既叫左個午餐 海南雞飯 跟湯&茶飲老實講 味道真系麻麻地油飯唔似油飯 海南雞肉質粗糙整體都好一般 味道都偏淡下次都唔會再去了

本地大型連鎖經營的新派茶餐廳，分店在各區都有好幾間，傳統茶餐廳食物，分早、午餐，下午茶餐和晚市小菜。下午菜餐選擇都算多，除了一般茶餐如雞翼炸魚薯條，丁麵之外，還有焗飯或意粉，分量亦不少，焗飯等如晚餐量。沙爹牛肉公仔麵餐，都係正路茶餐，煮起個麵身恰到好處，最怕有些茶記煮個基本丁麵都唔合格，一係太淋、或係麵餅直頭未化開，所以哩間香港達人已合格。另外一個焗芝士咖哩雞扒飯，用正常焗飯盤，完全可以當早飯咁食，焗飯亦不用等太耐，但上枱都是熱騰騰的，一塊大雞扒和芝士薯仔，頂肚一流。

今天工作來到荔枝角，最近就是去宇晴軒商場食飯，但選擇不太多。Lunch 時間得一小時，最快當然是食快餐店。“香港達人”有好幾間分店，荔枝角這間是第一次來。羅宋湯有些少辣味，不錯餐包都算軟熟我的魚柳焗飯很大碟，飯很多吃不完，我喜歡上枱時熱辣辣的感覺，最怕東西不冷不熱今天天氣轉冷，要吃熱飯 平均$53一個餐，在這個貴價商場，算是合理吧！

偶然路過茘枝角宇晴匯商場，經過這間港式茶餐廳，見肚餓便入去醫肚，估不到茶餐廳都可以有甘好服務，店員服務態度很好，很有禮貌，不論客人的要求是甚麼，都好有禮貌回應及按客人要來提供服務，餐牌見到想食的意粉便柯打了干炒黑椒豬扒意及熱杞子茘枝蜜，意粉即叫即炒的，上枱熱騰騰黑椒香味，意粉軟硬適中爽口，口感也不錯，調味方面剛好，不太咸，而杯杞子荔枝蜜正適合這個秋天季節清潤一下喉嚨，埋單剛好$60圓正。估不到香港還有這些甘好的茶餐廳，藉得推介一下

今日下午接完仔仔放學到店惠顧，不料一坐下放在枱上的枱紙下竟是一灘焗飯的殘渣，證明之前冇抹枱就算，另外店內女經理的態度非常差，連店內著黑色T-shirts的男侍應服務態度還要比所謂的經理好！食品質量差，總知就係差、差、差！！！😡😡😡

區內既上班族應該對呢間餐廳唔會陌生.間唔中都會黎呢度食，兩年多了,只係一直冇寫食評.好適合一班同事.因為午餐價錢合理.味道，份量都好適中.座位都ok，唔算擠迫.每次食親呢間都諗起椰林閣，個menu 內容好相似.午餐menu 的話，會有餐包同餐湯，而餐湯有西式：羅宋 中式：會不時更新 飲過青紅蘿蔔個人鐘意中湯多d呢個黑椒炒烏冬幾有鑊氣，幾好食：$53.焗魚柳反而麻麻地...$53.質地比較淋身....IG: foodiebuddy18 .環境♥♥♥衛生♥♥♥人手♥♥♥♥可逗留時間 ♥♥♥食物質素♥♥♥♥禮貌♥♥♥選擇♥♥♥♥送菜速度♥♥♥♥座位數量♥♥♥♥攝影環境♥♥♥5♥為滿分Set D$53+ Set E$53

一個優閒既早上, 落樓下商場食個早餐, 其實四小龍呢度既食肆有好多好多!原本想吃通粉餐, 早餐有野濕濕口, 感覺易入口D, 但因為面餐只係單餸, 加一款要另收$3, 所以選了肉肉宴.先講講塊多士, 好脆, 充滿了牛油, 吾似其它茶餐廳只搽一小部份, 平時通常走飽, 今次食哂!!腸仔細了點,但脆皮腸好有咬口, 好脆, 皮亦是甜甜的!炒旦&火腿就沒什麼特別, 但勝在份量夠!!奶茶都好有茶&奶味, 只是不夠熱, 失色了!

今日下午約咗朋友喺碧海藍天會所嘅羽毛球場打羽毛球，打到身水身汗，消耗左好多卡路里。完咗之後就去咗附近嘅宇晴軒商場嘅香港達人餐廳嘆Tea。其實附近都有好多其他嘅食肆，但就覺得呢間環境唔錯座位舒適, 所以就揀咗呢間啦。坐底之後打開餐單，見到各項嘅價錢都係好便宜。朋友呢就叫咗豬扒包，豬扒米線，我自己呢就要咗海南雞米線。米線套餐會附送脆豬包同埋冷熱飲品。海南雞肉質鮮嫩，米線湯底清甜，豬扒好juicy好美味值得推介👍下次黎會試埋晚餐。

港式茶餐廳的特點是以本地的食材和烹調手法，融合西餐的經營方式，創造出別具一格和價格親民的香港特色西餐。時至今日，香港基層消費能力和對食物質素要求提高，很多港式茶餐廳順應市場而融合西餐派場轉型為高格調的餐廳，除了一如以往的大大份餐以外，還加入了不少茶餐廳元素作招徠以吸引不同的顧客。「香港達人HK Diner」正正就是主打新型港式西餐廳的西餐與茶餐的共融。餐廳提供多款不同的茶餐、扒餐、炒飯炒麵、小菜、叻沙湯粉麵等一應俱全。 「香港達人」是香港椰林閣集團創辦的品牌，以茶餐廳形式做藍本，提供本地最深入民心的茶餐廳經典菜式。這家開在有九龍四小龍之稱的私人屋苑商場內，隔鄰就是以燒味著稱的「太興」。附近幾個商場都有不少食店，包括拉麵、和民、麥當奴、大快活、大家樂、pizza hut、魚米家、翠河等。餐廳地方環境舒服乾淨，裝修以茶記來講算有格調。餐廳更在面向商場通道的一邊加設半開放式用餐區，感覺很有歐美路邊小店的風味。店內以卡座為主，所有餐具都放在餐桌的抽屜裡，由顧客自助，十分方便 餐廳更在面向商場通道的一邊加設半開放式用餐區，感覺很有歐美路邊小店的風味 午市套餐 奉送餐湯、餐

又放飯喇～～今日想食下扒，又唔想太貴，就去左食香港達人喇！其實我幾鍾意食呢類set lunch，有湯有餐包，因為覺得好滿足今日想食薯菜，所以揀左B。蒜香汁雞扒蜜糖腸！我揀左羅宋湯有少少辣，好開胃食埋個餐包真係幾滿足主菜黎喇！一開始我重以為蜜糖腸係細細條果d 喇！點知唔係！薯條重係扭紋果種不過如果如果係薯角既話就更加好啦主角雞扒唔會柴，啖啖肉，汁量都岩岩好，唔會太咸最後我又例牌叫左杯熱檸茶全場其實都幾多人叫呢個餐！

今日去到荔枝角食個晚飯諗住食個頹晚飯求其搵間茶記食下算啦咁去到宇晴匯都有幾間食店既咁見到呢間有個鐵板餐就入去試下佢啦66蚊一個鐵板餐其實都唔算叫咩優惠鐵板餐想知唔優惠賣緊幾多錢 係咪69蚊呢有個餐包餐湯個湯好酸下 好難入口同埋放咗好耐咁之後黎咗個鐵板餐仲難食過大家樂呀大佬靭到乜咁叫咗兩個一個五成一個七成但佢兩塊調轉咗個因為一個跟飯一個跟薯菜但扒整唔到幾多成就不如唔好比客揀幾成完全唔掂 66蚊一個優惠鐵板餐簡直不知所謂唯一都仲有優點冇人等位 

終於捱過了星期五去到星期六，節奏可以放慢一點，整個人都像慢半拍似的！一覺瞓到自然醒，下午茶時段先落去食lunch, 點了芝士咖喱雞扒飯，大約等10分鐘就有得食！咖喱飯賣相不錯，椰汁味香，比較像港式咖喱，不太辣、香料亦不會太濃味。雞扒冇骨，咬落啖啖肉。雞肉醃得入味，沒有雪藏味，肉質亦嫩滑。唯飯粒做得不太好，太過濕潤，有點像吃爛飯的感覺。點了杯菠蘿柚子蜜特飲，飲品賣相不錯，但味道一般。內裡有柚子蜜，亦有菠蘿糖水，好像是罐頭菠蘿移去菠蘿後剩下的罐頭糖水味！整體來說味道不錯，吃罷整個咖喱飯都不會覺得太膩滯！

一個人食晏，諗住食日本野，點知等X民等好耐，等到肚餓都仲未有位，頂唔住，所以走咗去睇吓仲有咩其他野食，經過見到呢間都幾多人係入面，就試試佢啦!由於一個人，安排咗我搭檯，點了焗椰香咖哩雞扒飯午餐配羅宋湯、餐飽、熱好立克。我成日覺得茶餐廳係香港精神，講求快、靚、正，呢間餐廳做到首件事-快! 落單唔夠3分鐘，全部到齊我檯面!對於正處於饑餓狀態嘅我，實在係佳音。至於靚方面，講真，快到咁就唔會靚得去邊啦，都算過得去。食物質素方面，羅宋湯比我預期好味，西芹、蘿蔔、蕃茄、菜、肉嘅材料都食到。個餐飽係西餐包，唔係熱嘅，不過唔熱仲好，我唔鐘意有d餐廳用微波爐整熱d包仲難食。個焗飯就一般啦，冇咩椰香，亦冇咖哩香，可能太淡啦，痴住焗兜嘅飯仲d飯焦添，可能一直焗住，所以飯同雞肉都比較乾，但都欣賞佢有加蛋在飯之間。總括黎講一般般啦，呢餐$52。

放lunch時間同女友黎左公司對面呢間餐廳，佢地餐廳燈光偏暗同黑色作為主題，起碼我覺得對返工一日望住電腦既同事放鬆下隻眼。坐左張二人枱，櫈幾舒服，同地方都好乾淨。 我地叫左兩個lunch set大概$50左右一個餐，有餐包，湯同熱飲包埋。主餐我就叫左肉燥雞扒飯，女友叫左個西班牙海鮮長通粉。最後加多個油菜$12蚊。首先上左個羅宋湯，個湯好足料同味道，羅白西芹薯仔洋蔥全部大大粒係湯碗度。然後到餐包，就一般般啦，起碼係夠熱同軟。個肉燥飯上到，個汁甜甜地幾好味，雞扒好脆同多肉汁唔錯既，可以再多啲汁用黎撈飯。個通粉蕃茄味重，酸酸甜甜，海鮮就偏細粒，啲粉有啲煮斷哂，可以再進步。

香港達人淨係聽個名好似好勁甘🙂，反正未食過就決定試試。座位方面多卡位，都坐得幾舒服✅。餐牌亦好多選擇，求其簡都簡到想食既餸，價錢中等。🥄中湯湯料都幾多，有青紅蘿蔔、粟米、南北杏，味道濃，都幾好飲，稍咸左d，似落左味精。🍴馬拉盞通菜牛肉 $68朋友本身十分鍾意食馬拉盞通菜，但呢碟菜連佢都話要比負評😅，鑊氣唔夠，重點係真係十分油！即使最後沖完水食，都係成嘴油🤢。令到牛肉都變得唔好食。🍴蕃茄煎黃花魚 $68蕃茄全生，黃花魚似炸而唔係煎，本身條魚全無味道，主要靠沾茄汁醬增添味道，唔咸唔淡，不過不失。