香港達人 (宇晴匯) (已結業)

放lunch時間同女友黎左公司對面呢間餐廳，佢地餐廳燈光偏暗同黑色作為主題，起碼我覺得對返工一日望住電腦既同事放鬆下隻眼。坐左張二人枱，櫈幾舒服，同地方都好乾淨。 我地叫左兩個lunch set大概$50左右一個餐，有餐包，湯同熱飲包埋。主餐我就叫左肉燥雞扒飯，女友叫左個西班牙海鮮長通粉。最後加多個油菜$12蚊。首先上左個羅宋湯，個湯好足料同味道，羅白西芹薯仔洋蔥全部大大粒係湯碗度。然後到餐包，就一般般啦，起碼係夠熱同軟。個肉燥飯上到，個汁甜甜地幾好味，雞扒好脆同多肉汁唔錯既，可以再多啲汁用黎撈飯。個通粉蕃茄味重，酸酸甜甜，海鮮就偏細粒，啲粉有啲煮斷哂，可以再進步。