香港達人 (宇晴匯) (已結業)

終於捱過了星期五去到星期六，節奏可以放慢一點，整個人都像慢半拍似的！一覺瞓到自然醒，下午茶時段先落去食lunch, 點了芝士咖喱雞扒飯，大約等10分鐘就有得食！咖喱飯賣相不錯，椰汁味香，比較像港式咖喱，不太辣、香料亦不會太濃味。雞扒冇骨，咬落啖啖肉。雞肉醃得入味，沒有雪藏味，肉質亦嫩滑。唯飯粒做得不太好，太過濕潤，有點像吃爛飯的感覺。點了杯菠蘿柚子蜜特飲，飲品賣相不錯，但味道一般。內裡有柚子蜜，亦有菠蘿糖水，好像是罐頭菠蘿移去菠蘿後剩下的罐頭糖水味！整體來說味道不錯，吃罷整個咖喱飯都不會覺得太膩滯！